Osia 9:15 - Yálá laawoo hɛɓɛ (dc)

¹⁵ Di kwəi kili ɲɔ̨nwɔ̨ɔ̨ tii ə too pɔ̨nɔ̨ ɲą Gilgalə: Nąą ɓə di wɛli ə kpɛɛ laa mą́ą́; Di kɛ mɛ̨nįɠaa ɲɔ̨nwɔ̨ pələ, gáá pai di kpɛi ɲə́i bɛlɛ́n, di wɛli hva kɛa too mą́ą́, di ɲɛ̨itɔwɔ nuą kəlee kaa a kulɔ nwoo mu nuą.

Yálá laawoo hɛɓɛ

¹⁵ Di kwəi kili ɲɔ̨nwɔ̨ɔ̨ tii ə too pɔ̨nɔ̨ ɲą Gilgalə: Nąą ɓə di wɛli ə kpɛɛ laa mą́ą́; Di kɛ mɛ̨nįɠaa ɲɔ̨nwɔ̨ pələ, gáá pai di kpɛi ɲə́i bɛlɛ́n, di wɛli hva kɛa too mą́ą́, di ɲɛ̨itɔwɔ nuą kəlee kaa a kulɔ nwoo mu nuą.

Bible

¹⁵ Yâwɛɛ è mò ǹyɛɛi, “Dísɔnyɔ̂ŋ-ŋai kélee kɔ́ɔ è pìlaŋ Geega taa-leei su. Ǹaa ƃé ŋá kpɔara kɔ́ɔ pìlaŋ naa dîa. Díŋwana-lɔ̂ɔ tua-ŋai mɛni ma, ŋa pâi díkpɛ̂i ŋápɛrɛi mu. Fé pâi díwɛ̂lii ŋɔ́nɔ. Díkâloŋ-ŋai kélee da tɔɔ ḿâ.

Osia 9:15 ပူးပေါင်းရင်းမြစ်များ

Mąątɛ̨nɛ̨ 78:60

Mąąwiɛ pɛlɛ́i kɛ Silo, ə kulɔ mu, a bɛlɛ́i tii ə dɔɔ nu kanŋaa lɔwai.

Azaya 1:23

Ə́ nwun nąmįną daa di pulu tɔɔ mą́ą́, da nwuɔ̨ kuláaɠaa daa di yee pili gee hu, di kəlee, nɔgwəi hɛn mə nwɛli kaa diɛ, di hvilɛn ŋąą nɔgwəi hɛn gɔw pulu diɛ gwɛli, di hva mɛ̨nį haŋąą kɛ a təlilon, kalanin a mąą kanąn naa həli diɛ, diɛ di yee lɔ di wəlii.

Ɉeremi 11:15

Lə ɓə nííɓa lonnii kaa pai gwɛlii ɲə́i bɛlɛ́n? Gbili pɛlɛ di koo kpala, wee heɛ di nɛn ɲa! Gaa kaa ka kwəi, wooi ka gwɛlɛ mą́ą́, da ɉaláá huwɔɠaa, di kaa pai mɛ̨nį ŋąą nwąnąą həɠəi ka wəli pulu? Gaa ka kwəi bələ ɓə ka pɛli kulɔi la ɲə́i?

Ɉeremi 12:8

Hvó gaai! Gwɛ́lin nɔi aa kɛ kɛa ɲə́i yɛ yala hilɛ; yɛ huluun mɛ̨́i! Yili ɓa, nwɛli hvo kɛa mą́ą́.

Ɉeremi 15:1

Yai-Laa yɛ mą́ą́: Ə mą kɛ Moisə da Samuɛlə daa tɔɔ nííla, nwɔ́ kiliŋąhiɛ hva kɛa hvilɛn nuą ŋɛ̨i diɛ a nɛlɛɛ. Ka di kpɛ di həɠə nííla, də li!

Ɉeremi 3:8

Ɉuda ɲɛ̨i heɛ kɛ mą́ą́, Israɛlə ŋɛ̨i aa nwóó lɛɛ, gɛ́, kuɔ hilɛtaai taɠa towələ tɛɛ bɔ, gɛ gbɛ, yɛ nąą kaa. Ɉuda yii gaa a gaayɔwɔ, yai hvo nwoo pulu, yili hvo mąą kpɛlin. Yaa kpɛli mąn, ə li ə ɲee too wɛli hon ŋąą hu.

Ɉeremi 5:5

Yili ɓa, gáá kani ɲɛ̨i heei nu kpɛa kpɛa diɛ, kwa diɛni ku da ɓo. Di wɛi, di Yai-Laa woo kɔ́lɔn. Di di wɔ Yálái nwɔ tɔ́nŋaai kɔ́lɔn.» Di kəlee di kaa lɔ tɔ̨nɔ̨; daa kɛ di nwun gulɔ mu, daa kɛ di yɛli tee.

