Nwun mąąɓo 9:8 - Yálá laawoo hɛɓɛ (dc)

⁸ «Hvóló ta ə kɛ, wuluɠaa diɛ di kaa tɔɔmun da heei di nwun na, diɛ olivə wulu ɓa: ‹Kɛ a ku wɔ tɔɔmun.›

Yálá laawoo hɛɓɛ

⁸ «Hvóló ta ə kɛ, wuluɠaa diɛ di kaa tɔɔmun da heei di nwun na, diɛ olivə wulu ɓa: ‹Kɛ a ku wɔ tɔɔmun.›

Bible

⁸ Tɔɔ ŋá mɛni pɔlɔ da ƃó kâa. Ɣele tɔnɔ da, ŋ̀úru-ŋai kélee dí díŋaa tɛ̀ ma a gɛ́ɛ dí díkâloŋ sée. Dí mò ɔle wurii ma, ‘Pá íkɛ a kúkâloŋ.’

Nwun mąąɓo 9:8 ပူးပေါင်းရင်းမြစ်များ

Tɔɔɓɛlaa veelɛ 14:9

Israɛlə tɔɔmun Ɉoasə ə nwɛlɛɛ pulu pənə, Ɉuda tɔɔmun Amasiasə ɓa, yɛ mą: «Liban ɲąąlən gbɔlɔ ə kɛ Liban kpitili ɓa, ‹Ə lon nɛ̨ɛ̨ɛnu tɛɛ nón bɔ a nɛ̨ą›, kɛlaa, Liban huwɔ ə pa ə ɲąąlən gbɔlɔi tii wolo wolo di kɔ́wɔ mu.

Kɔlɔnikɔ Veerɛi 25:18

Israɛlə tɔɔmun Ɉoasə ə nwɛlɛɛ ɲali bulu ɓo Ɉuda tɔɔmun Amasiasə ɓa, yɛ mą: «Liban ɲąąlən gbɔlɔ ə wɛlɛɛ tɔɔ Liban kpitili pɔɔli, yɛ mą: ‹Ə́ lon nɛ̨ɛ̨nu tɛɛ nón ɉulɔnu pɔ a nɛ̨ą›, kɛlaa, lɔwɔ huwɔ ta ə tɛɛ, ə ɓɔlɔɔn ɲąąlən gbɔlɔi tii mɛ̨i.

Korɛntə dɔlɔɔ 12:15

Kɔwɔ a kɛ diɛ: «Yii və́ a yee, və́ a nu nąą ta», akɛti, hva kɛ mɔ̨ɔ̨ a kɔlɔ nąą ta?

Nwun mąąɓo 9:7

Di pa di mɛ̨nį tii hukulɔ Yotamə ɓa. Yotamə ə li ə hee Garizimə yee ton na, ə tomą kpɔ a nwoo kɛnɛ̨, yɛ diɛ: «Sisɛmə kalanɉonŋąą, ka ka wəli tɔɔ nwóó ɓa, 'ə́ gɛ Yálá ə nwəli tɔɔ ka woo ɓa!

Nwun mąąɓo 9:9

«Kɛlaa, olivə wulu yɛ diɛ: ‹Gaa ka kwəi, gáá pai ɲéé kulɔi nwúlɔ hu, yai nwɛli kaa Yálá ɓa, nwɛli ə ɓo nuą diɛ, ŋą́ li gɛ́ tɛɛ tɛɛ ɓo wuluɠaa mɛ̨i?›