Nwun mąąɓo 2:1 - Yálá laawoo hɛɓɛ (dc)

¹ Yai-Laa nwɔ malaka ə həɠə Gilgalə, ə pa Bokimə, yɛ Israɛlə lonnii diɛ: «Ɲą́ą́ ɓə ka kulɔ Eziptə lɔi hu, ŋą́ pa a kaa nɔi ŋɛ̨i hu, yai ŋą́ naakwɛlanmo ka kalaɓɔlɔni diɛ. Ŋą́ mo diɛ, gɛ́ diɛ, mįnɛ̨i gu lɔwai, vá gala.

Yálá laawoo hɛɓɛ

¹ Yai-Laa nwɔ malaka ə həɠə Gilgalə, ə pa Bokimə, yɛ Israɛlə lonnii diɛ: «Ɲą́ą́ ɓə ka kulɔ Eziptə lɔi hu, ŋą́ pa a kaa nɔi ŋɛ̨i hu, yai ŋą́ naakwɛlanmo ka kalaɓɔlɔni diɛ. Ŋą́ mo diɛ, gɛ́ diɛ, mįnɛ̨i gu lɔwai, vá gala.

Bible

¹ Naa kɛ́ɛ tíi, Yâwɛɛ ŋɔkéla tɔnɔ è sìɣe Geega é lí Bɔsiŋ ǹyɛɛ Eezuɛ-ŋai dîai, “Ŋá kákùla Ize lɔii su ŋá pá a káa ǹɔii su nyíi ŋá kpanaŋ-woo kɛ̀ naa kánûa pɔlɔ-ŋai yêei a gɛ́ɛ ŋa pâi dɛɛ̂i kápɔi. Ŋá mò kâa a gɛ́ɛ ḿve pâi gbanaŋ-wooi ŋí ɣâlei nyíi ŋá gɛ̀ kánûai yêei.

Nwun mąąɓo 2:1 ပူးပေါင်းရင်းမြစ်များ

Zɛnɛse 12:7

Yai-Laa ə gbɔwɔ lɛ laa Abramə ɓa, yɛ mą: «Kanaan lɔi ŋɛ̨i ɓə gáá pai dɛɛi ə́ huwuhu nuą pɔ a di wɔɔ.» Abramə ə nɛɛ mą, ɓɛi tii di mɛ̨nį ɓo laa mą, ə haláá kulɔi pɛli laa Yai-Laa ɓa.

Zɛnɛse 16:13

Hagarə ə gbɔɠɔ mąąnikɛ, yɛ mą: «Akɛtii nui ŋɛ̨i mɛ̨́i kaai, ɲɛ̨́i ə tɔɔ mą ɓə ti?» Naai tii ɓə Hagarə ə ɉee Yai-Laa ɓa, di lawoo hu, yɛ kɛ mą: «Ə́ kaa a Ɛlə-Roi Yálá yii ɲɛ̨i kaa mą́ą́.»

Zɛnɛse 48:16

a nwɔ malakai kɛi mą́ą́kɔ̨nwɔ̨, 'Ə lúwɔ́ too nɛapɛlɛɛ ŋɛ̨i diɛ. Ɲálái tii ə hvaa mą, di náá kulɔ kala mu; di ną́nni Abrahamə da Isaakə di laa tɛ. Di huwu ə ɓɛlɛ nɔi nąą kəlee.»

Mąątɛ̨nɛ̨ 89:3

A tɛ̨ą, gáá kpɔ moi, gɛ́ diɛ: «Ə́ wɔ mɛ́ni lɛlɛ pələ hvilɛn ŋąąi kpɔ tin tin, yá ə́ wɔ tɛ̨ą mɛ̨nį hee yələkɔlɔn ɉu a yələ kəlee.»

Mąątɛ̨nɛ̨ 89:34

Kɛlaa, vá nwóó kala mą; vá nwɔ́ mįnɛ̨i mąą kala.

Lɛɛ gbɔwɔ ɓa 14:14

Yai-Laa, a ka mąą kɔ̨nwɔ̨, yili ɓa, nu kəlee ə mɛ̨i haa.»

