Nwun mąąɓo 4:3 - Yálá laawoo hɛɓɛ (dc)

³ Israɛlə nuą di wɔlɔ Yai-Laa ɓa, mąąhɔlɔɓo, kɔ́ wotolo nwun mɛ̨inąąn ə kɛ Sisera yəi, ə ɓo a kwɛli, ɛlɛɛ, aa kɛ hee Israɛlə nuą nwun mɛ̨i kpɔ a nwalawalaa, kwɛlan bow hveelɛ yee mu.

Yálá laawoo hɛɓɛ

³ Israɛlə nuą di wɔlɔ Yai-Laa ɓa, mąąhɔlɔɓo, kɔ́ wotolo nwun mɛ̨inąąn ə kɛ Sisera yəi, ə ɓo a kwɛli, ɛlɛɛ, aa kɛ hee Israɛlə nuą nwun mɛ̨i kpɔ a nwalawalaa, kwɛlan bow hveelɛ yee mu.

Bible

³ Kɔli kɔkɔ keleŋ ŋuŋ lɔ́ɔlu mɛi náaŋ ƃé kɛ̀ Zaƃiŋ yêei. Zaƃiŋ è kɛ̀ Eezuɛ-ŋai mɛi a kóraŋ buu feerɛ. Góraŋ-ŋai tí yée mu, è dísòŋ kpɔ́ a ŋwana lɔ̂ɔ pere, é mɛni nyɔ́mɔɔ támaa kɛ́ a dia. Gɛ́ɛ tíi, Eezuɛ-ŋai dí ŋɔ́nɔ wɔ̀lɔ Yâwɛɛ ma a gɛ́ɛ é kpɔ́ŋ mâa tɛɛ dípɔ.

Nwun mąąɓo 4:3 ပူးပေါင်းရင်းမြစ်များ

Mąątɛ̨nɛ̨ 106:42

Di yowo ə di mɔ̨nɔ̨ ɓo, di di mąą yɛɛ yili yee mu.

Mąątɛ̨nɛ̨ 50:15

Ɛlɛɛ, ɲələi yá kɛ la kanąn ɉu, də́li, ŋą́ ə́ kulɔ ɉu, ə gɛ ə́ mą́ą́wiɛ.

Mąątɛ̨nɛ̨ 78:34

Yálá a kɛi di paa ti, di kɛi gwɛli, diɛ di hɔn mąąpənə, diɛ tinɛ̨n bɔ pələ.

Lɛɛ gbɔwɔ ɓa 2:23

Kwɛlan damąą kulaa ɉu, Eziptə tɔɔmun ə haa. Kɛlaa ə mą kɛ tii, Israɛlə lonnii di kɛli lɔ mɔ̨nɔ̨ mįi nuwɔlaa hu, diɛ wɔlɔ. Di wɔlɔ woo ə həli Yálá ɓa.

Dutɛrɔnome 28:29

Hvóló haɠan ɉii lɔwai, ka hiɛ ɓɛ-ɓɛ yɛ ɲɛ̨ipumun, ka hva ka li pələ kɔ́lɔn. Di kaa lɔ pai kɛi di yee pənəi ka hu, diɛ too ka mɛ̨i, nu hva hɔlɔɓo, hvo kpɔmąą tɛɛ ka pɔ.

Dutɛrɔnome 28:33

Ka wɔ hihɛnŋąąi ɓa, da ka kɛ kóló dɔlɔ, a lɛɛ a nu huwui ka hvo di kɔ́lɔn di kɔ̨nɔ̨n. Ka kɛ lɔ a nu huwui da di yee pənə ɉu, diɛ giin-giin.

Zasua 17:16

Ɉosɛfə lonnii diɛ mą: «Ɲee ɓa lɔi hva pɛli kuɔ, yili pulu nwɔ̨nɔ̨, kwɛli wotoloɠaa kaa, Kanaan nuąi kəlee yəi diɛ heeni nɛ̨ŋɛ̨ lɔi hu, da yiiɠaai di kaa Bɛtə-Sean da gwɛlɛ lɔiɠaa hu, ə mąkɛ yiiɠaai Izreɛlə nɛ̨ŋɛ̨ lɔi hu.»

