Nwun mąąɓo 10:6 - Yálá laawoo hɛɓɛ (dc)

⁶ Mɛ̨nįi kɛ ɲɔ̨nwɔ̨ɔ̨ Yai-Laa ɲɛ̨i ɓa, Israɛlə ə pənə nwɔ̨nɔ̨ ə ɲee lɔ ɉu ə gɛ. Ɉaliɠaai ŋɛ̨i da kɛ diɛ Baalə da Astarteɠaa, ə mą kɛ Aramə nuą di wɔ haliɠaa, ə mą kɛ Sidɔn nuą di wɔ haliɠaa, da Moabə nuą, ə mą kɛ Amɔn lonnii di wɔ haliɠaa, ə lɛɛ da Filisti nuą di wɛi, di kɛi kwɛli hvilɛn diɛ, di di pulu tɔɔ Yai-Laa ɓa.

Yálá laawoo hɛɓɛ

⁶ Mɛ̨nįi kɛ ɲɔ̨nwɔ̨ɔ̨ Yai-Laa ɲɛ̨i ɓa, Israɛlə ə pənə nwɔ̨nɔ̨ ə ɲee lɔ ɉu ə gɛ. Ɉaliɠaai ŋɛ̨i da kɛ diɛ Baalə da Astarteɠaa, ə mą kɛ Aramə nuą di wɔ haliɠaa, ə mą kɛ Sidɔn nuą di wɔ haliɠaa, da Moabə nuą, ə mą kɛ Amɔn lonnii di wɔ haliɠaa, ə lɛɛ da Filisti nuą di wɛi, di kɛi kwɛli hvilɛn diɛ, di di pulu tɔɔ Yai-Laa ɓa.

Bible

⁶ Naa kɛ́ɛ tíi, Eezuɛ-ŋai dí ŋɔ́nɔ sɔnyɔ̂ŋ kɛ̀ a Yâwɛɛ. Dí pɛ̀lɛ Bêe da Siria ɣala-ŋai fɛlîi. Dí ŋɔ́nɔ kɛ̀ Araŋ, Sidɔŋ, Môa-ŋai, Amɔŋ da Felesia-ŋai díɣâla-ŋai fɛlîi, kpɛ́ni fêi, Eezuɛ-ŋai dí dípôlu tɔ̀ɔ Yâwɛɛ ma. Dífe kɛ́ ní ǹíi láa mɛni kɛ̂i,

Nwun mąąɓo 10:6 ပူးပေါင်းရင်းမြစ်များ

Tɔɔɓɛlaa dɔlɔɔ 11:33

Daa nɛ́ɛ́ laa, diɛ pɛlɛ Astarte lííla, yai gaa a Sidɔn nuą di wɔ hali nɛ̨ɛ̨nu, da Kemɔsə Moabə nuą di wɔ hali, da Milkomə Amɔn lonnii di wɔ hali. Di hvo hiɛ li nwɔ́ pələɠaai mɛ̨i, mɛ̨nįi ɉaŋąą ɲɛ̨́i ɓa, di hvo gɛ li. Di hvo hvilɛn ni nwɔ́ tiɓoɠaa pulu, yɛ bələi di nąn Davidə ə gɛ la.

Tɔɔɓɛlaa dɔlɔɔ 11:5

Salomɔn ə hvilɛn Astarte pulu, yai kɛ a Sidɔn nuą di wɔ hali, da Milkomə, yai kɛ a Amɔn lɔi hu nuą di wɔ ɓɛlɛkpɛɛmąą halii.

Tɔɔɓɛlaa dɔlɔɔ 11:7

Nąąlɔwai ɓə Salomɔn ə Kemɔsə hali kɔ́ pɛlɛ́ ta tɔɔ la, yai kɛ a Moabə lɔi hu nuą di wɔ ɓɛlɛkpɛɛmąą halii, ɛlɛɛ, da Molɛkə, yai kɛ a Amɔn lonnii di wɔ ɓɛlɛkpɛɛmąą halii, ə di wɔ haláá kulɔi kɛ ɲeei tii Ɉerusalɛmə tənən ma, nwuɔ̨.

