Nwun mąąɓo 7:22 - Yálá laawoo hɛɓɛ (dc)

²² Zedeɔn nwɔ nu nwun-ɉaaɓai tii, di kɛi di wɔ túlúɠaai hvɛɛ, Yai-Laa ə di yowoɠaa di wɔ ɓɔwaɠaai ɲɛ̨i pənə di kpɔwɔ ɓa, diɛ di kee paa. Gbəliɠaai kulɔ ɉu, di tɛɛ a gilɛ, di li Bɛtə-Sita, Serera pələ, di li kpɔ di həli Avɛlə-Mehola, Tabatə kwɛlɛ.

Yálá laawoo hɛɓɛ

²² Zedeɔn nwɔ nu nwun-ɉaaɓai tii, di kɛi di wɔ túlúɠaai hvɛɛ, Yai-Laa ə di yowoɠaa di wɔ ɓɔwaɠaai ɲɛ̨i pənə di kpɔwɔ ɓa, diɛ di kee paa. Gbəliɠaai kulɔ ɉu, di tɛɛ a gilɛ, di li Bɛtə-Sita, Serera pələ, di li kpɔ di həli Avɛlə-Mehola, Tabatə kwɛlɛ.

Bible

²² Gidiɔŋ ŋɔkɔ-kuluƃa-ŋai kɛ́ɛ da díturuii fɛ́ɛi, Yâwɛɛ è gɛ̀ Mediɛŋ kɔ kɔ́-ƃelai dí pɛ́lɛ kɔ̂i díkîe ni pɔ́ a ƃóa-sɔkpɔ-ŋa. Diai lɛ̂ɛ a dífului, dí pù dí lí Zarɛtaŋ pere dí tɛ́ɛ naa dí lí kpɔ́ Bɛɛ-sita é lɛ́ɛ la zu dí seri Ebɛɛ Meola, Taba lɔii kpiniŋ kɔlɛ.

Nwun mąąɓo 7:22 ပူးပေါင်းရင်းမြစ်များ

Tɔɔɓɛlaa dɔlɔɔ 19:16

Yili pulu, ə́ dɔɔ wulɔ lɔ Nimsi lon Ɉehu ɓa, ə́ gɛ a Israɛlə tɔɔmun. Ɛlɛɛ, Safatə lon Elise, yai gaa a Avɛlə-Mehola mun, 'ə́ dɔɔ wulɔ lɔ mą, 'ə́ gɛ a gwə́i mɛ̨nį hukulɔ mun a ə́ mąąhvalin.

Tɔɔɓɛlaa dɔlɔɔ 4:12

Ahiludə lon Baana ɓə kɛ, Taanakə da Megido ɛlɛɛ Bɛtə-Sean lɔi kəlee, yai kɛ Sartan kwɛlɛ Izreɛlə lɔi kɔ́wɔ mu. Ə həɠə Bɛtə-Sean ə həli Avɛlə-Mehola, yɛ li kpɔ Yokmoamə pulu.

Kɔlɔnikɔ Veerɛi 20:23

Amɔn nuą da Moabə nuą, di tinɛ̨n di pɛlɛ Seirə ɲee hu nuą diɛ, diɛ di paa, diɛ di hukala. Yii kɛa di Seirə nuą paa di di kpɛɛ, di tínɛ̨n kɛa, diɛ di kee paa.

Mąątɛ̨nɛ̨ 83:9

Ə mą kɛ, Asiri nuą, aa too di pɔ, yɛ kpɔnmąą tɛɛ Lɔtə lonnii pɔ.

Azaya 19:2

Yai-Laa yɛ diɛ: Gáá Eziptə nuą ɲąątɛi di kee ɓa, nu kəlee yɛ kɔ́ pɛlɛ gaayɔwɔ ɓa, nu yɛ kɔ́ pɛlɛ mɛlan gaa lon ma, taa yɛ kɔ́ pɛlɛ mɛlan daa ɓa, lɔi yɛ kɔ́ pɛlɛ mɛlan nɔi ɓa.

Azaya 9:3

Mąąhɔlɔɓo, nuwɔ laai di kɛ ɉu, gbɔn kɛ di mɔ̨nɔ̨ɓomun ɲəi, yɛ di kɛlɛ la di pulu, Yáá yiliɠaai kəlee hu yali, yɛ bələi wɔlɔ Ə́ gɛ la a Madian nuą.

