Osia 5:15 - Yálá laawoo hɛɓɛ (dc)

¹⁵ Gáá pai lií, gáá pənəi ŋį́ li bɔ́ɔ́li, ə lɛɛ ɉu, di hvaa di hɔn ma, ɛlɛɛ, diɛ ɲɛ̨ilai gwɛli. Mɔ̨nɔ̨ kaa pai wiɛi diɛ, di kaa pai hvilɛn ɉii, diɛ gwɛ́li.

Yálá laawoo hɛɓɛ

¹⁵ Gáá pai lií, gáá pənəi ŋį́ li bɔ́ɔ́li, ə lɛɛ ɉu, di hvaa di hɔn ma, ɛlɛɛ, diɛ ɲɛ̨ilai gwɛli. Mɔ̨nɔ̨ kaa pai wiɛi diɛ, di kaa pai hvilɛn ɉii, diɛ gwɛ́li.

Bible

¹⁵ “Ŋa pâi liî pôlu ḿbɔ naa é lɛ́ɛ la zu dí dísɔnyɔ̂ŋ kɔ́lɔŋ, dí ŋ́gɔri. Ǹyaŋ tãi da dímɛni-kpɔ̂lu-ŋai kɔ̂lɔŋ lai, da pâi ŋ́gɔ̂rii.”

Osia 5:15 ပူးပေါင်းရင်းမြစ်များ

Zɛnɛse 42:21

Di kɛi mo di kee lɔwai, diɛ kɛ mą: «Gu ləɠə pulu mɔ̨nɔ̨ ka ŋɛ̨i gu kaa mį́i. Ɓɛlɔwai ə kɛi kɛ la guɔ: ‹Ka mą́ą́ wɛli kaa›, gu hvo kɛ gu wəli tɔɔ li mą. Mɛ̨nį nwąnąąi tii həli mą, gwaa həli voló ɓa. Guɔ kpɛli, gu wɛi ɲələ ka.»

Kɔlɔnikɔ Veerɛi 7:14

ɛlɛɛ akɛ, ŋį́ nu huwui diɛi da náá hvɛli di mɛ̨i, da di kpɔɔ mąąyɛɛ, da vɛ́li, diɛ ɲɛ̨́ilaa gwɛli, da həɠə di túwɔ́ pələ ɲɔ̨nŋąą pulu, ŋį́ lɛɛ yələ kɔ́lɔn ɉu, ŋį́ wə́li tɔɔ di woo ɓa, ŋį́ di kɛ nɛ̨ŋɛ̨n mąąhvaalɛɛ, ŋį́ nɔi kɔ́lɔi pɔ̨nɔ̨.

Zôo 33:27

Yɛ́ tomą nuą ɲɛ̨i ɓa, yɛ kɛ diɛ: «Ŋą́ kɛi nɛ̨ŋɛ̨n ɉəɠə, ŋą́ kɛi túwɔ́ pələ ɲɔ̨n gulɔ, Kɛlaa Yálá nwɛi, hvo ɉón ni yɛ pələi ŋą́ túwɔ́ la.

Mąątɛ̨nɛ̨ 107:13

Di lɛɛ di wɔ mɔ̨nɔ̨i tii hu, di wɔlɔ Yai-Laa ɓa, ɛlɛɛ, ə di ɓalo, ə di kulɔ di wɔ kwəipili mąą mɛ̨nįɠaa hu;

Mąątɛ̨nɛ̨ 107:19

Di lɛɛ di wɔ mɔ̨nɔ̨ɠaai tii hu, di tomą Yai-Laa pɔ pələ, Yai-Laa ə di ɓalo, ə di kulɔ di kwəi pilimąą mɛ̨nįɠaai tii hu.

Mąątɛ̨nɛ̨ 107:28

Di lɛɛ di wɔ mɔ̨nɔ̨i tii hu, di tomą Yai-Laa pɔ pələ, Yai-Laa ə di kulɔ di wɔ liihɛlɛn gɛnɛ̨i tii hu.

Mąątɛ̨nɛ̨ 107:6

Di lɛɛ di wɔ mɔ̨nɔ̨i tii hu, di tomą Yai-Laa pɔ pələ, ə di kulɔ di wɔ liihɛlɛn mɛ̨nįɠaai hu;

Mąątɛ̨nɛ̨ 132:14

Gaa pai kɛi a vį́itɔɔi a yələ kəlee, nąą ɓə gáá pai heei laa, gáá nąą pɔ.

Mąątɛ̨nɛ̨ 50:15

Ɛlɛɛ, ɲələi yá kɛ la kanąn ɉu, də́li, ŋą́ ə́ kulɔ ɉu, ə gɛ ə́ mą́ą́wiɛ.

Mąątɛ̨nɛ̨ 78:34

Yálá a kɛi di paa ti, di kɛi gwɛli, diɛ di hɔn mąąpənə, diɛ tinɛ̨n bɔ pələ.

