Nwun mąąɓo 2:18 - Yálá laawoo hɛɓɛ (dc)

¹⁸ Ɓɛlɔwai lɔpee kɛ Yai-Laa a kuláá ta tɔɔ la, a kɛ bɔ yaa kpinįi, yɛ di nwun mąąɓo di yowoɠaa yəi, guláái tii nwɔ lɔwai hu. Mąąhɔlɔɓo, ɓɛlɔwai da di ɓɛlɛkpɛɛ la diɛ, diɛ di laanɔ̨nwɔ̨ ɓo, di ɲɛ̨imąąwɛli a too Yai-Laa ɓa.

Yálá laawoo hɛɓɛ

¹⁸ Ɓɛlɔwai lɔpee kɛ Yai-Laa a kuláá ta tɔɔ la, a kɛ bɔ yaa kpinįi, yɛ di nwun mąąɓo di yowoɠaa yəi, guláái tii nwɔ lɔwai hu. Mąąhɔlɔɓo, ɓɛlɔwai da di ɓɛlɛkpɛɛ la diɛ, diɛ di laanɔ̨nwɔ̨ ɓo, di ɲɛ̨imąąwɛli a too Yai-Laa ɓa.

Bible

¹⁸ Yâwɛɛ a kâa Eezuɛ-ŋai láa túɛ-nuu lɛ̀, a tɔ̀ɔ m̀aa nuui pôlu a gɛ́ɛ é díŋuŋ ma ƃó díkpɔara-ƃelai yêei. A kâa tɔ̀ɔ ǹúu láa túɛ-ƃelai ŋí pôlu é lɛ́ɛ la zu díwɔ̂ tãi é kpɛ́ɛ. Yâwɛɛ a kâa kɛ̀ dímalôŋ kâai, kpɛ́ni fêi, da kâa kɛ̀ wɔ̂lɔi m̀a dímɛni sôlii su.

Nwun mąąɓo 2:18 ပူးပေါင်းရင်းမြစ်များ

Zɛnɛse 6:6

Yili ə Yai-Laa lii too pulu kpɔ kɛnɛ̨, nu pɛlii ŋɛ̨i ə mo lɔi mɛ̨i mąą mɛ̨nį ɓa, ə viikpɛɛ.

Tɔɔɓɛlaa veelɛ 13:4

Kɛlaa, Yoakazə ə wɔlɔ Yai-Laa ɓa, Yai-Laa ə nwoo mu hon. Mąąhɔlɔɓo, Israɛlə ə kɛi mɔ̨nɔ̨ mįi, ɛlɛɛ, heei ŋɛ̨i Aramə nuą di mo di mɛ̨i, Yai-Laa ə yili nąą kaa.

Mąątɛ̨nɛ̨ 12:5

A nuą tii da kɛ kɛi diɛ: «Ku laaləi a mɛ̨nį nɛ̨ɛ̨ kuɔ, ku nɛ̨n dɔɔi ku pulu, gbɛɛ ɓə ɲee a pɛli kuɔ, ə hee ku mɛ̨i?»

Mąątɛ̨nɛ̨ 90:13

Yai-Laa! 'Yali ə́ pulu, ə́ pa ku pɔ! Mįnɛ̨ lɔwai ɓə ə́ wɔ liiholii kaa pai kpɛlai la mą? Ə́ wɔ tínuąi ɲɛ̨imąąwɛli kaa.

Lɛɛ gbɔwɔ ɓa 2:24

Yálá ə di wɔlɔ woo mɛ̨n, ə pənə ə nwɔ mįnɛ̨i hu nwun. Yai wɔlɔ da Abrahamə, Isaakə da Ɉakɔbə ni di ɉəɠə.

Lɛɛ gbɔwɔ ɓa 3:12

Yálá yɛ Moisə ɓa: «Gáá ə́ pɔ. Yá pa Israɛlə nu huwu kulɔi Eziptə, ɲeei ŋɛ̨i ɓa ɓə ka tí laa Yálá ɓa; yili pɔ pələ ɓə yá gɔlɔn na yɛ́ ɲą́ą́ ɓə ə́ tɔɔ.»

Lɛɛ gbɔwɔ ɓa 32:14

Mɛ̨nį nwąnąąi Yai-Laa ə kɛi pa naai nwɔ nu huwui ɓa, ə yili həɠə mą.

