Nwun mąąɓo 5:11 - Yálá laawoo hɛɓɛ (dc)

¹¹ Ɲá lɔwaɠaa la, nuąi da kɛ ɲá ɲąąkwɛlɛi, ka Yai-Laa kɛ mɛ̨inɛ̨ɛ̨ɠaa hukulɔ, gɛ mɛ̨inɛ̨ɛ̨ yiiɠaai aa gɛ Israɛlə ɲɛ̨itɔwɔ nuą diɛ, mąąhɔlɔɓo, aa ɲee kɔ̨nwɔ̨n ɉu ɓɛlɛ. Nąąlɔwai, Yálá nwɔ nuąi di ɉįi laaləiɠaa hon.

Yálá laawoo hɛɓɛ

¹¹ Ɲá lɔwaɠaa la, nuąi da kɛ ɲá ɲąąkwɛlɛi, ka Yai-Laa kɛ mɛ̨inɛ̨ɛ̨ɠaa hukulɔ, gɛ mɛ̨inɛ̨ɛ̨ yiiɠaai aa gɛ Israɛlə ɲɛ̨itɔwɔ nuą diɛ, mąąhɔlɔɓo, aa ɲee kɔ̨nwɔ̨n ɉu ɓɛlɛ. Nąąlɔwai, Yálá nwɔ nuąi di ɉįi laaləiɠaa hon.

Bible

¹¹ Ka káwoli tɔ́ɔ ŋ̀ule-woo-ŋai dîa kulâi ǹya loai lái! Ǹûai díkaa lônoi é pîlaŋ Yâwɛɛ ŋɔwála-wala-laai ma. Nya ƃa gɛ́ Eezuɛ-ŋai da díkpɔara-ƃelai yée mɛi ɣále! À kɛ̀ tí, Yâwɛɛ ŋɔkɔ-kuluƃa-ŋai da pâi siâi díkpulu ma dí lí dítaa-lee-ŋai maa konaŋ-ŋai lá.

Nwun mąąɓo 5:11 ပူးပေါင်းရင်းမြစ်များ

Zɛnɛse 24:11

Ɉəliɛ daa kpala, gbələ ya haɠai, ə ɲɔ̨nwɔ̨mɛ̨ɛ̨ɠaa pɛlɛ ɲálɔwa kwɛlɛ; ə kɛ a yələwulii ya haɠai lɔwai.

Zɛnɛse 29:2

Ə́ həli yɛɛ kɔ́wɔ ta hu yálɔwa ta ə ɓo laa, taatɛlɛɛ kpulu heei haaɓa ə ɓo laa, diɛ di hvii tɔɔ, mąąhɔlɔɓo, taatɛlɛɛ, kpələi li kɛ. Kwɛni kɛnɛ̨ ta ɓə kɛ laani ɲálɔwai tii la.

Zɛnɛse 29:3

Ɓɛlɔwai kɛ daatɛlɛɛɠaa kəlee da di ŋąąkpɔn na, Nąąlɔwai ɓə da tinɛ̨n na mą, di ɉəɠə la ɲálɔwa la, daatɛlɛɛɠaa da di kpələ, di pənə di naa laa.

Zôo 29:7

Nąąlɔwai, ŋą́ kɛi kɛ kulɔ bələ nwun na, gɛ́ nwɔ́ kpəlin vilɛn gwəli hąąi,

Mąątɛ̨nɛ̨ 145:7

Mɛ̨inɛ̨ɛ̨ kpɛa kpɛai ə́ gɛ, di kaa pai kɛi mąą hɛli pui, diɛ ə́ wɔ tələnmolaa mąą kwəinɛ̨ɛ̨ kulɔ.

Mąątɛ̨nɛ̨ 71:15

Bələi ə́ tələnmoɔ la, bələi ə́ ku ɓalo la, ŋą túwɔ́ ɉukulɔi; vá pɛli gəlee kɔ́lɔn ɉii.

