Nwun mąąɓo 13:3 - Yálá laawoo hɛɓɛ (dc)

³ Yai-Laa nwɔ malaka ə gbɔwɔ lɛ nɛ̨ɛ̨nui tii ɓa pɔ̨nɔ̨ŋą, yɛ mą: «Gili kaa ɉu gɛ́, lon ve yɛ́, ə́ kaa a kpomąnɛ̨ą; kɛlaa, ə́ kaa pai koo həɠəi, ə́ lon ɉulɔnu kaa.

Yálá laawoo hɛɓɛ

³ Yai-Laa nwɔ malaka ə gbɔwɔ lɛ nɛ̨ɛ̨nui tii ɓa pɔ̨nɔ̨ŋą, yɛ mą: «Gili kaa ɉu gɛ́, lon ve yɛ́, ə́ kaa a kpomąnɛ̨ą; kɛlaa, ə́ kaa pai koo həɠəi, ə́ lon ɉulɔnu kaa.

Bible

³ Ɣele tɔ̂nɔ da, Yâwɛɛ ŋɔkélai dɔnɔ è kùla ŋ̀ɛ́i ǹyɛɛ m̀ai, “Ífe niî núu-kpune maa sɔlɔ ƃó ní. Kɛ́lɛ ya pâi koo siɣêi kúui ŋí su, í lóŋ surɔŋ maa sɔlɔ ƃó.

Nwun mąąɓo 13:3 ပူးပေါင်းရင်းမြစ်များ

Zɛnɛse 17:16

Gáá pai lúwɔ́ tooi mą, ə lon ɉulɔnu hɔlɔɓo. Gáá lúwɔ́ too mą, gaa pai kɛi a híí tamąą di lee, tɔɔɓɛlaa kaa pai kulɔi ɉuwu hu.»

Zɛnɛse 18:10

Nwɛ̨ąąi tii tɔ̨nɔ̨ ə mo Abrahamə ɓa yɛ mą: «Gwɛlan tii pai, ɓɛlɔwai nwɔ̨nɔ̨, gáá pənəi ŋą́ pa ɓɛ, ə́ nɛ̨ą Sara gaa pai lon ɉulɔnu hɔlɔɓoi.» Sara ə kɛ tɔɔ ni bɛlɛ́ laaləi Abrahamə pulu, ə nwooɠaai tii mɛ̨n.

Zɛnɛse 18:14

Akɛtii, mɛ̨nį ta a pɛli kɛi a nwalawalaa Yálá yəi? Gwɛlan tii pai, ŋą́ pənə ŋą́ pa ɓɛ ə́ pɔ a ɓɛlɔwai, Sara a lon ɉulɔnu hɔlɔɓo.»

Tɔɔɓɛlaa veelɛ 4:16

Elise yɛ mą: «Gwɛlan ŋɛ̨i pai, ɓɛlɔwai, lon ɉulɔnu a kɛ laani ə́ yee kɔ̨nwɔ̨n ɉu.» Nɛ̨ɛ̨nui yɛ mą: «Nwɔ́ mɛ̨nį nąmu, Yálá nwɔ nu, mąą hvo nɛ̨ɛ̨li ə́ lɛɛ kɛ yɛ́ luwɔ-nɛ̨ą ɓa.»

Lukə 1:11

Zakari ə kɛ tɔɔni ɉaláá kulɔ ɉala kulɔi ɓa-mįi-yee hu pələ. Nąmu Yálá nwɔ malaka ta ə gbɔwɔ lɛ mą.

Lukə 1:13

Kɛlaa, malakai tii yɛ mą: «Zakari hvo ɲɔw, mąąhɔlɔɓo, Yálá aa ə wɔ hvɛli woo mɛ̨n aa bulu pənə. Yili ɓa, ə́ nɛ̨ą Elisabɛtə kaa pai lon ɉulɔnu hɔlɔɓoi, ə́ naa hee a Ɉaan.

Nwun mąąɓo 13:10

Ə nɛɛmą ə gilɛ həɠə, ə pa ə mo ɉilɛ ɓa, yɛ mą: «Ɉulɔnui hiɛ kɛ, aa pa nwɔ̨nɔ̨, aa gbɔwɔ lɛ mą́ą́.»

Nwun mąąɓo 13:15

Manoa yɛ Yai-Laa nwɔ malaka ɓa: «Kuɔ ku Ə́ nwɛ̨ąlaa kɛ a ɓolu lon, Ə́ hvaa mą?»

Nwun mąąɓo 13:6

Nɛ̨ɛ̨nui tii ə li ɲəi bɛlɛ́ laaləi, yɛ ɉilɛ ɓa: «Yálá nwɔ nu ta aa gbɔwɔ lɛ mą́ą́, ɲɛ̨ilai ə kɛ yɛ Yai-Laa nwɔ malaka, mąą ɲɔuɔ. Və́ kɛ li mą mįnɛ̨ ɓə ə́ həɠə laa, hvo nwɔ̨nɔ̨ naa ɓo mą́ą́.

Nwun mąąɓo 13:8

Nąąlɔwai, Manoa ə Yai-Laa hvɛli, yɛ mą: «Ną́mu, Yálá ə́ wɔ nui hiɛ ə́ dɔɔ, pənə nwɔ̨nɔ̨ ə́ dɔɔ, ə́ pa ku pɔ, ə gɛ, mɛ̨nįi mąąnɛ̨ɛ̨ ku gɛ nooloi mąą mɛ̨nį hu, ə ku kilaa pɔ̨nɔ̨ la.»

Nwun mąąɓo 2:1

Yai-Laa nwɔ malaka ə həɠə Gilgalə, ə pa Bokimə, yɛ Israɛlə lonnii diɛ: «Ɲą́ą́ ɓə ka kulɔ Eziptə lɔi hu, ŋą́ pa a kaa nɔi ŋɛ̨i hu, yai ŋą́ naakwɛlanmo ka kalaɓɔlɔni diɛ. Ŋą́ mo diɛ, gɛ́ diɛ, mįnɛ̨i gu lɔwai, vá gala.

Nwun mąąɓo 6:14

Yai-Laa ə tínɛ̨n yɛ Zedeɔn ɓa: «Vaŋąi tii gaa ə́ yə́i, li ə́ Israɛlə nwun mąąɓo la Madian nuą yəi. Ɲą́ą́ ɓə ə́ tɔɔi.»

Samuɛlə dɔlɔɔ 1:20

Anə ə koo həɠə, naayɛɛ lɔwai həliɛ, ə naayɛɛ a lon ɉulɔnu ə naa hee a Samuɛlə, mąąhɔlɔɓo, ŋą́ vɛli Yai-Laa ɓa.