Izikiɛ 22:27

Ɲɛitɔwɔ nuą kaa di lɔwai yɛ kwɛ́liɠaa da kɛ huwɔɠaa lɔwai, diɛ ɲąmą pu, diɛ nuą paa di wɔ hɛn gɔwɠaai nwuɔ̨ mɛ̨nį ɓa.

Izikiɛ 23:18

Ə gbɔwɔ lɛ a wɛlikɛ nɛ̨ɛ̨nu kɛ pələ; yɛ gbuwulu lɛ. Yaa gbɛli nwɛli ə kpɛɛ mą́ą́ kpɔ tɛ̨ɛ̨ tɛ̨ɛ̨, yɛ bələi niə nɛ̨ɛ̨nu wɛli ə kpɛɛ la mą́ą́.

Osia 1:6

Ə pənə ə koo həɠə, ə lon nɛ̨ɛ̨nu kaa, Yai-Laa yɛ Ose ɓa: «Naa hee a Lo-Ruhama, mąąhɔlɔɓo Israɛlə nwɔ pɛlɛ́i ɲɛ̨imąąwɛli hvo kɛa pai lɛɛi lɔ mą́ą́. Gáá pai nwɛli kpɛɛi mą́ą́ kpɔ tɛ̨ɛ̨ tɛ̨ɛ̨.

Osia 1:9

Yai-Laa yɛ mą: «Naa hee a Lo-Ami, mąąhɔlɔɓo, nwɔ́ nu huwu hvaa a kaa, ɛlɛɛ, və́ kɛa a ka wɔ Yálá.»

Osia 12:11

Gɛ́ pələ ɓo gwəi mɛ̨nį hu kulɔ nuą diɛ, gɛ́ mɛ̨nį tamąą lɛ diɛ a hįį pələ, gɛ́ hanwonŋaa pu gwə́i mɛ̨nį hu kulɔ nuą la diɛ mo.

Osia 12:2

Ɛfraimə kaa goo laahvɛɛi a hvaŋą, a túwɔ́ gilɛ həɠəi kpɛli kpɛli mɛ̨nįɠaa pulu, yɛ, lɛɛ da hulu mɛ̨nį di tiɛ̨ lɔ gee mɛ̨i, da Asiri di kaa mįnɛ̨ həɠəi, yɛ wulɔ tɛɛ Eziptə pɔ.

Osia 3:4

Bələ ɓə Israɛlə lonnii kaa pai lɛɛi la a ɉukwɛaa, tɔɔmun va kɛ di yəi, da di ɲɛ̨itɔwɔ mun, da haláá kulɔ mɛ̨nį, da haláá həɠə mɛ̨nį, ɛlɛɛ da haláá kulɔi, da Yálá mąąnikɛ hɛnŋąą.

Osia 4:15

Yii kpɔ yɛ́, Israɛlə, yá kɛ wɛli hon ɉii, Mąą hvo nɛ̨ɛ̨li Ɉuda yaa kpɛlimąn, hvo tɔɔ yɛ ɉɔn gɛ. 'Ka hvo li Gilgalə, 'ka hvo tɛ Bɛtə-Awɛn, 'ka hvo ka kwɛla, kaa kɛ diɛ: «A kɛ kpɔ Yai-Laa kaa a vulú.»

Osia 4:9

Mɛ̨nįi pai laai nɔi lonnii diɛ, yaa lɔ ɓə pai laai ɉaláá laa həli mun ma, gáá pai muhəɠəi di laa ɓa, di túwɔ́ pələ mąą mɛ̨nį hu, gɛ́ di kɛ mɛ̨nįɠaa kwələ kulɔ diɛ.

Osia 7:2

Ɛlɛɛ di hvo kɛ gɔlɔn di kwəi pələ diɛ kɛ mɛ̨nį ɲɔ̨n di kaa gɛi, gáá gəlee kili lɛɛi ɲą́; yiihu, di kɛ mɛ̨nįɠaa daa di yili, di kaa ɓɛ ɲɛ̨́i mu.

Osia 9:17

Nwɔ́ Yálái kaa pai di pilii, gbala ə tɔɔ, di hvo di wəli tɔɔ li nwoo ɓa, ɛlɛɛ di kaa pai kɛi lii di nwun ma lɔiɠaa hu.

Osia 9:3

Di hvo pai pɛlii lɛɛi Yai-Laa nwɔ lɔi hu, Ɛfraimə kaa pai pənəi ə li Eziptə lɔi hu, ɛlɛɛ, kɔ̨nɔ̨n tɔ́n gaa mą, gaa pai mį́į́ Asiri lɔi hu.

Levetekɔ 26:30

Gɛ́ ka wɔ hali kɔ́iɠaai taɠa, ɉaláá kulɔi ka kɛ lansan kələn ɉi laa, gɛ́ nąą kala, gɛ́ ka powaɠaa tiɛ̨ ka wɔ haliɠaai mɛ̨i, gɛ́ yowolaa kulɔ la tii a kaa.

