Osia 4:14 - Yálá laawoo hɛɓɛ (dc)

¹⁴ Və́ pai tɔɔi, gɛ́ ka lonnii nɛ̨ąą di wɔ wɛli mɛ̨nį, mąąnigɛ diɛ, da ka lon nɛ̨ąni di wɔ wɛli mɛ̨nį, mąąhɔlɔɓo, ɉaláá laa həli nuą, da kɛ kulɔi kpinįi da wɛli kɛ nɛ̨ąą, ɛlɛɛ, da diɛni diɛ ɉaláá kɔ̨nɔ̨n mįi gee ɓa, bələ ɓə lɔi yii mɛ̨nį kɔ́lɔn gili hvo ɉu, vilɛnŋąąi la nwun na pili pələ mɛ̨i.

Yálá laawoo hɛɓɛ

¹⁴ Və́ pai tɔɔi, gɛ́ ka lonnii nɛ̨ąą di wɔ wɛli mɛ̨nį, mąąnigɛ diɛ, da ka lon nɛ̨ąni di wɔ wɛli mɛ̨nį, mąąhɔlɔɓo, ɉaláá laa həli nuą, da kɛ kulɔi kpinįi da wɛli kɛ nɛ̨ąą, ɛlɛɛ, da diɛni diɛ ɉaláá kɔ̨nɔ̨n mįi gee ɓa, bələ ɓə lɔi yii mɛ̨nį kɔ́lɔn gili hvo ɉu, vilɛnŋąąi la nwun na pili pələ mɛ̨i.

Bible

¹⁴ Fé pâi kálônii-nɛyãai kula-maa kɛ̂i à kɛ̀ da wulu-wulu kɛ̀, kpaa máŋ kálônii sinaaii dínɛyâai, à kɛ̀ da wulu-wulu kɛ̀. Zinâai dia kpîŋ da lî ŋ̀uru-wulu kɛ́ nɛyaa-nɛyãai pɔ́, díkɛ sâla kùla ŋ̀uru-wulu kɛ́ nɛyãai díkpɛ̀tɛ ɣâla-ŋai dîa. Diai táre fé díyêei dísu a pâi karâi.

Osia 4:14 ပူးပေါင်းရင်းမြစ်များ

Tɔɔɓɛlaa dɔlɔɔ 15:12

Asa ə ɉaláá wɛlikɛ nuąi tii kəlee kulɔ nɔi, ə nąnnii di wɔ haliɠaa kəlee kulɔ nɔi.

Tɔɔɓɛlaa veelɛ 23:7

Ɉaláá wɛli kɛ nuą di wɔ pɛ́lɛ́i kɛ Yai-Laa hee pɛlɛ́ kwɛlɛ, Ɉosiasə ə nwolo; ɓɛi nɛ̨ąą di kɛi Asera nwɔ haláá həɠə pala laa.

Hanwon 28:5

Nuąi da di kpɔwɔ tɛɛ mɛ̨nį ɲɔ̨n bɔ, di hvo mɛ̨nį haŋąą kɔlɔn. Kɛlaa, nuąi da Yai-Laa kwɛli, diɛ ɓə da mɛ̨nį kəlee kpaɠala kaa.

Azaya 1:5

Mįnɛ̨ kpɔ ɓə kɛa da ka kɛlɛ laa? Kaa ŋɛ̨i ka kwɛliteɛ lɔ Yálá yəi a yələ kəlee? Ɲɔ̨n gaa ka nwun galən ma nąą kəlee, ka lii yɛ mɔ̨nɔ̨ mįi ka kwəi.

Azaya 27:11

Ɓɛlɔwai nwulu woŋoɠaa da kpala la, nɛ̨ą da pa di nwɔ̨n naa ɉu, a tɛ̨ą, kili hvo nu huwui ŋɛ̨i ɓa; ya ɓə gɛi, nui di pɛli, hva di mąąwɛli kaa. Nui di kulɔ hva di ɲɛ̨imąąwɛli kaa.

Azaya 56:11

Ɛlɛɛ, di kaa lɔ nwɔ̨nɔ̨ a yilɛɠaai di kwaną wolo hu kɛnɛ̨ɛ̨, di hva pɛli kɛi diɛ: «Aa pɛli.» Ɛlɛɛ, diɛ ɓə a daatɛlɛɛ pulu nuą, di hva mɛ̨nį kpaɠala kaa, di kəlee di ɲɛ̨i haŋąą lɔ di kpɔwɔ pələɠaa pɔ pələ, diɛ li ɓɛi di wɔ tɔ̨nɔ̨ kaa laa; diɛ hvo kɛi lɔ da ɉɔlɔɓo.

