Nwun mąąɓo 3:1 - Yálá laawoo hɛɓɛ (dc)

¹ Nu huwuɠaai Yai-Laa ə di lɛɛ laa, yɛ Israɛlə nuą yiiɠaai di hvo Kanaan kɔ́i kɔ́, yɛ di hukɔɔn a diɛ, di laa ka:

Yálá laawoo hɛɓɛ

¹ Nu huwuɠaai Yai-Laa ə di lɛɛ laa, yɛ Israɛlə nuą yiiɠaai di hvo Kanaan kɔ́i kɔ́, yɛ di hukɔɔn a diɛ, di laa ka:

Bible

¹ Yâwɛɛ è gɛ̀ ǹɔii-ŋuŋ da-ni su-ƃela dílɛɛ ǹɔii su ƃɛ́i Eezuɛ-ŋai dí lì naai a gɛ́ɛ é Eezuɛ-ŋai su kɔ̂ɔŋ a dia. È zu kɔ̂ɔŋ ŋí tɛ̀ɛ Eezuɛ-ŋai pɔ́ kpɛ́ni fêi, dítamaa ɣele dífe tá kɔ́ kɔ́ ní a bɔlɔ Keena lɔii tí su.

Nwun mąąɓo 3:1 ပူးပေါင်းရင်းမြစ်များ

Tɔɔɓɛlaa dɔlɔɔ 9:21

Nuą tii di lonnii kɛ laa, diɛi Israɛlə lonnii di hvo kɛ di paa li, Salomɔn ə di kɛ a pɔlɔtɛɠaa. Háá ɓa háá, di kaa ni la.

Kɔlɔnikɔ Veerɛi 32:31

Yili ɓə gɛ, ɓɛlɔwai di Babilonə kalanɉonŋąą tɔɔ la diɛ pa di woo pilii mą, ɛlɛɛ, gbalo mɛ̨nįi kɛ nɔi, di mąąni kɛ kɛ ɉu, Yálá ə Ezekiasə lɛɛ laa, əgɛ, ə ɉukɔɔn yɛ pɛli gwəi mɛ̨nį kəlee kɔ́lɔn ɉii.

Zôo 23:10

Ya pa, ə dɛ́ɛ́ pələ kɔ́lɔn. A ɉúkɔɔn, ŋą́ kulɔ ɉu a mąąhɛɠɛɛ yɛ hɛni.

Lɛɛ gbɔwɔ ɓa 15:25

Moisə ə nwoo tɛ Yai-Laa pɔ pələ, Yai-Laa ə wulu huwu ta lɛ mą, ə gbuwɔ ta too ɲái; ɲá ə nɛ̨ɛ̨. Nąą ɓə ə tɔ́n naa laa diɛ, da di hiɛ pələ. Nąą ɓə ə di hukɔɔn naa.

Hanwon 17:3

Wali, hɛni, da di huwaa a hvuluun nwɔ̨n, Kɛlaa, Yai-Laa ɓə a nu líi hu mɛ̨nį huwaa.

Ɉeremi 6:27

Ɉeremi! Ŋą́ ə́ kɛ nwɔ́ nuą lɔwai yɛ hɛn mąąkpɛɛ mun, ə gɛ, yɛ́ di túwɔ́ pələ mąąkpɛ, yɛ nɛlɛɛ kɔ́lɔn da ɲɔ̨nwɔ̨ɔ̨.

Zakari 13:9

Gáá pai ɉaaɓanąą tii tɛɛ nwɔ̨n ɉu, ŋį́ ɉu waa, yɛ bələi da wali hu waa la, ŋį́ ɉu həɠeen, yɛ bələi da hɛni hu həɠeen na. Gaa pai kɛi vɛ́lii, ɛlɛɛ, ɲą́ą́n, gɛ́ nwoo mu hon. Gáá pai kɛi diɛ: «Nwɔ́ nu huwu li.» Yaan gaa pai kɛi diɛ: «Nwɔ́ Yálá ɓaa a Yai-Laa.»

Ɉaan 2:24

Kɛlaa, hvo kɛ Jesus ɲɛ̨i ɓa a tɛ̨ą, mąąhɔlɔɓo, ə kɛ di kwəi mɛ̨nį kɔ́lɔn.

