Nwun mąąɓo 2:16 - Yálá laawoo hɛɓɛ (dc)

¹⁶ Nąąlɔwai, Yai-Laa ə kulááɠaa muhəɠə di lɔwai, yiliɠaai diɛ di nwun mąąɓo di yowoɠaa yəi.

Yálá laawoo hɛɓɛ

¹⁶ Nąąlɔwai, Yai-Laa ə kulááɠaa muhəɠə di lɔwai, yiliɠaai diɛ di nwun mąąɓo di yowoɠaa yəi.

Bible

¹⁶ Naa pôlu ma, Yâwɛɛ è Eezuɛ-ŋai láa túɛ-ƃela lɛ̀ nyíi díŋuŋ ma ƃò é dí kúla doo mâ kɛ́-ƃelai yêei.

Nwun mąąɓo 2:16 ပူးပေါင်းရင်းမြစ်များ

Samia Veerɛi 7:11

Ə həɠə kpɔ ɲələi ŋį́ kɛi nuą həɠə la ɉu, gɛ́ di hee Israɛlə nwɔ́ nu huwui nwun na, ə həli la háákələi ɓa, ŋį́ ə́ yowoɠaa pɛlɛ ə́ kɔ́wɔ mu, ɛlɛɛ, ŋį́ mo yɛ́, gɛ́ yɛ́: Yai-Laa ɓə pai pɛlɛ́ tɔɔi yɛ́.

Nehemi 9:27

Yili ɓə gɛ, 'di too di yowo yee kɔ́nma, a di mɔ̨nɔ̨ laa di mɛ̨i, da kɛ tii mɔ̨nɔ̨ hu, di kɛi tomą ə́ pɔ pələ, ə lɛɛ, yɛ́ lɛɛ yələi pələ, yɛ́ di woo mɛ̨n. Ə lɛɛ, ə́ wɔ ɲɛ̨imąąwɛli kaa hu ə́ kɛi di nwun mąąɓo nuą tɛɛ di pɔ, yiliɠaai diɛ di kulɔ di yowoɠaa yəi.

Gɛlaɠaa 13:20

kwɛlan nwun nąąn ɲee lɔɔli ɲee mu mɛ̨nįɠaa ka tii. Yili pulu ɓə ə nɔi mąąkɔ̨nwɔ̨ nuą həɠə la ɉu ə dɛɛ di ku kalaɓɔlɔni pɔ, ə lɛɛ ɉu ə həli la Yálá kwəi mɛ̨nį hukulɔ mun Samuɛlə nwɔ yələi ɓa.

Nwun mąąɓo 10:1

Abimelɛkə haa pulu, Dodo lon Pua nwɔ lon Tola, yai kɛ a Isakarə mun, ə Israɛlə nwun mąąɓo, ə kɛ heeni Samirə daai Ɛfraimə yee ɓa.

Nwun mąąɓo 11:32

Ɉɛfte ə tɛɛ ɲɛn bələ ɓa, yɛ li kɔ́ pɛlɛi Amɔn nuą diɛ, Yai-Laa ə gɔ́ nɛ̨ɛ̨ mą.

Nwun mąąɓo 3:15

Israɛlə nuą di wɔlɔ Yai-Laa ɓa, Yai-Laa ə di nwun mąąɓomun dɛɛ di pɔ, yai kɛ a Gera lon Ehudə yai kɛ a Bɛnɉamɛn mun, gɔɓɛɛ kɛ. Israɛlə nuą di di yee pɛlɛ gee ɓa, di dɛɛ Ehudə pɔ, yɛ li naa lɛi Moabə tɔɔmun Ɛglɔn pɔ.

Nwun mąąɓo 3:31

Ehudə həɠɛɛ laa, Anatə lon Samgarə ə mąą hvalin ɲee ə tɛɛ Filisti nuą, nu nwun-mɛ̨ida ɓa a nįŋɛ̨ kpala kpɛ gbɔn, ə Israɛlə nuą nwun gulɔ la tii mɛ̨nįi.

Nwun mąąɓo 4:5

Ə kɛ heeni Debora nwɔ tow wului mu, Rama da Betɛlə di lɔwai, Ɛfraimə nwɔ yeei hu, Israɛlə nuą diɛ li bɔɔli, yɛ di lɔwai mɛ̨nįɠaa ɓo.

Nwun mąąɓo 6:14

Yai-Laa ə tínɛ̨n yɛ Zedeɔn ɓa: «Vaŋąi tii gaa ə́ yə́i, li ə́ Israɛlə nwun mąąɓo la Madian nuą yəi. Ɲą́ą́ ɓə ə́ tɔɔi.»

Rutə 1:1

Ɓɛlɔwai gulaaɠaa di kɛi tɔɔ la Israɛlə lonnii ɲɛ̨i tɔwɔ, nąąlɔwai, pulu kɛnɛ̨ ə too Israɛlə lɔi hu. Ɉuda taa logolo ta ə kɛ laa diɛ kɛ mą: Bɛtleɛmə, hulɔnu ta ə həɠə daai tii hu, yaa, nɛ̨ą da non ɉinąą hveelɛ; di li Moabə lɔi hu, ɓɛi hihɛn a lɛlɛ laa, di hee ɲɛɛ kɔ́wɔ ta hu.

Samuɛlə dɔlɔɔ 12:11

Yai-Laa ə Yerubaalə, Bedan, Ɉɛfte, da Samuɛlə di həɠə, ə di tɔɔ, di ka kulɔ ka yowoɠaai kɛ ka kwɛlɛ di yəi, kaa hee nɔi, ka wəli pulu laɠiɛ.

Samuɛlə dɔlɔɔ 14:48

Saulə ə vaŋa kɛnɛ̨ pələ lɛ a Amalɛkə hvo ə mo kɔ́ hu, ə Israɛlə kulɔ naa nɔ̨nwɔ̨ ɓomun ɲəi.