Nwun mąąɓo 1:19

Yai-Laa ə kɛ Ɉuda pɔ, Ɉuda ə ɲee ɓa lɔi hon, kɛlaa, di hvo pɛli nɛ̨ŋɛ̨ lɔi hu nuą kpɛi, mąąhɔlɔɓo, kwɛli wotoloɠaa di kɛ yiliɠaai yəi.

Nwun mąąɓo 10:10

Di nɛɛ mą di di woo tɛ Yai-Laa ɓa, diɛ mą: «Yai-Laa kpɔnmąą tɛɛ ku pɔ, kwaa nɛ̨nŋɛ̨n ɉəɠə yɛ́, mąąhɔlɔɓo, kwaa ku pulu tɔɔ yɛ́, yɛ́i ə́ kaa a ku wɔ Yálá, kuɔ ə́ lɛɛ, kuɔ kwɛli hvilɛn Baaləɠaa diɛ.»

Nwun mąąɓo 10:16

Yili pulu, ɉaliɠaai kpɔ kɛ Israɛlə nuą yəi, di di yee kulɔ gəlee hu, di tínɛ̨n di kwɛli hvilɛn Yai-Laa ɓa. Mɛ̨nį ɲąąnwąnąąi tii kɛ naa di mɛ̨i, Yai-Laa hvo pɛli gili kulɔi ɉu.

Nwun mąąɓo 3:15

Israɛlə nuą di wɔlɔ Yai-Laa ɓa, Yai-Laa ə di nwun mąąɓomun dɛɛ di pɔ, yai kɛ a Gera lon Ehudə yai kɛ a Bɛnɉamɛn mun, gɔɓɛɛ kɛ. Israɛlə nuą di di yee pɛlɛ gee ɓa, di dɛɛ Ehudə pɔ, yɛ li naa lɛi Moabə tɔɔmun Ɛglɔn pɔ.

Nwun mąąɓo 3:9

Israɛlə lonnii di wɔlɔ Yai-Laa ɓa, Yai-Laa ə Israɛlə nwun mąąɓomun dɛɛ di pɔ, yili ə di nwun mąąɓo. Naa ɓaa kɛ a: Otniɛlə, yai kɛ a Kalɛbə nəɠə Kenazə lon.

Nwun mąąɓo 4:13

Sisera ə nwɔ kɔ́ wotoloɠaai kəlee ŋąąkpɔn, kwɛli wotolo nwun mɛ̨inąąn, da gɔ́ kɔ́ nuąi kpɔ kɛ ɲee mu. Ə həɠə Harosɛtə-Goimə lɔi ɓa, ə həli la Kisɔn yá ɓa.

Nwun mąąɓo 4:4

Nąąlɔwai, Lapidotə nɛ̨ą Debora, yai kɛ a Yálá kwəi mɛ̨nį hukulɔ nɛ̨ɛ̨nu ta, ya ɓə kɛi Israɛlə ɲąąwooɓo.

Nwun mąąɓo 5:8

Nąąlɔwai tii, Israɛlə nuą di kɛi hali nįnɛ̨ɠaa pɛli. Nąąlɔwai lɔ ɓə, kɔ́ ə kɛi too la diɛ. Yili a kɛ tii, nu ta hvo kpɛli kɛi kpala da hə́mə́ di hɔlɔɓo, Israɛlə hinąą waa pow nąąn mąą mɛ̨nį ɓa.

Nwun mąąɓo 6:6

Madian nuąi tii mąą mɛ̨nį ɓa, hɛn lɔpee ta hvo kɛa kɛ Israɛlə nuą yəi. Yili ɓə gɛ, Israɛlə nuą di wɔlɔ Yai-Laa ɓa.

Samuɛlə dɔlɔɔ 7:8

Israɛlə nuą diɛ Samuɛlə ɓa: «Hvo kɛ ə́ kaa heei mɛ̨nįi ŋɛ̨i hu tin, hvo tee ku pulu, ə́ woo tɛ Yai-Laa ɓa, yaai gaa a ku wɔɔ Yálá, ə gɛ, ə gu kulɔ Filisti nuą yəi.»