Azaya 12:3

Ka káá pai yá haɠai a kwəinɛ̨ɛ̨, nu ɓaloyá nwun gulɔi.

Azaya 28:6

Yálá kaa pai kɛi a dələnmo kiti teemun kili, ə ɓo a nuąi gɔ́ kpɛi daa ɓa, di wɔ hu walawala.

Ɉeremi 7:2

Tɔɔ Yai-Laa nwɔ pɛlɛ́i laaləi, ə́ nwoo ŋɛ̨i laa həli diɛ a lolo; yɛ diɛ: Ɉuda nuą! Kaai kpɔ ka lɔ bɛlɛ́ laaləi ŋɛ̨i ɓa, kaa kwɛli hvilɛn Yai-Laa ɓa; ka ka wəli tɔɔ!

Woolaa 5:4

Kwa kɛ ku ku wɔ yálɔwai ta kpələ hvo kɛli kwa ɲá a wali. Hvo kɛli kwa ku kpɔɔ kwɛi yiliɠaa tii yá, hvo tɛɠa lɔ bɛlɛ́n.

Woolaa 5:9

Ku kɔ̨nɔ̨n ɉɔlɔɓoi kaa kpɔ a haa wolo la. Too-kwɛ́liɠaa yəi mowa ŋą ɓə kwa ku kɔ̨nɔ̨n gwɛli laa nɔi pun ɉu.

Mise 6:5

Yɛ́i a nwɔ́ nu huwu, ə́ kiliŋąhiɛ, mɛ̨nįi kɛ Moabə tɔɔmun Balakə kwəi yɛ hvilɛn na yɛ́ mą, ɛlɛɛ, bələi Beɔrə lon Balaamə ə nwoo pulu pənə la. Ə həɠə Sitimə, ə həli la Gilgalə, bələi Yai-Laa yee ə tɛɛ la ɲowoɠaa diɛ, ka káá pai gbaɠala kaai.

Dutɛrɔnome 22:24

ka li a diɛ daa kpala, ka di hɔɔ a kwɛni, di haa. Ɉalakpəlai tii a haa mąąhɔlɔɓo, ə kɛ taai, hvo gɛ li hvo tómą yɛ nuą təli mą. Ɉulɔnui tii yaa kpɛli a haa, mąąhɔlɔɓo, aa laa a mɛlan mun nɛ̨ą. Bələ ɓə ka mɛ̨nį ɲɔ̨n gulɔ la ka lɔwai.

Dutɛrɔnome 33:21

Gadə aa nɔi nɛlɛɛ həɠə, yii a kulaa tɔɔi, ya ɓə ə ɉəɠə. Aa too nɔi nwun nąmįną pɔ, Aa Yai-Laa nwɔ tələnmolaa pɔ túwɔ́ ɓo, da mɛ̨nįɠaa Yai-Laa ə naa gwə́i Israɛlə ɓalo mɛ̨nį ɓa.»

Nwun mąąɓo 11:40

Kwɛlan nwoo kwɛlan, Israɛlə nɛ̨ą di kɛi Ɉɛfte Galaadə mun, lon nɛ̨ɛ̨nu nwɔ nɛ̨ɛ̨gbɛla laa mąą wɔlɔ ɓo hvóló pow nąąn ɲee mu.

Nwun mąąɓo 5:8

Nąąlɔwai tii, Israɛlə nuą di kɛi hali nįnɛ̨ɠaa pɛli. Nąąlɔwai lɔ ɓə, kɔ́ ə kɛi too la diɛ. Yili a kɛ tii, nu ta hvo kpɛli kɛi kpala da hə́mə́ di hɔlɔɓo, Israɛlə hinąą waa pow nąąn mąą mɛ̨nį ɓa.

Samuɛlə dɔlɔɔ 12:7

Ka tɔɔ kɛa yiihu Yai-Laa lííla, mɛ̨nįnɛɛɠaa ə di kɛ kaa, da ka nąn ni diɛ, gáá di hukulɔi ka ɲɛ̨i ɓa.