Osia 2:20 - Yálá laawoo hɛɓɛ (dc)

²⁰ Kwa diɛni kwa mįnɛ̨ həɠə a mąą yələ, da lɔwɔ huwɔɠaa, da yələi nwɛ̨niɠaa, da talahuwɔɠaai. Kilɛn, kɔ́ kɔ́ ɓɔwa, da kɔ́, ŋą́ gəlee hu wolo; da hva kɛa kɛ nɔi, gɛ́ hvaa mą nɔi lonnii diɛ yíi lii laa hu

Yálá laawoo hɛɓɛ

²⁰ Kwa diɛni kwa mįnɛ̨ həɠə a mąą yələ, da lɔwɔ huwɔɠaa, da yələi nwɛ̨niɠaa, da talahuwɔɠaai. Kilɛn, kɔ́ kɔ́ ɓɔwa, da kɔ́, ŋą́ gəlee hu wolo; da hva kɛa kɛ nɔi, gɛ́ hvaa mą nɔi lonnii diɛ yíi lii laa hu

Bible

²⁰ Ya pâi kɛ̂i a ŋánɛnî. Ŋa pâi íwɛ̂lii a tɔ̃yâ-pere, gɛ̀ ní, ya pâi ńyãa Yâwɛɛ ŋ́gɔlɔnîi.”

Osia 2:20 ပူးပေါင်းရင်းမြစ်များ

Zɛnɛse 9:10

Ka nɔ̨ɔ̨nɔ̨ɔ̨ ɉɛnŋaa kəlee: nwɛ̨niɠaa, taa huwɔɠaa da lɔwɔ huwɔɠaa, diɛi ka diɛni ka kulɔ gələn ɉu, da yiiɠaa pai yɛnɛ̨ɛ̨ kɛi lɔi mɛ̨i.

Azaya 2:4

Ya ɓə pai hį́i kəlee yee lɔi gee hu, ya ɓə pai nuą lɔwai mɛ̨nįɠaa hutɔɔi, di wɔ ɓɔwa kwɛaɠaai ɓə gaa pai bɛlɛi gee ɓa, di gɛ a kali, di wɔ kpalaɠaai ɓə di kaa pai gɛi a mɔ̨nun dee kɛlɛlɛ, lɔi ta hva kɛa kɔ́ pɛlɛ mɛlan ma, lɔi ta hva kɛa kɔ́ kɔ́ɔ mąą kwɛli.

Azaya 62:4

Di hvo pai kɛa pai kɛi ə́ láá ɓa: «Daa gulɔ lɔwɔi», di hvo kɛa pai kɛi ə́ wɔ lɔi ɓa: «Lɔi kwəi kpɛɛ», Kɛlaa di kaa kɛa pai kɛi ə́ laa ɓa: «Niiɓa nɛ̨ɛ̨nu», diɛ kɛ ə́ wɔ lɔi ɓa: «Hilɛtai nɛą», Mąąhɔlɔɓo, Yai-Laa kaa pai niiɓa mɛ̨nįɠaa hɔlɔɓoi ə́ yəi, ɛlɛɛ ə́ wɔ lɔi yɛ kɛ a hilɛ tai nɛ̨a.

Ɉeremi 24:7

Gáá pai kili tɛɛi di pɔ, diɛ pɛli gɔ́lɔn ɉii la, diɛ kɛ diɛ: Ɲą́ą́ ɓə gáá a Yai-Laa diɛ ɓo a nwɔ nuą, ɲą́ą́ ɓə a di wɔ Yálá; mąąhɔlɔɓo, da pənə di pa bɔ a di kwəi kwəlɛɛ.»

Ɉeremi 30:10

Yɛ́i a nwɔ́ tímun Ɉakɔbə, hvo ɲɔw Yai-Laa woo li. Ə́ líi hvo kulɔ yɛ́ Israɛlə, gáá pai ə́ kulɔi nwɛ̨ą lɔiɠaa hu, gɛ́ ə́ huwu kulɔ mąąkilɛ lɔi hu. Ɉakɔbə kaa pənəi ə pa liilaa hu, a nwəli pulu laɠiɛ, nu ta hva viikpɛɛ.

