Nwun mąąɓo 13:1 - Yálá laawoo hɛɓɛ (dc)

¹ Mɛ̨nįi kɛ ɲɔ̨nwɔ̨ɔ̨ Yai-Laa ɲɛ̨i ɓa, Israɛlə nuą di pənə nwɔ̨nɔ̨ di di yee lɔ ɉu, di gɛ. Yai-Laa ə di too Filisti nuą yee ŋą kwɛlan bow nąąn ɲee mu.

Yálá laawoo hɛɓɛ

¹ Mɛ̨nįi kɛ ɲɔ̨nwɔ̨ɔ̨ Yai-Laa ɲɛ̨i ɓa, Israɛlə nuą di pənə nwɔ̨nɔ̨ di di yee lɔ ɉu, di gɛ. Yai-Laa ə di too Filisti nuą yee ŋą kwɛlan bow nąąn ɲee mu.

Bible

¹ Eezuɛ-ŋai dí ŋɔ́nɔ pɛ̀lɛ sɔnyɔ̂ŋ kɛ̂i dípôlu tɔ̀ɔ Yâwɛɛ ma. Nya ƃe è gɛ̀ Felesia-ŋai dí díyee mɛi ɣále. Díkɛ̀ díyee mu a kóraŋ buu náaŋ.

Nwun mąąɓo 13:1 ပူးပေါင်းရင်းမြစ်များ

Ɉeremi 13:23

Akɛti, nu a pɛli mɔ̨ɔ̨ gɔlɔ mąą hvalin ɉii? Kwɛ́li a pɛli mɔ̨ɔ̨ gɔlɔ mąą hvalin ɉii? Kpaa-o! Ɛlɛɛ, kaa ŋɛ̨i mɛ̨nį ɲɔ̨n aa ɓɔ ka hui, ka pɛli kɛa mɛ̨nį lɛlɛɛ kɛi?

Lomaŋ 2:6

yai pai nu kəlee hvɛla kulɔi yɛ bələi ə túwɔ́ la.

Hebreu 11:32

Lə mɛ̨nį kpɔ ɓə nwɔ̨nɔ̨ kɛa ŋą́ pɛli moi? Lɔwai hvo ɲə́i, gɛ́ pɛli mɛ̨nį tamąą huyɛɠɛi káá, yɛ bələi: Zedeɔn mąą mɛ̨nį kaa la, Barakə, Samsɔn, Ɉɛfte, Davidə, Samuɛlə da Yálá kwəi mɛ̨nį hukulɔ nuą,

Nwun mąąɓo 10:6

Mɛ̨nįi kɛ ɲɔ̨nwɔ̨ɔ̨ Yai-Laa ɲɛ̨i ɓa, Israɛlə ə pənə nwɔ̨nɔ̨ ə ɲee lɔ ɉu ə gɛ. Ɉaliɠaai ŋɛ̨i da kɛ diɛ Baalə da Astarteɠaa, ə mą kɛ Aramə nuą di wɔ haliɠaa, ə mą kɛ Sidɔn nuą di wɔ haliɠaa, da Moabə nuą, ə mą kɛ Amɔn lonnii di wɔ haliɠaa, ə lɛɛ da Filisti nuą di wɛi, di kɛi kwɛli hvilɛn diɛ, di di pulu tɔɔ Yai-Laa ɓa.

Nwun mąąɓo 10:7

Yai-Laa ə níiɲąnwąną diɛ, ə di kwɛlɛ Filisti nuą da Amɔn nuą diɛ.

Nwun mąąɓo 12:15

Hilɛlə lon Avdɔn, Pireatɔn mun, ə haa, di noo Pireatɔn daai, Ɛfraimə lɔi hu, Amalɛkə yee koo mu.

