Nwun mąąɓo 13:6 - Yálá laawoo hɛɓɛ (dc)

⁶ Nɛ̨ɛ̨nui tii ə li ɲəi bɛlɛ́ laaləi, yɛ ɉilɛ ɓa: «Yálá nwɔ nu ta aa gbɔwɔ lɛ mą́ą́, ɲɛ̨ilai ə kɛ yɛ Yai-Laa nwɔ malaka, mąą ɲɔuɔ. Və́ kɛ li mą mįnɛ̨ ɓə ə́ həɠə laa, hvo nwɔ̨nɔ̨ naa ɓo mą́ą́.

Yálá laawoo hɛɓɛ

⁶ Nɛ̨ɛ̨nui tii ə li ɲəi bɛlɛ́ laaləi, yɛ ɉilɛ ɓa: «Yálá nwɔ nu ta aa gbɔwɔ lɛ mą́ą́, ɲɛ̨ilai ə kɛ yɛ Yai-Laa nwɔ malaka, mąą ɲɔuɔ. Və́ kɛ li mą mįnɛ̨ ɓə ə́ həɠə laa, hvo nwɔ̨nɔ̨ naa ɓo mą́ą́.

Bible

⁶ Nya ƃe ǹɛnîi è lì é m̀ó ŋɔsurɔ̂ŋ ma ǹyɛɛ, “Ɣâla ŋɔlóno kɛ́-nuu tɔnɔ è kùla ŋ́ɛi. Gɛ́-pere káa yɛ̂ɛ Ɣâla-taa kela. Ŋá gàa ŋá yao. Ḿve marê kɛ́ ní mí ƃé è kùla naai, vé tela ǹáa lɛ́ ní ḿâ.

Nwun mąąɓo 13:6 ပူးပေါင်းရင်းမြစ်များ

Zɛnɛse 18:2

Ə lɛɛ lɔ hee ni, ə hinąą haaɓa kaa, di mąą hvo kɛ kwɛa li mą, diɛ pa bɔ. Ə muhəɠə, yɛ li di laakwiɛn ɉii, ə mąą yɛɛ di kɔ́wɔ mu.

Zɛnɛse 32:29

Yɛ mą: «Ə́ laa hvaa kɛa a Ɉakɔbə, ə́ laa ɓaa pai kɛi a Israɛlə, mąąhɔlɔɓo, ka Yálá kaa lamu kɔ́, ka nuą kaa lamu kɔ́, ə́ yee aa tɛɛ diɛ.»

Tɔɔɓɛlaa dɔlɔɔ 17:18

Nokoloi nee yɛ Eli ɓa: «Yálá nwɔ nu! Lə mɛ̨nį ɓə gwa yɛ́ gu lɔwai? Ə́ lɔ ɲə́i bɛlɛ́n nwɔ́ nɛ̨ŋɛ̨nŋąą kili too mɛ̨nį ɓa Yálá ŋą, da nón nwun napili mɛ̨nį?»

Tɔɔɓɛlaa dɔlɔɔ 17:24

Nɛ̨ɛ̨nui yɛ Eli ɓa: «Ŋą́ą́ gbaɠala kaa kɛa gbalo mɛ̨nįi ŋɛ̨i pɔ pələ, gɛ́, Yálá nwɔ nu ɓaa a yɛ́. Ɛlɛɛ, mɛ̨nįi ya mo a Yai-Laa laa, tɛ̨ą li.»

Tɔɔɓɛlaa veelɛ 4:16

Elise yɛ mą: «Gwɛlan ŋɛ̨i pai, ɓɛlɔwai, lon ɉulɔnu a kɛ laani ə́ yee kɔ̨nwɔ̨n ɉu.» Nɛ̨ɛ̨nui yɛ mą: «Nwɔ́ mɛ̨nį nąmu, Yálá nwɔ nu, mąą hvo nɛ̨ɛ̨li ə́ lɛɛ kɛ yɛ́ luwɔ-nɛ̨ą ɓa.»

Tɔɔɓɛlaa veelɛ 4:9

Nɛ̨ɛ̨nui tii yɛ ɉilɛ ɓa: «Ŋą́ gɔlɔn gɛ́, ɉulɔnui ŋɛ̨i a kɛ pai ɓɛi, gaa a Yálá nwɔ nu mąąhəɠɛɛ.

