Nwun mąąɓo 9:57 - Yálá laawoo hɛɓɛ (dc)

⁵⁷ Ɛlɛɛ, Yálá ə Sisɛmə nuą di wɔ túwɔ́ pələ ɲɔ̨n gwələ kulɔ diɛ. Yerubaalə lon Yotamə nwɔ nɛ̨ŋɛ̨n naai tii ə gɛ, pələ ɓə naa ə hon na.

Yálá laawoo hɛɓɛ

⁵⁷ Ɛlɛɛ, Yálá ə Sisɛmə nuą di wɔ túwɔ́ pələ ɲɔ̨n gwələ kulɔ diɛ. Yerubaalə lon Yotamə nwɔ nɛ̨ŋɛ̨n naai tii ə gɛ, pələ ɓə naa ə hon na.

Bible

⁵⁷ Ɣâla è Sɛkɛŋ-ƃelai dí ŋwana-lɔɔi su tòo dîa máŋ. Zerubee ǹóŋ Zotaŋ ŋɔfoo wôoi è dísòŋ.

Nwun mąąɓo 9:57 ပူးပေါင်းရင်းမြစ်များ

Samia Veerɛi 3:39

Nwɛ́i, háákələi, hvaŋą hvo ɲə́i, pələi mąn di dɔɔlaa wulɔ hiɛ la mą́ą́, ə lɛɛ, nu huwui tii a Seruya lonnii, di kili walawalaai mą́ą́. Kɛlaa, Yai-Laa ə nu ɲɔ̨nwɔ̨ɔ̨ nwɔ mɛ̨nį ɲɔ̨n gwələ kulɔ ma.»

Tɔɔɓɛlaa dɔlɔɔ 16:34

Akabə nwɔ tɔɔlaa lɔwai ɓə, Betɛlə mun Hiɛlə ə pənə ə Ɉeriko taa tɔɔ la. Non ɉulɔnu dɔlɔɔ Aviramə ɓə di gɛ a daa wulu hvilɛn ɉɛn. Non ɉulɔnu veelɛnąą Seguvə ɓə di gɛ a ɉį́i la kponŋąą gɔwɔ hvilɛn ɉɛ. Yɛ bələi Yai-Laa ə bu la Nun lon Ɉosue la yɛ mo.

Tɔɔɓɛlaa dɔlɔɔ 2:32

Yai-Laa a Ɉoabə haa wulu lɛɛ Ɉoabə yaa kpinįi nwuɔ̨, yai tii nu hveelɛ paa, diɛi kɛ di haŋąą, di hviɛlaɓoɔ di tɛɛ mą, ə di paa a ɓɔwa, ną́n Davidə tɛɠii. Nu hveelɛi tii dɔ̨nɔ̨ ɓaa Nɛrə lon Avnɛrə, yai kɛ a Israɛlə kɔlaɠa nwun nąmu; veelɛnąą Yɛtɛrə lon Amasa, Ɉuda kɔlaɠa nwun nąmu.

Mąątɛ̨nɛ̨ 7:17

Nwɔ ɲɛ̨nį mɛ̨nį, a pənə ə lɛɛ nwuɔ̨, nwɔ wɛa mɛ̨nįi tii ə pənə ə yɛɛ a nwun.

Mąątɛ̨nɛ̨ 94:23

Aa di wɔ túwɔ́ pələ ɲɔ̨nŋaa yɛɛ a di nwun, aa di hukala a di kpɔ kpɔɔ kili ɲɔ̨nwɔ̨ɔ̨i ti; Yai-Laa ku wɔ Yálái aa di hukala.

Hanwon 5:22

Nwąnąlɔ mun a kɔ a gbɔwɔ kpinįi nwɔ nwąnąlɔɔ ɓaalə. A too gbɔɔ-kpɔɔ nɛ̨ŋɛ̨n diŋɛ̨n ɉu.

Azaya 3:11

Kpalo ɓɛlaai mɛ̨nį ɲɔn gɛmun mą, hvó gaai mąąwɛli mɛ̨nį hɛlɛ ŋąąi nwun mɛ̨i, di kaa pai ɉon ɉii, yɛ bələi ə gwɛli la a dúwɔ́ pələ.

Zasua 6:26

Volói tii di mɛ̨nį kɛ la, Ɉosue ə nɛ̨ŋɛ̨n naa Ɉeriko taa ɓa, yɛ mą: «Nui lɔpee pai muhəɠəi, yɛ kɛ gaa Ɉeriko taa ŋɛ̨i tɔɔi, mąą nu nɛ̨ŋɛ̨n naai Yai-Laa ɲɛ̨i ɓa; mąą nu a daa ŋɛ̨i wulu hvilɛn a non ɉulɔnu tɔlɔɔ, ə daa mąą kpɛ hįi gbon gɔwɔ hvilɛn a non ɉulɔnu veelɛnąą.»

Nwun mąąɓo 1:7

Adoni-Bɛzɛkə yɛ diɛ: «Tɔɔɓɛlaa pow mɛ̨ihveelɛ, diɛi kɛ daa di yee kpuɔ da di kɔ́wɔ kpuɔ tee diɛ, di kɛi kɔ̨nɔ̨n bɛnɛ̨ yɛɠɛ ɲə́i daɓali mu. Mɛ́nii ŋį́ gɛ a nuą, Yálá aa gwələ kulɔ mą́ą́.» Də li a Adoni-Bɛzɛkə Ɉerusalɛmə daai, nąą ɓə ə haa laa.

Nwun mąąɓo 10:1

Abimelɛkə haa pulu, Dodo lon Pua nwɔ lon Tola, yai kɛ a Isakarə mun, ə Israɛlə nwun mąąɓo, ə kɛ heeni Samirə daai Ɛfraimə yee ɓa.

Nwun mąąɓo 9:20

Kɛlaa, akɛ yili hvəi, nwɔ̨n gaa pai kulɔi Abimelɛkə hu, kaai ɓaa Sisɛmə kalanɉonŋąą, ə ka kələn, ə mą kɛ Milo daai nuą. Ɛlɛɛ, nwɔ̨n ə kulɔ Sisɛmə kalanɉonŋąą da Bɛtə-Milo daai nuą hu, ə Abimelɛkə kələn.»

Nwun mąąɓo 9:24

Mɛ̨nį ɲɔ̨n ŋɛ̨i ə naa Yerubbalə lonnii pow mɛ̨ihvelɛi ɓa, mąą mɛ̨nį ɓa, di gɛ tii, ə gɛ, Abimelɛkə gaayɔwɔɠaai ŋɛ̨i ə di paa, di ɲąmą wulu ə lɛɛ nwuɔ̨; da Sisɛmə kalanɉonŋaai kpɔmąą tɛɛ bɔ, yɛ gaayɔwɔɠaa paa.

Nwun mąąɓo 9:45

Voló tɔ̨nɔ̨i tii yee mu, Abimelɛkə ə kɔ́ pɛlɛ daa ɓa, ə daai nuą kəlee paa, ə daa wolo, ə kpolo taɠa nąą mɛ̨i.

Nwun mąąɓo 9:56

Bələ ɓə Yálá ə mɛ̨nį nwąnąąi Abimelɛkə ə naa nąn ma, yɛ gaayɔwɔɠaa pow mɛ̨ihveelɛi paa, gwələ kulɔ la yaa kpɛli mą.