Nwun mąąɓo 17:3 - Yálá laawoo hɛɓɛ (dc)

³ Mika ə nɛɛmą ə nwali kwələ waa tɔ̨nɔ̨ pulu nwun-dɔnɔi tii tɛɛ nee pɔ. Nee yɛ mą: «Nwalii tii, ŋą́ naakwɛlanmo Yai-Laa ɓa, ə́ mąą mɛ̨nį ɓa. Ə gɛ, di hali ta pɛli la yɛ́, yii a kɛ a mąąnįnįn ɉaɠaa ta, yɛ ɓo a kwɛli, yili ɓa, gáá dɛɛi ə́ pɔ.»

Yálá laawoo hɛɓɛ

³ Mika ə nɛɛmą ə nwali kwələ waa tɔ̨nɔ̨ pulu nwun-dɔnɔi tii tɛɛ nee pɔ. Nee yɛ mą: «Nwalii tii, ŋą́ naakwɛlanmo Yai-Laa ɓa, ə́ mąą mɛ̨nį ɓa. Ə gɛ, di hali ta pɛli la yɛ́, yii a kɛ a mąąnįnįn ɉaɠaa ta, yɛ ɓo a kwɛli, yili ɓa, gáá dɛɛi ə́ pɔ.»

Bible

³ Ǹóŋ kɛ́ɛ a ŋɔkánei tɛ́ɛ bɔ́ pôlui, è mò ǹyɛɛ, “Ŋa gánei ŋí tɛɛ̂i Yâwɛɛ pɔ́ a gɛ́ɛ voo-wooi ŋí fé ńoŋ sòŋ. Ziɣe í sɛŋ da pɔɔkɔ̂ŋ gbɛ̀tɛ la í bɔ̃yɛ a gáne kpua-kpuai ŋí íkɛ vɛ̀li.”

Nwun mąąɓo 17:3 ပူးပေါင်းရင်းမြစ်များ

Kɔlɔnikɔ Veerɛi 33:7

Ə hali mąą nįnįn haɠa yaa kpįnįi, ə dɔɔ Yai-Laa nwɔ pɛlɛ́i mu. Ya ka yaan, Yálá ə mo Davidə da non Salomɔn ɓa, yɛ diɛ: «Bɛlɛi ŋɛ̨i, da Ɉerusalɛmə taa ŋɛ̨i, ya ɓə ŋą́ą́ di ɉəɠə ɉu a nííɓa, Israɛlə lɔiɠaa lɔwai, ŋį́ náá hee mą a yələ kəlee mɛ̨nį.

Lɛɛ gbɔwɔ ɓa 20:23

Mąą hvo nɛ̨ɛ̨li, ka hvo mą́ą́ mɛ̨nį kɛ yɛ halii di bɛli a wali kwɛli, awala kɛ ti, a hɛni. Ɛlɛɛ, mąą hvo nɛ̨ɛ̨li ka hvo ɉaliɠaa tii ta pɛli.

Lɛɛ gbɔwɔ ɓa 20:4

«Mąą nįnįn ɉaɠaa lɔpee ta hvo kɛ ka yəi, ə mą kɛ a yələkɔlɔn ɉu hɛn da kulɔmąą, ə mą kɛ, a lɔi mɛ̨i hɛn da, da yái hɛn da yii gaa lɔi mu gulɔmąą.

Lɛɛ gbɔwɔ ɓa 34:17

«'Hvo Yálá mąą nįnįn bɛli.

Azaya 30:22

Mąą nįnįn ɉaɠaaɠaai da kɛ nwali ya pui diɛ, da yiiɠaai kwɛli yɔw nuą da bu, diɛ ɉɛni-yá pu diɛ, mąąnɛ̨ɛ̨ ka gəlee kaa a hɛn mąąliɓiɛɠaa, ka di pili, yɛ bələi da hɛn ɲɔ̨nwɔ̨ɔ̨ pili la ɛlɛɛ, yɛ́ diɛ: 'Ka kulɔ ɓɛ!