Dutɛrɔnome 7:22

Yai-Laa ka wɔ Yálái gaa pai nu huwuɠaa tii hu kalai a bɛlɛɛ pɛlɛɛ ka ɲɛ̨i tɔwɔ. Hvo pai nu huwui tii kpɛɛi ɲąąɓa; ə gɛ, lɔwɔ huwɔɠaa di hvo pa tamą di hvo hee ka hu.

Dutɛrɔnome 8:16

Nɔi pun dɔ̨nɔ̨i tii hu ɓə, ə manə tɛɛ laa ka pɔ, kaa mįi; a hɛn yii ka nąnni di hvo kɛ gɔlɔn. Ə yili kɛ tii, ə gɛ, ka yee ŋą kpɛɛ, ɛlɛɛ, da ka hukɔɔn mɛ̨nį ɓa; əgɛ, ka wɔ yɛnɛ̨ɛ̨ dɔwɔ pələ ɲąą ə nɛɛ.

Dutɛrɔnome 8:2

Bələ kwɛaai Yai-Laa ka wɔ Yálá ə ka hvilɛn mɛ̨i kwɛlan bow nąąn ɲee mu, nɔi pun ɉu, yɛ mɔ̨nɔ̨ lɔ ka pɔ, ka gəlee nąą kili too ka ŋą. Ka hukɔɔn ga tii ə kɛi mo, yɛ ka kwəi kɔ́lɔn; akɛ ka káá pai nwɔ tíɓoɠaa kɛi, a wala kɛ tii, akɛ ka káá pai ɓoi diɛ ka di too.

Piɛrə dɔlɔɔ 1:7

əgɛ, ká wɔ laa na laai ɉu aa waa, yai viɛlaɓoɔ dɛɛ hɛnii da ɉu waa a nwɔ̨n mą, ə mą kɛ tii, ɉɛnii tii a kala lɔ, ká wɔɔ laa na laa tii, ə mąątɛ̨nɛ̨ laa, mąąwiɛlaa da ɓɛlɛlaa hɔlɔɓo, a ɲələi Jesus Kristə kaa pai gbɔwɔ lɛi la,

Piɛrə dɔlɔɔ 4:12

Nwɛ́likɛmąą nuą, hukɔɔn mɛ̨nį kpɛa-kpɛaa yiiɠaai da həli káá, yii a kɛ ka ɲɛ̨i ɓa yɛ mɛ̨nįi mąą hvo nɛ̨ɛ̨li hvo kɛ, yili hvo ka kwəi pili kaa.

M̀ɛni-lɛɛi 2:23

Nonnii di wɛi, gáá pai di kɛlɛi a haa; ɛlɛɛ, gbɔn gəlee kaa pai gbaɠala kaa, diɛ kɛ, Ɲą́ą́ ɓə ŋą́, nu kwəi mɛ̨nį da nii hu mɛ̨nįɠaa kaa, ɛlɛɛ, ŋą́ ká tɛitɛi ká hvɛla kulɔ yɛ bələi ká tuwɔ la.

Nwun mąąɓo 1:1

Ɉosue haa pulu, Israɛlə nuą di Yai-Laa mąąni kɛ, diɛ mą: «Ku lɔwai, bɛlɛ́ nɛlɛ ɓə pai tɔɔi ku tɔwɔ, kuɔ li pɛlɛi Kanaan nuą diɛ?»

Nwun mąąɓo 2:10

Nuąi tii kəlee haa pulu; nuąi pa nąą pulu, yiliɠaa di hvo kɛ Yai-Laa kɔ́lɔn, ə mą kɛ mɛ̨nį kpɛa kpɛai ə gɛ Israɛlə lonnii diɛ.

Nwun mąąɓo 2:23

Nąąlɔwai kɛa, nɔiɠaai tii wɔlɔ Yai-Laa hvo di lɔ Ɉosue yee mu, hvo gɛ hvo yiliɠaai kpɛ ɉa-ɉa, ə yiliɠaai lɛɛ laa, di di hvįįtɔɔ.

Nwun mąąɓo 3:2

Yai-Laa ə kɛ bɔ, ɉəɠə gee pɔ nįnɛ̨i tii kɛ a Israɛlə nuą, di kɔ́ kɔ́ɔ mąą kwɛli; diɛi wɔlɔ di hvo ta kɛ kɔ́ kɔ́ li.