Nwun mąąɓo 3:10 - Yálá laawoo hɛɓɛ (dc)

¹⁰ Yai-Laa nwɔ Kilii ə kɛ ɲəi, ə Israɛlə ɲąąwooɓo, ə kɔ́ pɛlɛ Kusan-Riseataimə ɓa, yai kɛ a Aramə tɔɔmun, Yai-Laa ə yeetɛɛmąą laa tɛɛ bɔ Kusan-Riseataimə mɛ̨i.

Yálá laawoo hɛɓɛ

¹⁰ Yai-Laa nwɔ Nįį ə kɛ ɲəi, ə Israɛlə ɲąąwooɓo, ə kɔ́ pɛlɛ Kusan-Riseataimə ɓa, yai kɛ a Aramə tɔɔmun, Yai-Laa ə yeetɛɛmąą laa tɛɛ bɔ Kusan-Riseataimə mɛ̨i.

Bible

¹⁰ Nya ƃe Yâwɛɛ ŋɔmɔ̂leŋ è kɛ̀ bôlu é nâa kɛ́ a Eezuɛ-ŋai láa túɛ-nuu. Onɛɛ è kɔ́ pɛ̀lɛ Mɛsopotemia Kaloŋ Kusaŋ Lisataiŋ ma. Yâwɛɛ è tɔ̀ɔ Onɛɛ pôlu é gâloŋ kpîŋ yée mɛi ɣále.

Nwun mąąɓo 3:10 ပူးပေါင်းရင်းမြစ်များ

Kɔlɔnikɔ Maa-ŋuŋ 12:18

Davidə ə kulɔ, ə di laakwiɛn, ə nwoo ŋɛ̨i ɓo diɛ, yɛ diɛ: «Akɛ ka káá pai bɔ́ a liilaa kiliŋąhiɛ da kpɔnmąą, ŋį́ hvaamą a níí kəlee, ka too bɔ́. Kɛlaa, akɛ ka pa ɲą́ą́hɛɠii, ka dɛ́ɛ́ ɲówoɠaa pɔ, yili nwɛi, gu nąnni di wɔɔ Yálá ɲɛ̨i kaa mą, nwąnąlɔɔ túwɔ́ hvo ɲéé hu, yaa ɓə a gu hutɔɔ!»

Kɔlɔnikɔ Veerɛi 15:1

Yálá nwɔ Kilii ə kɛ Odɛdə lon Azariahu yəi.

Kɔlɔnikɔ Veerɛi 20:14

Ɲąąkpɔn tii hu, Yai-Laa nwɔ Kilii ə pa Yahaziɛlə pɔ, yai kɛ a Ɉakaryahu lon, Benaya lon, Yéiɛlə lon, Matania lon, lévi nu huwu ta li kɛ, yɛ ɓo a Asafə yəi bɛlɛ́n mun.

Mąątɛ̨nɛ̨ 51:11

'Ə́ ɲɛ̨́i həɠə nwɔ́ nɛ̨ŋɛ̨nŋąąi diɛ, 'nwɔ́ nɛ̨ŋɛ̨nŋąąi kəlee waa.

Lonon mo 11:17

Gáá pai yɛɛi, ŋą́ mɛ̨nį ɓo yɛ́. Gilii tii ə́ yəi, gáá pai da wolo həɠəi, ŋį́ dɛɛ di pɔ, ka diɛni ɓə pai kɛi nuą ŋɛ̨i lɔwai mɛ̨nį hutɔɔi, yɛ́ tɔ̨nɔ̨ hvəi kɛa di kaa pai lɛɛi ə́ nwuɔ̨.

Lonon mo 11:25

Yai-Laa ə yɛɛ da Moisə di lono kɛ. Yili pulu, ə Moisə nwɔ kilii tawolo həɠə, ə dɛɛ nu pow mɛ̨ihveelɛi tii pɔ. Yii kɛa ə dɛɛ tii di pɔ, di hvo kɛa kɛ di kpɔɔ yee kɔ́nma, diɛ kɛa Yálá kwəi mɛ̨nį ɓo; kɛlaa, di hvo lamun ɉu.

Lonon mo 11:29

Moisə yɛ Ɉosue ɓa: «A kɛ tii ə́ kaa mą́ą́ toló kulɔi? Ə li kɛ mun, Yai-Laa a hvaa mą, ə nwɔ Kilii tɛɛ nwɔ nu kpului ŋɛ̨i kəlee pɔ, gəlee di kɛ a Yálá kwəi mɛ̨nį hukulɔ nuą!»

Lonon mo 24:2

Balaamə ə ɲɛ̨i muhəɠə, ə Israɛlə nuą kaa diɛ di hvįįtɔɔ. Di hee kpəlin na kɛɛ a di kpolo laa. Yálá nwɔ Kilii ə pa bɔ.

