Osia 14:1 - Yálá laawoo hɛɓɛ (dc)

¹ Mąąnɛ̨ɛ̨ Samari ə pa gwələ kulɔ, mąąhɔlɔɓo, aa nwun gulɔ nwɔ Yálái woo mu, di kaa pai tooi kɔ́ kɔ́ ɓɔwa ŋą; diɛ di lon dalaɠaa kiin, diɛ koo nɛ̨ąɠaa kwəi ɓɛla.

Yálá laawoo hɛɓɛ

¹ Mąąnɛ̨ɛ̨ Samari ə pa gwələ kulɔ, mąąhɔlɔɓo, aa nwun gulɔ nwɔ Yálái woo mu, di kaa pai tooi kɔ́ kɔ́ ɓɔwa ŋą; diɛ di lon dalaɠaa kiin, diɛ koo nɛ̨ąɠaa kwəi ɓɛla.

Bible

¹ Óo Eezuɛ-ƃela, ka pá pôlu Káɣâlai Yâwɛɛ pɔ́, kpɛ́ni fêi, kásɔnyɔ̂ŋ a gɛ́ ka too.

Osia 14:1 ပူးပေါင်းရင်းမြစ်များ

Tɔɔɓɛlaa veelɛ 8:12

Hazaɛlə yɛ Elise ɓa: «Lə ɓə kɛ, yai nwɔ́ mɛ̨nį nąmu kaa wɔlɔi?» Elise yɛ mą: «Mɛ̨nį ɲąąnwąnąąi ə́ kaa pai naai Israɛlə nuą diɛ, ya ka tii ɲɛ̨́i aa tɔɔ ɉu. Ə́ kaa pai di wɔ taa mąąkpɛ hį́iɠaa kəlee lɛɛi nwɔ̨n ɉu, yɛ́ di wɔɔ muhəɠə nįnɛ̨ɠaa kəlee paa a ɓɔwa, yɛ́ di lonnii pɛlɛɛɠaa kiin-giin, yɛ́ gbɔlɔ kulɔ. Yɛ́ di wɔɔ koonɛ̨ąɠaa kwəi ɓɛla.»

Azaya 19:22

Akɛ, Yai-Laa ə Eziptə nuą kɛlɛ a nwala-walaa, bələ lɔ ɓə gaa pai di ɓaloi la; da pənə da pa Yai-Laa pɔ, gaa pai ɲee heei di mu, yɛ di ɓalo.

Ɉeremi 2:19

Dúwɔ́ pələ ɲɔ̨n tii ə́ gɛ, hvo kɛli ə ə́ hutɔɔ. Nɛ́ɛ́ ŋɛ̨i ə́ mo laa, hvo kɛli ə ə́ hutɔɔ. Ə́ lənə mɛ̨nį Yai-Laa ə́ wɔ Yálái ɓa, hvo kɛli yá ɉu mɔ̨nɔ̨ mį́i, ə lɛɛ, ə́ ɲąąnwąnąąi kaa da ɲɔ̨nwɔ pələ. Hvó gaai, mą́ą́ mɛ̨nį hva kpɛli kɛa ə́ mąą kpɛlin. Ɲą́ą́ Nąmu Yai-Laa Mɛ̨nį Kəlee ŋą Hééɓomun nwóó li!

Ɉeremi 4:1

Yai-Laa yɛ di: Israɛlə! Ya kɛ bɔ ə́ yali ə́ pului, ɲą́ą́ ɓə mąąnɛ̨ɛ̨ ə́ pa bɔ́. Akɛ, yá ə́ wɔ haliɠaai tii pili ɲɛ̨́i hvo kɛa tɔɔ mą́ą́, hvo kɛa pai həɠəi nííla a nwumɛ̨, yɛ́ ə́ loo mą́ą́.

Woolaa 5:16

Ku wɔ tɔɔlaai aa pu. Oo kə! Kpalo aa ɓɛla kuɔ, Mąąhɔlɔɓo, kwaa nɛ̨ŋɛ̨n ɉəɠə.

Izikiɛ 16:46

Ə́ liɛ nɛ̨ɛ̨nu ɓaa a Samari, gaa hee ni ə́ kɔ́ɓɛyee hu pələ; ə ləɠə nɛ̨ɛ̨nu ɓaa Sodomə, gaa ə́ ɓa-mįi-yee hu pələ, da non nɛ̨ąą.

