Osia 2:18 - Yálá laawoo hɛɓɛ (dc)

¹⁸ Yai-Laa woo ka: Mąą yələ, yá kɛ mą́ą́ «ɉílɛ»; hvá kɛa kɛ mą́ą́: «nwɔ́ baalə.»

Yálá laawoo hɛɓɛ

¹⁸ Yai-Laa woo ka: Mąą yələ, yá kɛ mą́ą́ «ɉílɛ»; hvá kɛa kɛ mą́ą́: «nwɔ́ baalə.»

Bible

¹⁸ “M̀aa ɣêlei tí ŋa pâi ŋ́gono-têei ŋánûai yêei a gɛɛ ǹɔ́ɔ sua-ŋai, ŋɔni-ŋai, da dɔara-sãai dífe mɛni ŋánaa kɛ̀ a dia. Ŋá pâi kerâŋ, ƃóa-sɔ̂kpɔ da kɔ́kɔ mɛni kperâi ǹɔii ma. Ŋa pâi gɛ̂i dí kɛ́ lii-sêe su.

Osia 2:18 ပူးပေါင်းရင်းမြစ်များ

Zôo 5:22

Ə́ kaa pai yɛlɛ kulɔi mɛ̨nį ɲɔ̨n da pulu di hu, ə lɛɛ, lɔwɔ huwɔ nwɔ mɛ̨nį ɲɔ̨nwɔɠaa di hva ə́ mąą ɲɔw.

Zôo 5:23

Mąąhɔlɔɓo, ka lɔwɔi kwɛniɠaa ka mįnɛ̨ həɠə, ɛlɛɛ da, ka huwɔ nwɔ mɛ̨nį ɲɔ̨nwɔ̨ɔ̨ɠaa, ka ka lɔwai pɔn naa pu.

Mąątɛ̨nɛ̨ 148:10

lɔwɔ huwɔɠaa da taatɛlɛɛ kəlee, tala hɛnŋąą da nwɛ̨niɠaa kəlee,

Mąątɛ̨nɛ̨ 23:2

Kala tiliin nɛlɛɛ mɛ̨i ɓə a dɔ́ɔ́ laa, Liilaa yálon bɔ ɓə a li laa a ɲą́ą́.

Mąątɛ̨nɛ̨ 46:9

'Ka li ka Yai-Laa kɛ mɛ̨nįɠaa kaa, a mɛ̨nį kpɛa kpɛai aa gɛ lɔi mɛ̨i.

Azaya 2:11

Kpɔwɔɲąą kɛnɛ̨ nuą, mąą a yɛɛ, ɲɛ̨itɛ nuą di kwɛli hvilɛn, a mąą yələi tii, Yai-Laa yaa tɔ̨nɔ̨ gbən ɓə mąąwiɛ a kɛ mą.

Azaya 2:17

Nuą di wɔ kpɔwɔŋąą kɛnɛ̨ mąą a yɛɛ, nuąi di huɲąŋą kɛnɛ̨, da di laa pɛlɛi pɔlɔ ɓa. Mąą yələi tii, Yai-Laa yaa tɔ̨nɔ̨ gbən ɓə mąąwiɛ a kɛ mą.

Azaya 2:4

Ya ɓə pai hį́i kəlee yee lɔi gee hu, ya ɓə pai nuą lɔwai mɛ̨nįɠaa hutɔɔi, di wɔ ɓɔwa kwɛaɠaai ɓə gaa pai bɛlɛi gee ɓa, di gɛ a kali, di wɔ kpalaɠaai ɓə di kaa pai gɛi a mɔ̨nun dee kɛlɛlɛ, lɔi ta hva kɛa kɔ́ pɛlɛ mɛlan ma, lɔi ta hva kɛa kɔ́ kɔ́ɔ mąą kwɛli.

Azaya 26:1

Mąą yələ, di kaa pai kɛi nwələi ŋɛ̨i tooi Ɉuda lɔi hu, diɛ kɛ diɛ: Kɔtaa wala wala kaa ku yəi, ɓalo mɛ̨nį ɓə a mąąkɔ̨nwɔ̨ hįį.

Azaya 32:18

Nwɔ́ nu huwui kaa pai heei liilaa lɔi hu, di wəli pulu laɠiɛ di wɔ pɛlɛ́ɠaai mu, hvįįtɔɔ ɲąąlaɠiɛ hu.

Azaya 54:5

Mąąhɔlɔɓo, Yálái ə́ pɛli, ya ɓə a ə́ hilɛ, naa ɓaa Yai-Laa Mɛ̨nį Kəlee ŋą Hééɓomun; Israɛlə nwɔ mąąhəɠə mun ɓə ə́ nwun mąąɓooi, naa ɓaa yɛnɛ̨ɛ̨ piliɛ gee mɛ̨i nwɔ Yálá.

