Osia 7:2 - Yálá laawoo hɛɓɛ (dc)

² Ɛlɛɛ di hvo kɛ gɔlɔn di kwəi pələ diɛ kɛ mɛ̨nį ɲɔ̨n di kaa gɛi, gáá gəlee kili lɛɛi ɲą́; yiihu, di kɛ mɛ̨nįɠaa daa di yili, di kaa ɓɛ ɲɛ̨́i mu.

Yálá laawoo hɛɓɛ

² Ɛlɛɛ di hvo kɛ gɔlɔn di kwəi pələ diɛ kɛ mɛ̨nį ɲɔ̨n di kaa gɛi, gáá gəlee kili lɛɛi ɲą́; yiihu, di kɛ mɛ̨nįɠaa daa di yili, di kaa ɓɛ ɲɛ̨́i mu.

Bible

² Kɛ́lɛ dífe gɔ́lɔŋ à kɛ̀ dísɔnyɔ̂ŋ-ŋai kíli káa ŋ́a. Ǹyaŋ dísɔnyɔ̂ŋ-ŋai tínaŋɔ̂ɔi dîa, ŋ́gɛ gàa.”

Osia 7:2 ပူးပေါင်းရင်းမြစ်များ

Zôo 34:21

Mąąhɔlɔɓo, Yálá ɲɛ̨i kaa nu tɛitɛi kəlee mąąkpɛɛi, yɛ gɔwɔ hvilɛn ɉii tɛitɛi kəlee kaa,

Mąątɛ̨nɛ̨ 10:11

Yɛ kɛ gwəi pələ: «Yálá aa lɛ̨ą yili ɓa, aa ɲįnąą kpulu, hvo mɛ̨nį lɔpee ta kaai.»

Mąątɛ̨nɛ̨ 25:7

'Hvó kɛa ə́ kili lɛɛ, múhəɠɛɛ yələ nɛ̨ŋɛ̨ŋaa diɛ, da nwɔ́ túwú pələ ɲɔ̨nŋaa, Kɛlaa, ə́ kiliŋąhiɛ ə́ vilɛn mą́ą́ ə́ wɔ ɲɛ̨imąąwɛlikaa hu, Gbala ə tɔɔ, Yai-Laa, yɛ́ mɛ̨nį lɛlɛɛi.

Mąątɛ̨nɛ̨ 50:22

Kaai ka lɛ̨ą Yálá ɓa, ka mɛ̨nįi ti mɛ̨n, ka gbaɠala kaa! Ka wala gɛ tii, ŋą́ ɉuɓɛla, ɛlɛɛ, nu ta hva gulɔ ɲəi kɛ.»

Mąątɛ̨nɛ̨ 9:16

Hį́i takpɛliɠaa di wɔ lɔwai di dee, diɛ kpinįi, daa too ɉu, maaləi di dɛ, di kɔ́wɔ ɓə kɔ́ la.

Mąątɛ̨nɛ̨ 90:8

Yáá ku wɔ nɛ̨ŋɛ̨nŋaai laa ə́ ɲɛ̨i mu, yáá ku wɔ loo mɛ̨nįɠaai laa ə́ ɲɛ̨ilai nwɔ kɛɛ pɔ̨nɔ̨i ɓa.

Azaya 1:3

Nįɲɛ̨ ə nąmu kɔ́lɔn. Hoohvalən yaan, ə naa mįi kɔ́lɔn nąmi pɔɔli. Kɛlaa, Israɛlə hva mɛ̨nį kpaɠala kaa. Nwɔ́ nu huwui hva mɛ̨nį ɲąą kaa.

Azaya 26:16

Yai-Laa, kwa kɛ mɔ̨nɔ̨ hu, Yɛ́ ɓə kwa pa Ə́ pɔ pələ, Yá Ə́ liiholi, kwa kɛ nɛ̨ɛ̨mąą hvəi Yɛ́.

Azaya 44:19

Di kili hva mɛ̨nį hukpɛ, di hva kpɛli di kiliŋąhiɛ, di hvo kɛ mą: «Ŋą́ą́ háá bələ tɔ̨nɔ̨ kələn nwɔ̨n ɉu, ŋą́ą́ bələ tɔ̨nɔ̨ kɛ a gɔnɔ̨n ɲili kwɛi, ŋą́ą́ huwɔ mɔ̨n dəŋą ɓa, ŋą́ą́ mįi, ɛlɛɛ gbuɔ woloi aa lɛɛ, ya ka gáá pɛlɛi gɛ́ kwɛli hvilɛ mą!»