Danîa 12:10

Ŋaatɛ mɛ̨nį ɓə pai nu tamąą mąąhəɠəi ə di waa, di kwələ. Nuą yiiɠaai di túwɔ́ pələ ɲɔ̨nwɔ̨ɔ̨, di kaa pai kɛi túwɔ́i lɔ a ɲɔ̨nwɔ̨ɔ̨, di hvo pai pɛli ŋąą kaai. Kɛlaa, nuąi a nwun gɛ ɉu nuą diɛ ɓə pai mɛ̨nįɠaai tii ŋąą kaai.

Osia 14:9

Ɛfraimə! Nwɔ́ lə mɛ̨nį ɓə hali mɛ̨nį hu? Ɲą́ą́ ɓə ŋą́ nwoo mu hon, gɛ́ ɲɛ̨́i kɛ mą, nwɛ́i gáá lɔ yɛ wului naa ka ŋą a yələ kəlee, ɲą́ą́ ɓə ə́ ɓa a kulɔ váŋą hu.

Osia 4:1

Israɛlə lonnii, ka ka wəli tɔɔ Yai-Laa woo ɓa: Yai-Laa da nɔi lonnii di kaa kiti haɠa ɓa, mąąhɔlɔɓo tɛ̨ą mɛ̨nį, nu mɛlan gaalon nwɛli la kɛɛ, da Yálá kɔ́lɔn mɛ̨nį, da hvo kɛa nɔi.

Osia 4:17

Ɛfraimə da haliɠaa daa too di kee pɔ, 'ka nɛɛ lɔ laa.

Osia 5:4

Di tuwɔ pələ hva pɛli gɛi, diɛ yali di pulu, diɛ pa Yálá pɔ, mąąhɔlɔɓo, wɛli mɛ̨nį kili ɓə di tənən dɔɔi, ɛlɛɛ, di hvo Yai-Laa kɔ́lɔn.

Amɔsə 2:7

Da kɛ kiti kɛ pɛlɛ mu, mąąwɛli nuą ɓə da too di mɛ̨i, diɛ di nwun giin. Hulɔnu ta luwɔ nɛ̨ɛ̨nu ə kɛ ɲəi, ɉulɔnui tii da nąn diɛ la a nuwɔi tii. Yaan, yili kaa a náá ɓɛlɛkpɛɛ mąą.

Amɔsə 7:17

yɛ diɛ: «‹Yɛ́ Amasia, ə́ nɛ̨ą kaa pai kɛi a wɛlikɛnɛ̨ɛ̨nu kɛnɛ̨ ɓɛ daa lee hu. Ə́ lon ɉinąą da ə́ lon nɛ̨ɛ̨ą di kaa pai lɛɛi kɔ́ hu; di kaa pai ə́ wɔ lɔi ŋąąkwɛlɛi a yɛli. Ə́ wɛi tii nwɛi, lɔi yii di hvo Yálá kɔ́lɔn ɉu, naa ɓə ə́ kaa pai haai laa, yili pulu, di kaa pai Israɛlə nu huwu kəlee hon ɉi a luwɔ, di li a diɛ lɔi takpɛli hu.›»

Lonon mo 25:3

Israɛlə ə gbɔwɔ kɛ a Peɔrə Baalə nwɔ tímun. Yai-Laa lii ə holi Israɛlə pɔ.

Ɉaan 8:43

Lə mɛ̨nį ɓa ka hvo nwóó ŋąą kai? Mąąhɔlɔɓo, ka hva pɛli ɉu gbɛɛ ɓoi.

Lomaŋ 3:11

Kili hvo nui lɔpee ta ɓa, nu ta lɔpee hvo Yálá kwɛlii.

Korɛntə dɔlɔɔ 6:16

Ka hvo gɔlɔn káá, nu ka wɛlikɛ nɛ̨ɛ̨nu ka laa, a kɛ tii da yaa daa kɛ a kɔ́lɔ tɔ̨nɔ̨? Mąąhɔlɔɓo, moɔi, diɛ mą: «Nu hveelɛi tii daa kɛ tanɔ̨n.»

Ifisiɛŋ 4:18

Di wɔ kiliŋąhiɛ kaa a kpinį ŋą hon, diɛ ɓo a nwɛ̨ąą, Yálá nwɔ yɛnɛ̨ɛ̨ kɛ pələ hu, tɛɠii-yɛnɛ̨ɛ̨i tii di kaa ɉui, aa di kili walawala.

Dutɛrɔnome 23:17

A lɛɛ kɛa ka pɔɔli ka wɔ nuą lɔwai, ɓɛi tii ə nąą həɠə ɉu ka wɔ taaɠaa lɔwai, mąąhɔlɔɓo, nąą a nɛɛ mą. Ka hvə ka yee pənə ɉu.

Hebreu 12:8

Hutɔɔ a wala kɛ káá, a kɛ ti, wɛlin-nonnii ɓaa a kaa, ká hvo a gaa-gwəi lonnii.