Azaya 9:4

Hvó gaai, gɔlɔ kpɛa-kpɛai kɛ di kɔ́wɔ ŋą, diɛ nɔi tín gulɔ la, ɉəɠəi kɛ di kwaną gbɔluɔ a ɲąmą, yiliɠaai kəlee kaa pai kələn ɉii, di kɛ a nwɔ̨n gɔ̨nɔ̨n.

Izikiɛ 38:21

Gáá pai kɔ-kɔ-ɓɔwa tolui, yɛ həɠə nwɔ́ yeeɠaa kəlee mɛ̨i, yɛ wolo Gɔgə ɓa. Mɛ̨nį kəlee ŋą Hééɓomun Yálá woo li. Nu tɛi tɛi kaa pai pɛlɛi nąngaa ɓa a kɔ́ kɔ́ ɓɔwa. Hééɓo kəlee Nąmu Yálá woo li.

Habakukə 3:14

Ya ku yowoɠaa di kpɔkpɔɔ mɛ̨ɛ̨kɔw həɠə, ə́ mɔ di nwun ɉu. Ku yowoɠaa da kpuluun, diɛ pa ku hu taɠai; di pa pələ a kɛ yɛ tulɔ hvaŋą, diɛ tómą a kwəinɛ̨ɛ̨. Di kɛ pələ pɛliɛ, diɛ pa nu paai loo hu.

Egaa 2:22

Ŋą́ tɔɔɓɛlaa di wɔ huwalawala too, wotoloɠaa da mɛ̨i hee ɓo nuą da too, hoo da mɛ̨i hee ɓo nuą di laa nɔi ɓa, diɛ di kee paa.

Zakari 14:13

Mąą yələi tii, Yai-Laa kaa pai ɲɔw kɛnɛ̨ pilii di hu, nuą diɛ wolo di kee ɓa, diɛ gɔ́.

Korɛntə veelɛ 4:7

Kɛlaa, ɉɛn gɔw ti, naaikɛɛi gu yəi ləɠi-kpɛli hu, ə gɛ, nuą diɛ pɛli gbaɠala kaai a nɛlɛɛ, diɛ kɛ ɉuwalawala kɛnɛ̨ taaləi ti ə həɠə Yálá pɔ, kuɔ hvəə.

Zasua 3:16

nąąlɔwai kpɔlɔɔ, ɲá ə tɔɔ ɲələi pələ yɛ hįi, kpɔ a gwɛa, Adamə taai ŋɛ̨i Sartan gwɛlɛ pələ; yii ŋɛ̨i a kɛ yɛɛi Ɉurdɛn ɲá-ɓoloon bɔ gboloyá ɓa pələ, gboloyá kponąi tii hu ə tee kpɔ tɛ̨ɛ̨ tɛ̨ɛ̨, nuą di Ɉurdɛn teen Ɉeriko tənən ma pələ.

Zasua 6:16

Mɛihveelɛnąą, ɉaláá laa həli nuą di mɛlaa mįnɛ̨ hvɛɛ, Ɉosue yɛ diɛ: «Ka tomą a kɔ́ mɛ̨i woo, mąąhɔlɔɓo, Yai-Laa aa daa ŋɛ̨i lɔ gu yee ŋą.

Zasua 6:20

Israɛlə nuą di tomą a kɔ́ mɛ̨i woo, di mɛlaa mįnɛ̨ hvɛɛ. Ɓɛlɔwai di mɛlaa mįnɛ̨ woo mɛ̨n na, di tomą kpɔ a kɔ́ mɛ̨i woo, daa mąą kpɛ hįį ə nɛ̨ɛ̨ mą ə pu. Israɛlə nuą di tɛ daai, nu kəlee ə ɲɛ̨i haɠa dɔwɔ, di daa hon.

Zasua 6:4

Ɉaláá laa həli nuą mɛ̨ihveelɛ, di kaa pai kɛi mįnɛ̨ kəhi tɔwɔ, ɓɛlaa mįnɛ̨ mɛ̨ihveelɛ ə ɓo di yəi. Voló mɛ̨ihveelɛ yələ, ka daa mąątinɛ̨n gee mɛ̨i mɛ̨ihveelɛ, ɉaláá laa həli nuą da mɛlaa mįnɛ̨ tulu hvɛɛ.

Samuɛlə dɔlɔɔ 18:19

Kɛlaa ɓɛlɔwai kɛ mąąnɛ̨ɛ̨ kɛ di Saulə lon nɛ̨ɛ̨nu Meravə tɛɛ la Davidə pɔ di ɉilɛ taa kɛ Adriɛlə ɓa, Mehola daai.