Nwun mąąɓo 7:2 - Yálá laawoo hɛɓɛ (dc)

² Yai-Laa yɛ Zedeɔn ɓa: «Nu kpului ŋɛ̨i ə pɔ, gɛnɛ̨i, vá pɛli gɔ́ wiɛi Madian nuą mɛ̨i di yee hu, ə gɛ, Israɛlə lonnii di hvo pa di huɲąŋą kɛnɛ̨, diɛ kɛ diɛ: Di wɔ kuláálaa ɓə di yeetɛɛmąą kɛ la. Mąąwiɛi mąąnɛ̨ɛ̨ ə tɛɛ bɔ́, di hvo pa gɛ a di wɔɔ.

Yálá laawoo hɛɓɛ

² Yai-Laa yɛ Zedeɔn ɓa: «Nu kpului ŋɛ̨i ə pɔ, gɛnɛ̨i, vá pɛli gɔ́ wiɛi Madian nuą mɛ̨i di yee hu, ə gɛ, Israɛlə lonnii di hvo pa di huɲąŋą kɛnɛ̨, diɛ kɛ diɛ: Di wɔ kuláálaa ɓə di yeetɛɛmąą kɛ la. Mąąwiɛi mąąnɛ̨ɛ̨ ə tɛɛ bɔ́, di hvo pa gɛ a di wɔɔ.

Bible

² Gɛ́ɛ tíi, Yâwɛɛ è mò Gidiɔŋ ma ǹyɛɛi, “Íkɔ-kuluƃa-ŋai tâmaai. Ŋà gɛ̀ da Mediɛŋ-ŋai yée mɛi ɣâle, Eezuɛ-ƃelai da pâi m̀ôi a gɛ́ɛ fé tɔɔ ní dípôlu. Dí Mediɛŋ-ŋai yée mɛi ɣâle a díkpɔɔi wala-wala laa, dífe pâi laa-ma tɛ̂ tɛɛ̂i ḿbɔ.

Nwun mąąɓo 7:2 ပူးပေါင်းရင်းမြစ်များ

Zɛnɛse 46:2

Mąą kpinįi tii hu, Yálá ə Israɛlə təli a naa, hįį pələ, ə pələ ɓo mą, yɛ mą: «Ɉakɔbə! Ɉakɔbə!» Ɉakɔbə ə hvaa, yɛ mą: «Nwə́li tɔɔi!»

Kɔlɔnikɔ Veerɛi 14:11

Yai-Laa ə Nubinuą kɛlɛ Asa da Ɉuda nuą di tɔwɔ, Nubinuą di pu.

Azaya 10:13

«Mąąhɔlɔɓo, gaa moi gwəi pələ, yɛ kɛ: ‹Ɲéé nwɔ huwalawala ɓə gɛ, gɛ́ mɛ̨nįi ŋɛ̨i kɛ, da nwɔ́ kili kɛ ɲəi laa, mąąhɔlɔɓo, nwún gaa ɉu; ŋą́ą́ nuą di wɔ lɔiɠaai ɲɛn mɛ̨nį pili ɉu, ŋą́ą́ di kwɛlin gulɔ di yəi, ŋą́ą́ tɔɔɓɛlaa kulɔ di wɔ tɔɔ kpəlinŋaa hu.

Azaya 2:11

Kpɔwɔɲąą kɛnɛ̨ nuą, mąą a yɛɛ, ɲɛ̨itɛ nuą di kwɛli hvilɛn, a mąą yələi tii, Yai-Laa yaa tɔ̨nɔ̨ gbən ɓə mąąwiɛ a kɛ mą.

Azaya 2:17

Nuą di wɔ kpɔwɔŋąą kɛnɛ̨ mąą a yɛɛ, nuąi di huɲąŋą kɛnɛ̨, da di laa pɛlɛi pɔlɔ ɓa. Mąą yələi tii, Yai-Laa yaa tɔ̨nɔ̨ gbən ɓə mąąwiɛ a kɛ mą.

Ɉeremi 9:23

Akɛ nu a kɛ bɔ ə gbɔwɔ ɲąąkɛnɛ, gbɔwɔ ɲąą kɛnɛ̨ mɛ̨nį nwun ga: Maa nɛɛ ə gɔ́lɔn yɛ kɛ, ɲąą ɓə, gaa a: Yee lɔ gee hu mɛ̨nį, tɛ̨ą mɛ̨nį, da tələnmo la ɓɛ yɛnɛ̨ɛ̨. Yili ɓə nwɛli kaa mą́ą́.

Izikiɛ 28:17

Ə́i kpɔwɔ ɲąą kɛnɛ̨, ə́ lɛlɛ mɛ̨nį hu, ə́ mąąwiɛ pələ ə́ ə́ wɔ kilikɛɲəi hukala. Gáá ə́ tooi lɔi ɓa, yɛnɛ̨ɛ̨ tɔɔɓɛlaa diɛ pa, diɛ ə́ kaa.

Izikiɛ 28:2

«Hulɔnu lon, 'mo Tirə tɔɔmun ma, yɛ́ mą; Mɛ̨nį kəlee ŋą Hééɓomun Yálá woo ka, yɛ: Ə́ kpɔɔ ɲąąkɛnɛi yá mo, yɛ́ kɛ diɛ, gáá a yálá, ŋą́ ɓo heeni tɔɔ kpəlin mɛ̨i, yai gaa a yálá hee kpəlin gboloyá hąąi; ya pa nu lɔ ɓaa yɛ́, hvó a yálá. Ə́ kaa ə́ kpɔwɔ kaai yɛ Yálá pɛli.

