Osia 8:7 - Yálá laawoo hɛɓɛ (dc)

⁷ Di kaa hvaŋą hin ɉii, di kaa pai tulɔ hvaŋą hɔlɔɓoi, mɔ̨nun gbaɠa a wala kɛ mą, gɔw hva kɛ ɉu, da a kɛ nwɔ̨nɔ̨ ɉu, nwɛ̨ąą ɓə da mįi.

Yálá laawoo hɛɓɛ

⁷ Di kaa hvaŋą hin ɉii, di kaa pai tulɔ hvaŋą hɔlɔɓoi, mɔ̨nun gbaɠa a wala kɛ mą, gɔw hva kɛ ɉu, da a kɛ nwɔ̨nɔ̨ ɉu, nwɛ̨ąą ɓə da mįi.

Bible

⁷ À kɛ̀ da vãai sî, da pâi m̀á kulâi a fãa. Sí-sɛŋ nyii mɛi teɛ̂ɛi, va ƃà. À kɛ̀ máŋ a ƃà, ŋɔ̃ya-ŋa nɔ́ ƃé pâi m̀á miî.

Osia 8:7 ပူးပေါင်းရင်းမြစ်များ

Zɛnɛse 41:23

Yili pulu, ŋį́ pənə ŋį́ mɛ̨ihveelɛ takpɛli kaa, di nwun dɔɔi ə ɓo lɔ nwɔ̨nɔ̨ tanɔ̨n, kɛlaa, di ɓo a vəlee, naaɠaa kpalaa mą.

Tɔɔɓɛlaa veelɛ 15:19

Asiri tɔɔmun Pulə ə pa ə pɛlɛ nɔi ɓa a kɔ́, kɛlaa, Menahɛmə ə wali kwələ kilə waa pow haaɓa tɛɛ Pulə pɔ, əgɛ, yili ə kpɔnmąą tɛɛ bɔ, dɔɔlaa ə lɛɛ ɲəi a nwalawalaa.

Tɔɔɓɛlaa veelɛ 15:29

Israɛlə tɔɔmun Peka nwɔ lɔwai hu, Asiri tɔɔmun Tiglatə-Pilesɛrə ə pa Iyɔn, Avɛlə-Bɛtə-Maaka, Yanoa, Kɛdɛsə, Hasɔrə, Galaadə, Galile lɔi, da Nɛftali lɔi nąą kəlee, ə nuą hon ə li a diɛ Asiri.

Zôo 4:8

Ŋą́ą́ gaa, gɛ́ diɛ: nu ya hulu mɛ̨nį hin, da laanɔ̨nwɔ̨, ya ma kulɔ.

Hanwon 22:8

Nui a hɛlɛn dɛ a hvįikpɛɛ, laanɔ̨nwɔ̨ ɓə a gulɔ. Nwɔ lii pɔ tee laa kɔ́lɔ a haa mą.

Ikilisiati 5:16

Yili pulu, nwɔ yɛnɛ̨ɛ̨ kəlee hu, ɲɔw mɛ̨nį tamąą, líiholi da laanɔ̨nwɔ̨, di nwɔ kɛ yɛnɛ̨ɛ̨ hu kpinį.

Azaya 17:11

Ɲələi lɔ yá di hin na, ə́ ɲɛ̨i a lɛɛ diɛ, diɛ kɛnɛ̨, ɛlɛɛ yələ wala pɔ, yɛ́ kɛa di ɓa kulɔ, Kɛlaa di mįi lɔwai a həli lɔ, di ɓa ə kwɛlɛɛn, ɲɔ̨n tii ɉali hva kɛ.

Azaya 55:2

Lə mɛ̨nį ɓa yai ka ka wɔ walii hukala, ɉɛn hvo a kɔ̨nɔ̨n bulu, kaa kóló kɛ ɉɛn hva nu pilɛ bulu? 'Ka ka wəli tɔɔ, ka nwóó mɛ̨n, ɛlɛɛ, kaa pɛli kɔ̨nɔ̨n mįi, kaa pɛli ka lii hon gɔ̨nɔ̨n nɛɛɠaa mįi.