Azaya 66:3

Da kɛ niŋɛ̨ kulɔi a haláá, ɛlɛɛ nwɔ̨nɔ̨, diɛ nu paa! Da kɛ ɓɛlaa haa kulɔi a haláá, ɛlɛɛ nwɔ̨nɔ̨, diɛ yilɛ lon baa a gbɔn! Diɛ ɓɛlaa laa həli, kɛlaa ɓoi ɲąmą ɓə da bu! Da lansan kələn, kɛlaa hali mąąwiɛ mɛ̨nį ɓə! Nuąi tii, daa di liiɓa pələ həɠə, ɛlɛɛ, gbɛli kpɛli mɛ̨nįɠaai tii, di ɓo a di kwəinɛ̨ɛ̨ mɛ̨nį,

Ɉeremi 10:8

Nu kəlee, nu ta nwɔ kwɛni hvo kulɔ li ɉu, di kilimąą a pɛlɛ di hva mɛ̨nį ɲąą kaa, kili kpɛɛ gwəi hɛnŋaa ɓə nuą tii da kili kwɛli di yəi; di hva kili hɔlɔɓo.

Levetekɔ 19:4

«'Ka hvo hvilɛn haliɠaa pulu, kaa di mąą nįnįn bɛli. Ɲą́ą́ gáá a Yai-Laa ka wɔ Yálá.

Ɉaan 16:2

Di kaa pai kɛi ka kpɛi Yálá hvɛli pɛlɛ́ɠaa mu; yələ ta kaa pai ɉəlii, nui a ka ta paa, yɛ kɛ gaa Yálá mąąwiɛi ka tii.

Dutɛrɔnome 12:3

Ka di wɔ hali kɔ́iɠaa wolo, ka di hvaa kwɛniɠaa huɓuwɔ, ka di hvaa wuluɠaa tee, ka di wɔ mąą nįnįn ɉaɠaaɠaa kələn, ka di pɔɔ kpɛɛ laa kpɔ tɛ̨ɛ̨tɛ̨ɛ̨.

Dutɛrɔnome 27:15

«‹Nui lɔpee pai hali ta pɛlii a wala kɛ tii, hɛn da mąą nįnįn, a yɛlɛ kɛ mun da yee pɔɔ, ɛlɛɛ, yɛ di tɔɔ kɛɛnąą loɔ ɓa! Mɛ̨nįi gɔhɔɓoɔ Yai-Laa ɲɛ̨i ɓa yaa li! Yálá! Mąą nu nɛ̨ŋɛ̨n naai!› Ɛlɛɛ nɔi lonnii kəlee di di nwoo mu hon, diɛ mą: ‹Mįįną!›

Nwun mąąɓo 17:13

Nąąlɔwai, Mika yɛ gbɔwɔ ɓa: «Gíli kaa ɉu gɛ́, Yai-Laa kaa kɛa pai mɛ̨inɛ̨ɛ̨ kɛi mą́ą́, mąąhɔlɔɓo, Levi mun ŋɛ̨i aa kɛ a nwɔ́ haláá laa həli mun.»

Nwun mąąɓo 17:2

Yələ ta, Mika yɛ nee ɓa: «Ɓɛlɔwai di ə́ wɔ wali kwələ waa tɔ̨nɔ̨ pulu nwun-dɔnɔi nwuɔ̨ la, yɛ́ nwuɔ̨mun nɛ̨ŋɛ̨n naa, ə́ kili kaa ɉu, ŋą́ kɛ laa, ɲą́ą́ ɓə ɉəɠə.» Ya ɓə, nee yɛ mą: «Nón, gɛ Yai-Laa ə́ lúwɔ́ too yɛ́.»

Nwun mąąɓo 17:4

Kɛlaa, Mika ə pənə nwɔ̨nɔ̨, ə nwalii tii tɛɛ nee pɔ. Nee ə nwun-veelɛ həɠə ɉu, ə dɛɛ wali kwɛli pu mun da bɔ. Yili ə bu, ə bɛli a hali, a mąąnįnįn ɉaɠaa ta, də li di ɉee Mika yəi bɛlɛ́n.

Nwun mąąɓo 18:30

Mika nwɔ halii ŋɛ̨i di gulɔ ɲəi, di ɉee laa, diɛ gɔ́. Yehonatan Gɛrsɔmə lon, Moisə lon, ya ɓə kɛ a Dan nu huwu di wɔ haláá laa həli mun, ɛlɛɛ, ɉaa pulu, nonnii ɓə kɛa lɛɛ a ɉaláá laa həli nuą, ə lɛɛ la ɉu, diɛ li luwɔlaa hu.

Nwun mąąɓo 18:5

Nuąi tii diɛ mą: «Akɛ yili kaa tii, Yálá mąąni kɛ, akɛ ɉiɛi ŋɛ̨i ku kaa gulɔi, gaa pai nɛ̨ɛ̨i.»