Osia 4:16 - Yálá laawoo hɛɓɛ (dc)

¹⁶ A tɛ̨ą, Israɛlə aa kɛ̨ą, yɛ nįŋɛ̨ haa a kɛ̨ą, Yai-Laa a pɛli kɛa di hon bələ kɛi ləi, yɛ da kɛ a ɓɛlaa talaɠaai kpomói, diɛ di laa mįi.

Yálá laawoo hɛɓɛ

¹⁶ A tɛ̨ą, Israɛlə aa kɛ̨ą, yɛ nįŋɛ̨ haa a kɛ̨ą, Yai-Laa a pɛli kɛa di hon bələ kɛi ləi, yɛ da kɛ a ɓɛlaa talaɠaai kpomói, diɛ di laa mįi.

Bible

¹⁶ Yɛ̂ɛ berei niŋa-loŋ wôlii kpɔ̂lɔi lai, bere nɔ́ ƃé Eezuɛ-ƃelai wôlii kpɔ̂lɔi la. Ńyãa Yâwɛɛ ŋa pɔ̂ri díŋaa kɔnîi yɛ̂ɛ dia ƃé kala kpûlu su?

Osia 4:16 ပူးပေါင်းရင်းမြစ်များ

Mąątɛ̨nɛ̨ 78:8

Ə gɛ di hvo pa nəi kɛ yɛ di nąnni; a nu huwu mąąkwɛli laa walaai tii, a kulɔ nwoo mu nuą, a nu huwui gili mąąhvalin naa nɛ̨ɛ̨, a diɛi di hvo kɛi di kilitɔɔ Yálá ɓa.

Azaya 22:18

A ə́ pili, yɛ́ kiliɠilin yɛ hɛn gbuɠulu, yɛ́ li lɔi pun gɛnɛ̨ hu. Nąą ɓə ə́ kaa pai haai laa, ka gɔ́ kɔ́ wotoloɠaai kɛi ə́ mąąwiɛ, ɛlɛɛ, di ɓo a ə́ nąmu ŋą pɛ́lɛ́i, mɛlɛ kpɛɛ mąą hɛnŋąą.

Azaya 30:23

Gaa pai kɛi tulɔ pui ka wɔ tíi ɓa, yai ka káá pai gɛi, gɔ̨nɔ̨n lɔi kaa pai dɛɛi, a kɛnɛ̨, yɛ lɛlɛ. Nąąlɔwai tii, kala tiliin nɛlɛɛɠaa hu ɓə, ka wɔ taatɛlɛɛɠaa da di laa mįi laa.

Azaya 5:17

Ɓɛlaa lonnii kaa pai kɛi di laa mįi laa, yɛ da kɛ kpomói, ɓoolu lonnii wulaaɠaa diɛ di laa mįi daa kpoloon ɉu,

Ɉeremi 14:7

Yii kuɔ nɛ̨ŋɛ̨nŋaa kaa ku hɔn moi, Ə́ wɛ́i Yai-Laa ə́ kɛ mɛ̨nį kɛ ɉu; ə́ laa mąą mɛ̨nį ɓa A tɛ̨ą, kwaa lənə yɛ́ gee mɛ̨i pow lee pow, kwaa ku hɔn gɛ a yɛ́.

Ɉeremi 3:11

Yai-Laa yɛ nwɔ̨nɔ̨ diɛ: Akɛ, da Ɉuda ŋɛ̨i nwoo hvo na, ɉiɛ pələ kɔ́ɔn Israɛlə ŋɛ̨i aa nɛ́ɛ́ ɉiɛ pələ ɓa; Israɛlə hiɛ pələ ta wolo hviɛla a ɓo Ɉuda nwɛi ɓa.

Ɉeremi 3:6

Ɉosiasə nwɔ tɔɔlaa yələ, Yai-Laa ə kɛ maa: Israɛlə tii aa lənə mą́ą́, mɛ̨nįi aa gɛ, yáá nąą kaa! Yaa tii ə kɛi lia li yee tɔɔ kəlee nwuɔ̨, diɛ laa la, da wulu laa hu wiaɠaa kəlee mu.

Ɉeremi 3:8

Ɉuda ɲɛ̨i heɛ kɛ mą́ą́, Israɛlə ŋɛ̨i aa nwóó lɛɛ, gɛ́, kuɔ hilɛtaai taɠa towələ tɛɛ bɔ, gɛ gbɛ, yɛ nąą kaa. Ɉuda yii gaa a gaayɔwɔ, yai hvo nwoo pulu, yili hvo mąą kpɛlin. Yaa kpɛli mąn, ə li ə ɲee too wɛli hon ŋąą hu.