Azaya 66:15

Mąąhɔlɔɓo, Yai-Laa kaa pai, Gaa pai nwɔ̨n ɉɛ̨ąi, nwɔ kɔ́ kɔ́ wotoloɠaai kaa yɛ hvąŋą tulɔ, gwələi di dɔɔ mą a líiholi, yɛ gulɔ a nwąną lɔ pələ, ɛlɛɛ, mąąɲɔwi di mo, yɛ gwələ kulɔ a nwɔ̨n nən.

Ɉeremi 12:13

Nu a mɔ̨nun ɉin, ə ɓomodiliin ɉɔlɔɔɓo, di kaa lɔ di kpɔɔ hviikpɛɛi kpɛli-kpɛli, hɛn da ɉɔlɔɓo, gaa di yəi a nwumɛ̨, mąąhɔlɔɓo, Yai-Laa liiholiɛ di pɔ.

Woolaa 5:2

Ku kwɛlinŋaa daa lɛɛ nu takpɛliɠaa yəi. Nuąi ku wɔ pɛlɛ́ɠaa kaa di yəi, ku hvo di kɔ́lɔn.

Osia 2:9

Gaa pai gilɛ həɠəi nwɔ wɛliɠaai pulu, hva di kaa, a di kwɛli, kɛlaa, hva di kaa; gaa pai kɛi diɛ: «Gáá pənəi ŋį́ li ɉilɛ pɔɔli, mąąhɔlɔɓo, ŋį́ kɛ laa nɛ̨́ɛ̨́ hu dɛɛ yiihu ɓa.»

Osia 7:9

Nwɛ̨ąą kaa vaŋą kpɛɛi, ɛlɛɛ nwɛi, gili hvo ɉu; yili pulu nwun nəɠa bowa yɛ pu ɉu, ɛlɛɛ mɛ̨nį ta kpaɠala hvo mą.

Osia 9:16

Daa Ɛfraimə kɛlɛ, di hamu aa kpala, di hvo kɛa pai ɓai. Di mąn lon gaa, ŋą́ di wɛlikɛmąą lon tii paa.

Nahumə 1:3

Tɛ̨ą li Yai-Laa liihvoli laa walaai, ɛlɛɛ, vaŋą kɛnɛ̨ɛ̨i, Kɛlaa, Yai-Laa hva mɛ̨nį ta lɛɛ laa hvo tɛɛ lɔ tii, a kɛ hiɛi tulɔ hvaŋą hu, yələi ə ɓo ɉuwu ɉuwu, gɔwɔ mu muluun gbala ka tii a tulɔ kpinįn.

Egaa 1:6

Kaa hihɛn ɉi kɛnɛ̨, kɛlaa, ka hvo má hɔlɔɓo li tii kɛnɛ̨. Kɔ̨nɔ̨n gɛnɛ̨ hvo ka yəi, ka hvo pilɛ ɉu. Lɔɔ kɛnɛ̨ hvo ka yəi, ka hvo gbələ a ka liiɓa. Həɠə kaa ka yəi, kwɛlɛ yɛ pa kaa. Ɛlɛɛ, da kólo kɛ mun vɛla kulɔ, a naaikɛ ɓíi kpon dəɠɛɛ hu.

Galatə 6:7

Ká hvo ká kpɔwɔ ɓowo, Yálá hva hvaamą, nu hvo yɛlɛkulɔ ɉu, gbala ə tɔɔ, hɛn nu a ɉin, ya ɓə a dɔlɔ hɔlɔɓo.

Galatə 6:8

Nui a gbɔwɔ kɔlɔ lii ɓa hin, kɔlɔ liiɓa hɛn mə a ɉɔlɔɓo: ya ɓaa, a haa. Kɛlaa, nui a Kili-Mąąhəɠɛɛ liiɓa hin, Yálá liiɓa mɛ̨nį ɓə a ɉɔlɔɓo: ya ɓaa, a ɓaloi hva kpɛɛ.

Dutɛrɔnome 28:33

Ka wɔ hihɛnŋąąi ɓa, da ka kɛ kóló dɔlɔ, a lɛɛ a nu huwui ka hvo di kɔ́lɔn di kɔ̨nɔ̨n. Ka kɛ lɔ a nu huwui da di yee pənə ɉu, diɛ giin-giin.