Nwun mąąɓo 7:8 - Yálá laawoo hɛɓɛ (dc)

⁸ Zedeɔn da nu nwun-ɉaaɓai tii ɓə kɛa lɛɛ, ə mo yiiɠaai tii diɛ, yɛ diɛ: nu kəlee ə li bɔ taai. Kɛlaa, di kɔ̨nɔ̨n di paa la, da di wɔ túlúɠaai, di lɛɛ laa. Madian nuą di wɔ kɔ́ ɓuwui ə kɛ ɲee kɔ́wɔ la, ŋɛŋɛ hu.

Yálá laawoo hɛɓɛ

⁸ Zedeɔn da nu nwun-ɉaaɓai tii ɓə kɛa lɛɛ, ə mo yiiɠaai tii diɛ, yɛ diɛ: nu kəlee ə li bɔ taai. Kɛlaa, di kɔ̨nɔ̨n di paa la, da di wɔ túlúɠaai, di lɛɛ laa. Madian nuą di wɔ kɔ́ ɓuwui ə kɛ ɲee kɔ́wɔ la, ŋɛŋɛ hu.

Bible

⁸ Nya ƃe Gidiɔŋ è Eezuɛ-ƃelai kpéli-ŋai tɛ̀ɛ pôlu dípɔ-taai. Zãâi díkɛ̀ liî lai, dí gélee lɛ̀ɛ díƃarâai yêei da díturu-ŋai. Kɛ́lɛ gɔ-kuluƃa ŋuŋ saaƃai nɔ́ ƃé lɛ̀ɛ Gidiɔŋ kɔlɛ. Mediɛŋ-ŋai díƃûui è kɛ̀ diŋ-tiŋ su Eezuɛ-ŋai díwɔ̂i kwára-pere.

Nwun mąąɓo 7:8 ပူးပေါင်းရင်းမြစ်များ

Azaya 27:13

Mąą hvólói, túlu kɛnɛ̨ woo kaa pai tɔɔi, nuąi kɛ daa pili, di kaa pai həɠəi Asiri lɔi hu diɛ pa; da nuąi ta di di kpɛ Eziptə lɔi hu, di kaa pai pɛlɛi Yai-Laa lííla, ɲee mąąhəɠɛɛ nwuɔ̨ Ɉerusalɛmə.

Levetekɔ 23:24

«'Mo Israɛlə lonnii diɛ, yɛ́ diɛ: «Ɲąnin mɛ̨ihveelɛnąą nwɔ hvóló dɔlɔɔ, kaa ka yəi a hvįįtɔɔ hvóló, yɛ mɛ̨nį kili too ka ŋą, ə ɓo a hɛli, ka ka ɲąąkpɔn a ɲələ, kaa mą́ą́wiɛ.

Levetekɔ 25:9

Yili pulu, ɲąnin mɛ̨ihveelɛnąą nwɔ hvóló pow yələ yii gaa a nɛ̨ŋɛ̨n mąą hvaalɛɛ hvóló, ka túlú hvɛɛ ka wɔ lɔi nąą kɔ́lɔ kəlee.

Lonon mo 10:9

«Ɓɛlɔwai ka kɛ la ka wɔ lɔi hu, ka kɛi pai lii kɔ́ pɛlɛi ka yowoɠaa diɛ, da tómą a kɔ́ mɛ̨i woo, ka dúlú hvɛɛ. Ka gɛ tii, a ka nąą kili too pələ Yai-Laa ka wɔ Yálá ŋą, yɛ ka kulɔ ka yowoɠaa yəi.

Korɛntə dɔlɔɔ 15:52

lɔ tii tanɔ̨n, a nu ɲɛ̨i yalima tanɔ̨n, a dúlú kpɛli hvɛɛi lɔwai. Gbala ə tɔɔ, dúlú woo a pa tɔɔi haa nuą da nwun a di mąąhəɠɛɛ, ɛlɛɛ, guɔn, gu mąą ə hvalin.

Zasua 6:20

Israɛlə nuą di tomą a kɔ́ mɛ̨i woo, di mɛlaa mįnɛ̨ hvɛɛ. Ɓɛlɔwai di mɛlaa mįnɛ̨ woo mɛ̨n na, di tomą kpɔ a kɔ́ mɛ̨i woo, daa mąą kpɛ hįį ə nɛ̨ɛ̨ mą ə pu. Israɛlə nuą di tɛ daai, nu kəlee ə ɲɛ̨i haɠa dɔwɔ, di daa hon.

Zasua 6:4

Ɉaláá laa həli nuą mɛ̨ihveelɛ, di kaa pai kɛi mįnɛ̨ kəhi tɔwɔ, ɓɛlaa mįnɛ̨ mɛ̨ihveelɛ ə ɓo di yəi. Voló mɛ̨ihveelɛ yələ, ka daa mąątinɛ̨n gee mɛ̨i mɛ̨ihveelɛ, ɉaláá laa həli nuą da mɛlaa mįnɛ̨ tulu hvɛɛ.

Nwun mąąɓo 3:27

Ə həli kpɔlɔ, ə dulu hvɛɛ, Ɛfraimə nwɔ yee ɓa, Israɛlə nuą di hvilɛn bɔ, di ɲee yɛɛ, ə ɓo di ɲɛ̨i tɔwɔ.

Nwun mąąɓo 6:33

Madian nuą, Amalɛkə nuą, da nuąi da həɠə doo nwunma ɓa vóló kulɔi pələ, di pɛlɛ di kee ɓa, di jurdain teen, di pa di di wɔ ɓuwui pɛlɛ Izreɛlə.

Nwun mąąɓo 7:7

Yai-Laa yɛ Zedeɔn ɓa: «Nu nwun-ɉaaɓa ŋɛ̨i ɲá pili di la a di yee, di pɔ pələ ɓə gaa Israɛlə nwun mąąɓoi la Madian nuą yəi. Yii ɓaa nuą yiiɠai tii, di pənə də li di pɔ taai.»

Nwun mąąɓo 7:9

Mąą kpinįi tii hu, Yai-Laa yɛ Zedeɔn ɓa: «Ə́ muhəɠə, ɲee yɛɛ, ə́ kɔ́ pɛlɛ Madian nuą diɛ, ŋą́ą́ di tɛɛ ə́ pɔ.