Nehemi 9:30 - Yálá laawoo hɛɓɛ (dc)

³⁰ «Kwɛlan damąą yee mu, ə́ mɔ̨nɔ̨ mįi di mu, ə́ kɛi di təli ə́ pɔ pələ, ə́ wɔ Kilii haalai yai kɛ ə́ wɔ loloɓo nuą hu. Kɛlaa, di hvo gə di hvo di wəli tɔɔ ə́ woo ɓa. Yili ɓə gə, yɛ́ di kwɛlɛ lɔi takpɛliɠaa diɛ.

Yálá laawoo hɛɓɛ

³⁰ «Kwɛlan damąą yee mu, ə́ mɔ̨nɔ̨ mįi di mu, ə́ kɛi di təli ə́ pɔ pələ, ə́ wɔ Nįį haalai yai kɛ ə́ wɔ loloɓo nuą hu. Kɛlaa, di hvo gə di hvo di wəli tɔɔ ə́ woo ɓa. Yili ɓə gə, yɛ́ di kwɛlɛ lɔi takpɛliɠaa diɛ.

Bible

³⁰ Í kɛ̀ nɔ́ a ílii kpéleɛɛ díyêei a kóraŋ kélee. Í mɔlêŋ è díteniŋ tɔ̀ɔ í lono kɛ́-ƃelai sârai. Kɛ́lɛ, dífe díwoli tɔɔ ní yâ a dɔnɔ kpîŋ. Nya ƃe gɛ̀ í dí tɛ́ɛ lɔii-ŋuŋ da kpɛ́ni-ŋa su-ƃela pɔ́ dí lí a dia luɛ-laa su.

Nehemi 9:30 ပူးပေါင်းရင်းမြစ်များ

Tɔɔɓɛlaa veelɛ 18:11

Asiri tɔɔmun ə li a Israɛlə nuą Asiri lɔi hu. Ə li a diɛ Hala, ə mą kɛ Habɔrə, Gozan ya kwɛlɛ, ɛlɛɛ da Medi taaɠaa hu.

Tɔɔɓɛlaa veelɛ 21:10

Yili ɓə gɛ, Yai-Laa ə bələi ŋɛ̨i ɓo nwɔ loloɓo nuą diɛ, yɛ diɛ:

Kɔlɔnikɔ Veerɛi 24:19

Yálá ə nɛɛmą ə gwəi mɛ̨nį hukulɔ nuą tɔɔ di pɔɔli, əgɛ, di di liɛwoo kɛ, di pənə di paa a diɛ Yai-Laa pɔ; kɛlaa, nuą di hvo di wəli tɔɔ di woo ɓa.

Ɛsdrasə 9:10

«Yii hu kɛa, ku wɔ Yálá, lə ɓə kwa pɛli moi mɛ̨nįɠaa ŋɛ̨i pulu? Mąąhɔlɔɓo, kwaa ə́ wɔ tíɓoɠaai lɛɛ laa;

Nehemi 9:20

Ə́ kili lɛlɛɛ tɛɛ di pɔ, diɛ pɛli mɛ̨nį kulɔ ɉu kɛi, hvo manə kulɔ di la, ə́ ya tɛɛ di pɔ diɛ gbələ.

Nehemi 9:26

«Kɛlaa, di pɛlɛ yɛ́ a kɔ́, di di pulu tɔɔ yɛ́, di ə́ wɔ tɔ́n nwooi pili di pulu, pələ kwɛa la. Ə́ loloɓo nuąi kɛi di mąąnɛ̨ɛ̨, diɛ kɛ di pənə di pa ə́ pɔ, di yiliɠaai paa, ə lɛɛ, di di hɔn gɛ a yɛ́ mɛ̨nį kpɛa kpɛa hu.

Nehemi 9:29

Ə́ di liɛwoo kɛ, yɛ́ di pənə di pa ə́ wɔ tɔ́n ma. Kɛlaa, di di kpɔɔ kɛ a huɲąŋą kɛnɛ̨ nuą, di hvo di wəli tɔɔ ə́ wɔ tɔ́n ma. Di nɛ̨ŋɛ̨n ɉəɠə ə́ wɔ liɛwooi ɓa, liɛwoo yii a yɛnɛ̨ɛ̨ kpɛɛ hvo mą tɛɛ ɉon nuą pɔ. Di di kwɛli tee, diɛ ɓowon dɛ diɛ, di di kpowo pulu walawala, di hvo gɛ di ɉon.

Mąątɛ̨nɛ̨ 86:15

Kɛlaa Ə́ wɛi, nwɔ mɛ̨nį Nąmu, liinɛ̨ɛ̨ gwəi Yálá ɓaa a yɛ́, mɛ̨inɛ̨ɛ̨ kɛ Yálá ɓaa a yɛ́, Ə́ lii hva holi ɉa, Ə́ ɓo lɔ a wɛlikɛmąą, da tɛ̨ą.

