Nwun mąąɓo 8:1 - Yálá laawoo hɛɓɛ (dc)

¹ Ɛfraimə nuą, di pa diɛ Zedeɔn ɓa: «Lə mɛ̨nį ɓə ŋɛ̨i ə́ gɛ a kuɔi? Ɓɛlɔwai ə́ kɛi li kɔ́ pɛlɛi la Madian nuą diɛ, hvo ku təli li?» Zedeɔn da Ɛfraimə nuą di mo kpɔ di kee lɔwai a nwalawalaa.

Yálá laawoo hɛɓɛ

¹ Ɛfraimə nuą, di pa diɛ Zedeɔn ɓa: «Lə mɛ̨nį ɓə ŋɛ̨i ə́ gɛ a kuɔi? Ɓɛlɔwai ə́ kɛi li kɔ́ pɛlɛi la Madian nuą diɛ, hvo ku təli li?» Zedeɔn da Ɛfraimə nuą di mo kpɔ di kee lɔwai a nwalawalaa.

Bible

¹ Naa pôlu ma, Ifiraŋ kɔ-kuluƃa-ŋai dí Gidiɔŋ marê kɛ̀ dîyɛɛ m̀ai, “Lé ƃé kɛ̀ ífe kútoli ní a gɛ́ɛ kú kpɔ́ŋ yâ kú kɔ́ Mediɛŋ-ŋai pɔ́i? Í gɛ̀ tí a kúa lé mɛni ma?” M̀ɛnii ŋí è ŋwàna kpɔ́ dîa a ŋ̀ánaa díkɛ díŋuŋ su-woo sàa é pîlaŋ ma.

Nwun mąąɓo 8:1 ပူးပေါင်းရင်းမြစ်များ

Samia Veerɛi 19:41

Tɔɔmun da Kimhamə ni di lɛɛ di kee pɔ, də li Gilgalə daai. Ɉuda nuą kəlee da Israɛlə nuą bələ tɔ̨nɔ̨, diɛ ɓə kpɔmąą tɛɛ tɔɔmun bɔ, di ɲa teen na.

Samia Veerɛi 19:42

Israɛlə nuą di pa tɔɔmun bɔ, diɛ mą: «Lə mɛ̨nį ɓa, ku nąn nonnii ŋɛ̨i a Ɉuda nuą, di di kanąn bili ə́ mɛ̨nį, diɛ Ɉurdɛn ya teen a tɔɔmun da ɲəi bɛlɛ́n nuą kəlee? Ə lɛɛ, ya pa, tɔɔmun gwɛlɛ nuą kəlee di ɓo kɛ bulu.»

Zôo 5:2

Kilikpɛɛɲəimun a haa a liikələn gwəi; tolo yɛ hupumun baa.

Hanwon 15:1

Woo ɲąąpənə lɛlɛɛ, a líi holi kpɛla bələi. Kɛlaa, woo ɲɔ̨n moɔ nu ɓa, a líi holi ta pɛlɛ mą.

Ikilisiati 4:4

Ŋą́ą́ nwɔ̨nɔ̨ mɛ̨nį takpɛli kaa, ya ɓaa: Mɔ̨nɔ̨i nuą da mįi di kɛ kóló hu, gaa a tolo kulaa, ə gɛ, yii gaa gɛi, ə lɛlɛɛ ə tɛɛ mɛlaa di wɛi ɓa. Yili kaa a kpɛli-kpɛli mɛ̨nį, yɛ nu aa kɛi hvaŋą tənən dɔɔ.

Osia 13:1

Ɛfraimə a kɛi kɛ mɛ̨nį ɓo, di kɛi ɲɔw mą Israɛlə lɔi hu, kɛlaa Baalə mąą mɛ̨nį hu, ə ɉɔn gɛ, ə ɉu haa ɓo.

Nwun mąąɓo 8:2

Kɛlaa, Zedeɔn yɛ diɛ: «Lə ɓə ŋą́ gɛ, yaai ka hvo gɛ li? Ɛfraimə nuą, mɔ̨nun ŋɛ̨i ka gwɛli, viɛla hvo ɓo li hvo tɛɛ, Aviɛzɛrə nwɔ teɛ ɓa?