Nwun mąąɓo 1:1 - Yálá laawoo hɛɓɛ (dc)

¹ Ɉosue haa pulu, Israɛlə nuą di Yai-Laa mąąni kɛ, diɛ mą: «Ku lɔwai, bɛlɛ́ nɛlɛ ɓə pai tɔɔi ku tɔwɔ, kuɔ li pɛlɛi Kanaan nuą diɛ?»

Yálá laawoo hɛɓɛ

¹ Ɉosue haa pulu, Israɛlə nuą di Yai-Laa mąąni kɛ, diɛ mą: «Ku lɔwai, bɛlɛ́ nɛlɛ ɓə pai tɔɔi ku tɔwɔ, kuɔ li pɛlɛi Kanaan nuą diɛ?»

Bible

¹ Zasua kɛ́ɛ a sàai, Eezuɛ-ŋai dí Yâwɛɛ marê kɛ̀ dîyɛɛi, “Ǹúu-suui nenɛ̂ ƃé ífâai ma a gɛ́ɛ é tɔ́ɔ kútuɛ é kɔ́ pɛ́lɛ Keena-ƃelai dîa ǹyaa fúlɔi?”

Nwun mąąɓo 1:1 ပူးပေါင်းရင်းမြစ်များ

Tɔɔɓɛlaa dɔlɔɔ 22:5

Yili pulu, Ɉosafatə yɛ Israɛlə tɔɔmun ma: «Yai-Laa mąąnin gɛ, ə́ nwɔ kiliŋąhiɛ kaa mɛ̨nįi ŋɛ̨i hu.»

Lɛɛ gbɔwɔ ɓa 18:15

Moisə yɛ mɔlɔ́ ɓa: «Yálá mąąni gɛ mɛ̨nį ɓə nuą ŋɛ̨i da paa la bɔ́.

Lɛɛ gbɔwɔ ɓa 28:30

Ə́ Yai-Laa nwɔ kpɛɛn doo giti həɠə hu, mąąnɛ̨ɛ̨ di kɛ Aarɔn kəŋə la, ɓɛlɔwai a kɛi lɔ la Yai-Laa lííla, a kɛ ti, Israɛlə lonnii di wɔ kitii a kɛ lɔ Aarɔn kəŋə la a yələ kəlee ɓɛlɔwai gaa la Yai-Laa lííla.

Lonon mo 27:21

Mąąnɛ̨ɛ̨ ə li ɉaláá laa həli mun Eleazarə pɔ, yili ə urimə mɛ̨nį mąąni kɛ, yɛ hvilɛn na mą Yai-Laa ɲɛ̨i ɓa. Bələi urimə kaa pai moi la, bələ ɓə di kaa pai gɛi la, diɛ lɔ, diɛ kulɔ, yaa da Israɛlə nuą kəlee.»

Nwun mąąɓo 1:27

Manase nu huwu di hvo pɛli Bɛtə-Sean da gwɛlɛ lɔiɠaa hon ɉii, ə mą kɛ Taanakə da gwɛlɛ lɔiɠaa, ə mą kɛ Dɔrə da gwɛlɛ lɔiɠaa, ə pɛlɛ la Yivleamə da gwɛlɛ lɔiɠaa, ə mą kɛ Megido da gwɛlɛ lɔiɠaa; Kanaan nuą di lɛɛ lɔ heeni nɔi tii hu.

Nwun mąąɓo 2:21

Ɲą́ą́ gbɛli, nu huwuɠaai ŋɛ̨i lɛɛ nɔi Ɉosue yɛ haa, və́ pai da kpɛi di ɲɛ̨i tɔwɔ.»

Nwun mąąɓo 2:8

Nun lon Ɉosue yai kɛ a Yai-Laa nwɔ tímun, gaa kwɛlan ə kɛ a kwɛlan nwun dɔnɔ, kwɛlan bow, ɓɛlɔwai ə laa la nąnni kwɛlɛ.

Nwun mąąɓo 2:9

Di bowa loo nwɔ lɔi hu Timnatə-Hɛrɛsə, ɲee lɔi hu, Ɛfraimə pələ, Gaasə yee ɲələi pələ.

Nwun mąąɓo 20:18

Israɛlə nuą kəlee də li Betɛlə, di Yálá mąąni kɛ, diɛ mą: «Ku lɔwai, ɉuwu nɛlɛ ɓə pai tɛɛi tɔwɔ, yɛ li pɛlɛi Bɛnɉamɛn nu huwu ɓa?» Yai-Laa yɛ diɛ: «Ɉuda nu huwu ɓə tɛɛi tɔwɔ.»

Nwun mąąɓo 20:23

Israɛlə nuą di tɛɛ, də li di wɔlɔ Yai-Laa ɓa, ə lɛɛ la ɉu, yələwulii pɔ. Di Yai-Laa mąąni kɛ, diɛ mą: «A kɛ tii, mąąnɛ̨ɛ̨ kwəli ku kɔ́ pɛlɛ Bɛnɉamɛn nu huwu ɓa nwɔ̨nɔ̨, diɛi di kaa a ku kayɔwɔɠaa?» Yai-Laa yɛ diɛ: «'Ka li.»

Nwun mąąɓo 20:27

Di pənə di Yai-Laa mąąni kɛ, mąąhɔlɔɓo, Betɛlə ɓə Yálá nwɔ mįnɛ̨ kəhi ə kɛ laa,

Nwun mąąɓo 20:28

ɛlɛɛ Aarɔn lon Eleazarə, lon ɉulɔnui ŋɛ̨i kɛ a Pinasə, ya ɓə kɛi kóló kɛ nąąlɔwai Yai-Laa hee pɛlɛ́ mu. Di Yai-Laa mąąni kɛ, diɛ mą: «A kɛ tii mąąnɛ̨ɛ̨ kwɛ li ku kɔ́ pɛlɛ Bɛnɉamɛn nu huwu diɛ, diɛi di kaa a ku kaayɔwɔɠaa? A wala kɛtii ku lɛɛ ɓɛ?» Yai-Laa yɛ diɛ: «'Ka li! Gáá tinąą di lɔi ka yee ɲą.»

Samuɛlə dɔlɔɔ 10:22

Di Yai-Laa mąąnin gɛ, diɛ mą: «Nui tii ə pa mun ɓɛ ɓəi?» Yai-Laa yɛ diɛ: «Ya ka tii nooi diɲɛɠaa lɔwai.»