Nehemi 9:1 - Yálá laawoo hɛɓɛ (dc)

¹ Ɲąnįn tii nwɔ hvóló pow hveelɛ kɔ́w nąą ɲələ, Israɛlə nu huwu di mąąwɛli heeɓo, di muluun gbala pu di nwuɔ̨, di hin nɔ.

Yálá laawoo hɛɓɛ

¹ Ɲąnįn tii nwɔ hvóló pow hveelɛ kɔ́w nąą ɲələ, Israɛlə nu huwu di mąąwɛli heeɓo, di muluun gbala pu di nwuɔ̨, di hin nɔ.

Bible

^1-2 Ŋ̀áloŋ tɔnɔi ŋí ŋɔfólo buu feerɛ káo náaŋ ɣele, Eezuɛ-ŋai dí díŋaa tɛ̀ gîe ma kwaa tɔ̂nɔ ma dí kùla zîi da kpɛ́ni-ŋai sama. Dí sûŋ siɣe, dí maloŋ tôo-maa seɣe too dîa, dí pɔ̂rɔ sia díŋûa a gɛɛ dí ǹɛ́ a gɛɛ malôŋ toɔɔ̂i dîa dísɔnyɔ̂ŋ mɛni ma. Eezuɛ lonii kélee dí dí mu sìɣe dí tɔ́ɔ dí dísɔnyɔ̂ŋ-ŋai ƃó da zɔnyɔ̂ŋ-ŋai dínâŋ pɔ̂lɔ-ŋai dí wɔ́lɔ gɛ̀i.

Nehemi 9:1 ပူးပေါင်းရင်းမြစ်များ

Samia Veerɛi 1:2

Voló ɉaaɓa yələ, hulɔnon da ə həɠə Saulə nwɔ kɔ́ ɓuwui la pələ, mąą həɠəɠaa huɓɛlai kɛ, pɔlɔ puɔ nwuɔ̨. Həli ə mo Davidə ɓa, ə pɛlɛ nɔi ɓa.

Kɔlɔnikɔ Veerɛi 20:3

Ɉosafatə ə ɲɔw, ə tinɛ̨n yɛ li Yai-Laa mąąnin gɛi; ə hin nolo ɓo Ɉuda lɔi hu nąą kəlee, di hin nɔ.

Kɔlɔnikɔ Veerɛi 7:10

Ɲąnin mɛ̨ihveelɛnąą nwɔ pow hveelɛ kɔ́w haaɓa yələ, ə ɓo ɲee pɔ nuą diɛ, nu kəlee diɛ li di yəi bɛlɛ́ɠaa laaləi a kwəinɛ̨ɛ̨, di liinɛ̨ɛ̨i kɛ mɛ̨inɛ̨ɛ̨ Yai-Laa ə Davidə ɓa, da non Salomɔn, ə pɛlɛ la nwɔ nu huwui Israɛlə kəlee ɓa.

Ɛsdrasə 8:21

Ŋą́ loloɓo Ahawa ya kwɛlɛ, gɛ diɛ, ku hin nɔ, ə gɛ, ku ku mąą yɛɛ Yálá lííla, ə gə ə hvaa mą ku ɉiɛ kulɔ a nɛlɛɛ kwa ku lonnii da ku tiɛ̨ɠaa.

Ɛsdrasə 8:23

Ku nɛɛ mą ku hin nɔ, ku Yálá hvɛli mɛ̨nįi tii hu, yaan ə ku woo ŋąąpənə.

Nehemi 8:2

Ɉaláá laa həli mun Ɛsdrasə ə pa a dɔ́n ɉɛɓɛ́ nu kpɔn gəlee ɲɛ̨i ɓa; hinąą mąn, nɛ̨ąą mąn, ə mą kɛ nui lɔpee a mɛ̨nį hukpɛ, di kəlee di kɛ laa, ɲąnįn mɛ̨ihveelɛ naa nwɔ dɔlɔɔ tɔlɔɔ li kɛ.