Tɔɔɓɛlaa dɔlɔɔ 16:31

Vilɛn mɛ̨nį Nevatə lon Ɉeroboamə nwɔ nɛ̨ŋɛ̨nŋąą pulu, yili lɔ hvəi, ə li kpɔ, ə Sidɔn nuą di wɔ tɔɔmun Ɛtbaalə lon Ɉezabɛlə həɠə a nɛ̨ą; ɛlɛɛ, ə li yɛ Baalə mąąwiɛ, yɛ kwɛli hvilɛn mą.

Tɔɔɓɛlaa veelɛ 17:16

Di Yai-Laa di wɔ Yálái nwɔ tíɓoɠaa kəlee lɛɛ laa, di nįŋɛ̨ lon mąąnįnįn veelɛ pɛli, di wulu tɔɔ, diɛ haláá kulɔ mą. Diɛ kwɛli hvilɛn yələ kwəi hɛnŋąą kəlee diɛ, diɛ tí Baalə ɓa.

Tɔɔɓɛlaa veelɛ 23:13

Ɉaláá kulɔiɠaa ŋɛ̨i Salomɔn ə dɔɔ ɉɛɠɛ pələ Olivə yee ɓa, Ɉerusalɛmə tənən mą, ɉaláá kulɔiɠaa tii, da ə kɛ a: Astarte nwɔ, yai kɛ a Sidɔn nuą di wɔ hali nwɔnwɔɔ. Da ə ɓo a: Kemɔsə nwɔ, yai kɛ a Moabə nuą di wɔ hali nwɔnwɔɔ; dɔ̨nɔ̨ ə ɓo a: Milkomə nwɔ, yai kɛ a Amɔn nuą di wɔ hali ɓɛlɛ kpɛɛ mą, gɔhɔɓoɔ; Ɉosiasə ə gəlee nąą wolo.

Kɔlɔnikɔ Veerɛi 28:23

Ya ka tii lii, yɛ haláá kulɔ Damasə haliɠaa diɛ, diɛi ŋɛ̨i di yee ə tɛɛ mą kɔ́ hu, yɛ kɛ diɛ: «Yii Aramə tɔɔɓɛlaa di haliɠaa da kpɔnmąą tɛɛ di pɔi, diɛ ɓə mąąnɛ̨ɛ̨ ŋį́ haláá kulɔ diɛ, ə gɛ, di kpɔnmąą tɛɛ bɔ́.» Yaan mɛ̨nįi tii ɓə kɛ ɲee lɛɛ ɉu mɛ̨nį da nɔi lonnii kəlee.

Mąątɛ̨nɛ̨ 106:36

Diɛ tí di wɔ haliɠaai diɛ, yili ə kɛ a hɛlɛn dɛɛ di tɔwɔ.

Azaya 23:4

Nwumɛ̨ aa tɛ a yɛ́, Sidɔn, gboloyá kwɛlɛ taa walawala! Gboloyá kaa kɛi diɛ: «Və́ kwəinwąną kɛ li, və́ lon gaa li, və́ lon ɉinąą kulɔ li ɉu, və́ lon nɛ̨ąą ɲąąkɔn ni.»

Ɉeremi 2:13

Mąąhɔlɔɓo, nɛ̨ŋɛ̨n nwɔ́ nuą daa ɉəɠə gaa hveelɛ: Ɲą́ą́ ŋɛ̨i a tɛɛya nwun gulɔi, daa nɛ́ɛ́ laa; diɛ di kpɔ-kpɔɔ ya lɔwaɠaa tee, a lɔwa yii da dee ya hva tɛ ɉuə.