Izikiɛ 33:11

Ɲą́ą́ Mɛ̨nį kəlee ŋą Hééɓomun Yálá gɛ́ diɛ; yii kpɔ gáá a vúlu, a kɛ tii, gwə́inɛ̨ɛ̨ mɛ̨nį ɓa mɔ̨ɔ̨ a nu ɲɔ̨nwɔ̨ɔ̨ haa mɛ̨nį? Kɛlɛi yii gáá bɔ, ya ɓaa, nu ɲɔ̨nwɔ̨ɔ̨ ə dúwɔ pələ mąąhvalin, ə lɛɛ yɛnɛ̨ɛ̨. Israɛlə nwɔ pɛlɛ́i, ka ka hɔn mąą pənə, ka mɔ̨ɔ̨ haa lə mɛ̨nį ɓa?

Izikiɛ 33:14

Ŋą́ kɛ nu ɲɔ̨nwɔ̨ɔ̨ ɓa; ə́ kaa pai haai, ɛlɛɛ, mąą nu a ɲee kulɔ nwɔ nɛ̨ŋɛ̨n hu, yɛ túwɔ a tələnmolaa,

Osia 10:12

'Ka tələnmo kɛɛ hin, kaa pɛli liinɛ̨ɛ̨ gwəi mɔ̨nin deei, 'ka tíi nįnɛ̨ kɛ, yiihu, mąąnɛ̨ɛ̨ ka Yai-Laa kwɛli, ə gɛ, ə pa ə tələnmo tulɔ pu ka mɛ̨i.

Osia 12:6

«Yai-Laa Mɛ̨nį Kəlee ŋą Hééɓomun Yálái ti a Yai-Laa.» Bələ ɓə mąąnɛ̨ɛ̨ di vɛli la.

Osia 12:8

Nu ɓowo hɛn gɔwɔn gəgən mə ka yəi, yɛ bələi gaa la Kanaan yəi, hvulu wɛli kaa mą.

Osia 13:9

Israɛlə yɛ́ ɓəi! Daa ə́ hu kala ŋɛ̨i! Tɔ́ɔ́ ɓə ə́ mo ná; ɲą́ą́ dɔ̨nɔ̨ lɔ ɓə ŋą́ pɛli kpɔnmąątɛɛi ə́ pɔ.

Osia 4:8

Daa pilɛ nwɔ́ nu huwui nwɔ nɛ̨ŋɛ̨nŋąąi hu, diɛ di ɲɛ̨i kulɔ nwɔ nɛ̨ŋɛ̨nŋąąi pɔ.

Osia 5:5

Israɛlə nwɔ kpɔwɔ ɲąąkɛnɛ̨i ɓə giti kalai mą, Israɛlə, da Ɛfraimə di wɔ nɛ̨ŋɛ̨nŋąąi ɓə di tooi, Ɉuda yaa kpɛlimąn, yɛ too, da diɛni.

Osia 6:1

'Ka pa ka gu pənə gwəli Yai-Laa pɔ, ya ɓə ɲɔ̨n bɛlɛ guɔ, ya ɓə pai gu kɔ́lɔi pɔ̨nɔ̨i, ya ɓə gu kɛlɛ, ya lɔ ɓə nwɔ̨nɔ̨ pai bala halii.

Osia 9:13

Gáá Ɛfraimə kaai yɛ Tirə taa ta, dɔɔ kɛɛnąą lɛlɛɛ ɓa, Kɛlaa, ə mą kɛ tii, hvo kɛli Ɛfraimə ə pa nonnii tɛɛ paa ɓo pɔ.

Osia 9:7

Ɉu tɔɔ yələ aa həli, di woo hu kulɔ yələ aa həli: Israɛlə kaa pai yili kaai! Yálá kwəi mɛ̨nį hu kulɔmun aa ɓowo, gili nąmui kili aa kpɛɛ ɲəi, yɛ́ túwɔ́ pələ ɲɔ̨n ɉu kɛnɛ̨ pələ ɓa, da nwɛli kpɛɛmąą di gulɔ a yɛ́, ɉu kɛnɛ̨ pələ ɓa.

Amɔsə 1:13

Yai-Laa woo ka, yɛ: Mɛ̨ni tɔ̨nɔ̨ hvəi gɛi gɛ haŋą Amɔn nuą diɛ, gaa kpɔ a mɛ̨nį haaɓa, kpɔ hɔlɔmun nąąn. Mɛ̨nį ŋį́ gbən dee, və́ pai ɉəɠəi mą. Mąąhɔlɔɓo, di Galaadə koonɛ̨ąɠaa kwəi ɓɛla, ə gɛ, diɛi tii, di di wɔ lɔi ta kɛ mą.