Lɛɛ gbɔwɔ ɓa 14:19

Yálá nwɔ malakai kɛ vilɛn ŋąą Israɛlə lonnii ɲɛ̨i tɔwɔ, ə tɛɛ di pulu pələ, ə mą kɛ dulɔ kpinįn tii kɛ di tɔwɔ yaa kpɛli.

Lɛɛ gbɔwɔ ɓa 20:2

«Ɲą́ą́ gáá a Yai-Laa, ka wɔ Yálá, yai ka kulɔ Eziptə luwɔlaa hu.

Lɛɛ gbɔwɔ ɓa 23:20

«‹Gáá pai malaka ta hvilɛn ɉii ka tɔwɔ, yɛ ɲɛ̨i kɛ kaa bələ pɔ, ə lɛɛ ɉu ka həli ɓɛi ŋį́ naa pɛli a ka wɔɔ.

Lɛɛ gbɔwɔ ɓa 33:14

Yai-Laa yɛ mą: «Ɲą́ą́ gbinį ɓə pai hvįįtɔɔ tɛɛi ə́ pɔ.»

Azaya 63:9

Ɛlɛɛ di kɛɛ di wɔ mɔ̨nɔ̨ɠaa hu, yaa kpɛli ə mɔ̨nɔ̨ mįi. Malakai ŋɛ̨i a nwɔ tímun, ya ɓə di nwunmąąɓo nwɔ wɛlikɛmąąlaa, da nwɔ nu ɲɛ̨imąąwɛli kaa laa haalai, yaa kpinįį ɓə di nwun mąąɓo, ə di mąą mɛ̨nį həɠə nwuɔ̨, yɛ di kpəŋə, yələ kəlee, ɲɛnɛ̨ɛ̨ yii aa tɛɛ ɉu.

Ɉeremi 14:21

Yai-Laa, ə́ laa mąą mɛ̨nį ɓa, hvo gɛ nuą di hvo tɛɠɛɓo ə́ laa hu, hvo ə́ wɔ tɔɔkpəlin nwɔ mąąwiɛ ɓɛlɛkpɛɛma; Ə́ kiliŋąhiɛ mįnɛ̨i gwa gaani gu ɉəɠə mą, hvo lənə mą.

Levetekɔ 26:42

Ŋą́ gíliŋąhiɛ kɛa mįnɛ̨i kwa Ɉakɔbə ku ɉəɠə mą, yai kwa Isaakə ku ɉəɠə, yai lɔ nwɔ̨nɔ̨ kwa Abrahamə ku ɉəɠə; Gɛ́ gíliŋąhiɛ nɔi ɓa.

Levetekɔ 26:44

Di mą kɛ di yowoɠaa di wɔ lɔi hu, və́ pai di pilii, di wɛli hvo pai kpɛɛi mą́ą́, gɛ́ di huwu pu, ɛlɛɛ mįnɛ̨i kwa diɛni ku ɉəɠə, hva ɉəɠə mą, mąąhɔlɔɓo, ɲą́ą́ Yai-Laa, di wɔ Yálá ɓaa Ɲą́ą́.

Zakari 11:10

Ŋą́ nwɔ́ wɛlikɛmąą tunwɔ̨n həɠə, ŋą́ ɉu yali, mįnɛ̨i Yai-Laa da nɔi nuą kəlee di ɉəɠə, ŋį́ ɉəɠə mą.

Malasi 3:1

Yai-Laa Mɛ̨nį Kəlee ŋą Hééɓomun kaa kɛi káá: Gáá nwɔ́ wɛlɛɛ ɓomu dɔɔi dɔ́wɔ́, ə pələ laa ɓo. Yálái ŋɛ̨i ka káá gwɛlii, gaa pai ɉee pɛlɛ́ mu, ɉu hvo kwɛa li. Nwɛlɛɛ ɓomu ŋɛ̨i ka káá mąąkpɔn ɉi, gaa pai nwɔ́ mįnɛ̨i laa həlii kaa. Gaa bələ ɓa, yɛ pa.

