Osia 9:13 - Yálá laawoo hɛɓɛ (dc)

¹³ Gáá Ɛfraimə kaai yɛ Tirə taa ta, dɔɔ kɛɛnąą lɛlɛɛ ɓa, Kɛlaa, ə mą kɛ tii, hvo kɛli Ɛfraimə ə pa nonnii tɛɛ paa ɓo pɔ.

Yálá laawoo hɛɓɛ

¹³ Gáá Ɛfraimə kaai yɛ Tirə taa ta, dɔɔ kɛɛnąą lɛlɛɛ ɓa, Kɛlaa, ə mą kɛ tii, hvo kɛli Ɛfraimə ə pa nonnii tɛɛ paa ɓo pɔ.

Bible

¹³ Maa-ŋuŋ su, Eezuɛ è kɛ̀ yɛ̂ɛ tóu síɣɛɛ lɔii lɛ́lɛɛ ma. Kɛ́lɛ gáa yɛ̂ɛ a liî a ǹônii dípaa mɛni ma.

Osia 9:13 ပူးပေါင်းရင်းမြစ်များ

Tɔɔɓɛlaa veelɛ 15:16

Nąąlɔwai ɓɛ Menahɛmə ə Tifsa kala, daa nuąi kpɔ kɛ laa, da ɲee mu lɔi kəlee, ə li kpɔ la Tirsa daai. Ə baa ɓoi tii kɛ, mąąhɔlɔɓo, di hvo daa gbonŋąą laa ɓo dɔwɔ; ə goonɛ̨ąɠaa kəlee kwəi ɓɛla.

Zôo 27:14

Nonnii kpulu hu ə mą kɛnɛ̨, da kɛ lɔ a ɓɔwa kɔ̨nɔ̨n, ɉuwu ə lɛɛ a pulu kɔ̨nɔ̨n.

Ɉeremi 7:15

Gáá ka pilii kpɔɔ kwɛaa la, yɛ bələi ŋį́ ka kaayɔwɔɠaa Ɛfraimə huwu nuą kɛ la.

Ɉeremi 9:21

Ɉeremi! Yai-Laa woo ka, naa həli; yɛ diɛ: Nu powaɠaa taɠa taɠai nɔi mɛ̨i yɛ tulun bɔlɔ, yɛ mɔ̨nun gɔnŋaa daa kɛi pu mɔ̨nun dee nuą pulu; ə lɛɛ nu hva hɔlɔɓo yɛ di yɛɠɛ.

Woolaa 2:22

Yáá liiholi kəlee təli mą́ą́ yɛ́ nu aa kɛi mɛlaa təli hɛli ɓa. Yai-Laa nwɔ liiholi yələ nu ta hvo pu, nu tɔ̨nɔ̨ kpɛli nwun və kulɔ ɉu. Nuąi kpɔ ŋą́ ɲįnį tɔɔ di la, ɲówo aa gəlee huwu pu.

Izikiɛ 27:3

Kɛ́ Tirə ɓa, yɛi heenin gboloyá kwɛlɛ pələɠaa hu, ka lɔiɠaa káá lɔ́wɔ́tɔɔ, ka gboloyá hɛ̨ąąi lɔi tamąą. Mɛ̨nį kəlee ŋą Hééɓomun Yálá woo ka: Tirə, yɛ́ ɓə kɛ diɛ nɛ́lɛɛi, mą́ą́ kulɔi hvo mą́ą́?

Osia 10:14

Tin gaa pai tooi ə́ wɔ lɔi hu, di ə́ wɔ taa kpɛa kpɛaɠaai kəlee pu, yɛ bələi Salman ə Bɛtə-Arvɛlə pu lai, a ɲələi tii di kɛi gɔ́ kɔ́ la, diɛ lon gaa lee nwun nwolo nonnii mɛ̨i.

Osia 13:8

Gɛ́ wolo diɛ yɛ kwɛli haai daa nonnii kulɔ ɲəi; gɛ́ di líí kulɔ di kwəi, gɛ́ lɛɛ laa, gɛ́ di mįi yɛ yala haa, lɔwɔ huwɔɠaa diɛ di hu hɛɠɛ-hɛɠɛ.

Osia 14:1

Mąąnɛ̨ɛ̨ Samari ə pa gwələ kulɔ, mąąhɔlɔɓo, aa nwun gulɔ nwɔ Yálái woo mu, di kaa pai tooi kɔ́ kɔ́ ɓɔwa ŋą; diɛ di lon dalaɠaa kiin, diɛ koo nɛ̨ąɠaa kwəi ɓɛla.

Osia 9:16

Daa Ɛfraimə kɛlɛ, di hamu aa kpala, di hvo kɛa pai ɓai. Di mąn lon gaa, ŋą́ di wɛlikɛmąą lon tii paa.

Amɔsə 7:17

yɛ diɛ: «‹Yɛ́ Amasia, ə́ nɛ̨ą kaa pai kɛi a wɛlikɛnɛ̨ɛ̨nu kɛnɛ̨ ɓɛ daa lee hu. Ə́ lon ɉinąą da ə́ lon nɛ̨ɛ̨ą di kaa pai lɛɛi kɔ́ hu; di kaa pai ə́ wɔ lɔi ŋąąkwɛlɛi a yɛli. Ə́ wɛi tii nwɛi, lɔi yii di hvo Yálá kɔ́lɔn ɉu, naa ɓə ə́ kaa pai haai laa, yili pulu, di kaa pai Israɛlə nu huwu kəlee hon ɉi a luwɔ, di li a diɛ lɔi takpɛli hu.›»