Nehemi 9:8 - Yálá laawoo hɛɓɛ (dc)

⁸ Ə́ gaa yɛ́ Abrahamə lii kanąn ŋąąi yɛ́, ka yaa ka mįnɛ̨ həɠə, ə́ Kanaan nuą, Hɛtə nuą, Amɔrə nuą, Perizi nuą, Ɉebusə nuą, da Girgasə nuą, tɛɛ bɔ yaa tii bɔ, ə mą kɛ ɉuwu hu nuą. Ə́ kulɔ ə́ woo ɓa, mąąhɔlɔɓo, ə́ tələnmoɔi.

Yálá laawoo hɛɓɛ

⁸ Ə́ gaa yɛ́ Abrahamə lii kanąn ŋąąi yɛ́, ka yaa ka mįnɛ̨ həɠə, ə́ Kanaan nuą, Hɛtə nuą, Amɔrə nuą, Perizi nuą, Ɉebusə nuą, da Girgasə nuą, tɛɛ bɔ yaa tii bɔ, ə mą kɛ ɉuwu hu nuą. Ə́ kulɔ ə́ woo ɓa, mąąhɔlɔɓo, ə́ tələnmoɔi.

Bible

⁸ Í gàa ǹíi su a gɛɛ laa-laa è kɛ̀ kpɔ́ ǹyêei ímɛni ma a ŋ̀ánaa. Í íkono tèe ǹyêei. Í íkono tèe ǹyêei a gɛɛ ƃa pâi Keena-ŋai, Ita-ŋai, Amɔŋ-ŋai, Pɛriza-ŋai, Zebusa-ŋai da Giga-ŋai dílɔii-ŋai tɛɛ̂i bɔ́. Ǹaa a pâi kɛ̂i a bɔ́ɔ da ŋɔsuui su-ƃelai wɔ́lɔ-wɔlɔ da wɔ́lɔ-wɔlɔ. Ífe niî íkono têei maa fáleŋ ní kpɛ́ni fêi, í káa a teniŋ ƃô Ɣala.

Nehemi 9:8 ပူးပေါင်းရင်းမြစ်များ

Zɛnɛse 12:7

Yai-Laa ə gbɔwɔ lɛ laa Abramə ɓa, yɛ mą: «Kanaan lɔi ŋɛ̨i ɓə gáá pai dɛɛi ə́ huwuhu nuą pɔ a di wɔɔ.» Abramə ə nɛɛ mą, ɓɛi tii di mɛ̨nį ɓo laa mą, ə haláá kulɔi pɛli laa Yai-Laa ɓa.

Zɛnɛse 15:6

Abramə ə gilitɔɔ Yai-Laa ɓa, yili ɓə gɛ, Yai-Laa yɛ gaa a tələnmomun.

Zɛnɛse 22:12

Malaka yɛ mą: «Hvo mɛ̨nį ta kɛ a ɉulɔnon tii, ŋą́ą́ gɔlɔn gea, gɛ́ diɛ, yáá nwɔ́ kɛnɛ̨ laa mąąwiɛ, hvo kɛ lənə li ə́ lon gulɔi mą́ą́ a haláá.»

Samia Veerɛi 22:31

Yálá kaa a nu tənən dɔɔ mun yii ɲɔ̨nwɔ̨mąn və mą. Yai-Laa hvaa woo kəlee hu pɔ̨nɔ̨ɔ̨i; Nuąi da lɔ Yai-Laa hvaŋan mu, gaa a di wɔɔ hə́mə́.

Kɔlɔnikɔ Maa-ŋuŋ 1:14

yili pulu Ɉebusə nuą, Amɔrə nuą, Girgasə nuą,

Kɔlɔnikɔ Maa-ŋuŋ 16:16

Mįnɛ̨i da Abrahamə di ɉəɠə, yaai ə mɛ̨i lɔ Isaakə ɓa;

Ɛsdrasə 9:15

Yai-Laa, Israɛlə nwɔ Yálá, ə́ tələnmoɔi, háákələi hvólói ŋɛ̨i yee mu, yá ku kaa ku ɓo ni a ku húlú, yɛ́ ɓə nu kpəli woloi ŋɛ̨i kulɔ ɉu. Kwaa pa ə́ lííla a ku wɔ nɛ̨ŋɛ̨nŋąąi, ɛlɛɛ yaan, mɛ̨nį a kɛ ŋɛ̨i, nui lɔpee ta hva pɛli tɔɔi ə́ lííla.»