Mąątɛ̨nɛ̨ 83:16

'Hvilɛn di pulu a ə́ hvaŋą kɛnɛ̨, 'di mąąɲɔw a ə́ wɔ tulɔ hvaŋąi.

Hanwon 8:17

Nuąi da nwɛ́lilakɛ, diɛ gwɛ́li a di lii kəlee, da gáá.

Azaya 18:4

Mąąhɔlɔɓo, Yai-Laa ə kɛ mą́ą́: «Gáá pai lɛɛi heeni ɉééi, gɛ́ kɛɛ kaa, ɉéɛ kpɔ kpɛ, yɛ bələi hvóló tɛɛ nwun mą wəleen gɛnɛ̨i la, gbaalən ə ɓo mą; yɛ bələi lɔ luwu luwu a pɛlɛ la mɔ̨nun deei lɔwai.»

Azaya 26:16

Yai-Laa, kwa kɛ mɔ̨nɔ̨ hu, Yɛ́ ɓə kwa pa Ə́ pɔ pələ, Yá Ə́ liiholi, kwa kɛ nɛ̨ɛ̨mąą hvəi Yɛ́.

Azaya 26:21

Mąąhɔlɔɓo, Yai-Laa ka ɲɛ̨́i kulɔi ɲəi bɛlɛ́n yɛ lɔi mɛ̨i nuą kəlee mąąni kɛ di hɔn mą. Ɛlɛɛ lɔi kaa pai ɓaɠii a ɲąmą, nuą di di paa, hva kɛa di loo.

Azaya 26:9

Ə́ mąą lii kaa gwə́i kwíi hɛ̨ą, gíli hvilɛn ŋąą Yɛ́, ɉú pələ yɛ ə́ kwɛli, da kɛi ə́ wɔ kiti wooi pɔ yíi ɓo lɔi mɛ̨i, yɛnɛ̨ɛ̨ nu kanŋaa kɛɛ tələnmo yíi mąąkwɛlii ka tii.

Ɉeremi 2:27

Da kɛ wulu ɓa: «Ku nąn maa yɛ́!» Diɛ kɛ kwɛni ɓa: «Yɛ ɓə ku kulɔ yɛnɛ̨ɛ̨!» Ɲą́ą́ ŋɛ̨i nwɛi, di kpowolo la ɓə da ɉee mą́ą́, di hvo di ɲɛ̨i heei mą́ą́. Kɛlaa, yaa lɔ ɓaa mąąwɛli mɛ̨nį a həli diɛ, di woo laa mą́ą́: «Əkə! Nan! Ə muhəɠə, ə́ ku ɓalo!»

Ɉeremi 3:13

Kɛlaa, ə mą kɛ tii, hvaa ə́ wɔ túwɔ́ pələ ɲɔ̨n ma. Yai-Laa ə́ wɔ Yálái ka tii ə́ ə́ kwɛli tee mą. Ə́ hvilɛn ŋąą nwɛ̨ąą pulu, kaa li pələ kəlee pɔ; kaa li wulu laa huwia kəlee mu; hvó kɛ ə́ wəli tɔɔ li nwóó ɓa. Ɲą́ą́ Yai-Laa nwóó li!

Ɉeremi 3:14

Yai-Laa woo ka, yɛ diɛ: Ka pənə ka pa bɔ́, ká kulɔ nwoo mu lɛapɛlɛɛ ŋɛ̨i; mąąhɔlɔɓo, ka nwun nąmu ɓaa ɲą́ą́. Gáá pai nu tɔ̨nɔ̨ həɠəi taa tɔ̨nɔ̨ hu, nu hvelɛ lɔi tɔ̨nɔ̨ hu, gɛ́ li a kaa Siɔn daai.

Woolaa 3:40

'Ká gu gu kpɔwɔ kpįnįi yíi pələ hu kpɛ a nɛlɛɛ, 'ká gu gu pulu tɔɔ ɲɔ̨nwɔ̨ɔ̨ ɓa, gu pa Yai-Laa pɔ.

Izikiɛ 10:4

Yai-Laa nwɔ mąąwiɛ ə tɛ ŋələi pələ, mąąkpɛ malaka nwun mɛ̨i bɛlɛ́ laaləi pələ. Bɛlɛ́ laa ə hvɛɛ a tulɔ kpinįn, ɛlɛɛ, ɓɛi nuą da hee laa, Yai-Laa nwɔ mąąwiɛ nwɔ kɛɛ pɔ̨nɔ̨ ə naa laahvɛɛ.

Izikiɛ 11:23

Yai-Laa mąąɲįnɛ̨n ə muhəɠə daa hɛ̨ąi, ə tɛ ə tɔɔ, ɲee tii volo kulɔi pələ mɛ̨i.