Mąątɛ̨nɛ̨ 95:10

Kwɛlan bow nąąn ɲeemu, nu huwui tii kun ə hee ɉú, ya ɓə ŋį́ kɛ diɛ: «Nu huwui ɲɛ̨i kiliŋąhiɛ pələ aa bələ lɛɛ, di hvo nwɔ́ pələɠaai kɔ́lɔn ni.»

Azaya 28:10

Ə́ woo laai lɔ: Taa taa dɛ; taa taa dɛ, paa paa pa.

Azaya 42:24

Gbɛɛ ɓə Ɉakɔbə kwɛlɛ diɛ ɉukala? Yɛ Israɛlə tɛɛ toomɛ̨i kɛ nuą pɔ? A kɛ tii Yai-Laa hvəi, a yai tii gu nɛ̨ŋɛ̨n ɉəɠə mąi! A yai tii gu hvo gɛ gu hvo hvilɛn nwɔ pələi mɛ̨i! Ɛlɛɛ, gu hvo gɛ gu hvo gu wəli tɔɔ nwɔ tɔ́n nwooi ɓai?

Azaya 48:9

Kɛlaa náá mąą mɛ̨nį ɓa, gáá nwɔ́ liiholii yalii bulu, gáá ɉu hon ɉii, mą́ą́wiɛ mɛ̨nį ɓa, ə́ mąą mɛ̨nį hvəi; və́ pa nee ə́ mąą mɛ̨nį kulɔ níí hu,

Azaya 63:10

Kɛlaa di wɛi, di kulɔ nwoo mu, di yɛnɛ̨ɛ̨ kpɔlu nwɔ Nįį-Mąąhəɠɛɛi la. Gɛɛ tii yaan, ə pənə ə wolo diɛ, ə kɛ a di yowo, yaa kpinįį, ə kɔ́ pɛlɛ diɛ.

Ɉeremi 25:4

Yai-Laa aa lɛɛ nwɔ tínuą, diɛi a gwəi mɛ̨nį hukulɔ nuą tɔɔi ka pɔ, vįi hvo ta kpɛɛ li, kɛlaa, ka hvo ta ka wəli tɔɔ li di mą, ka hvo Yai-Laa woo mɛ̨n.

Ɉeremi 44:22

Yai-Laa hva kɛa kɛ pɛli niilaai ka túwɔ́ pələ ɲɔ̨nŋaa tii mu, da ka wɔ nwuɔ̨ mɛ̨nįɠaa, kɛlɛi yili ɓə aa ka wɔ lɔi lɛɛ a lɔi pun, a lɔi kpoloon mąąwɛliɛ, aa kɛ a nɛ̨ŋɛ̨n naa hɛn, nui lɔpee ta hvo nɔi, bələ ɓə gaa la yiihu.

Ɉeremi 44:4

Vį́į́ hvo kɛi kpɛɛ nwɔ́ tínuą, da gwə́i mɛ̨nį hukulɔ nuą tɛɛi, diɛ kɛ kaa: Mɛ̨nįi nwɛli hvo mą́ą́, 'ká hvo di kɛ.

Ɉeremi 44:5

'Ká hvo ká wəli tɔɔ li, ká hvo mɛ̨n, əgɛ, ka ka pulu tɔɔ ka wɔ kiliŋąhiɛ ɲɔ̨nŋaa tii diɛ, a ka kpɛla mɛ̨nį haláá kulaa ɓa haliɠaa diɛ.

Ɉeremi 7:25

Ə həɠə kpɔ di nąnni kulɔ yələ ɓa Eziptə lɔi hu, ə həli háákələi ɓa, və́ ta kpəla li gwə́i mɛ̨nį hukulɔ nuą tɛɛ ɓa di pɔ, diɛi ɓaa nwɔ́ tínuą; ŋį́ di tɛɛ a hvoló tɛitɛi kəlee.

Woolaa 2:17

Mɛ̨nii Yai-Laa ə kili tee gwəi, aa gɛ; aa nwoo pɔ mɛ̨ni kɛ. A nwooi wɔlɔ aa mo ɉu aa kwɛa; aa Ɉerusalɛmə hukala, hvo kpɛli mąąwɛli kaa li. Aa ə́ kɛ a ə́ yówóɠaa di wɔ yɛlɛ kulɔ ɉu hɛn, aa ə́ yówóɠaa huɲąŋą kɛnɛ̨ ə́ mɛ̨i.