Ɉeremi 32:41

Gwə́inɛ̨ɛ̨ mɛ̨nįi lɔ ɓa pai kɛi a mɛ̨inɛ̨ɛ̨ kɛɛ diɛ, gáá pai di kɔ́wɔ hvilɛn ɉii nɔi ŋɛ̨i hu. Gáá pai gɛi tii gwə́i tɔ̨nɔ̨ mɛ̨i, kpɔ a gwə́i kwəlɛɛ.

Ɉeremi 9:24

Yai-Laa yɛ diɛ: Yələ ta, gáá pai kpɔ lii kɔ́lɔ ɓa kɛ́nɛ̨ laa hu!

Izikiɛ 16:62

Gáá pai nwɔ́ mįnɛ̨i laai gwa yɛ́ gu lɔwai, yɛ́ kɛa gili kɔ́lɔn na yɛ́ kɛ Yai-Laa ɓaa ɲą́ą́.

Izikiɛ 16:8

Gɛ́ɛ́ tɛɛi ə́ kwɛlɛ, ŋą́ ə́ kaa yáá kpɛla kɛa. Ŋą́ nwɔ́ həɠə wəlii ta pɛlɛ ə́ mɛ̨i; ŋą́ ə́ kpuɠulu loo; ŋį́ nwóó kwɛlɛ yɛ́, gwa yɛ́ gu mįnɛ̨ həɠə, ə́ kɛ kɛa a nwɔ́ɔ́. Yai-Laa gu wɔ yálái woo li.

Izikiɛ 34:25

«Kwa nwɔ́ taatɛlɛɛ kpului, ku kaa pai liilaa mįnɛ̨ həɠəi; gáá pai nɔwɔ huwɔ ɲɔ̨nwɔ̨ɔ̨ɠaa kulɔi nɔi, nwɔ́ taatɛlɛɛɠaai diɛ kɛ liilaa hu, nɔi pun ɉu; Diɛ yii gbomoɠaa hu.

Izikiɛ 34:27

Nɔwɔi wuluɠaa diɛ ɓa, nɔi yɛ mɔ̨nun dɛɛ di pɔ; nwɔ́ nuąi da kɛ a di wəli pulu laɠiɛ di wɔ lɔi hu. Mąą yələ, da gili kɔ́lɔn, diɛ kɛ, ɲą́ą́ ɓə gáá a Yai-Laa, ɓɛlɔwai gáá pai di wɔ tiɛ̨i həɠəi la di nwuɔ̨, gɛ́ di kulɔ di mɔ̨nɔ̨ɓo nuą yəi.

Izikiɛ 38:23

Gáá pai mą́ą́wiɛ pələ da mąąhəɠə pələ tooi pɔ̨nɔ̨ ŋą di ɲɛ̨i; gɛ́ gɛ lɔi kpulu tamąą diɛ gɔ́lɔn. Da gili kɔ́lɔn dii, diɛ kɛ: Yai-Laa ɓaa a ɲą́ą́.»

Osia 13:4

Ɛlɛɛ, ə həɠə kpɔ ə́ kulɔ yələ ɓa Eziptə lɔi hu, ɲą́ą́ lɔ ɓə a Yai-Laa ə́ wɔ Yálá. Akɛ ɲą́ą́ hvəi, hvó Yálá takpɛli kɔ́lɔn, nu ɓalomun dakpɛli hvo laa, a kɛ ɲą́ą́ hvəi.

Osia 2:19

Ŋą́ Baalə wooi tii kulɔ na, di hva mąn kɛa di laa ɓo.

