Nehemi 9:13 - Yálá laawoo hɛɓɛ (dc)

¹³ Ə́ lɛɛ yələkɔlɔn ɉu, ə́ pələ ɓo diɛ, ə́ yɛɛ Sinai yee nwuɔ̨. Ə́ tíɓo haŋąą tɛɛ di pɔ, da tɛ̨ą tɔ́nŋąą da di hiɛ pələ. Da yɛnɛ̨ɛ̨ kɛ pələ a nɛlɛɛ.

Yálá laawoo hɛɓɛ

¹³ Ə́ lɛɛ yələkɔlɔn ɉu, ə́ pələ ɓo diɛ, ə́ yɛɛ Sinai yee nwuɔ̨. Ə́ tíɓo haŋąą tɛɛ di pɔ, da tɛ̨ą tɔ́nŋąą da di hiɛ pələ. Da yɛnɛ̨ɛ̨ kɛ pələ a nɛlɛɛ.

Bible

¹³ Í kùla ŋ̀elei su póŋ-poŋ, í yéŋ Sana Yeei ma. Í núu-kpune tûa-pere mɛni lɛ́lɛɛ-ŋa lɛ̀ kúnûa pɔ̂lɔ-ŋai dîa, í tɔ̂ŋ lɛ́lɛɛ-ŋa tɛɛ dípɔ.

Nehemi 9:13 ပူးပေါင်းရင်းမြစ်များ

Tɔɔɓɛlaa veelɛ 17:37

Díɓoɠaa, dɔ́n nwooɠaa, ɉaláá kulɔ pələ, da nɔi hon bələɠaai ə bɛ̨ɛ̨ a ka mąą mɛ̨nį, ka tɔɔ a ka nwąnąąi, ka di kɛ a yələ kəlee, 'ka hvo ɲɔw haliɠaa diɛ.

Ɛsdrasə 7:6

Ɛsdrasə tii ə həɠə Babilonə daai. Ə kɛ a hɛɓɛ́ pɛ̨ɛ̨ mun, dɔ́n ɉɛɓɛ́i Yai-Laa, Israɛlə nwɔ Yálá ə dɛɛ Moisə pɔ, ə kɛ a gɔlɔnŋąą. Yɛ pələi nwɛli ə kɛ la nwɔ Yálái ɓa, yii gaa a Yai-Laa, yii kpɔ ə ɉu hvɛli tɔɔmun ma, di gəlee tɛɛ bɔ.

Mąątɛ̨nɛ̨ 119:137

Yai-Laa, ə́ haŋąąi, ɛlɛɛ, yii lɔpee yá mo, ɉaŋąą.

Mąątɛ̨nɛ̨ 119:160

Wooi a kulɔ ə́ la, gaa lɔ a tɛ̨ą, mɛ̨nįi lɔpee ə́ wɔ kiti wooi a mo, gaa a tɛ̨ą a yələ kəlee.

Mąątɛ̨nɛ̨ 119:4

Yɛ́ kpinįi ɓə ə́ wɔ tɔn nwooɠaai lɛ, əgɛ, di di hon gbɔ a yɛlɛ.

Lɛɛ gbɔwɔ ɓa 16:23

Moisə yɛ diɛ: «Yai-Laa ɓə mo ti, tinąą ɓaa túwɔ́ hvoló, hvįįtɔɔ yələ li. Volói ti kaa a Yai-Laa nwɔɔ. Kɔ̨nɔ̨n mąąnɛ̨ɛ̨ ə mɔ̨n ka mɔ̨n, yii mąąnɛ̨ɛ̨ ə yili, ka ɲili. Gbəli a lɛɛ, ka ɉee a tinąą nwɔɔ.»

Lɛɛ gbɔwɔ ɓa 19:11

Di kɛ pələ ə kɛ a bɛliɛ a voló haaɓa yələ, mąąhɔlɔɓo, voló haaɓa yələ ɓə Yai-Laa kaa pai yɛɛi la Sinai yee nwuɔ̨, nɔi lonnii kəlee ɲɛ̨i ɓa.