Osia 11:8

Ŋą́ ə́ hon bələ kɛ ləi Ɛfraimə, Ə́ hu kala ɓə mɔ̨ɔ̨ ŋą́ mo, Israɛlə? Ŋą́ ə́ hukala pələ kɛ yɛ Adma taa, yɛ bələi ŋą́ Sevoimə taa kala la? Yáá gwə́i pili mą́ą́! Ə́ ɲɛ̨imąąwɛli aa ɉón!

Zôna 3:10

Yálá ə Ninivə nuą túwɔ́ pələi tii kaa, daa di pulu tɔɔ di túwɔ́ pələ ɲɔ̨nŋąą diɛ; Yálá ə di ɲɛ̨imąąwɛli kaa, ə nwɔ liiɲąnwąną həɠə di mɛ̨i hvo gɛ yɛ pələi ə giliŋąhiɛ la.

Lonon mo 10:9

«Ɓɛlɔwai ka kɛ la ka wɔ lɔi hu, ka kɛi pai lii kɔ́ pɛlɛi ka yowoɠaa diɛ, da tómą a kɔ́ mɛ̨i woo, ka dúlú hvɛɛ. Ka gɛ tii, a ka nąą kili too pələ Yai-Laa ka wɔ Yálá ŋą, yɛ ka kulɔ ka yowoɠaa yəi.

Dutɛrɔnome 32:36

Yai-Laa kaa pai nwɔ nu huwui kiti teei, gaa pai gwəi kili mąąhvalin ɉii di pɔ di hon bələ hu. Yɛ nwɔ tínuą ɲɛ̨imąąwɛli kaa; ɓɛlɔwai di yee kɔ́nwɔ̨n ɉu a haa la, di ta hvo a luwɔ da hvo gbɔwɔ ɓa.

Zasua 1:5

Ə́ yíi hvóló kəlee hu, nui lɔpee ta hvo pai tɔɔi ə́ la. Bələi lɔ tii ŋį́ kɛ la Moisə pɔ, bələ lɔ ɓə gáá kɛi la ə́ pɔ. Vá gíli kulɔ ə́ hu, vá ə́ lɛɛ laa.

Nwun mąąɓo 10:16

Yili pulu, ɉaliɠaai kpɔ kɛ Israɛlə nuą yəi, di di yee kulɔ gəlee hu, di tínɛ̨n di kwɛli hvilɛn Yai-Laa ɓa. Mɛ̨nį ɲąąnwąnąąi tii kɛ naa di mɛ̨i, Yai-Laa hvo pɛli gili kulɔi ɉu.

Nwun mąąɓo 11:32

Ɉɛfte ə tɛɛ ɲɛn bələ ɓa, yɛ li kɔ́ pɛlɛi Amɔn nuą diɛ, Yai-Laa ə gɔ́ nɛ̨ɛ̨ mą.

Nwun mąąɓo 2:19

Kɛlaa, ɓɛlɔwai guláái yili a haa la, da lan gbɔ, di tɛɛ di nąnni diɛ, diɛ haliɠaa həɠə, diɛ kwɛli hvilɛn diɛ, di hvo kɛi kpɛla túwɔ́ pələ ɲɔ̨n ma, di wɔ kili walawala laa ta hvo kɛi kulɔ mą.

Nwun mąąɓo 3:9

Israɛlə lonnii di wɔlɔ Yai-Laa ɓa, Yai-Laa ə Israɛlə nwun mąąɓomun dɛɛ di pɔ, yili ə di nwun mąąɓo. Naa ɓaa kɛ a: Otniɛlə, yai kɛ a Kalɛbə nəɠə Kenazə lon.

Nwun mąąɓo 6:12

Yai-Laa nwɔ malaka ə gbɔwɔ lɛ mą, yɛ mą: «Zedeɔn, kɔ́kuláá walawala, Yai-Laa kaa ə pɔ.»

Nwun mąąɓo 6:16

Ya ɓə, Yai-Laa a kɛ mą: «Gáá pai kɛi ə́ pɔ, yili ɓa, ə́ kaa pai Madian nuą kɛlɛi, yɛ yá kɛi nu tɔ̨nɔ̨ kɛlɛ.»