Osia 7:14 - Yálá laawoo hɛɓɛ (dc)

¹⁴ Di hva vɛ́li di kwəi tɔ̨nɔ̨ mɛ̨i, Kɛlaa, da kɛ wɔlɔi di yee gbinŋaa ɲą, da kɛ di ɲąąkpɔn ɉii mɔ̨nun mɛ̨nį ɓa, da lɔɔ nįnɛ̨, ɲą́ą́ ka tii di kaa di kwɛli teei ɲə́i.

Yálá laawoo hɛɓɛ

¹⁴ Di hva vɛ́li di kwəi tɔ̨nɔ̨ mɛ̨i, Kɛlaa, da kɛ wɔlɔi di yee gbinŋaa ɲą, da kɛ di ɲąąkpɔn ɉii mɔ̨nun mɛ̨nį ɓa, da lɔɔ nįnɛ̨, ɲą́ą́ ka tii di kaa di kwɛli teei ɲə́i.

Bible

¹⁴ Dífa ḿvɛli é kúla dílii su. Kɛ́lɛ da kɛ̂ wɔ̂lɔi dígbìŋ-ŋai ŋá yɛ̂ɛ ǹûai laa-laa fé díyêei. Da kɛ̂ wɔ̂lɔi díɣâla-ŋai dîa díkɛ díkpîŋ ŋwàna a gɛɛ díkpɔmɔ kpâlaŋ da díkpâlaŋ-ŋai ŋá é lɛ́lɛ mii-sɛŋ da ŋwã̂ai mɛni ma. Ǹyaŋ da tɔɔ ḿâ.

Osia 7:14 ပူးပေါင်းရင်းမြစ်များ

Lɛɛ gbɔwɔ ɓa 32:6

Mąą yələ laa ɓoɔ, yələwala pɔ, nuą di haláá kulɔ nįŋɛ̨ lon tii ɓa, yii da gəlee kələn, da nɛ̨ɛ̨laa haláá. Nu kəlee di hee kɛa, diɛ di laa mį́i, diɛ di kpələ, yili pulu, di di muhəɠə diɛ kwəinɛ̨ɛ̨ kulɔ.

Azaya 29:13

Mɛ̨nįi Nąmu ə mo nu huwui ŋɛ̨i laa mɛ̨i ya ka, yɛ diɛ: Nu huwui ŋɛ̨i a mą́ą́wiɛ lɔ a naaləi, Kɛlaa, di nįį hu pələ mąąkwɛai mą́ą́; ɲɔw mąą laai gaa di hu mą́ą́ mɛ̨nį ɓa, gaa lɔ a nu mɛ̨nį, gaa a mɛ̨nįi daa di mąąkwɛli mą.

Azaya 52:5

Yiihu kɛa, lə ɓə kɛa ŋį́ gɛ? Yai-Laa woo li. Ɓɛlɔwai daa nwɔ nuąi hon na a mɛ̨inɛ̨ɛ̨, di laanɔ̨nwɔ̨ ɓo nuą di kaa tomąi, Yai-Laa woo li. Hvóló kəlee, da kɛ naa ɓɛlɛkpɛɛi mą.

Azaya 65:14

Nwɔ́ tínuąi kaa pai kɛi tómąi a kwəinɛ̨ɛ̨, mąąhɔlɔɓo, di kaa di nɛ̨ɛ̨ hu kɛnɛ̨, Ka wɛi, kaa tómą a wɔlɔ woo, ka lii kələn bələ ɓa ka kwəi a mɔ̨nɔ̨, a tɛ̨ą, ka lii kaa pai yalii ka kwəi, kaa gboo təli!

Ɉeremi 12:2

Yá di kɔ́wɔ hvilɛn, di hamu yɛ lɔ nɔi mu; diɛ ɓa a damąą, ɛlɛɛ yaan, ə́ mąą mɛ̨nį kaa lɔ di laaləi; Kɛlaa hvo di nii hu;

Ɉeremi 3:10

Mɛ̨nįɠaa tii kəlee di mą kɛ, Ɉuda ŋɛ̨i hvo nwoo pulu, yaai a Israɛlə gaayɔwɔ, hvo pənə li hvo pa bɔ́ gwəi tɔ̨nɔ̨ mɛ̨i; yaamun, mɔ̨nɔ̨ ɓə ə kɛi naa mą́ą́. Ɲą́ą́ Yai-Laa nwoo li.

Woolaa 2:18

Ɉerusalɛmə taa! Ə́ wɔlɔ woo, da ə́ ɲįŋɛ̨ woo aa tɛ Yai-Laa ɓa wɔlɔ kpɔ ə́ ɲɛ̨iyá ə gboloon naa yɛ yálon. Hvóló da kpįnį, 'hvó kpɛla mą 'hvó ə́ hvįitɔɔ, ə́ ɲɛ̨iləɠa hu hvo kpala.

Osia 13:6

Di həli lɔ nɔi nɛ̨ɛ̨ hu, di pilɛ, di pilɛ lɔ, diɛ kɛa di kpɔwɔ ɲąą kɛnɛ̨, yili ɓə gɛ diɛ lɛ̨ą mą́ą́.