Osia 6:6

Mąąhɔlɔɓo mɛ̨inɛ̨ɛ̨ kɛɛ ɓə a níí hon, haláá kulaa hvəi, ɛlɛɛ, gɛ́ Yálá kɔ́lɔn mɛ̨nį hviɛlaɓo taatɛlɛɛ kələnŋąą a haláá ɓa.

Levetekɔ 26:5

Ka káá pai lɛɛi mɔ̨nun dan ɉi, ə lɛɛ ɉu ka wɔ hihɛnŋąą ɓá kulɔi lɔwai ə ɉəli; ka lɛɛ ɉihɛnŋąą ɓá kulɔi ə lɛɛ ɉu kɛɛ hin ɉii lɔwai ə ɉəli; ka káá pai ka kɔ̨nɔ̨n ɉɔlɔɓoi, kaa mįi a ka liiɓa pələ, ka həɛ nɔi hu a ka wəli pulu laɠiɛ.

Levetekɔ 26:6

Gáá pai liilaa heei nɔi hu, ka kɛ laani hɛn da hva ka mąą ɲɔw, gáá pai lɔwɔ huwɔ ɲɔ̨nwɔ̨ɔ̨ɠaa kpɛi nɔi hu, kɔ́ kɔ́ ɓɔwa hvo kɛa pai tɛɛi ka wɔ lɔi hu.

Mise 4:3

Ya ɓə pai kɛi a lɔi tamąą lɔwai kiti teemun, lɔi kpɛa kpɛa lɔwai mɛ̨nį ɓomun, ə mą kɛ yiiɠaai kwɛa la. Di kaa pai kɛi di wɔ kɔ́ kɔ́ ɓɔwaɠaa yɔwii a kaliɠaa, diɛ di wɔ kpalaɠaai yɔwu a mɔ̨nun dee ɓɔwaɠaa. Lɔi ta hva kɛa pɛlɛ mɛlan nɔi ɓa a kɔ́, di hva kɛa di mąą kwɛli kɔ́ kɔ́wɔ ɓa.

Zakari 9:10

Gaa pai kɔ-kɔ-wotolo mɛ̨nį kpɛɛi Ɛfraimə lɔi hu, yɛ kɔ-kɔ-wotolo mɛ̨nį kpɛɛ Ɉerusalɛmə. Gaa pai gɔ-kɔ kilɛn ɉu yalii, ɛlɛɛ, yɛ liilaa yɛnɛ̨ɛ̨ loloɓo a lɔi kəlee nwɔɔ. Nwɔ heeɓolaa kaa pai həɠəi gboloyá ta ɓa, ə həli da kpɛli ɓa, yɛ həɠə ɲá kɛnɛ̨ ɓa, yɛ həli nɔi kpɛlai.

Maafîu 11:27

«Nąn aa hɛn gəlee tɛɛ bɔ́. Nu ta hvo Nąn gɔlɔn, hvo kɛ li Non. Nu ta hvo Non gɔ́lɔn, hvo kɛ li Nąn, ɛlɛɛ, da nui Non gaa bɔ ə Nąn nɛ mą.

Lukə 10:22

«Nán Yálá aa huwalawala kəlee tɛɛ bɔ́; nu ta hvo Non gɔ́lɔn, hvo kɛ li lɔ Nąn; nu ta hvo Nąn gɔlɔn, hvo kɛ li lɔ Non, da nui Non a kɛ bɔ ə Nąn nɛ mą.»

Ɉaan 17:3

Yaan, yɛnɛ̨ɛ̨ hva kpɛɛ ɓaa, di ə́ kɔ́lɔn a Yálá tanɔ̨n, yai a kpɔ-kpɔ, da Jesus Kristə yai Ə́ dɔɔ.

Ɉaan 8:55

Ka hvo gɔlɔn, kɛlaa, nwɛ́i ŋą́ gɔlɔn. Akɛ ŋą́ kɛ diɛ: ‹Və́ Ną́n gɔlɔn›, ŋą́ kɛ a lɛɛ mun yɛ bələi ka káá la. Kɛlaa, ŋą́ gɔlɔn, ɛlɛɛ, ŋą́ nwoo hon.