Lonon mo 27:18

Yai-Laa ə Moisə woo pulu pənə yɛ mą: «Nun lon Ɉosue həɠə, gaa a nui nwɔ́ Kilii kaa ɲəi. 'Lí, ə́ ə́ yee laa mɛ̨i,

Hebreu 6:4

Gɛ laa walaai mun, nuąi daa ta Yálá ŋą kɛɛ ponoi hɔlɔɓo, daa yələkɔlɔn ɉu mɛ̨inɛ̨ɛ̨ kɔɔn, ɛlɛɛ, daa di wɔɔ nąą hɔlɔɓo Kili-Mąąhəɠɛɛ hu,

Nwun mąąɓo 11:29

Yai-Laa ə nwɔ Kilii tɛɛ Ɉɛfte pɔ, ə Galaadə lɔi da Manase lɔi hu hiɛ, ə li Mispa, həɠəi ə mo Mispa, ə li Amɔn nuą di wɔ lɔi hu.

Nwun mąąɓo 11:32

Ɉɛfte ə tɛɛ ɲɛn bələ ɓa, yɛ li kɔ́ pɛlɛi Amɔn nuą diɛ, Yai-Laa ə gɔ́ nɛ̨ɛ̨ mą.

Nwun mąąɓo 13:25

Ɓɛlɔwai Samsɔn ə kɛ la Mahane-Dan, Sorea da Ɛstaɔlə di lɔwai, Yai-Laa nwɔ Kilii ə gɔwɔ tɔɔ, yɛ too ɉu.

Nwun mąąɓo 14:19

Yai-Laa nwɔ Kilii ə too Samsɔn hu nąąlɔwai, ə həɠə, yɛ li Askelɔn. Ə hinąą pow haaɓa paa, ə di mąą həɠəɠaa kulɔ diɛ, ə dɛɛ ɉanwon mukulɔ nuą pɔ. Yili pulu, níi ə kələn gwəi, ə pənə ə li nąn bɔ.

Nwun mąąɓo 14:6

Nąąlɔwai, Yai-Laa nwɔ Kilii ə too Samsɔn hu, hɛn da hvo kɛ ɲəi. Ə ɲalai tii hu ɓɛla, yɛ bələi da ɓolu lon ɉu ɓɛla la. Kɛlaa, mɛ̨nįi tii ə gɛ, hvo ɉukulɔ nee da nąn diɛ.

Nwun mąąɓo 15:14

Ɓɛlɔwai di həli la Lɛhi daai, Filisti nuą di pa naakwiɛn ɉii, diɛ tomą a kwəinɛ̨ɛ̨. Kɛlaa, Yai-Laa nwɔ Kilii ə too ɉu, ɲɛli tii di ɲili la, ə kɛ lɔ yɛ nwɔ̨n a yeekali kələn, ə tee ɲeeɠaa diɛ.

Nwun mąąɓo 3:11

Nɔi ə liilaa hɔlɔɓo kwɛlan bow nąąn ɲee mu, yili pulu, Kenazə lon Otniɛlə ə haa.

Nwun mąąɓo 3:8

Yai-Laa lii ə holi Israɛlə nuą pɔ, ə di kwɛlɛ Kusan-Riseataimə ɓa, yai kɛ a Aramə yá leeɠaa kwɛlɛ tɔɔmun, di kwɛlan mɛ̨ihaaɓa kɛ yili yəi luwɔlaa hu.

Nwun mąąɓo 6:34

Yai-Laa nwɔ Kilii ə pa Zedeɔn pɔ, Zedeɔn ə túlú hvɛɛ, ə gɛ, Aviɛzɛrə nu huwu di hvilɛn bulu.

Samuɛlə dɔlɔɔ 10:10

Həli di mo Givea, da Yálá kwəi mɛ̨nį hukulɔ nuą di kwiɛn. Nąąlɔwai, Yálá nwɔ Kilii ə pa bɔ, hvo kɛa kɛ gbɔwɔ yee kɔ́nma lɔ yɛ pələi yiiɠaai tii di kɛ la.

Samuɛlə dɔlɔɔ 10:6

Nąąlɔwai Yai-Laa nwɔ Kilii kaa pai tɛɛi ə́ pɔ, yɛ́ mɛ̨nįɠaa kɛ ka diɛni, Gilii tii kaa pai ə́ kɛ pələ mąąhvalin ɉii.

Samuɛlə dɔlɔɔ 11:6

Yálá nwɔ Kilii ə pa Saulə pɔ, nwooɠaa tii mɛn ə mo nii ə holi kpɔ kɛnɛ̨.

Samuɛlə dɔlɔɔ 16:13

Samuɛlə ə nɛɛ mą, ə nwulɔ həɠə, ə ɉulɔnon tii mąątí la niɛni lɔwai, Yai-Laa nwɔ Kilii ə pa Davidə pɔ a volói tii, ə həɠə ɲələ ɓa yɛ li la tɔwɔ pələ. Samuɛlə ə həɠə ə hvilɛn bələ ɓa, yɛ li Rama daai.