Nwun mąąɓo 4:14 - Yálá laawoo hɛɓɛ (dc)

¹⁴ Debora yɛ Barakə ɓa: «'Ə́ muhəɠə, volói Yai-Laa aa Sisera lɔ la ə́ yee ŋą, voló ka. A tɛ̨ą, Yai-Laa kaa pai kɛi ə́ tɔwɔ.» Barakə ə Tabɔrə yee yɛɛ, nu waa pow hvilɛnŋaa bulu.

Yálá laawoo hɛɓɛ

¹⁴ Debora yɛ Barakə ɓa: «'Ə́ muhəɠə, volói Yai-Laa aa Sisera lɔ la ə́ yee ŋą, voló ka. A tɛ̨ą, Yai-Laa kaa pai kɛi ə́ tɔwɔ.» Barakə ə Tabɔrə yee yɛɛ, nu waa pow hvilɛnŋaa bulu.

Bible

¹⁴ Dibora è mò Bara ma ǹyɛɛ, “Lí, kpɛ́ni fêi, Yâwɛɛ káa ítuɛ gɛ́ lì a yá! A pâi sâa gɛ̂i í Sisela yée mɛi ɣále.” Bara da ŋɔkɔ-kûluƃa wála puui dí ǹyéei yèŋ.

Nwun mąąɓo 4:14 ပူးပေါင်းရင်းမြစ်များ

Zɛnɛse 19:14

Lɔtə ə li, nuąi ŋɛ̨i kɛi pa nonnii nɛ̨ąą həɠəi a di nɛ̨ą, yɛ diɛ: «Ka kulɔ ɓɛ daai ɉa, mąąhɔlɔɓo, Yai-Laa kaa pai daai ŋɛ̨i kələn ɉii.» Kɛlaa, di kɛi Lɔtə wooi tii kaa yɛ yola woo.

Zɛnɛse 44:4

Di kulaa daai, di hvo kpɛli li kwɛa la, Ɉosɛfə yɛ nwɔ nui tii ɓa: «Hvilɛn nuąi tii pulu, ya həli diɛ, ə́ di mąąnikɛ, yɛ diɛ: ‹Lə mɛ̨nį ɓa ka mɛ̨nį lɛlɛɛ kwələ kulɔ a mɛ̨nį ɲɔ̨nwɔ̨ɔ̨?

Samia Veerɛi 5:24

Ɓɛlɔwai ə́ kaa pai nu kɔ́wɔ mu tín mɛ̨n ɉii la nwuluɠaa tonna, nąąlɔwai ɓə, yá kulɔ la, ə́ pɛlɛ diɛ. Mąąhɔlɔɓo, Yai-Laa a kɛ kɛa hvilɛn ni ə́ tɔwɔ, yɛ Filisti nuą di wɔ kɔlaɠai huwolo.»

Azaya 52:12

Ka hvo pai kulɔi laa a gilɛ, hvo nwɔ̨nɔ̨ pai kɛi yɛ ka ki pu, mąąhɔlɔɓo, Yai-Laa kaa pai kɛi ka tɔwɔ, ɛlɛɛ, Israɛlə nwɔ Yálái ɓə pai kɛi a tɔɔ bulu.

Mise 2:13

Nui wolo ɓɔ daa mąąkpɛ hį́í ɓa, aa tɛɛ di ɲɛ̨i tɔwɔ, daa wolo ɓɔ ɉį́i ɓa, daa tɛɛ a pɛlɛ́ laaləi tɔ̨nɔ̨, daa kulɔ nąą bələ, di wɔ tɔɔmun aa tɛɛ di ɲɛ̨i tɔwɔ, Yai-Laa ɓə di nwun na.

Dutɛrɔnome 9:3

Ka káá pai gili kɔ́lɔn ɉii kaa diɛ, Yai-Laa ka wɔ Yálái ɓə pai tɔɔi ka ɲɛ̨i tɔwɔ yɛ Ɉurdɛn teen a kaa, yɛ nwɔ̨n gbəɠiɛ; yaa tii ɓə pai Anakə nuą huwu pui, yɛ di tɛɛ ka pɔ, ka káá pai nɔi kulɔi di yəi, ka di kpɛɛ yɛnɛ̨ɛ̨ ɲąąɓa, yɛ bələi Yai-Laa ə di laakwɛlanmo la kaa.

Zasua 10:8

Yai-Laa yɛ Ɉosue ɓa: «Hvo ɲɔw, mąąhɔlɔɓo ŋą́ą́ nɔ ə́ yee ŋą, di ta lɔpee hvo pai tɔɔi ə́ tɔwɔ.»

Zasua 7:13

Ə́ muhəɠə, ə́ nuą mąąhəɠə, mo diɛ, yɛ diɛ: Nu kəlee ə gbɔwɔ mąąhəɠə tinąą mąą mɛ̨nį ɓa; mąąhɔlɔɓo, Yai-Laa Israɛlə nwɔ Yálá yɛ: Hɛn tɔ́n dɔɔ mą, da kaa Israɛlə nuą lɔwai ɉɛn tii a lɛɛ ka lɔwai, ka hva pɛli tɔɔi ka yowo lííla, akɛ ka hvo ɉɛn tii kulɔ li ka lɔwai.

Nwun mąąɓo 19:28

Ɉulɔnui tii yɛ nɛ̨ą ɓa: «Ə́ muhəɠə gwəli.» Kɛlaa, nɛ̨ɛ̨nui tii hvo kɛa hvaa, ɉilɛ ə bowa həɠə ə naa ɉoohvaalən bulu, ə li la bɔ taai.

Nwun mąąɓo 4:10

Barakə ə Zabulɔn nuą da Nɛftali nuą di ŋąąkpɔn Kɛdɛsə. Nu waa pow ə hvilɛn Barakə pɔ, di hvilɛn Debora pulu.

Nwun mąąɓo 7:9

Mąą kpinįi tii hu, Yai-Laa yɛ Zedeɔn ɓa: «Ə́ muhəɠə, ɲee yɛɛ, ə́ kɔ́ pɛlɛ Madian nuą diɛ, ŋą́ą́ di tɛɛ ə́ pɔ.

Samuɛlə dɔlɔɔ 9:26

Mąą yələ laa ɓoɔ, Saulə da bɔ mun di humo a di ɲįnąąɓoɔ. Yii kɛa kɛɛ hu ə pɔ̨nɔ̨, Samuɛlə ə Saulə təli ɲələi pɛlɛ ɲimąn mu, yɛ mą: «Gwə li, ŋą́ ka kɔwɔla pili.» Saulə da Samuɛlə di hvilɛn bələ ɓa.