Lonon mo 14:34

Hvóló pow nąąn ɓə ka gɛ kaa nɔi tii hu hiɛ, kaa mąąkpɛɛ; yili ɓa, hvóló tɔ̨nɔ̨ kaa a kwɛlan dɔ̨nɔ̨. Kwɛlan bow nąąn ɓə ka káá gɛi, kaa ka wɔ mɛ̨nį ɲɔ̨n tii ɉu mɔ̨nɔ̨ mįi. Yili pɔ pələ ɓə ka gaa la, kaa diɛ, nu a gili kulɔ ɉú, ɲɔ̨nwɔ̨ɔ̨i.›

Dutɛrɔnome 1:8

Ka gɔlɔn kaa diɛ, ŋą́ą́ nɔi tii tɛɛ ka pɔ, ka lɔ ɉu; nɔi tii ɓə Yai-Laa ə gwɛla yɛ gaa dɛɛi ka nąnni pɔ, Abrahamə, Isaakə da Ɉakɔbə, da di huwu, ka li ka hee laa.»

Dutɛrɔnome 4:34

Awala kɛ tii, yálá ta, aa ta pa lɔi mɛ̨i, yɛ nu huwu ta kulɔ nu huwu takpɛli lɔwai a kwɛlɛɛn mɛ̨nįɠaa da kpalo mɛ̨nį ɛlɛɛ, a kwəi pili mąą mɛ̨nįɠaa, a kɔ́ɠaa, a nwɔ huwalawala laa, ɲee yɛ lɛɛ di mɛ̨i a mąą ɲɔwɔ, yɛ bələi ŋɛ̨i Yai-Laa ka wɔ Yálái ə gɛ la a kaa, yɛ ka kulɔ Eziptə lɔi hu kaa kpinįi ka nąą kaa?

Dutɛrɔnome 7:9

Mąąnɛ̨ɛ̨ ka kili ə pu ɉu kaa diɛ, Yai-Laa ka wɔ Yálái ɓə gaa a Yálá kpɔ-kpɔɔ. A Yálái a kulɔ nwoo ɓa. Nuąi da nwɛlilakɛ, diɛ nwɔ tíɓoɠaa kɛ, a lɛɛ nwɔ mįnɛ̨i pulu di mąą mɛ̨nį ɓa; yɛ di wɛli la kɛ kwɛlan nwaa tamąą yee mu.

Zasua 3:10

Yili pulu, Ɉosue yɛ diɛ: «Ka káá pai gɔlɔn ɉii kaa diɛ, Yálá húlu kaa ka lɔwai. Ɛlɛɛ, Kanaan nuąi a: Hɛtə nuą, Hivi nuą, Perizi nuą, Girgasə nuą, Amɔrə da Ɉebusə nuą, gaa pai di kpɛi ka tɔwɔ.

Nwun mąąɓo 11:24

Nɔi ŋɛ̨i ə́ wɔ halii Kemɔsə ə dɛɛ ə́ pɔ, hvo mɔ̨ɔ̨ ə́ yəi? Yili ɓa, nɔi ŋɛ̨i Yai-Laa ə hvaa mą ku ɉɔlɔɓo, gaa a ku wɔɔ.

Nwun mąąɓo 13:2

Hulɔnu ta ə kɛ Sorea, yai kɛ a Dan mun da, diɛ kɛ naa ɓaa: Manoa. Nɛ̨ą ə kɛ a kpomąnɛ̨ą.

Nwun mąąɓo 13:3

Yai-Laa nwɔ malaka ə gbɔwɔ lɛ nɛ̨ɛ̨nui tii ɓa pɔ̨nɔ̨ŋą, yɛ mą: «Gili kaa ɉu gɛ́, lon ve yɛ́, ə́ kaa a kpomąnɛ̨ą; kɛlaa, ə́ kaa pai koo həɠəi, ə́ lon ɉulɔnu kaa.

Nwun mąąɓo 2:5

Di gɛɛnąąi tii laa hee a Bokimə, yili pulu, di haláá kulɔ laa Yai-Laa ɓa.

Nwun mąąɓo 6:8

Yai-Laa ə gwəi mɛ̨nį hukulɔ mun da tɔɔ, yili yɛ diɛ: «Yai-Laa, yii gaa a Israɛlə nwɔ Yálá, nwoo ka, yɛ diɛ: Ɲą́ą́ ɓə ka kulɔ Eziptə, luwɔlaa hu.