Osia 2:12 - Yálá laawoo hɛɓɛ (dc)

¹² Gáá kɛa pai nwɔ nwumɛ̨ mɛ̨nįɠaai tooi pɔ̨nɔ̨ ɲą, nwɔ wɛliɠaa ɲɛ̨́i ɓa, ɛlɛɛ, nu ta hvo pai gulɔi ɲə́i.

Yálá laawoo hɛɓɛ

¹² Gáá kɛa pai nwɔ nwumɛ̨ mɛ̨nįɠaai tooi pɔ̨nɔ̨ ɲą, nwɔ wɛliɠaa ɲɛ̨́i ɓa, ɛlɛɛ, nu ta hvo pai gulɔi ɲə́i.

Bible

¹² Ŋa pâi ŋɔkpɔmɔ-ƃa wuru-ŋai da ŋɔfîi wurui paâi nyii a mò ǹyɛɛ, ‘Ḿbɔɔ ƃa dia. Ŋáwɛli-ŋai ƃé dí tɛ̀ɛ ḿbɔ a ŋá fela fêi.’ Berei máŋ è m̀ɛni-ŋai ƃò lai, ŋa pâi dí lɛɛ̂i naa lɔɔ-sûa-ŋa dí mìi.

Osia 2:12 ပူးပေါင်းရင်းမြစ်များ

Mąątɛ̨nɛ̨ 80:12

Nwonwoɠaa di kɛi kpɔ li diɛ həli gboloyá ɓa, gbaɠa pɛlɛɛɠaa diɛ həli ɲálee kɛnɛ̨ɛ̨ ɓa.

Azaya 29:17

Nąą aa lɛɛ kpɔlɔ tiikpə, Akɛtii Liban mąą hvo mɔ̨ɔ̨ pai pənəi a hihɛn ɲɛa; ɛlɛɛ hihɛn ɲɛa yɛ nwəla kɛ?

Azaya 5:5

Mɛ̨nįi gáá pai gɛi, nwɔ́ viɲə yɛai ɓa, gáá nɛi kaa: galai tii dinɛ̨n ŋąą mą, gáá nwolo teei mą, taatɛlɛɛɠaa di di laa mįi laa, ŋą́ daɠa nuą di hiɛ ɉu.

Azaya 7:23

Yii pai kɛi a ɲələi tii, ya ɓaa: ɓɛi lɔpee viɲə kpaɠa nwun dɔɔi kaa pai kɛi laa waa dɔ̨nɔ̨, yɛ pɛli kɛi a wali kwələ waa tɔ̨nɔ̨, nąą a lɛɛ a ɓomodiliin da ɲąąlən gbɔlɔ.

Ɉeremi 13:26

Ɲą́ą́ gbínii, gáá yɛ́ həɠəi tɛi a ə́ nwun, ə́ ɓɛlɛ ə́ too nu kəlee ɲɛ̨i ɓa.

Ɉeremi 26:18

«Morɛsɛtə hulɔnui ŋɛ̨i kɛ a Mise, ə kɛi Yálá kwəi mɛ̨nį hukulɔ, a Ɉuda tɔɔmun Ezekiasə nwɔ yələi. Ə ta mo Ɉuda lɔi hu nuą kəlee diɛ, yɛ diɛ: Mɛ̨nį Kəlee ŋą Hééɓomun Yai-Laa woo ka, yɛ diɛ: «‹Di kaa pai Siɔn hin ɉii yɛ tíi, Ɉerusalɛmə kaa pai kɛi a pɛlɛ́ kpoloon buɔ pɛlɛ́ kpoloon mɛ̨i, ɛlɛɛ, ɲee ŋɛ̨i Yálá hee pɛlɛ́ tɔɔ nwuɔ̨, a lɛɛ a kpomo.›

Ɉeremi 5:17

Di kaa pai too ə́ wɔ mɔ̨nun ɉu da ə́ kɔ̨nɔ̨n, di too ə́ lon ɉinąą mɛ̨i, da ə́ lon nɛ̨ąą; di too ə́ wɔ viɲəɠaa kəlee mɛ̨i da mɔlaa wuluɠaa; diɛ ə́ wɔ taaleeɠaai mąąkpɛ hįįɠaa wolo; a daaɠaa tii ə́ kilitɔɔ kɛ diɛ, yɛ́ ə́ kpɔɔ kaa la liilaa hu, ə mą kɛ, kɔ́ kaa pai.

Ɉeremi 8:13

Yai-Laa woo ka, yɛ diɛ: Gáá kwa diɛni ku lɔwai mɛ̨nį hutɔɔi tɔ̨nɔ̨; viɲə ɓá hvo kɛa ɉu; ɓɔɔlaa wuluɠaa ta ɓa hvo ɉu. Gəlee laa a kpala mą. Gáá di laakwɛlanmoi di hu kalamun ma.

Osia 13:8

Gɛ́ wolo diɛ yɛ kwɛli haai daa nonnii kulɔ ɲəi; gɛ́ di líí kulɔ di kwəi, gɛ́ lɛɛ laa, gɛ́ di mįi yɛ yala haa, lɔwɔ huwɔɠaa diɛ di hu hɛɠɛ-hɛɠɛ.

Osia 2:5

A wala gɛ tii, gáá pai həɠə kulɔi mą, ə lɛɛ a gbuwulu, gɛ́ nɛɛ lɔ yɛ bələi wɔlɔ ə kɛ la a gaa yələ. Ŋį́ gɛ yɛ lɔi pun, ŋį́ gɛ yɛ gbali a kələn, gɛ́ gɛ, yɛ haa la a kpələ wɛli.

Osia 5:14

Hvo lɛɛi yili ɓa, gáá pai kɛi yɛ yala Ɛfraimə ɓa, ŋį́ kɛ yɛ yala gbɔn, Ɉuda nwɔ pɛlɛ́i ɓa. A ɲą́ą́, ɲą́ą́ ɓə pai di ɓɛla ɓɛlai, yili pulu, ɉuwɔi ŋą́ ɉon, ŋą́ li la, ɛlɛɛ, nu ta hva pɛli gulɔi ɲə́i.

Osia 9:1

Israɛlə, 'hvo kwəinɛ̨ɛ̨ kulɔ! 'Hvo mąną, yɛ lɔi ta kpɛliɠaa, mąąhɔlɔɓo, ə́ kaa wɛli hon ɉii a ə́ mąą kwɛai ə́ kaa moi ə wɔ Yálái ɓa, yɛ́ yili mąą hvɛla wɛlila kɛ, mɔ̨nun danɉii kəlee ɓa.

Mise 3:12

Yili mąą mɛ̨nį ɓa ɛlɛɛ nwɔ̨nɔ̨, ka mąą mɛ̨nį ɓa, di kaa pai Siɔn hin ɉii yɛ tíi, Ɉerusalɛmə yɛ lɛɛ a pɛlɛ́ kpoloon buɔ ɉimįnín ma, ɛlɛɛ, ɲeei tii Yálá hee pɛlɛ́ tɔɔ mɛ̨i, kala kpili yɛ tɛ mą.