Osia 12:10 - Yálá laawoo hɛɓɛ (dc)

¹⁰ Kɛlaa, ɲą́ą́ nwɛ́i, ɲą́ą́ Yai-Laa, ə́ wɔ Yálá ɓaa a ɲą́ą́, ə həɠə Eziptə lɔi hu, ə həli la yiihu ɓa. Gáá pai pənəi ŋį́ ə́ lɔ ə́ wɔ həɠə pɛlɛ́ɠaai mu, yɛ bələi ə kɛ la, a ɲələi tii, gwa kaani gu gu kee kaa la.

Yálá laawoo hɛɓɛ

¹⁰ Kɛlaa, ɲą́ą́ nwɛ́i, ɲą́ą́ Yai-Laa, ə́ wɔ Yálá ɓaa a ɲą́ą́, ə həɠə Eziptə lɔi hu, ə həli la yiihu ɓa. Gáá pai pənəi ŋį́ ə́ lɔ ə́ wɔ həɠə pɛlɛ́ɠaai mu, yɛ bələi ə kɛ la, a ɲələi tii, gwa kaani gu gu kee kaa la.

Bible

¹⁰ “Ŋá lòno ŋálono-kɛ́-ƃelai pɔ́. Ŋá díkɛ dí pili zĩ̂a su, dí sɛŋ támaa káa. Dísârai, ŋá ŋánûai lia-wôo ƃò.

Osia 12:10 ပူးပေါင်းရင်းမြစ်များ

Tɔɔɓɛlaa dɔlɔɔ 13:1

Yálá nwɔ nu ta ə həɠə Ɉuda, ə pa Betɛlə, Yai-Laa ɓə dɔɔ, ɓɛlɔwai Ɉeroboamə ə kɛi ɉaláá hɛnŋąą kələn na ɉaláá kulɔi.

Tɔɔɓɛlaa dɔlɔɔ 17:1

Yálá kwəi mɛ̨nį hukulɔ mun Eli, yai həɠə Tisbe Galaadə lɔi hu, ə mo tɔɔmun Akabə ɓa, a ɲələi tii, yɛ mą: «Akɛ kpɔ Yai-Laa Israɛlə nwɔ Yálá, yai gáá tíi mą, gaa a vulú, gáá moi yɛ́, gɛ́ yɛ́: tulɔ hvo pai pui, ɛlɛɛ, luwuluwu hva pu, gwɛlanŋaa ŋɛ̨i yee mu, hvo kɛli ŋą́ hvaa mą, ya ɓə tulɔ a pu la.»

Tɔɔɓɛlaa dɔlɔɔ 19:10

Eli yɛ mą: «Yai-Laa Mɛ̨nį Kəlee ŋą Hééɓomun Yálá, ə́ wɛli kɛ pələ mą́ą́, aa tolo lɔ ɉú, vá pɛli mą ɲɛ̨́i heei Israɛlə nuą túwɔ́ pələ ɲɔ̨n mą. Hvo gaai, daa ə́ wɔɔ mįnɛ̨i mąą kala, daa ə́ wɔɔ haláá kulɔiɠaa kəlee wolo, ɛlɛɛ, daa ə́ kwəi mɛ̨nį hukulɔ nuą kəlee paa a ɓɔwa kwɛaa, ɲą́ą́ dɔ̨nɔ̨ lɔ ɓə ŋą́ą́ lɛɛ, ya ka diɛ di nwún napili.»

Tɔɔɓɛlaa veelɛ 17:13

Ɛlɛɛ, Yai-Laa aa kɛ mo Israɛlə da Ɉuda diɛ gwəi mɛ̨nį hukulɔ nuą, da nwɔ kwɛlɛɛn gɛɛ kaa nuą laaləi, yɛ diɛ: «Ka ka pulu ka ka yee kulɔ ka wɔ túwɔ́ pələ ɲɔ̨nŋaa ɉu, ka hvilɛn nwɔ́ tiɓoɠaa da nwɔ́ tɔ́n nwooɠaa pulu, yɛ bələi ŋą́ mo la ka nąnni diɛ, gɛ́ gwə́i mɛ̨nį hukulɔ nuą tɛɛ, diɛ ɉukulɔ kaa.»

Nehemi 9:30

«Kwɛlan damąą yee mu, ə́ mɔ̨nɔ̨ mįi di mu, ə́ kɛi di təli ə́ pɔ pələ, ə́ wɔ Kilii haalai yai kɛ ə́ wɔ loloɓo nuą hu. Kɛlaa, di hvo gə di hvo di wəli tɔɔ ə́ woo ɓa. Yili ɓə gə, yɛ́ di kwɛlɛ lɔi takpɛliɠaa diɛ.

Lɛɛ gbɔwɔ ɓa 20:2

«Ɲą́ą́ gáá a Yai-Laa, ka wɔ Yálá, yai ka kulɔ Eziptə luwɔlaa hu.