Izikiɛ 20:43

Ka pa kɛi laa, ka káá pai ka kiliŋąhiɛi ka túwɔ pələ ɓa; da mɛ̨nįɠaai kpɔ ka gɛ, kaa ka mąąliɓi la; yili kaa pai kɛi ɓaɠi lii tɛi a kaa; dúwɔ pələ ɲɔ̨nŋaai kpɔ ka di kulɔ, di mąą mɛ̨nį ɓa.

Izikiɛ 36:31

Ka kɛi ka kiliŋąhiɛ, ka wɔ pələ ɲɔ̨nwɔ̨ɔ̨ɠaa diɛ, da ka kɛ mɛ̨nįɠaai tii di hvo kɛ lɛlɛ li di hu, káá kpinįi ka káá pai nwumɛ̨i, ka wɔ nɛ̨ŋɛ̨nŋaai mąą mɛ̨nį ɓa, da ka wɔ túwɔ pələ ɲɔ̨nŋaai.

Izikiɛ 6:9

Nuąi pai kulɔi ɉu, gíli kaa pai tooi di ɲą nɔiɠaai ti di kaa pai li laa a diɛ ɉu; di wɔ tuwɔ pələ ɲɔ̨n gulɔ kili ti lənə mą́ą́i, gáá pai ɉu kalai di kwəi, da di ɲɛ̨i kɔ́wi ti haliɠaa mąąwiɛi. Di ɓɛlɛ kaa pai kpɛɛi di kpɔwɔ kwəi, nɛ̨ŋɛ̨ŋąąi di ɉəɠə mąą mɛ̨nį ɓa, da di wɔ kili kpɛɛ gwəi mɛ̨nįɠaa kəlee.

Izikiɛ 8:6

Yɛ nwɔ̨nɔ̨ mą́ą́: «Hulɔnu lon, mɛ̨nįi di kaa gɛi ə́ kaa nąą kaai? A gili kpɛɛ gwəi mɛ̨nį kpɛa kpɛaɠaai Israɛlə nwɔ pɛlɛ́i kaa gɛi ɓɛ, yáá gaa? Yili ɓə aa gúlɔ ɲə́i bɛlɛ́n. Ə́ kaa pai ɓowo mɛ̨nį kpɛa kpɛa takpɛliɠaa kaai nwɔ̨nɔ̨.»

Osia 3:5

Yili pulu, Israɛlə lonnii da pənə nwɔ̨nɔ̨, diɛ Yai-Laa di wɔ Yálái kwɛli, da di wɔ tɔɔmun Davidə; da pənə di di ɲɛ̨i tinɛ̨n Yai-Laa pɔ pələ, da ɲəi mɛ̨inɛ̨ɛ̨ɠaa kaa, di mąą yɛ kpɛlin, tinąą tɔwɔ pələ.

Osia 5:6

Di kaa pai, da di wɔ taatɛlɛɛɠaai, gbɛa kpɛa da bɛlɛɛ pɛlɛɛ, Yai-Laa kwɛli mɛ̨nį ɓa, ɛlɛɛ di hvo pai gaai, Aa di kpɛ nwəli pulu.

Mise 1:3

Yai-Laa kaa kulɔi ɲəi bɛlɛ́n yɛ yɛɛ, gaa hiɛi yɛnɛ̨ɛ̨ hɛnŋąą nwun mɛ̨i.

Lonon mo 21:7

Nuą di pa Moisə pɔ diɛ mą: «Kwaa nɛ̨ŋɛ̨n ɉəɠə Yai-Laa ɓa, a ka yaa ka laa pələ́ ɲɔ̨nwɔ̨ɔ̨i ku moi. Ku mąą nɛ̨ɛ̨mąą hvə Yai-Laa ɓa, ə gaalə huwui ŋɛ̨i mąą kwɛa kuɔ.» Moisə ə nuą mąą nɛ̨ɛ̨mą hvə Yai-Laa ɓa.

Lukə 13:25

«Ɓɛlɔwai bɛlɛ nąmu kaa pai muhəɠəi la, ə bɛlɛ́ laa kpulu, kaa ɓo ɲɛnɛ̨ɛ̨ pələ, ka káá pai kɛi bɛlɛ́ laa kɛlɛi, kaa kɛ mą: ‹Ną́mu, bɛlɛ laaɓo ku tɔwɔ!› Yɛ kɛ kaa: ‹Və́ ka həɠəi kɔ́lɔn.›

Nwun mąąɓo 4:3

Israɛlə nuą di wɔlɔ Yai-Laa ɓa, mąąhɔlɔɓo, kɔ́ wotolo nwun mɛ̨inąąn ə kɛ Sisera yəi, ə ɓo a kwɛli, ɛlɛɛ, aa kɛ hee Israɛlə nuą nwun mɛ̨i kpɔ a nwalawalaa, kwɛlan bow hveelɛ yee mu.