Azaya 5:12

Bɛlɛgwəi gwɛnįn, gololon gwɛnįn, da damąn mə da kɛ dɔɔi di mɛ̨i nɔɔ kpələiɠaa ɓa, Kɛlaa, mɛ̨nįi Yai-Laa kaa gɛi, di ɲɛ̨i hva kɛ laa; mɛ̨nįi ɲee kaa mą, di hva nąą kaa,

Ɉeremi 14:10

Yai-Laa woo ka yɛ hvilɛn na nu huwui tii ɓa: «Gilɛ həɠə wɛli kaa diɛ, di hva di lii kili ɓo» yili nwɛli hvo Yai-Laa ɓa, gíli kaa di kɛ nɛ̨ŋɛ̨n ɉu, yɛ pa ɉutɔɔi

Ɉeremi 16:17

Ɲɛ̨́i kaa kpɔlɔɔ di túwɔ́ pələɠaa kəlee diɛ, da hva tɛɛ mą́ą́, di wɔ kiliŋąhiɛ ɲɔ̨nwɔ̨ɔ̨ ta lɔpee hvo loo li mą́ą́.

Ɉeremi 17:1

Nɛ̨ŋɛ̨n Ɉuda aa ɉəɠə; a tɛ̨ą! Bɛ̨ɛ̨i a kwɛli hɛɓɛ́ kpɔw, a wala kɛti a Kúwɔ́-kwɛni hunwɔla. Bɛ̨ɛ̨i di lii hu! Bɛ̨ɛ̨i di wɔ haláá kulɔ kəhi wəli la!

Ɉeremi 2:19

Dúwɔ́ pələ ɲɔ̨n tii ə́ gɛ, hvo kɛli ə ə́ hutɔɔ. Nɛ́ɛ́ ŋɛ̨i ə́ mo laa, hvo kɛli ə ə́ hutɔɔ. Ə́ lənə mɛ̨nį Yai-Laa ə́ wɔ Yálái ɓa, hvo kɛli yá ɉu mɔ̨nɔ̨ mį́i, ə lɛɛ, ə́ ɲąąnwąnąąi kaa da ɲɔ̨nwɔ pələ. Hvó gaai, mą́ą́ mɛ̨nį hva kpɛli kɛa ə́ mąą kpɛlin. Ɲą́ą́ Nąmu Yai-Laa Mɛ̨nį Kəlee ŋą Hééɓomun nwóó li!

Ɉeremi 32:19

Ə́ kaa a liɛwoo kɛ mun nɛlɛɛ, mɛ̨nį lɛlɛɛ kɛ mun. Ə́ ɲɛ̨i kaa nu kəlee túwɔ́ pələ ɓa, yá nu kəlee hvɛla kulɔ, yɛ bələi ə túwɔ́ la; yɛ bələi gɛ koló kaa la.

Ɉeremi 4:18

Ɉerusalɛmə taa! Yá gaa yili kaa laai yɛ́, ə́ kulɔ ə́ túwɔ́ pələ da ə́ kɛ mɛ̨nįɠaa hu. Gbaloi tii aa ɓɛla yɛ́, yɛ́ ɉu mɔ̨nɔ̨ mį́i. Ə́ wɔ lii ɲɔ̨n gwəi laa mąą mɛ̨nį ɓə.

Ɉeremi 44:21

«Ɉalááɠaa ka kɛi gulɔ Ɉuda taaɠaa hu, da Ɉerusalɛmə kwəliɠaa pɔ, kaa, ka kálaɓɔlɔni, ka wɔ tɔɔɓɛlaa, ka ɲɛ̨itɔwɔ nuą, da nɔi nąmįną kəlee, kɛlɛi yili ɓə a giliŋąhiɛ mą, yɛ yali niiɓa-ee?

Izikiɛ 21:29

Yili ɓə gɛ Yai-Laa yɛ kɛ diɛ: ka wɔ nąŋąŋąąi kili tooi ka mo ka ɲą, a ɓɛlɔwai ka wɔ kulɔ nwoo mu laa ə too la pɔ̨nɔ̨ ɲą, nuą diɛ ka wɔ nɛ̨ŋɛ̨nŋąą kaa, ka kɛ mɛ̨nįɠaa kəlee hu, ɛlɛɛ nuą ɲɛ̨́i tinɛ̨n ka mo ka pɔ pələ, yili mąą mɛ̨nį ɓa, di kaa pai ka hon ɉii gɔ́ hu lɔ poto poto.

