Nwun mąąɓo 5:23 - Yálá laawoo hɛɓɛ (dc)

²³ Ka Merozə taa nɛ̨ŋɛ̨n naa, Yai-Laa nwɔ malaka woo li, ka ɉu nuą nɛ̨ŋɛ̨n naa, ka di nɛ̨ŋɛ̨n naa, mąąhɔlɔɓo, di hvo pa li, di hvo kpɔmąą tɛɛ Yai-Laa pɔ. Di hvo gɛ li, di hvo too Yai-Laa nwɔ kulááɠaai pɔ, di hvo kɔ́ pɛlɛ ɲowoɠaa diɛ.

Yálá laawoo hɛɓɛ

²³ Ka Merozə taa nɛ̨ŋɛ̨n naa, Yai-Laa nwɔ malaka woo li, ka ɉu nuą nɛ̨ŋɛ̨n naa, ka di nɛ̨ŋɛ̨n naa, mąąhɔlɔɓo, di hvo pa li, di hvo kpɔmąą tɛɛ Yai-Laa pɔ. Di hvo gɛ li, di hvo too Yai-Laa nwɔ kulááɠaai pɔ, di hvo kɔ́ pɛlɛ ɲowoɠaa diɛ.

Bible

²³ Yâwɛɛ ŋɔkélai è mò ǹyɛɛ, “Ye Mɛrɔ taa leei fóo. Ye vóo. Ye vóo da ǹaa ƃelai kélee. Dífe pá ní a gɛ́ɛ dí kpɔ́ŋ Yâwɛɛ ma. Dífe pá ní yɛ̂ɛ kɔ-kuluƃa a gɛ́ɛ dí kɔ́ mì.”

Nwun mąąɓo 5:23 ပူးပေါင်းရင်းမြစ်များ

Nehemi 3:5

Tekoa nuą diɛ kpɛli, diɛ koló kɛ nąą kwɛlɛ, kɛlaa, di wɔ ɲɛ̨itɔwɔ nuą, di hvo gɛ di hvo di nwun nąmu woo hon.

Mąątɛ̨nɛ̨ 94:16

Gbɛɛ ɓə pai mą́ą́ mɛ̨nį ɓoi nwea nuąi ŋɛ̨i lííla, gbɛɛ ɓə pai tɔɔi búlu, kuɔ kɔ́ pɛlɛ vulu nuąi ŋɛ̨i diɛ?

Ɉeremi 48:10

Nui a Yai-Laa nwɔ kólói kɛ a hviikpɛɛ laa, mąą nu nɛ̨ŋɛ̨n naa ɓə, ə mą kɛ, nui a nwɔ kɔ́ kɔ́ ɓɔwa kunwɔ a ɲąmą.

Maafîu 25:41

«Yili pulu, tɔɔmun a mo gɔɓɛyee hu nuą diɛ yɛ diɛ: ‹Ka ka mąąkwɛa mą́ą́, kaa yiɠaai ka nɛ̨ŋɛ̨n naa Yálá yəi, ka li nwɔ̨n yii luwun və mą ɉu. Yii bɛliɛ kɛ nąnį da nwɔ ɲį́nɛ̨nŋąai diɛ.

Lomaŋ 15:18

Yili ɓa, vá pɛli mɛ̨nį takpɛli ɓoi, ə kulɔ lɔ, yii Kristə ə gɛ ɲéé, gɛ́ huwu takpɛliɠaa hvilɛn nwɔ pələi mɛ̨i, a nwóó da gɛ́-mɛ̨nį,

Korɛntə dɔlɔɔ 16:22

Nui gu Ną́mu wɛli hvo mą, mąą nu nɛ̨ŋɛ̨n naa ɓə. Maranata! (Mukulaa ɓaa: Ną́mu, pa!)

Korɛntə dɔlɔɔ 3:9

Gbala ə tɔɔ, ku kaa kólo kɛi gii ɓa Yálá yəi ɲɛa, káá ɓə a Yálá ŋą tíi, a Yálá ŋą pɛlɛ́i.

Korɛntə veelɛ 6:1

Yii kani, ku kaa Yálá ŋą kóló ɓa, ku kaa ká liɛwoo kɛi, kuɔ; Yálá ŋą mɛ̨inɛ̨ɛ̨ ŋɛ̨i ka ɉɔlɔɓo, ka hvo hee ɉu kpɛli-kpɛli.

Nwun mąąɓo 13:3

Yai-Laa nwɔ malaka ə gbɔwɔ lɛ nɛ̨ɛ̨nui tii ɓa pɔ̨nɔ̨ŋą, yɛ mą: «Gili kaa ɉu gɛ́, lon ve yɛ́, ə́ kaa a kpomąnɛ̨ą; kɛlaa, ə́ kaa pai koo həɠəi, ə́ lon ɉulɔnu kaa.

Nwun mąąɓo 2:1

Yai-Laa nwɔ malaka ə həɠə Gilgalə, ə pa Bokimə, yɛ Israɛlə lonnii diɛ: «Ɲą́ą́ ɓə ka kulɔ Eziptə lɔi hu, ŋą́ pa a kaa nɔi ŋɛ̨i hu, yai ŋą́ naakwɛlanmo ka kalaɓɔlɔni diɛ. Ŋą́ mo diɛ, gɛ́ diɛ, mįnɛ̨i gu lɔwai, vá gala.

Nwun mąąɓo 21:5

Israɛlə nuą diɛ diɛ: «Israɛlə lonnii lɔwai, gbɛɛ ɓə hvo kɛ gu pɔ ɲąąkpɔn ɉu Yai-Laa lííla?» Mąąhɔlɔɓo, di di kwɛla diɛ, nui a wala tɛ Yai-Laa lííla Mispa, di baa.