Ɉeremi 31:18

Gáá woo ta mɛ̨n ɉii! Gáá Ɛfraimə wɔlɔ woo mɛ̨n ɉii; yɛ kɛ diɛ: Yáá ɉón a ɉútɔɔ pələ, ŋą́ą́ gbɔ́ɔ́ lɛɛ laa diɛ ɉútɔɔ yɛ nįŋɛ̨ hilɛ lon ɉon naa walaa. Bə́nə pulu, əgɛ, ŋą́ bənə búlú ŋą́ pa. Mąąhɔlɔɓo, yɛ́ Yai-Laa, yɛ́ ɓə a nwɔ́ Yálá.

Ɉeremi 5:6

Yili mąą mɛ̨nį ɓa, yalaɠaa kaa kulɔi gban mu, diɛ wolo diɛ; húlúɠaa diɛ kulɔ gbaalə hu, diɛ di hu kala. Kwɛ́liɠaa diɛ di wɔ taaleeɠaa kwɛlɛ tɛ; hɛn kpɔ a kulɔ taai diɛ ɉu hvala-hvala. Mąąhɔlɔɓo, di wɔ kwɛli tee laa hu lɔ ɓə kɛnɛ̨i, diɛ di pulu tɔɔ la Yálá ɓa.

Ɉeremi 7:24

Kɛlaa, ya ka tii, di hvo gɛ li di hvo di wəli tɔɔ mą, di hvo bɔ mɛ̨nį kɛ; di túwɔ́ a di liiɓa, a di wɔ wəlii kpɔlɔ ɲɔ̨nwɔ̨ɔ̨. Di ɲɛ̨i kɛ mąąnɛ̨ɛ̨ di ɉee mą́ą́, daa tinɛ̨n di pulu pələ ɓə di ɉee mą́ą́.

Ɉeremi 8:5

Lə ɓə kɛ yaai, nu huwui ŋɛ̨i Ɉerusalɛmə, gaa lɔ nwun gulɔi nwóó mu diɛ nɛ́ɛ́ laa a ɉu kwɛa? Diɛ ka, daa kanąn nɔ hali mɛ̨nį ɓa, di hvo gɛi di hvo tinɛ̨n di hvo pa bɔ́.

Osia 10:11

Ɛfraimə ə kɛ a nįŋɛ̨ kpəla, dɔɔ a nɛlɛɛ, koló wɛli ə ɓo mą, ŋą́ lɛɛ tɛɛi, ŋį́ gɔn nɛlɛ pələ kaa, ŋą́ nwun nɔ tiɛ̨ mu, Ɉuda ə kɛi kɛɛ hin, Ɉakɔbə yɛ gɛɛ kpɛŋɛ̨n.

Osia 11:6

Kɔ kɔ́ ɓɔwa kaa pai yamąn ɉii di wɔ taaɠaai hu, gaa pai di mąą kɔ̨nwɔ̨ hɛnŋąą pui, yɛ kɛɛ kala, di wɔ nwun dɔɔ ɲɔ̨nwɔ̨ɔ̨ɠaa mąą mɛ̨nį ɓa.

Osia 11:7

Nwɔ́ nu huwui, di yee kanąn ŋąą kpɔlɔ di wɔ hali mɛ̨nįi ɓa, di kaa di təlii diɛ kɛ di tɛ Hɛn Gəlee Nąmu pɔ, kɛlaa, di ta lɔpee hvo gɛi hvo tɛ.

Levetekɔ 26:33

Ka wɛi, gáá pai ka taɠa taɠai lɔiɠaa hu, gɛ́ kɔ́ kɔ́ ɓɔwa kulɔ daai gɛ́ ɉee kaa; ka wɔ lɔi a lɛɛ a lɔi pun, ka wɔ taaɠaai di lɛɛ a taa kpoloon.

Zakari 7:11

Kɛlaa, di hvo gɛ di hvo di wəli tɔɔ, di di nwun dinɛ̨n, di di wəli walawala, ə gɛ di hvo pa nəi mɛ̨nį mɛ̨n.

Samuɛlə dɔlɔɔ 15:11

«Saulə heei ŋɛ̨i ŋą́ mo a tɔɔmun, ŋą́ą́ nwóó yali bulu. Mąąhɔlɔɓo, aa bulu tɔɔ mą́ą́, wooi ŋą́ mo mą, hva ɉon.» Samuɛlə kwəi ə pili mą, gbinįi tii yee mu, yɛ nwoo tɛ Yai-Laa ɓa.