Lɛɛ gbɔwɔ ɓa 3:2

Nąą ɓə Yai-Laa nwɔ malaka ə gbɔwɔ lɛ laa mą nwɔ̨n nən gɛnɛ̨ hu wulu lon da ɓa. Moisə ɲɛ̨i ə kɛ nwului tii ɓa, nwɔ̨n yɛ ɓo mą nąą kəlee, kɛlaa, hvo kɛi gələn.

Lɛɛ gbɔwɔ ɓa 3:6

Ɲą́ą́ ɓə gáá a ə́ nąn nwɔ Yálá, Abrahamə nwɔ Yálá, Isaakə nwɔ Yálá, da Ɉakɔbə nwɔ Yálá.» Moisə ə ɲee pɛlɛ ɲɛ̨i, mąąhɔlɔɓo, ə kɛi ɲɔw ɲɛ̨i heei Yálá ɓa.

Danîa 10:11

Nui tii ə mo mą́ą́, yɛ mą́ą́: «Daniɛlə, ə́ wɛli kaa Yálá ɓa, gɛ pələ kwɛli mą, nwooɠaai ŋɛ̨i gáá moi yɛ́, ə́ ŋąą kaa. Həɠə ə́ tɔɔ, mąąhɔlɔɓo, yɛ́ bə ŋą́ pa ə́ pɔ háákələi.» Ə mo lɔ tii, ŋą́ muhəɠə ŋą́ tɔɔ, mą́ą́ yɛ ni kpɛlin.

Danîa 10:5

Ŋą́ lɛɛ lɔ ɲɛ̨́i laai, ŋą́ nu ta kaa həɠə kwɛlɛɛ yɛ ɓo mą, ɉąą yiliɛ a hɛni kpɔkpɔɔ həɠə ɓɛla.

Danîa 8:17

Gabriɛlə ə lɛɠɛ mą́ą́, ɓɛlɔwai ə kɛi mąą lɛɠɛ la mą́ą́, ŋą́ ɲɔw kpɔ kɛnɛ̨, ŋą́ pɛlɛ nɔi ɓa gɔwɔ mu. Yɛ mą́ą́: «Daniɛlə, pələi mąn kaa la a nu, mąąnɛ̨ɛ̨ ə́ gbaɠala kaa yɛ́ diɛ, yɛnɛ̨ɛ̨ ɲąąkpɛɛi lɔwai mɛ̨nį ka ŋɛ̨i ə́ gaa.»

Lukə 1:19

Yálá nwɔ malaka ə nwoo pulu pənə yɛ mą: «Ɲą́ą́ ɓə da kɛ mą́ą́ Gabriɛlə. Gáá Yálá yəi a nwɔ kɛla. Yaa ɓə dɔ́ɔ́, əgɛ, ŋį́ nwɛlɛɛ nɛɛ ŋɛ̨i ɓo yɛ́.

Lukə 9:29

Ɓɛlɔwai Jesus ə kɛi Yálá hvɛli la, ɲɛ̨ilaai mąą ə hvalin, nwɔ həɠəi gwələ ɲɛ̨i ə kulɔ kpɔ pə-pə.

Gɛlaɠaa 6:15

Nuąi kpɔ kɛ dɔ́n gələ mu, di kəlee di di ɲɛ̨i hee Etiɛnə ɓa, ɲɛ̨ilaai ə ɓo yɛ Yálá nwɔ malaka ta.

Dutɛrɔnome 33:1

Lúwɔ́ yii Yálá nwɔ nu Moisə ə doo Israɛlə lonnii diɛ hvo tɛɠa kɛ pai haai, ya ka:

Timote dɔlɔɔ 6:11

Kɛlaa, ə́ wɛi, Yálá ŋą nu, 'pú, 'həɠə mɛ̨nįɠaa tii tɔwɔ. Mɛ̨nįɠaa ŋɛ̨i kwɛli, diɛ ɓaa: 'Tələnmolaa, mąąwiɛlaai a hvilɛn Yálá ɓa, laa na laa, wɛlikɛmąąlaa, kąnąnmąą laa, da liinɛ̨ɛ̨ gwəilaa.

Zasua 14:6

Ɉuda nu huwu di pa di Ɉosue kaa Gilgalə, Yefune lon Kalɛbə, yii kulɔ Kenizi pɛ́lɛ́i mu, yɛ Ɉosue ɓa: «Mɛ̨nįi Yai-Laa ə mo Yálá nwɔ nu Moisə ɓa Kadɛsə-Barnea, yɛ hvilɛn na gwa yɛ́ guɔ, gbaɠala kaa yɛ́.

