Nwun mąąɓo 6:3 - Yálá laawoo hɛɓɛ (dc)

³ Ɓɛlɔwai Israɛlə nuą da di wɔ tíiɠaai hin na, Madian nuą da Amalɛkə nuą, da nuąi ɲɛ̨i kɛi həɠə voló kulɔi pələ, diɛ pa toonwunma ɓa, di kɛi too Israɛlə nuą mɛ̨i,

Yálá laawoo hɛɓɛ

³ Ɓɛlɔwai Israɛlə nuą da di wɔ tíiɠaai hin na, Madian nuą da Amalɛkə nuą, da nuąi ɲɛ̨i kɛi həɠə voló kulɔi pələ, diɛ pa toonwunma ɓa, di kɛi too Israɛlə nuą mɛ̨i,

Bible

³ Eezuɛ-ŋai da kâa sí-sãa sì, Mediɛŋ-ŋai, Amɛlɛki-ŋai da ǹûai kùla vóloi kulâi-pere da pâ dí kɔ́ pɛ́lɛ dîa.

Nwun mąąɓo 6:3 ပူးပေါင်းရင်းမြစ်များ

Zɛnɛse 25:6

Ɓɛlɔwai ə kɛ la a vulú, nɛ̨ąąɠaai ə ɉəɠə Sara haa pulu, ə mɛ̨inɛ̨ɛ̨ kɛ gəlee lonnii diɛ, ə di mąą kwɛa Isaakə ɓa, di li di hee Kɛdɛmə lɔi hu pələ.

Zɛnɛse 29:1

Ɉakɔbə ə hvilɛn bələ ɓa, yɛ li Kɛdɛmə lonnii di wɔ lɔi hu.

Tɔɔɓɛlaa dɔlɔɔ 20:27

Israɛlə nuą kəlee di di ɲąąkpɔn, diɛ li Aramə nuą laakwiɛn ɉii a kɔ́. Israɛlə nuą di di wɔ kɔ́laɠi hee Aramə nuą tənən ma, a gbulu pɛlɛɛ hveelɛ yɛ ɓɛlaaɠaa; ya pa, Aramə nuą daa kɛ nɔi kəlee kpɛɛ mą a di kpulu.

Tɔɔɓɛlaa dɔlɔɔ 5:10

Salomɔn kili kɛnɛ̨i kɛ dɛɛ Arabə lɔi da Eziptə kilimąą nuą diɛ.

Zôo 1:3

Ɓɛlaa waa mɛ̨ihveelɛ ə kɛ ɉulɔnui ti yəi, da ɲɔ̨nwɔmɛ̨ɛ̨ waa haaɓa, ə lɛɛ, nįŋɛ̨ heei hveelɛ hveelɛ nwun nɔɔli, hoohvaalən ɉaa nwun nɔɔli, koló kɛ nu kpulu kɛnɛ̨ ə ɓo ɲəi. Ɉulɔnui ti ə kɛ a nu kɛnɛ̨ dɛɛ hvóló kulɔi pələ nuą kəlee diɛ.

Zôo 31:8

Akɛti, yii ŋį́ ɉin, ə lɛɛ a nu takpɛli kɔ̨nɔ̨n, di mą́ą́pooɠaa kulɔ a ɉamu.

Lɛɛ gbɔwɔ ɓa 17:8

Amalɛkə nuą di pa di kɔ́ pɛlɛ Israɛlə ɓa Refidimə.

Azaya 11:14

Ɛfraimə huwu da Ɉuda huwu, da pɛlɛ di kee ɓa di yee lɔɔ geei, di hee Filisti nuą pumún ŋą, di too voló həɠəi pələ nuą mɛ̨i, diɛi a: Edɔmə nuą da Moabə nuą, ɛlɛɛ, di hee Amɔn nuą mɛ̨i.

Azaya 62:8

Yai-Laa aa gwɛla, ə gwɛla a mamįiyee da ɲee kɔ̨nwɔ̨n ɉu hvąŋą kɛnɛ̨i laa, yɛ kɛ: Vá kɛa ə́ wɔ ɓai kɛ, a ə́ yowoɠaa kɔ̨nɔ̨n, nwɛą nu huwu hva kɛa ə́ wɔ lɔɔi kpələ, a nɔɔi tii ə́ hviikpɛɛ həɠə bulu.

Ɉeremi 49:28

Mɛ̨nįi Yai-Laa kaa moi yɛ hvilɛn na, Kedarə da Hasɔrə tɔɔ lɔiɠaa, diɛi tii Babilonə tɔɔmun Nabukodonosorə ə di hon kɔ́ hu, ya ka: «'Ka ká muhəɠə, ka kɔ́ pɛlɛ Kedarə ɓa; ka Kɛdɛmə nuą hukala.

Izikiɛ 25:3

'Kɛ Amɔn lonnii diɛ; 'ka ka wəli tɔɔ Mɛ̨nį kəlee ŋą Hééɓomun Yálá woo ɓa; Mɛ̨nį kəlee ŋą Hééɓomun Yálá yɛ: Ə́ ə́ laa pu mą́ą́wiɛ lɔi hu, ɓɛlɔwai di mɛlɛ too la, a Israɛlə nwɔ lɔi di ɉu wolo, a Ɉuda nwɔ pɛlɛ́i, daa li a bələ tɔ̨nɔ̨ luwɔlaa hui.