Nwun mąąɓo 21:8

Di mąąni kɛ kɛ, akɛ huwu ta hvo hɔlɔɓo di lɔwai, yii hvo tɛ. Yai-Laa lííla Mispa. Di gaa diɛ Yavɛsə-Galaadə di hvo kɛ li li ɲąąkpɔn ma.

Nwun mąąɓo 4:6

Debora ə Avinoamə lon Barakə təli, yai kɛ a Kɛdɛsə, Nɛftali lɔi hu mun. Yɛ mą: «Yai-Laa Israɛlə nwɔ Yálá, yii ə mo ya ka, yɛ: ‹Ə́ li ə́ nu waa pow ŋąąkpɔn Tabɔrə yee ɓa, ya di həɠə Nɛftali lonnii da Zabulɔn lonnii di lɔwai.

Nwun mąąɓo 5:13

Nąąlɔwai, nu kpəli wolaai lɛɛ, di hvilɛn galanɉonŋąą pulu. Yai-Laa nwɔ nuąi di di ɲąąkpɔn gwɛ́lɛ, yɛ kulááɠaa.

Nwun mąąɓo 6:11

Yai-Laa nwɔ malaka ə pa, Ofra daai, ə hee wulu kɛnɛ̨ ta mu, yai kɛ a Yoasə nwɔɔ. Yoasə ə kɛ a Aviɛzɛrə yəi bɛlɛ́n mun da. Yoasə lon Zedeɔn, ə kɛi nwɔ mɔ̨nun dan, ɓɛi ŋɛ̨i da viɲə yá kulɔ laa, ə gɛ, Madian nuą di hvo pa gaa.

Nwun mąąɓo 8:5

Zedeɔn ə mo Sukotə nuą diɛ, yɛ diɛ: «Ka nɛ̨ɛ̨ kaa! Ka kɔ̨nɔ̨n dɛɛ nwɔ́ nuąi pɔ, mąąhɔlɔɓo, di hvii aa kpɛɛ kɛnɛ̨. Ɛlɛɛ, vílɛn ŋąąi Ɉɛva da Salmuna diɛi a Madian tɔɔɓɛlaa, gɛ di kpɛ.»

Nwun mąąɓo 8:6

Ɲɛ̨itɔwɔ nuąi ŋɛ̨i kɛ Sukotə daai; diɛ Zedeɔn ɓa: «A kɛ tii, ə́ yee pɛliɛi kɛa Ɉɛva da Salmuna ɓa ɓə ŋɛ̨i, yai ə́ kaa kɛi diɛ ku kɔ̨nɔ̨n dɛɛ ə́ wɔ kɔ́kulááɠaai pɔ?»

Nwun mąąɓo 8:8

Zedeɔn ə həɠə Sukotə, ə li Penuɛlə daai, ə mɛ̨nį tɔ̨nɔ̨i tii hu hvɛli daa nuą diɛ, Penuɛlə daai nuą di nwoo ŋąąpənə, yɛ pələi Sukotə nuą di gɛ la.

Samuɛlə dɔlɔɔ 17:47

Nu kpului kpɔ buɔ ŋɛ̨i, gəlee kaa pai laai na, diɛ kɛ ɓɔwa da kpala hvəi Yai-Laa a kɔ́ nɛ̨ɛ̨ la nu ɓa, kɛlaa Yai-Laa ɓə a kɔ́ nąmu, yaa tii ɓə pai ka lɔi ku yee ɲą.»

Samuɛlə dɔlɔɔ 18:17

Saulə yɛ Davidə ɓa: «Nón nɛ̨ɛ̨nu nu pɔlɔ laa mun ga a Meravə ya ɓə gáá pai dɛɛi ə́ pɔ a ə́ nɛ̨ą. Kɛlaa, tɔɔ a ə́ nwąnąąi nwɔ kólói ɓa; Yai-Laa nwɔ kɔ́ɠaai kɔ́.» Saulə ə kɛi mo gwəi pələ yɛ kɛ diɛ: «Hɛn vəli, və́ baa ɲą́ą́ gbinįi, gaa yili lɛɛi Filisti nuą yee kɔ́nma.»

Samuɛlə dɔlɔɔ 25:28

Ə́ wɔ luwɔnɛ̨ąi mąąhvaalɛɛ, nɛ̨ɛ̨ yɛ́. Mąąhɔlɔɓo, Yai-Laa kaa pai lamun bɛlɛ́ tɔɔi nwɔ́ mɛ̨nį nąmu ɓa, yili hvo pai ɉəɠəi mą. Hvo gaai nwɔ́ mɛ̨nį nąmu kaa Yai-Laa nwɔ kɔ́ɠaa kɔ́i, ɛlɛɛ di hvo pai hɔn ɲɔ̨n gaai ə́ yíi hvóló kəlee hu.

Samuɛlə dɔlɔɔ 26:19

Nwɔ́ mɛ̨nį nąmu tɔɔmun, ə́ wəli tɔɔ yiihu ə́ wɔ tí mun woo ɓa: ‹Akɛ Yai-Laa ɓə ə́ ɲąątɔɔi mą́ą́, ə hvaa mą, haláá hɛn di kaa dɛɛi bɔ, yili ə niilaa. Kɛlaa, akɛ nuą ɓə, mąą nuąi di kɛ a nɛ̨ŋɛ̨n naa nuą Yai-Laa ɲɛ̨i ɓa. Hvo gai, daa gbɛ́ háákələi, yɛ́ gulɔ Yai-Laa nwɔ lɔi hu, diɛ kɛ mą́ą́: Li ə́ tí haliɠaa diɛ.›