M̀ɛni-lɛɛi 1:17

Gaai ŋį́ mo, ŋį́ too gɔwɔ mu yɛ ŋą́ haa. Kɛlaa, ə mamįiyee tunwɔ̨n mą́ą́, ɛlɛɛ, yɛ mą́ą́: «'Hvó ɲɔw, ɲą́ą́ ɓə a Dɔlɔɔ ɛlɛɛ, da gbɛla mąą!

Nwun mąąɓo 13:10

Ə nɛɛmą ə gilɛ həɠə, ə pa ə mo ɉilɛ ɓa, yɛ mą: «Ɉulɔnui hiɛ kɛ, aa pa nwɔ̨nɔ̨, aa gbɔwɔ lɛ mą́ą́.»

Nwun mąąɓo 13:22

Manoa yɛ nɛ̨ą ɓa: «Gu haa hiɛ ka, mąąhɔlɔɓo, gwaa Yálá kaa.»

Nwun mąąɓo 13:3

Yai-Laa nwɔ malaka ə gbɔwɔ lɛ nɛ̨ɛ̨nui tii ɓa pɔ̨nɔ̨ŋą, yɛ mą: «Gili kaa ɉu gɛ́, lon ve yɛ́, ə́ kaa a kpomąnɛ̨ą; kɛlaa, ə́ kaa pai koo həɠəi, ə́ lon ɉulɔnu kaa.

Nwun mąąɓo 13:7

Ə kɛ lɔ mą́ą́: ‹Ə́ kaa pai koo həɠəi, ə́ lon ɉulɔnu hɔlɔɓo, ə həɠə yiihu ɓa, hvo lɔɔ kpələ, kpələ hɛn ɉuwui lɔpee a nu nwun ɉu tínɛ̨n, hvo da kpələ. Kɔ̨nɔ̨n yii Yálá ə tɔ́n dɔɔ mą, hvo da mįi; mąąhɔlɔɓo, nokoloi tii kaa pai kɛi a nui naakwɛlanmoɔ Yálá ɓa, ə gɔwɔ tɔɔ nee kwəi, ə lɛɛ la ɉu, ɉaa yələ.›»

Nwun mąąɓo 13:8

Nąąlɔwai, Manoa ə Yai-Laa hvɛli, yɛ mą: «Ną́mu, Yálá ə́ wɔ nui hiɛ ə́ dɔɔ, pənə nwɔ̨nɔ̨ ə́ dɔɔ, ə́ pa ku pɔ, ə gɛ, mɛ̨nįi mąąnɛ̨ɛ̨ ku gɛ nooloi mąą mɛ̨nį hu, ə ku kilaa pɔ̨nɔ̨ la.»

Nwun mąąɓo 6:11

Yai-Laa nwɔ malaka ə pa, Ofra daai, ə hee wulu kɛnɛ̨ ta mu, yai kɛ a Yoasə nwɔɔ. Yoasə ə kɛ a Aviɛzɛrə yəi bɛlɛ́n mun da. Yoasə lon Zedeɔn, ə kɛi nwɔ mɔ̨nun dan, ɓɛi ŋɛ̨i da viɲə yá kulɔ laa, ə gɛ, Madian nuą di hvo pa gaa.

Samuɛlə dɔlɔɔ 2:27

Yálá kwəi mɛ̨nį hukulɔ mun da ə pa, ə Eli kaa, yɛ mą: «Mɛ̨nįi Yai-Laa aa mo ya ka: ‹Ŋą́ gbɔ́ɔ́ lɛ ka nąnni diɛ, ɓɛlɔwai di kɛ la Eziptə tɔɔmun ɲee mu luwɔlaa hu,

Samuɛlə dɔlɔɔ 9:6

Yili yɛ Saulə ɓa: «Kɛlɛi Yálá nwɔ nu ta kaa daa ŋɛ̨i hu-ee! Ɉulɔnui tii laa tɛɛi, yii a mo, a kɛ, hva ɉəɠə mą. Gwə li laa, gaa kiɛ pai gu tənən dɔɔi ɉiɛi ŋɛ̨i gu gulɔ mąą mɛ̨nį hu.»