Ɉeremi 2:20

Ɉu aa kwɛa, Israɛlə! Yáá ə́ nwun gulɔ nwɔ́ nwun nąmu laa mu, yáá ə́ yɛli tee, yɛ́ kɛ diɛ: «Və́ kɛa bɔ, və́ kɛ a luwɔ!» Yáá li, yáá laa yee kpukpuɠaa nwuɔ̨ da wulu laa hu wiaɠaa mu, yɛ wɛli kɛ Nɛ̨ɛ̨nu.

Ɉeremi 32:23

Di pa di hee ɓɛ, kɛlaa di hvo di wəli tɔɔ ə́ woo ɓa, di hvo lɛɛ ə́ wɔ tɔ́n nwooi pulu, mɛ̨nįɠaai kpɔ ə mo diɛ, di hvo da kɛ. Yili ɓə gɛ, yɛ́ mɛ̨nį ɲąąnwąnąą huwu lɔpee gəlee laa diɛ.

Izikiɛ 27:16

Ɉɛn damąąi ə́ kɛi bɛli, ya ɓə Aramə ə kɛi ɲa ə́ yəi, nɔwɔ tiɛ̨i di kɛi paa la ə́ pɔ, ya ɓaa; kúwɔ́-kwɛni kpɔliɔ, həɠə ɓɛla kpɔluɔ, həɠə ɓɛla mąąpuɔ, həɠə ɓɛla kwəlɛɛ pə-pə da kúwɔ́-kwɛni huwu tamąą.

Dutɛrɔnome 13:6

Nui tii gbɔwɔ kɛ a Yálá kwəi mɛ̨nį hukulɔ mun, nwɛi, a wala kɛ tii, ɉį́i kaamun tii, mąąnɛ̨ɛ̨ ka di paa. Mąąhɔlɔɓo, aa nuą ɲąątɔɔ a di lənə mɛ̨nį Yai-Laa ka wɔ Yálái ɓa, yaa tii ka kulɔ Eziptə lɔi hu, yɛ ka kulɔ luwɔ pɛlɛ́ mu. Bələi ŋɛ̨i Yai-Laa ka wɔ Yálá ə ka hvilɛn mɛ̨i, nui tii ə kɛ bɔ, ə ka həɠə mɛ̨i. Mąąnɛ̨ɛ̨ ka mɛ̨nį ɲɔ̨n gɛmun gulɔ ka lɔwai.

Dutɛrɔnome 13:8

nu huwuɠaa kpɔ tii ka kwɛlɛ, ə həɠə nɔi kpala tɔɔi pələ, yɛ li la naa kulɔi pələ, di kɛ a di lɛɠɛɛ kaa-o, di kɛ a di mąą kwɛaa kaa-o, di wɔ yáláɠaa tii,

Dutɛrɔnome 31:16

Yai-Laa yɛ tɔlɔɔ Moisə ɓa: «Ə́ laa hiɛ ka ə́ nąnni kwɛlɛ. Ə́ haa pulu, Israɛlə nuą kaa pai tɔɔi diɛ kwɛli hvilɛn haliɠaa diɛ nɔi tii di kaa lii ɉu. Di kaa pai nɛ́ɛ́i laa, mįnɛ̨i ŋɛ̨i kwa diɛni ku ɉəɠə, di həɠə bulu, di mąą kala.

Dutɛrɔnome 31:17

Yili mąą mɛ̨nį ɓa, gáá pai níí ɲąnwąnąąi diɛ, ɲą́ą́n, ŋą́ pai həɠəi di pulu, ŋą́ di lɛɛ laa; di kaa pai lɛɛi a hį́i takpɛliɠaa di wɔ luwɔ. Ɲɛ̨ikɔw kpɔlu da mɔ̨nɔ̨ɠaa di kaa pai laai diɛ. Nąąlɔwai di kaa pai gɔlɔn ɉii mɛ̨nįɠaa tii pɔ pələ, diɛ kɛ, ɲą́ą́ ŋɛ̨i a di wɔ Yálá və́ di lɔwai.