Izikiɛ 25:4

Yili mąą mɛ̨nį ɓa, gáá ə́ tɛɛi hvóló kulɔi pələ nuą pɔ a di wɔɔ. Di kaa pai di wɔ taaɠaai tɔɔi ə́ pɔɔli, diɛ di heei bɛli laa, diɛ ɓə pai ə́ wɔ wulu ɓaɠaai mįi. Di ə́ wɔ taatɛlɛɛɠaai ɲįnįyá kpələ.

Levetekɔ 26:16

mɛ̨nįi gáá pai gɛi ya ka: Gáá pai kpolo ɲɔ̨n da kwɛlɛ ɲɔ̨n ɉee ka hu, diɛ ka kwəi pili kaa, diɛ ka ɲɛ̨i lon ɉu haa, diɛ ka wɔ yɛnɛ̨ɛ̨ hu kpuɔ. Ka káá lɔ pai kɛi tíi kɛi kpɛli kpɛli, ka yowoɠaa ɓə pai kɛi ma mįi.

Mise 6:15

Ə́ kaa pai kɛɛ hin ɉii, hva mɔ̨nun dee; ə́ kaa pai kɛi tow kɛi, hva ə́ mąątí wulɔ hɔlɔɓo. Yɛ́ kələ hɔɔ, hva nɔɔ kpələ.

Dutɛrɔnome 28:51

Diɛ ɓə pai ka wɔ taatɛlɛɛɠaa lonnii mįi, da ka wɔ hihɛnŋąąi ɓá; ə lɛɛ ɉu ka huwu ə pu, di hvo pai ka wɔ mɔ̨nun ta lɛɛi ka yəi, ə mą kɛ da lɔɔ nįnɛ̨, da nwulɔ, da ka wɔ nįŋɛ̨ koonɛ̨aɠaa, da ka wɔ ɓɛlaa kɔ̨nwɔ̨leeɠaa, ə lɛɛ ɉu di ka kpɛɛ nɔi.

Nwun mąąɓo 10:12

Sidɔn nuą, Amalɛkə nuą, da Meun nuą di kɛi ka laanɔ̨nwɔ̨ ɓo la, ka ka woo tɛ mą́ą́, kaa ŋą́ ka mąąkpɔn mąąɓo; kɛlɛi ŋą́ ka kulɔ di yee mu-ee?

Nwun mąąɓo 3:13

Ɛglɔn da Amɔn nuą, ɛlɛɛ Amalɛkə nuą, di di yee pɛlɛ gee ɓa, di pa di yee ə tɛɛ Israɛlə ɓa, di dow kpulu mu taa kɛnɛ̨ hon, yai kɛ a Ɉeriko taa.

Nwun mąąɓo 6:2

Madian nuą di hee kpɔ Israɛlə lonnii mɛ̨i a nwąnąlɔ. Ya ɓə ə gɛ, Israɛlə nuą di kɛi di loo Madian nuą tɔwɔ, diɛ pələ kulɔ ɲee woloɠaa hu, diɛ lɔ gwɛni woloɠaa hu, diɛ di mąąkilɛ laa.

Nwun mąąɓo 6:33

Madian nuą, Amalɛkə nuą, da nuąi da həɠə doo nwunma ɓa vóló kulɔi pələ, di pɛlɛ di kee ɓa, di jurdain teen, di pa di di wɔ ɓuwui pɛlɛ Izreɛlə.

Nwun mąąɓo 6:4

diɛ di taa pu Israɛlə lɔi hu, diɛ di wɔ hihɛnŋaai kala, diɛ lɛɠɛ la Gaza lɔi ɓa. Di hva kɔ̨nɔ̨n nɔpee ta lɛɛ Israɛlə nuą yəi, da di wɔ ɓɛlaɠaai həɠə, da nįŋɛ̨ɠaa, ɛlɛɛ da ɉoohvaalənŋaa.

Nwun mąąɓo 7:12

Madian nuą, Amalɛkə nuą, da doonwunma nuąi həɠə voló həɠəi pələ, di hu hiaa kpɔ kɛ nɛ̨ŋɛ̨ hu laa yɛ peeləɠaa. Di wɔ ɲɔ̨nwɔmɛ̨ɛ̨ɠaai, kwɛdɛn və kɛ mą, ə kɛ yɛ gboloyá kwɛlɛ ɲɛ̨ąkɔw.

Nwun mąąɓo 8:10

Ɉɛva da Salmuna, di kɛ Karkɔrə, di wɔ kɔ́kulááɠaa daa lɛɛ kɛa a nu waa pow kɔ́w lɔɔli. Nuąi həɠə voló kulɔi pələ, diɛ lɔ li kɛ. Yiiɠaai haa, di kɛ a nu waa nwun dɔ̨nɔ̨, nu waa pow hveelɛ.