Danîa 9:6

Ə́ wɔ loloɓo nuąi ŋɛ̨i ə́ di tɔɔ, diɛ ə́ mąą mɛ̨nį laa həli kuɔ tɔɔɓɛlaa diɛ, da ku ɲɛ̨itɔwɔ nuą, ə mą kɛ ku kalaɓɔlɔni da ku huwuhu nuą kəlee, ku hvo kɛ ku wəli tɔɔ li noloɓo nuąi tii diɛ.

Zakari 7:12

Di di kili walawala yɛ Kúwɔ́-kwɛni, di hvo pa nəi di mąąkwɛli woo mɛ̨n, di Yai-Laa Mɛ̨nį Kəlee ŋą Hééɓomun wooɠaa pili, yai gwəi mɛ̨nį hukulɔ nuą di naa həli diɛ. Yai-Laa Mɛ̨nį Kəlee ŋą Hééɓomun lii ə holi kpɔ di pɔ kɛnɛ̨.

Zakari 7:13

Yili mąą mɛ̨nį ɓa, Yai-Laa Mɛ̨nį Kəlee ŋą Hééɓomun yɛ diɛ: «Bələi lɔ ŋį́ di təli la di hvo gɛ di hvo mɛ̨n, bələ lɔ ɓə diɛ kpɛli di də́li la, ɛlɛɛ, ɲą́ą́n gbɛ́li mąn, və́ nwə́li tɔɔ di woo ɓa.

Lonon mo 11:26

Nu hveelɛ di lɛɛ muwu la, diɛ kɛ dɔ̨nɔ̨ laa ɓaa Ɛldadə, diɛ kɛ dɔ̨nɔ̨ ɓa Medadə, Gilii tii ə pa di pɔ, di laa ə kɛ galanɉonŋąąi tii pɔ; di wɛi, di hvo gɛ di hvo li gee kaa kələ laaləi. Di kɛ laa diɛ kpɛli, diɛ Yálá kwəi mɛ̨nį ɓo.

Gɛlaɠaa 13:18

Kwɛlan bow nąąn ɲee mu, ə di kɔ̨nɔ̨n gɛ nɔi pun ɉu.

Gɛlaɠaa 28:25

Di kɛɛ pai taɠai, di woo hvo ni kɛ laa li mą, ya ɓə Polə ə nwoo kpuɔi ŋɛ̨i ɓo diɛ, yɛ diɛ: «Tɛ̨ą ə kɛ Kili-Mąąhəɠɛɛ pɔ, ɓɛlɔwai ə kɛli mo la ka nąnni diɛ, gwəi mɛ̨nį hukulɔ mun Esai laaləi,

Gɛlaɠaa 7:51

«Ká wəlii kpɔlɔ nu huwui ŋɛ̨i, ká kili da ka wəli mąą kuu hvo kɛ li, yələ kəlee, ká tɔɔ lɔ tai-tai kilaa pono Kili-Mąąhəɠɛɛ la, ka káá kpɔlɔ yɛ ka nąnni.

Lomaŋ 2:4

A wala kɛti, ə́ ɲɛ̨i tɛɠɛ ɓoɔ ɓə mɔ̨ɔ̨ Yálá nwɔ mɛ̨inɛ̨ɛ̨ pələ da nwɔ lii kpələ hu? Hvo gɔlɔn yɛ mɛ̨inɛ̨ɛ̨ ti gaa gɛi yɛ, gaa gɛi ti, ə gɛ, ə́ ə́ hɔn mąąhvalin?

Piɛrə dɔlɔɔ 1:11

Kristə nwɔ Kilii kɛ di hu, yɛ, mɔ̨nɔ̨ɠaa da mąąwiɛlaai kɛi pa həlii Kristə ɓa mąą mɛ̨nį ɓo, ɲələ tɔwɔ, ya ɓə di kɛli ɲələ da guui ə ɉee, gwɛli.

Piɛrə veelɛ 1:21

Mąąhɔlɔɓo, nu lɔpee ta nwɔ kiliŋąhiɛ hva pɛli hvo mɛ̨nį lɛɛ kwɛala hvo mo gbɔwɔ ɓa, kɛlaa, Kili-Mąąhəɠɛɛ ɓə kɛli nuą kilaa pono, diɛ mąą mɛ̨nį ɓo.

Piɛrə veelɛ 3:9

Ną́mu Yálá nwɔ mįnɛ̨ həɠɛɛ hu hvo kwɛa li yɛ pələi nu taɠaa da kɛ di kiliŋąhiɛi la, diɛ kɛ mą: Hvo pai ɉa. Kɛlaa, nii ɓə aa naa nuą pɔ, hvo bɔ nu tɔ̨nɔ̨ kpɛli nwun na hvo pili, kɛlaa, gaa bɔ nu kəlee di tinɛ̨n di həɠə mɛ̨nį ɲɔ̨n bulu.