Nwun mąąɓo 2:12 - Yálá laawoo hɛɓɛ (dc)

¹² Di lɛ̨ą Yai-Laa ɓa, yai a di nąnni di wɔ Yálá, yai di kulɔ Eziptə lɔi hu. Di hvilɛn gea di kwɛlɛ lɔiɠaa di wɔ haliɠaai pulu, diɛ kwɛli hvilɛn diɛ, di Yai-Laa lii kələn gwəi.

Yálá laawoo hɛɓɛ

¹² Di lɛ̨ą Yai-Laa ɓa, yai a di nąnni di wɔ Yálá, yai di kulɔ Eziptə lɔi hu. Di hvilɛn gea di kwɛlɛ lɔiɠaa di wɔ haliɠaai pulu, diɛ kwɛli hvilɛn diɛ, di Yai-Laa lii kələn gwəi.

Bible

¹² Dí kpèra Yâwɛɛ, dínûa pɔlɔ-ŋai Díɣâlai fɛliɛɛ ma nyíi kɛ̀ a Ŋ̀âlai nyíi díkùla Ize lɔii sui. Dí nâa pɛ̀lɛ Ɣâla da kpɛ́ni-ŋa fɛliɛɛ ma. Ŋ̀âla-ŋai ŋí díkɛ̀ a díkɔlɛ ma-ƃelai díwɔ̂ ɣala-ŋai. Tãi díkɛ̀ ŋ̀âla-ŋai ŋí fɛlîi lai, è gɛ̀ Yâwɛɛ é ǹíi ŋ̀wána dîa a ŋ̀ánaa.

Nwun mąąɓo 2:12 ပူးပေါင်းရင်းမြစ်များ

Mąątɛ̨nɛ̨ 106:36

Diɛ tí di wɔ haliɠaai diɛ, yili ə kɛ a hɛlɛn dɛɛ di tɔwɔ.

Mąątɛ̨nɛ̨ 78:58

Diɛ níikələn gwəi a di wɔ hali kɔ́iɠaai, di wɔ hali kɔ́iɠaa da ɉali mąąnįnįnŋaa diɛ níikələn gwəi.

Lɛɛ gbɔwɔ ɓa 13:14

«Ka lonnii da ka mąnįn kɛ tinąą tɔwɔ pələ, diɛ kɛ mą: ‹Lə mɛ̨nį ɓa ka káá gɛi ti?› Ka kɛ diɛ: ‹Yai-Laa nwɔ huwalawalai hɛn da hva tɔɔ na, ɉaalai hu ɓə ə ku kulɔ la luwɔlaahu Eziptə.

Lɛɛ gbɔwɔ ɓa 13:16

«Yili kaa pai kɛi a bɛ̨ɛ̨ huwɔ kɔ́lɔ palaa hu, ɲiliɛ ə́ nwun ma da ə́ ɓonwon ma, ə kɛ a kili lɛɛ ɉu hɛn, yii a nɛ yɛ Yai-Laa, nwɔ huwalawalai hɛn da hva tɔɔ na, ɉaalai hu ɓə ə gu kulɔ la Eziptə.»

Lɛɛ gbɔwɔ ɓa 13:3

Moisə ə mo nuą diɛ, yɛ diɛ: «Volói ŋɛ̨i Yai-Laa ə ka kulɔ la Eziptə lɔi hu, luwɔlaa hu, ka ka kili lɛɛ ɉu, mąąhɔlɔɓo, nwɔ huwalawala yee ɓə ə ka kulɔ la laa. Mąą hvólói ti a həli, lɛɠɛ yii dɛ hɛn gaa ɉu, nu ta hvo mįi.

Lɛɛ gbɔwɔ ɓa 13:9

Ɉɛlii ti pu mɛ̨nį ka yəi, gaa a kili lɛɛ ɉu, ka doo ka yee ɓa, ka da yili ka ɲɛ̨i mɛ̨i; əgɛ, Yai-Laa nwɔ tɔ́n nąą kili hvo pa kpɛɛ ka ɲą. Mąąhɔlɔɓo, ya ɓə ka kulɔ luwɔlaa hu a nwɔ huwalawalai hɛn da hva tɔɔ na.

Lɛɛ gbɔwɔ ɓa 20:5

'Hvó pɛlɛ da lííla, hvo kwɛli hvilɛn diɛ; Mąąhɔlɔɓo, ɲą́ą́ Yai-Laa ka wɔ Yálá, gáá a Yálá tolɔɔ, nuąi da yowolaa kulɔ a ɲą́ą́, ŋą́ gwələ kulɔ di lonnii diɛ, da yiliɠaai di wɔɔ mąnįn bulu mąnįnŋąą diɛ.

Ɉeremi 16:11

Da mo tii yɛ́, yá kɛ diɛ: Mąąhɔlɔɓo, ka nąnni di Yai-Laa lɛɛ laa, di hvilɛn ŋąą haliɠaa pulu, diɛ di mąąwiɛ, diɛ kwɛli hvilɛn diɛ, diɛ pɛlɛ di lííla. Nwɛ́i di lənə mą́ą́, di hvo nwɔ́ tíɓoɠaa lɛɛ li di kili pɔ.