Osia 13:9

Israɛlə yɛ́ ɓəi! Daa ə́ hu kala ŋɛ̨i! Tɔ́ɔ́ ɓə ə́ mo ná; ɲą́ą́ dɔ̨nɔ̨ lɔ ɓə ŋą́ pɛli kpɔnmąątɛɛi ə́ pɔ.

Osia 3:1

Yai-Laa yɛ mą́ą́: «Nɛ̨ɛ̨nui nwɛli kaa nwɔ wɛlii ɓa, kɛlaa ə mą kɛ tii yɛ wɛli hon, 'Li nwɔ̨nɔ̨, ə́ hvilɛn bulu. Bələ lɔ ɓə Yai-Laa a Israɛlə lonnii wɛlila kɛ la; ɛlɛɛ diɛn, diɛ di ɲɛ̨i tinɛ̨n haliɠaa pɔ pələ, ɛlɛɛ, hali-ɓa wɛli ə ɓo diɛ.»

Osia 8:2

Di kaa pai tómąi bɔ́ pələ, diɛ kɛ mą́ą́: «Ku wɔ Yálá, ku ə́ kɔ́lɔn, kuɔi a Israɛlə lonnii.»

Amɔsə 2:8

Da biliɉu kulɔ nu ta yəi a tolaa, yili lɔ ɓə da doo di kwąną diɛ ɓo la di wɔ Yáláɠaai hvɛli pɛlɛ́ mu, ɓɛi da kwɛli hvilɛn naa diɛ. Da li ɓɛi da kwɛli hvilɛn na mą́ą́, da tɔ́n bili nu ɓa, a pa a nɔɔ, yili ɓə da kɛ gbələi laa bɛlɛ́n.

Amɔsə 8:3

Ɲą́ą́ Yai-Laa, hɛn Gəlee Nąmu, gɛ́ diɛ: Volói gáá pai gɛ́ mɛ̨nį kɛi la mɛ̨nįi tii hu, nwələ too nɛ̨ąą ŋɛ̨i di kaa dɔɔ pɛlɛ́ mu, di kaa pai mąąwɛli wələ tooi, powa kaa pai kɛi pui gee mɛ̨i, diɛ di pili ɓɛi lɔpee nąą kəlee. Kɛɛ mąą a haa kɛɛnąą kəlee kpɔ tin.»

Mise 2:11

Ə li kɛ nu a pɛli hɔlɔɓoi, yɛ gilɛ həɠə hvaŋą pulu, lɔɔ pulu, yɛ kɛ diɛ: «'Ka lɔɔ tɛɛ bɔ́, a lɔɔ kpəɠiɛ ŋį́ Yálá kwəi mɛ̨nį ɓo yɛ́ a ə́ kwəinɛ̨ɛ̨ mɛ̨nį» mąą nu lɔ ɓə li kɛ a nu huwui ŋɛ̨i nwɔ kalan gɛmun.

Zakari 7:5

'Kɛ nɔi lonnii kəlee da ɉaláá laa həli nuą diɛ: «Ɉin ka kɛi nɔ kaa wɔlɔ la, ɲąnįn nɔɔli yələ da ɲąnįn mɛ̨ihveelɛ yələ, kwɛlan bow mɛ̨ihveelɛ yeemu, ɉin tii, ka kɛi mɔ̨ɔ̨ nɔ mą́ą́ mɛ̨nį ɓa?

Lomaŋ 16:18

Mąąhɔlɔɓo, nu huwuɠaai ti di hvo tíi gu Ną́mu Kristə ɓa, kɛlɛɛ di kaa tíi di koolon ma. Da kɛ nuą ɓowoi diɛ di mąątɛ̨nɛ̨ a woo nɛɛ-nɛɛɠaa.

Filipə 3:19

Di kaa di kpɔɔ nwun na pilii, mąąhɔlɔɓo, di wɔ Yálá ɓaa di kolon. Mɛ̨nįi a di nwumɛ̨, ya ɓə da di kwəinɛ̨ɛ̨ ɉu, ɛlɛɛ, di wɔ kiliŋąhiɛ ka lɔ ɲɛnɛ̨ɛ̨ ŋɛ̨i hu hɛnŋąa diɛ.

Zĩi 4:3

Ká vɛli, ká hva ɉɔlɔɓo, mąąhɔlɔɓo, ka vɛli lɔ ká liiɓa mɛ̨nį ɲɛ̨i kulɔ mɛ̨nį ɓa.

Zĩi 5:1

Káá ɓaa, hɛn gɔw nąmįną, ká wɔlɔ, ká ká woolaa mɛ̨nį ɲɔ̨n pai həli káá, mąą mɛ̨nį ɓa!

Nwun mąąɓo 9:27

Sisɛmə nuą də li di yəi viɲə yɛaɠaa ɓa, di ma kulɔ, də li di bɛli a lɔɔ, di hɛli kɛnɛ̨ ta pu la, də li di wɔ haliɠaai hee pɛlɛ́ mu, di di laa mįi, di di kpələ, yili pulu, diɛ Abimelɛkə nɛ̨ŋɛ̨n naa.