Azaya 65:25

Kwɛli da ɓɛlaa lon di kaa pai kɛi di laa mįi gee ɓa, yala yɛ kala mįi, yɛ niŋɛ̨, kaalə kɔ̨nɔ̨n ɲɛ lɛɛ a muluun gbala. Mɛ̨nį ɲɔ̨n, da kɛɛ kala hɛn nɔpee, da hvo kɛa pai kɛi nwɔ́ yee mąąhəɠɛɛi nwuɔ̨, Yai-Laa woo li.

Ɉeremi 23:6

Nwɔ yɛnɛ̨ɛ̨ hu, Ɉuda nwun mąą a ɓo Israɛlə yɛ kɛ nɛ̨ɛ̨ hu. Naai di kaa pai ɉeei mą, ya ka: ‹Yai-Laa ɓə a ku wɔ tələnmolaa.›»

Ɉeremi 30:10

Yɛ́i a nwɔ́ tímun Ɉakɔbə, hvo ɲɔw Yai-Laa woo li. Ə́ líi hvo kulɔ yɛ́ Israɛlə, gáá pai ə́ kulɔi nwɛ̨ą lɔiɠaa hu, gɛ́ ə́ huwu kulɔ mąąkilɛ lɔi hu. Ɉakɔbə kaa pənəi ə pa liilaa hu, a nwəli pulu laɠiɛ, nu ta hva viikpɛɛ.

Ɉeremi 33:16

A mąą yələi tii, Ɉuda nwun mąą kaa pai ɓoi, Ɉerusalɛmə yɛ nwɔ yɛnɛ̨ɛ̨ kɛ liilaa hu. Naai di kaa pai kɛi dəlii la, ya ka, di kaa pai kɛi mą: ‹Yai-Laa kaa a gu wɔ tələnmolaa.›»

Izikiɛ 34:25

«Kwa nwɔ́ taatɛlɛɛ kpului, ku kaa pai liilaa mįnɛ̨ həɠəi; gáá pai nɔwɔ huwɔ ɲɔ̨nwɔ̨ɔ̨ɠaa kulɔi nɔi, nwɔ́ taatɛlɛɛɠaai diɛ kɛ liilaa hu, nɔi pun ɉu; Diɛ yii gbomoɠaa hu.

Izikiɛ 39:1

«Hulɔnu lon, gwə́i mɛ̨nį ɓo, yɛ hvilɛn Gɔgə ɓa; 'kɛ mą: Mɛ̨nį kəlee ŋą Hééɓomun Yálá woo ka: Vílɛn ŋąąi ə́ pulu Gɔgə, Mɛsɛkə da Tubalə tɔɔmun gɛnɛ̨.

Zakari 14:4

Mąą yələi tii, gaa pai gɔwɔɠaa hvilɛn ɉii Olivə yee nwuɔ̨, yai tii Ɉerusalɛmə tənən ma, voló kulɔi pələ. Olivə yee kaa pai ɓɛlai ɉɛ̨ąi, ə həɠə voló kulɔi pələ, ə li voló tooi pələ. Ɛlɛɛ, nąą mąą kaa pai pənəi a nɛ̨ŋɛ̨ lɔi kɛnɛ̨, ɲee bələ tɔ̨nɔ̨ kaa pai lii ɲələi pələ, bələ tɔ̨nɔ̨ ə li ɉɛɠɛɛ pələ.

Zakari 14:9

Mąą yələi tii, Yai-Laa a gbɔwɔ lɛ a yɛnɛ̨ɛ̨ kəlee nwɔ tɔɔmun, a kɛ tii, Yai-Laa yaa tanɔ̨n mə a kɛ laa, naa ə ɓo tanɔ̨n.

Zakari 2:11

Siɔn, yɛ́i ŋɛ̨i heeni Babilonə, 'ə muhəɠə, 'pu.

Zakari 3:10

Yai-Laa Mɛ̨nį Kəlee ŋą Hééɓomun yɛi, Mąą yələ, ka káá pai ka keeni təlii dowələ wulu mu, da nwiɛ mu.»

Zakari 9:10

Gaa pai kɔ-kɔ-wotolo mɛ̨nį kpɛɛi Ɛfraimə lɔi hu, yɛ kɔ-kɔ-wotolo mɛ̨nį kpɛɛ Ɉerusalɛmə. Gaa pai gɔ-kɔ kilɛn ɉu yalii, ɛlɛɛ, yɛ liilaa yɛnɛ̨ɛ̨ loloɓo a lɔi kəlee nwɔɔ. Nwɔ heeɓolaa kaa pai həɠəi gboloyá ta ɓa, ə həli da kpɛli ɓa, yɛ həɠə ɲá kɛnɛ̨ ɓa, yɛ həli nɔi kpɛlai.