Dutɛrɔnome 13:5

Yai-Laa ka wɔ Yálá ɓə mąąnɛ̨ɛ̨ ka hvilɛn bulu, ya ɓə mąąnɛ̨ɛ̨ ka ɲɔw mą. Nwɔ tɔ́n mə mąąnɛ̨ɛ̨ ka ɉon; nwoo ɓə mąąnɛ̨ɛ̨ ka ka wəli tɔɔ mą. Yai-Laa ɓə mąąnɛ̨ɛ̨ ka tí mą, ɛlɛɛ, yaa ɓə mąąnɛ̨ɛ̨ ka kanąn mą.

Dutɛrɔnome 29:18

Ɛlɛɛ, mąą nu a nolo woo ŋɛ̨i mɛ̨n, yɛ gbɔwɔ kaa yɛ mąątɛ̨nɛ̨ gwəi pələ, yɛ kɛ mą: ‹Ŋą́ mą kanąn gwə́i kiliŋąhiɛ ɓa, ŋą́ pɛli mɛ̨nį kəlee hɔlɔɓoi, mąąhɔlɔɓo, lɔi tulɔ a pu mą, kpələ wɛli hvo laa.›

Dutɛrɔnome 29:25

Di pɛlɛ diɛ tí haliɠaa diɛ, diɛ kwɛli hvilɛn diɛ; ya pa, di hvo wɔlɔ kɛ ɉaliɠaa tii kɔ́lɔn, ɛlɛɛ, Yai-Laa hvo dɛɛ li di pɔ a di kwɛlin da.

Dutɛrɔnome 32:15

Bələ ɓə Yesurun ə kɔ̨nɔ̨n mįi la ə pilɛ ɉu, goo ə hee, ə kulɔ nwoo mu laa kɛ, ə kɛnɛ̨ tɛɓɛlɛ-tɛɓɛlɛ, goo ə hee. Ə gili kulɔ bɛli Yálá hu, ə nɛɛ laa. Ə mąąkɔ̨nwɔ̨ kwɛni ɓɛlɛkpɛɛ ma, yaai gaa a nwun mąąɓomun.

Dutɛrɔnome 33:17

Ɓáá ə lɔ Ɉosɛfə ɓa, ya ɓə gaa a nįŋɛ̨ hilɛ lon dɔlɔɔ tɔlɔɔ. Mįnɛ̨ɠaa kaa yɛ lán mįnɛ̨, ya ɓə gaa pai kɛi nuą tuwɔi la, yɛ nuą kpala kpɛ yɛ li a diɛ lɔi kpɛlai. Mįnɛ̨ tɔ̨nɔ̨ kaa a Ɛfraimə nwɔ kɔlaɠa waa nwun damaa, dɔ̨nɔ̨ yɛ ɓo a Manase nwɔ nu kpulu.»

Dutɛrɔnome 4:25

Ɓɛlɔwai ka káá pai lon ɉɔlɔɓoi la da mąnįn mɛlaa, ka pa kɛi a nu mąą pɔlɔɔɠaa nɔi tii hu, ɲələi ka lan na kaa hali pɛli, a hɛn da mąą nįnįn, mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa kaa gɛ, kaa nwąną lɔ,

Dutɛrɔnome 5:9

«Ka hvo kwɛli hvilɛn ɉɛnŋąąi tii ta ɓa, ka hvo tí diɛ; mąąhɔlɔɓo Ɲą́ą́ Yai-Laa ka wɔ Yálái, gáá a Yálá tolɔɔ, nuąi da kɛ wɛli kpɛɛ mąą laa kulɔi a ɲą́ą́, ŋą́ di wɔ nɛ̨ŋɛ̨nŋąą pɔɔ kulɔ di lonnii diɛ, ə mą kɛ mąnįn bulu mąnįnɠaa diɛ.

Dutɛrɔnome 6:12

Ka gɛ a nɛlɛɛ, ka hvo lɛ̨ą Yai-Laa ɓa, yai ka kulɔ Eziptə lɔi hu, nuwɔ pɛlɛ́i tii mu.

Nwun mąąɓo 10:11

Yai-Laa ə di woo mu hon, yɛ diɛ: «Ɓɛlɔwai, Eziptə nuą, Amɔrə nuą, Amɔn nuą, Filisti nuą,

Nwun mąąɓo 5:8

Nąąlɔwai tii, Israɛlə nuą di kɛi hali nįnɛ̨ɠaa pɛli. Nąąlɔwai lɔ ɓə, kɔ́ ə kɛi too la diɛ. Yili a kɛ tii, nu ta hvo kpɛli kɛi kpala da hə́mə́ di hɔlɔɓo, Israɛlə hinąą waa pow nąąn mąą mɛ̨nį ɓa.

Nwun mąąɓo 8:33

Ɓɛlɔwai Zedeɔn ə haa la, Israɛlə lonnii di pənə nwɔ̨nɔ̨, diɛ kwɛli hvilɛn Baalə ɓa. Di Baalə-Beritə kɛ a di wɔ hali.