Amɔsə 4:4

Ną́mu Yai-Laa yɛ nwɔ̨nɔ̨ diɛ: Israɛlə nu huwu, ka li Betɛlə ka ka liiɓa nɛ̨ŋɛ̨n gɛ, ka li Gilgalə, ka nɛ̨ŋɛ̨n gɛ kpɔ kɛnɛ̨. Yələwala pɔ kəlee, ka pa a ka wɔ haláá hɛnŋąąi, ka naa həli voló ɉaaɓa yələ, ka pa a ka wɔ hɛn bow nąą, ka naa həli

Amɔsə 5:27

Yili mąą mɛ̨nį ɓa, gáá pai ka kulɔi ɓɛ, ŋį́ ka tɛɛ Damasə lɔi pulu pələ. Yai-Laa yii gaa a Mɛ̨nį Kəlee ŋą Hééɓomun Yálá, nwoo li.

Amɔsə 5:5

Kɛlaa, Yálá hee pɛlɛ́i ŋɛ̨i gaa Betɛlə daai hvəi ka gwɛ́li laa. Ka hvo kpɛli li Gilgalə daai. Ka hvo kɛ ka káá lii Beɛrə-Seva daai Mąąhɔlɔɓo, Gilgalə nuą kaa pai li luwɔlaa hu. Yálá hee pɛlɛ́i ŋɛ̨i gaa Betɛlə daai, naa kaa pai lɛɛi a nąnį nwɔ pɛlɛ́.

Mise 3:11

Ɲɛ̨itɔwɔ nuą, da kiti tee a hvulu, mąąhɔlɔɓo, da nɔ gwəi hɛn ɉon, ɉaláá laa həli nuą, da nu mąąkwɛli, a tɔ̨nɔ̨ hɔlɔɓo pələ, Yálá kwəi mɛ̨nį hukulɔ nuą, diɛ mɛ̨nį hukulɔ nuą diɛ, wali ɓa, ɛlɛɛ, Yai-Laa ɓə di kilitɔɔ mą, diɛ kɛ diɛ: «Yai-Laa hvo mɔ̨ɔ̨ ku lɔwai? Lɛɛ li, mɛ̨nį ɲąąnwąnąą hva pɛli ku hɔlɔɓoi.»

Mise 6:5

Yɛ́i a nwɔ́ nu huwu, ə́ kiliŋąhiɛ, mɛ̨nįi kɛ Moabə tɔɔmun Balakə kwəi yɛ hvilɛn na yɛ́ mą, ɛlɛɛ, bələi Beɔrə lon Balaamə ə nwoo pulu pənə la. Ə həɠə Sitimə, ə həli la Gilgalə, bələi Yai-Laa yee ə tɛɛ la ɲowoɠaa diɛ, ka káá pai gbaɠala kaai.

Sofoni 3:3

Nu kpɛa-kpɛai di kaa daa kwəi, di kaa yɛ yalaɠaa, diɛ huluun. Nwɔ kiti tee nuą kaa yɛ hvitili ɓa kwɛ́liɠaa, di hva huwɔ kɔ́w tɔ̨nɔ̨n kpɛli lɛɛ, yii tinąą da di ɲįn vilɛn mą yələwala pɔ.

Zakari 11:8

Yili pulu, ŋį́ daatɛlɛɛ pulu nuą haaɓai yee kulɔ ɲąnin dɔ̨nɔ̨ yeemu. Ɛlɛɛ, níí hvo kɛa lɛɛ a naa daatɛlɛɛɠaa pɔ, diɛ kpɛli mąn, di hvii ə kpɛɛ mą́ą́ mɛ̨nį hu.

Gɛlaɠaa 4:27

«Mąąhɔlɔɓo, gaa a tɛ̨ą, Herodə da Pɔnsə Pilatə di di yee lɔ gee hu ɓɛ daai, da nwea, ə mą kɛ da Israɛlə nu huwu, ə gɛ, di kɔ́ pɛlɛ Yálá nwɔ tímun Jesus ɓa, yaai Yálá ə ɉəɠə ɉu ə gɛ a nuą Nwun mąąɓomun.

Gɛlaɠaa 5:21

Di lɛɛ nwoo pulu. Yələ ɓɔi lɔwai, dəli Yálá hee pɛlɛ́ mu, diɛ nuą kalan. Ɉaláá laa həli mun gɛnɛ̨ ə pa, yaa da ɲee pɔ nuą, di tɔ́n vili nąmįną təli nwun dɔɔ hu, di gɛlaɠaa kulɔ gaho pɛlɛ́ mu di paa a diɛ Israɛlə nuą di wɔ ɲąąkpɔn gɛnɛ̨ɛ̨ hu.

Zasua 10:43

Yili pulu, Ɉosue da Israɛlə nuą kəlee di pənə di pa Gilgalə daai.

Samuɛlə dɔlɔɔ 7:16

Kwɛlan dɛitɛi yee mu, ə kɛi lia tɛɛ daaɠaa hu, Betɛlə, Gilgalə, Mispa, yɛ Israɛlə mąą mɛ̨nįɠaa ɲɛ̨i kulɔ daaɠaai tii hu.