Nwun mąąɓo 7:20 - Yálá laawoo hɛɓɛ (dc)

²⁰ Gbulu hveelɛi tii diɛ kpɛli, di di wɛiɠaai wolo, di wɔ kpalanŋaai diɛ ɓo di kɔ́ɓəyee ŋą, dúlú ə bo di ɓa-mįi-yee ŋą; di tomą, diɛ mą: «Yai-Laa nwɔ ɓɔwa kwɛai, Zedeɔn nwɔ ɓɔwa kwɛai.»

Yálá laawoo hɛɓɛ

²⁰ Gbulu hveelɛi tii diɛ kpɛli, di di wɛiɠaai wolo, di wɔ kpalanŋaai diɛ ɓo di kɔ́ɓəyee ŋą, dúlú ə bo di ɓa-mįi-yee ŋą; di tomą, diɛ mą: «Yai-Laa nwɔ ɓɔwa kwɛai, Zedeɔn nwɔ ɓɔwa kwɛai.»

Bible

²⁰ Ǹúu-kpulu feerɛi kɛ̀ m̀ûui m̀éla nyíti mai, dí díwɔ̂ turuii fɛ̀ɛ, dí díwolo máŋ. Díkelee dí gbáleŋ sòŋ díkɔɔ yêe ŋá dí dúrii sóŋ dí láa-mii yêe ŋá, dí láɣi dîyɛɛi, “Ka kɔ́ a káƃoa sɔkpɔ-ŋai Yâwɛɛ mɛni ma da Gidiɔŋ!”

Nwun mąąɓo 7:20 ပူးပေါင်းရင်းမြစ်များ

Azaya 27:13

Mąą hvólói, túlu kɛnɛ̨ woo kaa pai tɔɔi, nuąi kɛ daa pili, di kaa pai həɠəi Asiri lɔi hu diɛ pa; da nuąi ta di di kpɛ Eziptə lɔi hu, di kaa pai pɛlɛi Yai-Laa lííla, ɲee mąąhəɠɛɛ nwuɔ̨ Ɉerusalɛmə.

Ɉeremi 47:6

Lə mɛ̨nį ɲąąnwąnąą ɓəi, Yai-Laa nwɔ ɓɔwai! Akɛti, hvįįtɔɔ hvo kɛa yɛ́? 'Lɔ ə́ taa hu, too ə́ kɔ́lɔi, ə́ liilaa.

Korɛntə dɔlɔɔ 15:52

lɔ tii tanɔ̨n, a nu ɲɛ̨i yalima tanɔ̨n, a dúlú kpɛli hvɛɛi lɔwai. Gbala ə tɔɔ, dúlú woo a pa tɔɔi haa nuą da nwun a di mąąhəɠɛɛ, ɛlɛɛ, guɔn, gu mąą ə hvalin.

Korɛntə veelɛ 4:7

Kɛlaa, ɉɛn gɔw ti, naaikɛɛi gu yəi ləɠi-kpɛli hu, ə gɛ, nuą diɛ pɛli gbaɠala kaai a nɛlɛɛ, diɛ kɛ ɉuwalawala kɛnɛ̨ taaləi ti ə həɠə Yálá pɔ, kuɔ hvəə.

Tɛsalonikə dɔlɔɔ 4:16

Gbala ə tɔɔ, malaka kɛnɛ̨ ɓə pai nwoo pilii, ɛlɛɛ, Yálá nwɔ túlúi woo ə tɔɔ, gu Nąmu yaa kpinįi, a yɛɛ yɛ həɠə yələi, a kɛ tii, nuąi haa Kristə hu, da gbɛa nwun,

Hebreu 11:4

Laa na laa háálai ɓə gɛ, Abɛlə yɛ haláá lɛlɛɛ kulɔ la Yálá ɓa, ə tɛɛ la Kain nwɛi ɓa. Laa na laa háálai, di mąą kɛla hvaa lɛlɛɛ ɓo, diɛ mą: Dələnmoɔi kɛ. Mąąhɔlɔɓo, Yálá kpinįi ə ɲee hee nwɔ haláá hɛn mu. Abɛlə nwɔ laa na laa mąą mɛ̨nį ɓa, bələi mąn, aa haa la, a kɛ lɔ nii hvaai.

Zasua 6:16

Mɛihveelɛnąą, ɉaláá laa həli nuą di mɛlaa mįnɛ̨ hvɛɛ, Ɉosue yɛ diɛ: «Ka tomą a kɔ́ mɛ̨i woo, mąąhɔlɔɓo, Yai-Laa aa daa ŋɛ̨i lɔ gu yee ŋą.

Zasua 6:20

Israɛlə nuą di tomą a kɔ́ mɛ̨i woo, di mɛlaa mįnɛ̨ hvɛɛ. Ɓɛlɔwai di mɛlaa mįnɛ̨ woo mɛ̨n na, di tomą kpɔ a kɔ́ mɛ̨i woo, daa mąą kpɛ hįį ə nɛ̨ɛ̨ mą ə pu. Israɛlə nuą di tɛ daai, nu kəlee ə ɲɛ̨i haɠa dɔwɔ, di daa hon.

Zasua 6:4

Ɉaláá laa həli nuą mɛ̨ihveelɛ, di kaa pai kɛi mįnɛ̨ kəhi tɔwɔ, ɓɛlaa mįnɛ̨ mɛ̨ihveelɛ ə ɓo di yəi. Voló mɛ̨ihveelɛ yələ, ka daa mąątinɛ̨n gee mɛ̨i mɛ̨ihveelɛ, ɉaláá laa həli nuą da mɛlaa mįnɛ̨ tulu hvɛɛ.

Piɛrə veelɛ 1:15

Kɛlaa, gáá gɛ pələ kwɛli mą, ŋį́ kpaalə ta tɛɛ ka pɔ, ə gɛ, ɉáá pulu, kaa mɛ̨nįɠaa ŋɛ̨i kili too ka ŋą.

Nwun mąąɓo 7:19

Gɛɛ kwii hąą hvo mɛlaɓo, Zedeɔn da nwɔ nu nwun-dɔnɔi di həli gɔ́ ɓuwu kpɛlai, daa kɛ kɛa gɔ́ ɓuwu mąąkpɛ nuą mąą hvalin. Di dúlúɠaa hvɛɛ, di múlúúnŋaa wolo.

Nwun mąąɓo 7:21

Gbuluɠaai tii kəlee di lɛɛ tɔɔni di tɔɔi gɔ́ ɓuwu kwɛlɛ, nuąi kɛ laa gɔ́ ɓuwu la, di ɲɔw, diɛ tomą, diɛ gilɛ həɠə.

Samuɛlə dɔlɔɔ 11:11

Mąą yələ laaɓoɔ, Saulə ə nuą ɓɛlaɓo ɉu haaɓa, yələ ɓɔi lɔwai, di too Amɔn nuą di wɔ kɔlaɠai hu, di lɛɛ Amɔn nuą paai, ə lɛɛ la ɉu voló ŋąą ə nwąną, nuąi kulɔ, a di yee wolo, di taɠa taɠa, nu hveelɛ hvo pɛli lɛɛ gee ɓa.