Lɛɛ gbɔwɔ ɓa 20:1

Yálá ɓə nwooɠaa ŋɛ̨i kəlee ɓo, yɛ diɛ:

Lɛɛ gbɔwɔ ɓa 20:22

Yai-Laa yɛ Moisə ɓa: «Mɛ̨nįi ŋɛ̨i ɓo Israɛlə lonnii diɛ, yɛ diɛ: ‹Kaa kpinįi kaa gaa, kaa diɛ: Yələkɔlɔn ɉu ɓə ŋą́ lɛɛ laa, gɛ́ pələ ɓo kaa.

Azaya 64:1

Yɛ nwɔ̨n gaa lɔwɔ kələn ɉi, yɛ nwɔ̨n a kɛli yáɠaa nɛ̨n, əgɛ ə́ yowoɠaa di pɛli ə́ laa kɔ́lɔn ɉi, lɔiɠaa hu a pu kɛ diɛ ə́ tɔwɔ.

Azaya 64:3

Mɛ̨nįi tii kɛ, di hvo ta bələ mąn ni, bələ hvo ta too li wəli ta hu, ɲɛ̨i kɔ́w hvo ta gaa li; ə kulɔ Ə́ pulu, yálá ta a ta aa mɛ̨nį taaleei tii kɛ, nui a gilitɔɔ mąą, yɛ mąą mɛ̨nį ɲɛ̨i kulɔ.

Habakukə 3:3

Yálá kaa həɠəi Teman, Yálá mąąhəɠɛɛ kaa həɠəi Paran yee ɓa. Nwɔ mąąwiɛ aa yələ kwəi kpɛɛ mą. Mąątɛ̨nɛ̨ pələ aa lɔi mɛ̨i kpɛɛ mą

Lomaŋ 7:16

Yaan, akɛ yii və́ bɔ, ya ɓə ŋą́ kɛ gɛi, ŋį́ gɔlɔn gɛ́: Tɔ́n nɛlɛɛi.

Dutɛrɔnome 33:2

«Yai-Laa ə kulɔ Sinai yee ɓa pələ yɛ pa. Yɛ bələi hvóló a ɓɛla la, ə həɠə Seirə pələ, ə ɓɛla nwɔ nuą mɛ̨i, yɛ həɠə Paran yeeɠaa lɔwai ə pa nwɔ nuąi pɔ, nwɔ malakaɠaa di ɓo bɔ; nwɔ tɔ́n yɛ ɓo ɲəi yɛ kpalan nən.

Dutɛrɔnome 4:33

Nu huwu ta, aa ta yálá ta woo mɛ̨n, yɛ hvaa nwɔ̨n nən ɉu, ɛlɛɛ, mąą nu huwui yɛ lɛɛ a vulú yɛ bələi ə kɛ la a kaa?

Dutɛrɔnome 4:36

Ə lɛɛ yələkɔlɔn ɉu, yɛ ka mąąkwɛli a nwoo, ka lɛɛ lɔi mɛ̨i, ə nwɔ nwɔ̨n gɛnɛ̨i lɛ kaa, ɛlɛɛ, ka nwooɠaa mɛ̨n nwɔ̨n nən ɉu.

Dutɛrɔnome 4:8

Lɔi lə kɛɛ ɓə laa, gɛnɛ̨, tɔ́nŋąą da yɛnɛ̨ɛ̨ hon bələ yɛ ɓo ɲəi, di haŋąą yɛ bələi dɔ́nŋąą ŋɛ̨i gáá dɛɛi ka pɔ di kaa la?

Dutɛrɔnome 5:4

Yai-Laa ə pələ ɓo kaa ɲee tonna, nwɔ̨n ɉąąi, ka ɲɛ̨i heɛ ka kee ni diɛ.