Dutɛrɔnome 32:15

Bələ ɓə Yesurun ə kɔ̨nɔ̨n mįi la ə pilɛ ɉu, goo ə hee, ə kulɔ nwoo mu laa kɛ, ə kɛnɛ̨ tɛɓɛlɛ-tɛɓɛlɛ, goo ə hee. Ə gili kulɔ bɛli Yálá hu, ə nɛɛ laa. Ə mąąkɔ̨nwɔ̨ kwɛni ɓɛlɛkpɛɛ ma, yaai gaa a nwun mąąɓomun.

Zasua 13:31

Galaadə lɔi bələ tɔ̨nɔ̨ Astarotə da Ɛdrɛi, diɛi kɛ a Ogə nwɔ lɔi hu taaɠaa, yii kɛ Basan lɔi hu, di lɛɛ Manase lon Makirə nwɔɔ lonnii yəi. Makirə lonnii bələ tɔ̨nɔ̨ a gwəli laa.

Nwun mąąɓo 10:5

Yairə ə haa, di noo Kamɔn daai.

Nwun mąąɓo 11:24

Nɔi ŋɛ̨i ə́ wɔ halii Kemɔsə ə dɛɛ ə́ pɔ, hvo mɔ̨ɔ̨ ə́ yəi? Yili ɓa, nɔi ŋɛ̨i Yai-Laa ə hvaa mą ku ɉɔlɔɓo, gaa a ku wɔɔ.

Nwun mąąɓo 13:1

Mɛ̨nįi kɛ ɲɔ̨nwɔ̨ɔ̨ Yai-Laa ɲɛ̨i ɓa, Israɛlə nuą di pənə nwɔ̨nɔ̨ di di yee lɔ ɉu, di gɛ. Yai-Laa ə di too Filisti nuą yee ŋą kwɛlan bow nąąn ɲee mu.

Nwun mąąɓo 16:23

Yələ ta, Filisti tɔɔɓɛlaa di di ɲąą kpɔn, diɛ haláá kulɔ, di wɔ halii Dagɔn ɓa, diɛ ɉɛli pu. Diɛ kɛ di kee ɓa: Gu wɔ halii aa gu yowo Samsɔn hon aa dɛɛ gu pɔ.

Nwun mąąɓo 3:7

Mɛ̨nįi kɛ ɲɔ̨nwɔ̨ɔ̨ Yai-Laa ɲɛ̨i ɓa, Israɛlə ə ɲee lɔ ɉu, di di pulu tɔɔ Yai-Laa ɓa, yai a di wɔ Yálá, diɛ kwɛli hvilɛn Baaləɠaa da Aseraɠaa diɛ.

Nwun mąąɓo 4:1

Ehudə haa pulu, Israɛlə nuą di gbala tɔɔ nwɔ̨nɔ̨, mɛ̨nį ɲɔ̨nwɔ̨ɔ̨ Yai-Laa ɲɛ̨i ɓa, di di yee lɔ ɉu diɛ gɛ.

Nwun mąąɓo 6:1

Israɛlə lonnii di pənə nwɔ̨nɔ̨, mɛ̨nįi kɛ ɲɔ̨nwɔ̨ɔ̨ Yai-Laa ɲɛ̨i ɓa, di di yee lɔ ɉu diɛ gɛ, Yai-Laa, ə di too Madian nuą yee ŋą kwɛlan mɛ̨ihveelɛ yee mu.

Nwun mąąɓo 8:33

Ɓɛlɔwai Zedeɔn ə haa la, Israɛlə lonnii di pənə nwɔ̨nɔ̨, diɛ kwɛli hvilɛn Baalə ɓa. Di Baalə-Beritə kɛ a di wɔ hali.

Samuɛlə dɔlɔɔ 5:2

Də li di nɔ di wɔ halii Dagɔn nwɔ pɛlɛ́i mu, di gəhi hee Dagɔn kwɛlɛ.