Nwun mąąɓo 12:3 - Yálá laawoo hɛɓɛ (dc)

³ Yii kɛa ŋą́ gaa, gɛ́ kɛ diɛ nu ta hvo pai hvo kpɔnmą́ą́, ŋą́ nį́i kpələ, ŋą́ lɔ Amɔn nuą di wɔ lɔi hu, Yai-Laa ə gɔ́ nɛ̨ɛ̨ mą́ą́. Lə mɛ̨nį ɓa ka pa háákələi kɔ́ pɛlɛi mą́ą́?»

Yálá laawoo hɛɓɛ

³ Yii kɛa ŋą́ gaa, gɛ́ kɛ diɛ nu ta hvo pai hvo kpɔnmą́ą́, ŋą́ nį́i kpələ, ŋą́ lɔ Amɔn nuą di wɔ lɔi hu, Yai-Laa ə gɔ́ nɛ̨ɛ̨ mą́ą́. Lə mɛ̨nį ɓa ka pa háákələi kɔ́ pɛlɛi mą́ą́?»

Bible

³ Ǹyaŋ tãi ŋá gàa la a gɛ́ɛ káfe kɛ́ ní pâi, ŋá ŋáfulu-laai sèe a sɛ́ɣɛ kwa ŋákɔ-kuluƃa-ŋai kú gɔyɛŋ-perei tíyeŋ kú kɔ́ pɛ́lɛ Amɔŋ-ŋai dîa. Yâwɛɛ è tɔ̀ɔ kúpôlu kú díyee mɛi ɣále. Lé mɛni ƃé ká pà la a gɛ́ɛ ká kɔ́ pɛ́lɛ ḿâi?”

Nwun mąąɓo 12:3 ပူးပေါင်းရင်းမြစ်များ

Kɔlɔnikɔ Veerɛi 13:12

Ya ka kani, Yálá kaa ku pɔ, yɛ ɓo a ku nwun nąmu, nwɔ haláá laa həlinuąi kaa ku pɔ, di kaa pai nwɔ tulúɠaa hvɛɛi, ku wolo a kaa. Israɛlə lonnii! 'Ka hvo kɔ́ pɛlɛ Yai-Laa ka nąnni di wɔɔ Yálá ɓa, ka yee hvo pai lɔi.»

Zôo 13:14

Əma kɛ ɉúwɔ yɛ ə lɔ ɲín nɔwai, əma kɛ nwɔ́ yɛnɛ̨ɛ̨ kəlee aa pu ɲéé ŋą;

Mąątɛ̨nɛ̨ 119:109

Bələ nwun na pili mɛ̨nį hɛlɛnŋąąi kɛ nwún mɛ̨i, Kɛlaa, vá lɛ̨ą ə́ wɔ tɔn nwooi ɓa.

Lomaŋ 16:4

Diɛ ɓə kɛi pa haai mą́ą́ mɛ̨nį hu. Ɲą́ą́ dɔ̨nɔ̨ hvei di mąmą ɓoi; ɲąą kwa gbɔnŋaai di kaa huwu takpɛliɠaa lɔwai kwa diɛni ɓə.

M̀ɛni-lɛɛi 12:11

Kɛlaa, di wɛi, di yee aa tɛɛmą mɛlaa lon ɲąmą haalai, ɛlɛɛ, da nwoo tii di kɛli mąą kɛla hvaa ɓoi. Di hvo kɛ di di wɔɔ yɛnɛ̨ɛ̨ wɛlilakɛ li, ə lɛɛ ɉu di haa.

Nwun mąąɓo 11:27

Nwɛ́i, və́ nɛ̨ŋɛ̨n ɉəɠə li yɛ́, kɛlaa, yɛ́ ɓə yáá mɛ̨nį ɲɔ̨n gɛ a ɲą́ą́, ya ka tii, ə́ kaa kɔ́ pɛlɛi la mą́ą́. Gɛ́ Yai-Laai a nuą lɔwai mɛ̨nį hutɔɔ, ə Israɛlə nuą da Amɔn nuą di mąą mɛ̨nį hutɔɔ háákələi.»

Nwun mąąɓo 12:2

Ɉɛfte yɛ diɛ: «Vaa kɛnɛ̨ɛ̨ ə kɛ, ɲą́ą́, nwɔ́ lɔi hu nuą, kwa Amɔn nuą ku lɔwai. Ɓɛlɔwai ŋą́ ka təli la, ka hvo pa li, ka hvo gúlɔ di yəi.

Nwun mąąɓo 12:4

Yili pulu, Ɉɛfte da Galaadə nuą di yee ə tɛɛ Ɛfraimə nuą diɛ, mąąhɔlɔɓo, Ɛfraimə nuą di kɛi kɛ mą: «Kaai ɓaa Galaadə nuą, ka káá a nuąi daa di mąą kilɛ. Ɛfraimə nuą lɔwai, da Manase nwɔ nuą lɔwai.»

Nwun mąąɓo 9:17

Ɓɛlɔwai ną́n ə kɛi ka mąą kɔ̨nwɔ̨ la, ə gbɔwɔ kwɛlɛ ka mąą mɛ̨nį ɓa, ə ka nwun mąąɓo, ə ka kulɔ Madian nuą yee mu,

Samuɛlə dɔlɔɔ 19:5

Davidə ə gili kulɔ nwɔ yɛnɛ̨ɛ̨ hu, yɛ Filisti hulɔnui paa, ɛlɛɛ, Yai-Laa ə kɔ́ kɛnɛ̨ nɛɛ Israɛlə nuą kəlee ɓa, ə́ naa kaa, ə́ kwəi ə nɛ̨ɛ̨ ɉu. Ə́ kaa pai nɛ̨ŋɛ̨n ɉəɠəi, yɛ́ kwəi kwələ mun ɲąmą pu, yɛ́ Davidə paa kpɛli-kpɛli, lə mɛ̨nį ɓa?»

Samuɛlə dɔlɔɔ 28:21

Nɛ̨ɛ̨nui tii ə pənə ə pa, ə Saulə kaa ɲɛ̨ilai mąąhvalin ŋąą; nɛ̨ɛ̨nui tii yɛ mą: «Ə́ kaa gaai, ə́ wɔ luwɔnɛ̨ąi aa wəli tɔɔ ə́ woo ɓa. Gbɔ́wɔ́ nwun na pili mɛ̨nį ka tii ŋą́ tɔɔ dɔwɔ, kɛlaa, ə mą kɛ tii, mɛ̨nį ə́ mo mą́ą́, ŋą́ gəlee kɛ.