Korɛntə veelɛ 4:6

Mąąhɔlɔɓo, Yálá ŋɛ̨i kɛ diɛ: 'Kɛɛ ə pono kpinį hu! Yaa ti lɔ ɓə kɛ a kɛɛ pono ku lii hu, yɛ ŋą mąąwiɛlaa kɔ́lɔn gili tɛɛ ka gu pɔ, yai lən ɉii Kristə ɲɛ̨ilaai.

Filipə 3:8

a tɛ̨ą, ŋą́ gíliɲąkiɛ Ną́mu Jesus Kristə kɔlɔn mɛ̨nį kɛnɛ̨ɛ̨ ŋɛ̨i ɓa, ŋą́ yili kəlee kaa a kpɛli. Mąą mɛ̨nį ɓa, ŋą́ą́ ɲéé kulɔ hɛn gəlee hu, ŋą́ą́ gəlee kaa yɛ tulun ŋą hɛn, ə gɛ, ŋą́ Kristə hɔlɔɓo,

Kolosə 1:10

Yili ɓə a gɛ, káá pɛli yɛnɛ̨ɛ̨ kɛi a gu Ną́mu liiɓa, yii gaa bɔ, kaa gwɛli, a kɛ tii, ka kɛ mɛ̨nįɠaa ɲɛ̨i tínɛ̨nŋąą mɛ̨nį lɛlɛɛ pɔ pələ, dɔlɔ ə ɓo mą mɛ̨nį kəlee hu, káá tɛ la tɔwɔ Yálá kɔlɔn mɛ̨nį leelee hu.

Timote veelɛ 1:12

Yili mąą mɛ̨nį ɓa ɓə, gáá mɔ̨nɔ̨ɠaa ŋɛ̨i mįi la, a liikpələ laa. Kɛlaa, yili ŋą nwumɛ̨ hvo mą́ą́, mąąhɔlɔɓo, nui ŋį́ gílítɔɔ mą, ŋį́ gɔlɔn, ɛlɛɛ, náái na, gɛ́, mɛ̨nį ŋɛ̨i ə galihvaɓo mą́ą́, a pɛli ə ɲee kąnąn mą, ə lɛɛ la ɉu, ɲələi tii ə ɉəli.

Hebreu 8:11

Nui lɔpee ta hvo pai kɛi mɛlan ma, a wala kɛ ti, gaayɔwɔ ɓa: Mąąnɛ̨ɛ̨ ə́ gu Ną́mu Yálá kɔ́lɔn. Mąąhɔlɔɓo, nu kəlee kaa pai gɔ́lɔ́n ɉi, ə həɠə nɛapɛlɛɛ diɛ, ə həli la nu kpɛa-kpɛaa diɛ.

Zɔ̂ŋ Maa-ŋuŋ 4:6

Gu wɛi, gu kaa a Yálá nwɔɔ. Nui Yálá kɔlɔn gili kaa mą, a nwəli tɔɔ guɔ. Nui hvo a Yálá nwɔɔ, hva nwəli tɔɔ guɔ. Yili pɔ pələ ɓə gwa pɛli tɛ̨ą Kili da lɛɛ kili di kulɔ ɉu kɛi la.

Zɔ̂ŋ Maa-ŋuŋ 5:20

Gu gbaɠala kɔlɔn guɔ Yálá Lon ə pa ɛlɛɛ, ə kili tɛɛ gu pɔ, ə gɛ, gu Dɛ̨ą kɔlɔn. Ɛlɛɛ, gu kaa kɛa Dɛ̨ą hu, Non Jesus Kristə hu. Yaa tii ɓə a Dɛ̨ą, yaa ɓə a Yálá, ɛlɛɛ, a yɛnɛ̨ɛ̨i kpɛɛ hvo mą.