Nwun mąąɓo 18:2 - Yálá laawoo hɛɓɛ (dc)

² Dan lonnii di nu lɔɔli kulɔ, a kulááɠaa, di di həɠə Sorea da Ɛstaɔlə, ə gɛ di nɔi mąąkpɛɛ. Di mo diɛ, diɛ diɛ: «'Ka li ka nɔi mąą kpɛɛ.» Də li di həli Ɛfraimə lɔi hu, di tɔɔ Mika yəi bɛlɛ́ laaləi, nąą ɓə di yíi laa.

Yálá laawoo hɛɓɛ

² Dan lonnii di nu lɔɔli kulɔ, a kulááɠaa, di di həɠə Sorea da Ɛstaɔlə, ə gɛ di nɔi mąąkpɛɛ. Di mo diɛ, diɛ diɛ: «'Ka li ka nɔi mąą kpɛɛ.» Də li di həli Ɛfraimə lɔi hu, di tɔɔ Mika yəi bɛlɛ́ laaləi, nąą ɓə di yíi laa.

Bible

² Dí kɔ-kuluƃa lɔ́ɔlu kùla dísuui su. Dí mò dîa dîyɛɛi, “Kwa kúkɛ̂i kɔ̂rii. Ka lí ká lɔii da maa kpɛ́ɛ.” Gɔ-kûluƃa-ŋai ŋí dí kùla Zora da Ɛtaɔ taa-ŋai su. Dí lì ǹyée lɔii su Ifiraŋ kpiniŋ su. Dí seriɛ́ɛ naai, dí lɔ̀ Maka ŋɔpɛ́rɛi mu dí nyíi naa.

Nwun mąąɓo 18:2 ပူးပေါင်းရင်းမြစ်များ

Zɛnɛse 42:9

Nąąlɔwai, Ɉosɛfə nwɔ hįiɠaai nąą kili ə too ŋą. Ə pənə yɛ niɛni diɛ: «Nɛ̨nɛ̨ɛ̨n naa kɛ nuą ɓaa kaa! Ka pa nɔi mąą hɛn mɛ̨nį ɓa!»

Hanwon 20:18

Ə́ kɛ kolóɠaa mąą kiliŋąlaa kɛ kpɔ a nɛlɛɛ, ə́ kaa pai kɛa lɛɛi ə́ kpɔwɔ ɓa, ɛlɛɛ, ə́ ə́ wɔ kɔ́i kɔ́ a ə́ kili.

Lonon mo 13:17

Moisə ə di tɔɔ, diɛ li Kanaan lɔi mąą kpɛɛi, yɛ diɛ: «'Ka tɛɛ a nɛ̨ŋɛ̨ lɔi hu pələ, ka lɔ ɲee lɔi hu.

Lukə 14:31

«Bələ lɔ ɓə gaa la, akɛ tɔɔmun da a kɛi li kɔ́ pɛlɛi mɛlan dɔɔmun ma, hvo kɛli ə gbɛa hee ə giliŋąhiɛ, akɛ nu waa powi ŋɛ̨i gaa ɲəi, di yee a pɛli mɛlan nwɔ nu waa pow hveelɛi ɓa.

Zasua 15:33

Di wɔ taa kpɛa-kpɛaa da di yee mu taaɠaa: Ɛstaɔlə, Sorea, Asna,

Zasua 19:41

Di hee lɔi ɲɛ̨n ə kɛ a Sorea, Ɛstaɔlə, Irə-Sɛmɛsə,

Zasua 2:1

Di lɛɛ Sitimə lɔi hu, Nun lon ɉulɔnu Ɉosue, ə nu hveelɛ tɔɔ, diɛ li kɔ́ nɛ̨lɛ̨ɛ̨n naa kɛi; yɛ diɛ: «Ka li, ka Ɉeriko lɔi hu kaa.» Di li di lɔ wɛlikɛ nɛ̨ɛ̨nu ta yəi bɛlɛ́n, yii di kɛi kɛ naa ɓaa Rahabə, di lɛɛ laa.

Zasua 2:2

Nuą di li di ɉukulɔ Ɉeriko tɔɔmun ma, diɛ mą: «Israɛlə nuą di háá pa ɓɛ a kpinį, nɔi hu kaai.»

Nwun mąąɓo 13:2

Hulɔnu ta ə kɛ Sorea, yai kɛ a Dan mun da, diɛ kɛ naa ɓaa: Manoa. Nɛ̨ą ə kɛ a kpomąnɛ̨ą.

Nwun mąąɓo 13:25

Ɓɛlɔwai Samsɔn ə kɛ la Mahane-Dan, Sorea da Ɛstaɔlə di lɔwai, Yai-Laa nwɔ Kilii ə gɔwɔ tɔɔ, yɛ too ɉu.

Nwun mąąɓo 16:31

Samsɔn gaayɔwɔɠaa, da nąn ɲəi bɛlɛ́n nuą di pa di bowa həɠə, də li la, di noo Sorea da Ɛstaɔlə di lɔwai, nąn Manoa kámą hu. Samsɔn ə tɔɔ Israɛlə ɲɛ̨itɔwɔ kwɛlan bow hveelɛ yee mu.

Nwun mąąɓo 17:1

Ɛfraimə yee ɓa, hulɔnu ta ə kɛ laa, diɛ kɛ mą: Mika.

Nwun mąąɓo 18:11

Nąąlɔwai, Dan nu huwu, nu nwun-mɛ̨ida, di hąą yiliɛ a kɔ́ kɔ́ mun ɉąą yili pələ, di həɠə Sorea da Ɛstaɔlə, diɛ li.

Nwun mąąɓo 18:13

Di həɠə laa, də li Ɛfraimə yeeɠaa hu. Di həli Mika nwɔ pɛ́lɛ́i ɓa.

Nwun mąąɓo 18:3

Di kɛɛ Mika yəi bɛlɛ́ kwɛlɛ, di Levi hulɔnon tii woo kɔ́lɔn, di ɉaŋą bɔ pələ, diɛ mą: «Gbɛɛ ɓə pa a yɛ́ ɓɛ? Lə ɓə ə́ kaa gɛi ɓɛ? Lə ɓə ə́ kanąn ŋąą ɓɛ mą?»

Nwun mąąɓo 18:8

Ɉinąą lɔɔli tii di yali di pulu, di pa di di kaayɔwɔɠaa kaa Sorea da Ɛstaɔlə; yiliɠaai di di mąąni kɛ, diɛ diɛ: «Ka gaa ləi?»

Nwun mąąɓo 19:1

Nąąlɔwai, tɔɔmun və kɛ Israɛlə lɔi nwun na; Levi mun da ə kɛ heeni Ɛfraimə lɔi hu, mąą kwɛa mɛlaa diɛ. Ə Bɛtleɛmə, Ɉuda nɛ̨ɛ̨nu ta hon a wɛli.

Nwun mąąɓo 19:18

Levi mun tii yɛ mą: «Ku həɠə Bɛtleɛmə Ɉuda lɔi hu, ku kaa li kpɔ Ɛfraimə lɔi gbon ɉeei pələ, nąą ɓə ɉéɛ kaa laa. Ŋą́ həɠə Bɛtleɛmə Ɉuda lɔi hu gáá li bɔ́ taai, ya ka tii nu ta hvo ɲee hee li ɓɛ mú. Gáá Yai-Laa yəi bɛlɛ́n a nwɔ tímun.