Nwun mąąɓo 14:4

Samsɔn nee da nąn di kili hvo kɛ ɉu diɛ kɛ Yai-Laa nwɔ mɛ̨nį pɛliɛ li, ə gɛ, Samsɔn ə li ə hvaa tee Filisti nuą diɛ. Nąąlɔwai, Filisti nuą ɓə kɛ di heɛ Israɛlə nuą mɛ̨i.

Nwun mąąɓo 15:11

Nąąlɔwai, di hinąą waa haaɓa kulɔ Ɉuda lɔi hu, də li Etamə kwɛni wolo la, diɛ Samsɔn ɓa: «Kɛlɛi ə́ kili kaa ɉu yɛ́ kɛ Filisti nuą kaa heeni gu mɛ̨i-ee? Mɛ̨nįi yáá naa kuɔ, gaa lə?» Samsɔn ə di woo ŋąąpənə yɛ diɛ: «Mɛ̨nįi di naa mą́ą́, nwɔ́ kwələ ka tii ŋą́ gulɔ.»

Nwun mąąɓo 15:20

Kwɛlan bow hveelɛ yee mu, Samsɔn ə tɔɔ Israɛlə nuą ɲɛ̨itɔwɔ, Filisti nuą di wɔ yələi hu.

Nwun mąąɓo 2:11

Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, ya ɓə Israɛlə lonnii di di yee lɔ ɉu, di kwɛli hvilɛn Baalə haliɠaa diɛ.

Nwun mąąɓo 3:7

Mɛ̨nįi kɛ ɲɔ̨nwɔ̨ɔ̨ Yai-Laa ɲɛ̨i ɓa, Israɛlə ə ɲee lɔ ɉu, di di pulu tɔɔ Yai-Laa ɓa, yai a di wɔ Yálá, diɛ kwɛli hvilɛn Baaləɠaa da Aseraɠaa diɛ.

Nwun mąąɓo 4:1

Ehudə haa pulu, Israɛlə nuą di gbala tɔɔ nwɔ̨nɔ̨, mɛ̨nį ɲɔ̨nwɔ̨ɔ̨ Yai-Laa ɲɛ̨i ɓa, di di yee lɔ ɉu diɛ gɛ.

Nwun mąąɓo 6:1

Israɛlə lonnii di pənə nwɔ̨nɔ̨, mɛ̨nįi kɛ ɲɔ̨nwɔ̨ɔ̨ Yai-Laa ɲɛ̨i ɓa, di di yee lɔ ɉu diɛ gɛ, Yai-Laa, ə di too Madian nuą yee ŋą kwɛlan mɛ̨ihveelɛ yee mu.

Samuɛlə dɔlɔɔ 12:9

Kɛlaa di di kili kulɔ Yai-Laa hu, yaai gaa a di wɔ Yálá. Yili yaan ə di kwɛlɛ Sisera ɓa, yai kɛ a Hasɔrə kɔ́kuláá nwun nąmu, da Filisti nuą diɛ, da Moabə tɔɔmun ma. Yiliɠaai di kɔ́ pɛlɛ diɛ.

Samuɛlə dɔlɔɔ 4:9

Kɛlaa, di ɓɛlaa taɠaa di kɛi kɛ diɛ: «Ka gu gu liikpələ, gu gɛ a hulɔnulaa, gu kɔ́ pɛlɛ diɛ, a wala kɛ tii, gu kaa pai kɛi a Hebreuɠaa di wɔ luwɔɠaa yɛ bələi diɛi tii di kɛ la a guɔ luwɔɠaa. Ka tɔɔ a hinąą tɔɔ pələ, ka gu gɔ́ yili ɲą.»

Samuɛlə dɔlɔɔ 7:13

Filisti nuą ŋɛ̨i ə paa, di hvo kɛa pənə di hvo lɔ Israɛlə lɔi hu, Yai-Laa yee ə kɛ Filisti nuą mɛ̨i Samuɛlə nwɔ yɛnɛ̨ɛ̨ kəlee yee mu.