Danîa 4:30

Nąąlɔwai tii hu kpɔlɔ, nwoo tii laa ə hvɛɛ Nabukodonosorə ɓa. Yálá ə gulɔ nuą lɔwai, yɛ kala nwunu mįi yɛ Nįŋɛ̨, luwuluwu tulɔ ə lɛɛ pui ma, nwun nəɠa ə kwɛa yɛ kuwɔ ləɠa, gɔwɔ ɲąnįnŋaa di kɛ yɛ nwɛ̨nį nwɛi.

Habakukə 1:16

Da kɛ haláá kulɔi di wɔ ya tuluun dumɔ̨ɠaai diɛ, diɛ lansan kələn diɛ. Mąąhɔlɔɓo, ɲa tuluun dumɔ̨ɠaa tii haalai ɓə da kɔ̨nɔ̨n ɉɔlɔɓo la, a kɔ̨nɔ̨n gɛnɛ̨, nɛ̨ɛ̨.

Zakari 12:7

Yai-Laa a gbɛa Ɉuda pɛlɛ́ɠaa ɓalo, ə gɛ a Davidə nwɔ pɛlɛ́i ɲɛ̨i pɔ̨nɔ̨ mɛ̨nį, da Ɉerusalɛmə nuą ɲɛi pɔ̨nɔ̨ mɛ̨nį hva kɛ a Ɉuda ɲɛ̨i paa mɛ̨nį.

Zakari 4:6

Ə pənə, yɛ mą́ą́: «Mɛ̨nii Yai-Laa ə mo Zorobabɛlə ɓa, ya ka, yɛ: Yee walawala mɛ̨nį hvə li, huwalawala mɛ̨nį hvə li, kɛlaa nwɔ́ Nį́į ɓə. Yai-Laa Mɛ̨nį Kəlee ŋą Hééɓomun woo li!

Lonon mo 31:4

Huwu tɛitɛi kəlee, nu waa tɔ̨nɔ̨ Israɛlə lonnii kəlee lɔwai, diɛ ɓə ka di tɛɛ gɔ́ ɓa.»

Lomaŋ 11:18

Yili ɓə gaa mą, olivie gbaɠaɠaai ti di dee mą diɛ ə́ kąną bala ɲái, hvó di ɓɛlɛkpɛɛ diɛ. Yá pɛli ə́ kpɔɔŋąą kɛnɛ̨i ləi? Yɛ́ hvəə ə́ kaa a nwului ti ɉamu kɔ̨nɔ̨n gɛi, kɛlaa yaamun ya ɓə ə́ kɔ̨nɔ̨n gɛi.

Lomaŋ 3:27

Ɛ̨i, gu nwun dɛi ɓaa mį? Gu nwun dɛi hvo mą! Lə laa hu? Ɛ̨i, gu kɛ mɛ̨nįɠaa? Yili kpɛli hvəə! Kɛlaa, laa na laa ɓə.

Korɛntə veelɛ 4:7

Kɛlaa, ɉɛn gɔw ti, naaikɛɛi gu yəi ləɠi-kpɛli hu, ə gɛ, nuą diɛ pɛli gbaɠala kaai a nɛlɛɛ, diɛ kɛ ɉuwalawala kɛnɛ̨ taaləi ti ə həɠə Yálá pɔ, kuɔ hvəə.

Ifisiɛŋ 2:9

Yili hva kulɔ nu túwɔ́ pələ hu, nu ta hvo pa nəi gbɔwɔ ɲąą kɛnɛ̨ ɉu.

Dutɛrɔnome 32:27

Ə li kɛ və́ gíliŋąhiɛi di yowoɠaa woo ɓa, gɛ́ kɛ di hvo pa ləi yɛlɛ kulɔ ɉú; diɛ di kpɔɔ ɓowo diɛ kɛ diɛ: ‹Kuɔ yee walawala laa kpɔ ɓə mɛ̨nįɠaa tii laa diɛ, Yai-Laa hvo mɛ̨nį ta kɛ li ɉu.›

Dutɛrɔnome 8:17

Ka hvə tɔɔ kaa kɛ diɛ: «Ku wɔ huwalawalalaa ɓə gɛ kuɔ ɉɛn gɔw ŋɛ̨i hɔlɔɓo.»

Dutɛrɔnome 8:18

Kɛlaa, mąąnɛ̨ɛ̨ ka kili ə kɛ ɉu kaa diɛ; Yai-Laa ka wɔ Yálái ɓə hvaŋą tɛɛ ka pɔ kaa hɛn ɉɔlɔɓo la. Nwoo tii ə gwɛlɛ ka nąnni diɛ, yɛ bɔ mɛ̨nį kɛ la, yɛ bələi gaa gɛi la háákələi.

Zĩi 4:6

Kɛlaa yaamun, Yálá aa mɛ̨inɛ̨ɛ̨ kɛnɛ̨ kɛ guɔ nwɔ̨nɔ̨. Ɉɛɓɛ́ yɛ mą: «Kpɔwɔ ɲąąkɛnɛ̨mun nwɛli hvo Yálá ɓa, kɛlaa, nui a gbɔwɔ mąąyɛɛ, a ɲɛ̨i lɛlɛɛ hee mą.»

Samuɛlə dɔlɔɔ 14:6

Ɉonatan yɛ nwɔ ɓíitiɛ̨ ɓa: «Pa gu həli gɛ́nɛ kpolɔwaɠaa tii diɛ, gbəli hu Yai-Laa kaa pai kpɔnmąą tɛɛi gu pɔ, hvo gaai, nu ə tamą, a wala kɛ tii, di hvo tamą, hɛn da hva pɛli tɔɔi Yai-Laa tɔwɔ kɔ́ nɛ̨ɛ̨ mɛ̨nį ɓa nu ɓa.»