Nehemi 9:33

Ə́ wɛi, mɛ̨nįɠaa kpɔ həli ku wɔ, ə́ tələnmoɔ ɉu, hvo gaai, ə́ ə́ wɔ tɛ̨ą lɛ ku wɔ. Kɛlaa, ku wɔ ɓə túwɔ́ a nwąnąlɔ pələ.

Mąątɛ̨nɛ̨ 116:5

Yai-Laa lii nɛ̨ɛ̨i gwəi, dələnmoɔ, gu wɔ Yálái a nu ɲɛ̨imąąwɛli kaa.

Lɛɛ gbɔwɔ ɓa 3:17

Ya ɓə, Ŋą́ kɛ Gáá ka kulɔi mɔ̨nɔ̨i tii hu, Ŋą́ li a káá Kanaan lɔi hu, ɓɛi Hɛtə nuą, Amɔrə nuą, Perizi nuą, Hivi nuą, da Ɉebusə nuą di kaa laa, ɓɛi tii hɛn gəlee da lɛlɛ laa.

Lɛɛ gbɔwɔ ɓa 3:8

Ŋą́ pa, ŋį́ di kulɔ Eziptə nuą yee mu. Ŋą́ li a diɛ nɔi ŋąą kɛnɛ̨ɛ̨ lɛlɛɛ tii hu, ɓɛi hɛn gəlee a lɛlɛ laa. Nɔi tii ɓə: Kanaan nuą, Hɛtə nuą, Amɔrə nuą, Perizi nuą, Hivi nuą, da Ɉebusə nuą di kaa ɉu.

Izikiɛ 33:24

«Hulɔnu lon, daa kpoloon ɉu nuąi tii Israɛlə lɔi hu, da kɛ kɛi diɛ: ‹Abrahamə yaa tɔ̨nɔ̨ ɓə kɛ, ɓɛlɔwai ə kɛi hee la nɔi hu, kuɔi ŋɛ̨i kɛa a ku kɛpulu kɛnɛ̨, nɔi a lɛɛ ku yəi a ku wɔɔ.›

Lonon mo 13:29

Amalɛkə lonnii ɓə heeni ɉɛɠɛɛ pələ, Hɛtə nuą, Ɉebusə nuą da Amɔrə nuą di kaa heeni ɲee lɔi hu pələ. Kanaan nuą leeleeɠaa di kaa heeni gboloyá kwɛlɛ, da Ɉurdɛn ɲá ɓɛlaaŋąą pɔ.

Lonon mo 23:19

Yálá hvo yɛ bələi nu kaa la, hva pɛli lɛɛ kɛi, hvo yɛ Adamə lon da, yɛ pɛli nwoo mąą pənəi. A mɔ̨ɔ̨ pɛli mɛ̨nį ɓoi a kɛ hvo mąą mɛ̨nį kɛ li? A mɔ̨ɔ̨ woo ɓo yii hvo bɔ mɛ̨nį kɛ li?

Gɛlaɠaa 13:22

Yálá ə Saulə kulɔ dɔɔlaa hu, ə Davidə tɛɛ di pɔ a tɔɔmun. Davidə tii, mąą mɛ̨nį ɓə ə mɛ̨nįi ŋɛ̨i ɓo la, yɛ kɛ: ‹Ŋą́ą́ Ɉɛse lon Davidə kaa a nííɓamun, ya ɓə pai nííɓa mɛ̨nįɠaa kəlee kɛi.›

Dutɛrɔnome 26:3

Ɉaláá laa həli mun a kɛ góló ɓa a mąą yələi, ka li ka həli mą kaa mą: «Ku kaa moi háákələi Yai-Laa ə́ wɔ Yálái ɓa, kuɔ ma: nɔi Ə gwɛla ku nąnni diɛ yɛ gaa dɛɛi di pɔ, kwaa həli ɉu.»

Dutɛrɔnome 32:4

Yaa ɓə gaa a gu mąą kɔ́nwɔ̨ kwɛni kpuwulu. Mąą kulɔ hvo gɛ mɛ̨nį ta ɓa, nwɔ pələɠaa kəlee haŋąąi. Gaa a Yálái a kulɔ nwoo ɓa. Hvulu mɛ̨nį hvo ɲee pɔ. Dələnmoɔ, ɉaŋąą.