Osia 12:2

Ɛfraimə kaa goo laahvɛɛi a hvaŋą, a túwɔ́ gilɛ həɠəi kpɛli kpɛli mɛ̨nįɠaa pulu, yɛ, lɛɛ da hulu mɛ̨nį di tiɛ̨ lɔ gee mɛ̨i, da Asiri di kaa mįnɛ̨ həɠəi, yɛ wulɔ tɛɛ Eziptə pɔ.

Osia 4:9

Mɛ̨nįi pai laai nɔi lonnii diɛ, yaa lɔ ɓə pai laai ɉaláá laa həli mun ma, gáá pai muhəɠəi di laa ɓa, di túwɔ́ pələ mąą mɛ̨nį hu, gɛ́ di kɛ mɛ̨nįɠaa kwələ kulɔ diɛ.

Osia 6:2

Gaa pai a gu kɛi a gu hvulú hvóló hveelɛ yeemu. Voló haaɓa yələ, a kɛ a gbɛɛ a gu muhəɠɛɛ; ɛlɛɛ gu kaa pai kɛi a gu hvulú níila.

Osia 8:13

Yii di yəi a haláá ya ka; ɉuwɔi da gulɔ a haláá, da pənə di mįi; Kɛlaa, yili hva nɛ̨ɛ̨ Yai-Laa ɓa, yiihu, gaa giliŋąhiɛi di wɔ nɛ̨ŋɛ̨nŋąąi ɓa, yɛ di wɔ túwɔ́ pələ ɲɔ̨nŋąąi lonon. Hvo kɛli nwɔ̨nɔ̨ di pənə di li Eziptə lɔi hu.

Osia 9:15

Di kwəi kili ɲɔ̨nwɔ̨ɔ̨ tii ə too pɔ̨nɔ̨ ɲą Gilgalə: Nąą ɓə di wɛli ə kpɛɛ laa mą́ą́; Di kɛ mɛ̨nįɠaa ɲɔ̨nwɔ̨ pələ, gáá pai di kpɛi ɲə́i bɛlɛ́n, di wɛli hva kɛa too mą́ą́, di ɲɛ̨itɔwɔ nuą kəlee kaa a kulɔ nwoo mu nuą.

Osia 9:9

Di yee aa ɓɔ nɔgwəi mɛ̨nį hu, yɛ bələi ə kɛ la Givea, di hɔn gɛnɛ̨i tii, kili kaa pai lɛɛi Yai-Laa ɲą, gaa pai di wɔ nɛ̨ŋɛ̨nŋąą i kwələ kulɔi diɛ.

Amɔsə 8:7

Yai-Laa aa gwɛla, Ɉakɔbə nwɔ kpɔɔ ɲąąkɛ̨nɛ̨ mánii tii hu, yɛ diɛ: Və́ pai lɛ̨ąi di túwɔ́ pələɠaa tii diɛ.

Zôna 1:2

«Ɉonasə! Ə́ muhəɠə ə́ li Ninivə daa lee kɛnɛ̨i tii hu. 'Li, ə́ haŋą diɛ, yɛ diɛ: ‹Di kɛ mɛ̨nį ɲɔ̨n gun aa həli mą́ą́.›»

Lonon mo 32:23

Kɛlaa ka wala gɛ, a kɛ tii kaa nɛ̨ŋɛ̨n ɉəɠə Yai-Laa ɓa; mąąnɛ̨ɛ̨ ka gɔlɔn kaa ka wɔ nɛ̨ŋɛ̨n tii a hvilɛn ka pulu.

Lukə 12:2

Yiiɠaa lɔpee nooŋąai, gəlee mɛ̨i kaa pai həɠəi. Low mɛ̨nįɠaa kaa pai kulɔi pono ŋą, nu kəlee di gɔlɔn.

Korɛntə dɔlɔɔ 4:5

Yili ɓa, ká hvo nuą kiti tee nąąlɔwai tɔwɔ, gɛɛ gu Ną́mu hvo pa. Ya ɓə pai, mɛ̨nįɠaai noɔ kpįnįi, gəlee tooi pono ɲą, ə mą kɛ di kwəi kiliɠaa. Yili pulu, nu tɛitɛi da mąąwiɛ hɔlɔɓo Yálá yəi yɛ bələi bɛliɛ la diɛ.

Dutɛrɔnome 32:29

Ə li kɛ kili kaa diɛ, də li gbaɠala kaa, də li kili hɔlɔɓo di tinąą mɛ̨nį hu.

Hebreu 4:13

Hɛn nɔpee ta hvo yɛnɛ̨ɛ̨, noɔ mą, hɛn gəlee mąąkpoloonŋąąi ɲɛ̨i mu, gəlee laa niila. Yai gu kaa lii gu kwɛlanmoi mą.