Ɉeremi 19:1

Mɛ̨nįi Yai-Laa ə mo Ɉeremi ɓa, ya ka, yɛ mą: 'Li ə́ mulúún ɲá, ɛlɛɛ, ə́ kalanɉon daɠaa həɠə ɉu, da ɉaláá laa həli nuą nu pɔlɔ taɠaa.

Ɉeremi 19:10

Yili pulu, nuą ŋɛ̨i pai kɛi ə́ pɔ, ə́ muluun nwolo di ɲɛ̨i ɓa,

Ɉeremi 25:4

Yai-Laa aa lɛɛ nwɔ tínuą, diɛi a gwəi mɛ̨nį hukulɔ nuą tɔɔi ka pɔ, vįi hvo ta kpɛɛ li, kɛlaa, ka hvo ta ka wəli tɔɔ li di mą, ka hvo Yai-Laa woo mɛ̨n.

Ɉeremi 7:25

Ə həɠə kpɔ di nąnni kulɔ yələ ɓa Eziptə lɔi hu, ə həli háákələi ɓa, və́ ta kpəla li gwə́i mɛ̨nį hukulɔ nuą tɛɛ ɓa di pɔ, diɛi ɓaa nwɔ́ tínuą; ŋį́ di tɛɛ a hvoló tɛitɛi kəlee.

Izikiɛ 17:2

«Hulɔnu lon, hanwon da hɔɔ a mɛ̨nį kulɔ mąą ta, Israɛlə nuą diɛ:

Osia 13:4

Ɛlɛɛ, ə həɠə kpɔ ə́ kulɔ yələ ɓa Eziptə lɔi hu, ɲą́ą́ lɔ ɓə a Yai-Laa ə́ wɔ Yálá. Akɛ ɲą́ą́ hvəi, hvó Yálá takpɛli kɔ́lɔn, nu ɓalomun dakpɛli hvo laa, a kɛ ɲą́ą́ hvəi.

Osia 3:1

Yai-Laa yɛ mą́ą́: «Nɛ̨ɛ̨nui nwɛli kaa nwɔ wɛlii ɓa, kɛlaa ə mą kɛ tii yɛ wɛli hon, 'Li nwɔ̨nɔ̨, ə́ hvilɛn bulu. Bələ lɔ ɓə Yai-Laa a Israɛlə lonnii wɛlila kɛ la; ɛlɛɛ diɛn, diɛ di ɲɛ̨i tinɛ̨n haliɠaa pɔ pələ, ɛlɛɛ, hali-ɓa wɛli ə ɓo diɛ.»

Levetekɔ 23:42

Hvóló mɛ̨ihveelɛ yee mu, Israɛlə lonnii kəlee kpun, da kɛ ɉəɠə pɛlɛ́ mu,

Amɔsə 7:14

Amɔsə ə Amasia woo ŋąąpənə, yɛ mą: «Və́ a Yálá kwəi mɛ̨nį hu kulɔ mun, və́ nwɔ̨nɔ̨ a Yálá kwəi mɛ̨nį hu kulɔ mun da lon. Mąąhɔlɔɓo, gáá a ɓɛlaa tɔɔ mun, gɛ́ ɓo a ɓɔɔla yɛa laa mun.

Lonon mo 12:6

Yɛ diɛ: «Ka ka wəli tɔɔ nwóó ɓa. Nu ta a kɛ ka lɔwai a gwə́i mɛ̨nį hukulɔ mun, ɲą́ą́ Yai-Laa, ŋą́ gbɔ́wɔ́ lɛ hįį pələ, gɛ́ mɛ̨nį ɓo mą.

Gɛlaɠaa 2:17

«‹Yálá ə mo yɛ diɛ: Yɛnɛ̨ɛ̨ ɲąą kpɛɛi lɔwai aa kɛi həli, gáá pai nwɔ́ Kilii tɛɛi nu kəlee pɔ, ka lon ɉinąą da ka lon nɛ̨ąą da Yálá nwɔ wɛlɛɛ laa həli, ka wɔ hilɛlɛai diɛ mɛ̨nįɠaa kaa, ɉulɔgoloɠaa diɛ hįi kaa.

Korɛntə veelɛ 12:1

Hvo kɛli mɔ̨ɔ̨ nu ə gbɔwɔ ɲąą kɛnɛ̨, ya pa, hɛn da hvo ɉu! Ɛlɛɛ yaan, gwɛlɛɛn gɛɛɠaai da mɛ̨nįɠaai gu Nąmu ə di lɛ mą́ą́i, ŋą́ą́ həli diɛ.

Korɛntə veelɛ 12:7

Mąąhɔlɔɓo, mɛ̨nįɠaa tii di nɛ mą́ą́, ɉu kɛnɛ̨ pələ, bələ di tɛɛ la və́ pa nəi gbɔ́wɔ́ ɲąą kɛnɛ̨, di hɛn da lɔ gɔ́lɔ hu, di ɓilihi ŋą malaka ta tí, ə gɛ́lɛ, və́ pa nəi gbɔ́wɔ́ ɲąą kɛnɛ̨ a pələi lɔpee.