Dutɛrɔnome 7:1

Ɲələi Yai-Laa ka wɔ Yálái kaa pai ka lɔi la nɔi ŋɛ̨i ka káá pai ɉɔlɔɓoi a ka wɔ ɉui; yɛ nu huwu tamąą kpɛ ka ɲɛ̨i tɔwɔ, diɛi a: Hɛtə nuą, Girgasə nuą, Amɔrə nuą, Kanaan nuą, Perizi nuą, Hivi nuą, ɛlɛɛ da Ɉebusə nuą; nu huwu mɛ̨ihveelɛi tii di tamąąi, di hvaŋą kɛnɛ̨ di tɛɛ kaa,

Dutɛrɔnome 9:5

Ka tələnmo mɛ̨nį hvəi, ka kwəi kili lɛlɛ mɛ̨nį hvəi, ka káá pai nɔi tii hɔlɔɓoi la a ka kwɛlin. Tɛ̨ąi gaa mą, ya ɓaa: nu huwui tii di hɔn ɲɔ̨n bələ ɓə gɛ Yai-Laa ka wɔ Yálá yɛ di wɔ lɔi kulɔ la di yəi, yɛ dɛɛ ka pɔ. Ə yili kɛ tii nwɔ̨nɔ̨, mąąhɔlɔɓo, aa wɔlɔ kɛ gwɛla ka nąnni a: Abrahamə, Isaakə, da Ɉakɔbə ni diɛ, yili ɓə gɛ yɛ bɔ mɛ̨nį kɛ la.

Taitɔ 1:2

kilitɔɔmąą laa hu, a ɓálo hva kpɛɛ, yai, Yálái hva lɛɛ kɛ, ə gbɛa naakwɛlanmo gɛɛ hvo yɛnɛ̨ɛ̨ pɛli;

Hebreu 11:17

Laa na laa háálai, Abrahamə hukɔɔn di mo, diɛ mą ə Isaakə kulɔ a haláái, ə non gɔw tanɔ̨n tii kulɔ a haláá, ya pa, daa gbɛa kɛ mɛ̨nįɠaa laakwɛlanmo mą,

Hebreu 6:18

Mɛ̨nį hveelɛ ka ti, hva ɉəɠə mą, lɛɛ mɛ̨nį hvo ɉu Yálá pɔ pələ, yili a hvaŋąlɔ tɛɛ gu pɔ, a guɔi gwaa mɛ̨nį kəlee lɛɛ laa, gu kilitɔɔ mɛ̨nį laakwɛlanmoɔ tii ɓa.

Zasua 11:23

Ɉosue ə nɔi kəlee hon, yɛ bələi kpɔlɔ Yai-Laa ə mo la Moisə ɓa, ə dɛɛ Israɛlə pɔ a ɉee lɔi, ə ɲąąkwɛlɛ Israɛlə huwu hu nuą lɔwai; nɔi ə liilaa hɔlɔɓo, kɔ́ hvo kɛ laa.

Zasua 11:3

Kanaan nuą di kɛ voló ɓɛlai pələ, da voló tooi pələ. Amɔrə nuą, Hɛtə nuą, Perizi nuą, Ɉebusə nuą, di kɛ ɲee lɔiɠaa hu. Hivi nuą di ɓo Hɛrmɔn yee kɔ́wɔ mu Mispa lɔi hu.

Zasua 23:14

Ya ka ŋɛ̨i, gáá pai lii háákələi, yɛ bələi yɛnɛ̨ɛ̨ hɛnŋąą kəlee da li la. Kɛlaa, ka gɔlɔn gbɔ a ka lii kəlee, da ka wɔ yɛnɛ̨ɛ̨ kɛ pələ kəlee, kaa kpinįi, kaa diɛ, mɛ̨nįi kpɔ Yai-Laa ka wɔ Yálái ə mo, yɛ hvilɛn na kaa, dɔ̨nɔ̨ kpɛli hvo lɛɛ li pulu, yii naa hvo hvɛɛ li.

Zasua 9:1

Nąąlɔwai, tɔɔɓɛlaa kpɔ kɛ Ɉurdɛn yá pulu pələ ɲee lɔi hu, da nɛ̨ŋɛ̨ lɔi hu, di mɛ̨nįɠaa tii bələ mɛ̨n, gəlee ə mą kɛ, nuąi kpɔ kɛ gboloyá kwɛlɛ, Liban lɔi lííla, diɛ ɓaa: Hɛtə nuą, Amɔrə nuą, Kanaan nuą, Perizi nuą, Hivi nuą, da Ɉebusə nuą,

Zɔ̂ŋ Maa-ŋuŋ 1:9

Akɛ gwa hvaa gu wɔ nɛ̨ŋɛ̨nŋaa diɛ, kulɔ nwoo ɓa laa da tələnmo laa hu, yɛ Yaa, a gu wɔ nɛ̨ŋɛ̨nŋaa mąąhvaalɛɛ, ɛlɛɛ, yɛ gu wɔ tuwɔ pələ ɲɔ̨nŋaa kəlee waa guɔ.