Zôo 2:12

Kulɔi di mo kwɛa la, di di ɲɛ̨i hee Ɉobə ɓa, di hvo pɛli gɔlɔn ɉii. Di kəlee di tomą a wɔlɔ. Nu kəlee ə mąąhəɠə hu ɓɛla, diɛ munuun gbala pili yələi, yɛ pu di nwuɔ̨.

Azaya 22:12

Mąą yələi tii, Nąmu Yai-Laa Mɛ̨nį Kəlee ŋą Hééɓomun, ə kɛ bɔ kɛ, ka wɔlɔ, ka ka woolaa, ka ka nwun gbəlaan mo, ɛlɛɛ, ka mąąwɛli hee ɓo.

Zooɛ 2:12

Yii hu kɛa! Yai-Laa woo li: Ka pənə ka pa bɔ́ ka kwəi tɔ̨nɔ̨ mɛ̨i. Ka hín nɔ, ka wɔlɔ, ka ka woolaa.

Levetekɔ 23:34

«'Mo Israɛlə lonnii diɛ, yɛ́ diɛ: «Ɲąnin mɛ̨ihveelɛnąą tii nwɔ hvóló pow kɔ́w lɔɔli yələ ɓə gaa a ɉəɠə kələ hɛli, ka ɉɛlii tii pu hvóló mɛ̨ihveelɛ ye mu, kaa Yai-Laa mąąwiɛ la.

Levetekɔ 23:39

«Ɲąnin mɛ̨ihveelɛnąą nwɔ hvóló pow kɔ́w lɔɔli yələ, ka kpɛɛ kɛa a ka pɔ yɛa hihɛnŋąą kəlee ɓa kulaa, mąąnɛ̨ɛ̨ ka hiɛ mąąhəɠɛɛ kulɔ a hɛli Yai-Laa ɓa hvóló mɛ̨ihveelɛ yee mu. Voló tɔlɔɔ a kɛ a hvįįtɔɔ hvóló; voló mɛ̨ihaaɓa yələ ə ɓo a hvįįtɔɔ hvóló.

Zasua 7:6

Ɉosue ə gwaną həɠə huɓɛla a líiholi, ə pɛlɛ Yai-Laa lííla, ə lɛɛ la ɉu yələ ə wulu; yaa da nɔi kalanɉonŋąą, di muluun gbala pu di nwuɔ̨.

M̀ɛni-lɛɛi 11:3

Ɛlɛɛ, yili pulu, gáá pai nwɔ́ kɛla hveelɛ tɛɛi di mąą yiliɛ a mąąwɛli həɠə, di gwə́i mɛ̨nį ɓo, hvóló waa tɔ̨nɔ̨ pulu nwun veelɛ ɲee mɛ̨ida yee mu.»

Nwun mąąɓo 20:26

Israɛlə nuą kəlee, da nɔi nuą, di tɛɛ də li Betɛlə, diɛ wɔlɔ Yai-Laa lííla, di hin nɔ a volói tii, yələwulii pɔ, di haláá huwu hveelɛ kulɔ Yai-Laa ɓa, yii da gəlee kələn, da yii gaa a pɔnaa kulɔ haláá, da Yai-Laa ni di lɔwai.

Samuɛlə dɔlɔɔ 4:12

Bɛnɉamɛn mun da ə həɠə gɔ́ mɛ̨i, ə pa a gilɛ Silo a mąą yələi tii lɔ, mąą həɠəɠaa huɓɛla-ɓɛlaa, pɔlɔ kɔɔ nwuɔ̨.

Samuɛlə dɔlɔɔ 7:6

Di di ŋąąkpɔn Mispa daai, di ɲálaɠi laa da Yai-Laa ni di lɔwai, di hinnɔ a volói tii, di mo gɛɛnąą tii, diɛ kɛ diɛ: Kwaa nɛ̨ŋɛ̨n ɉəɠə Yai-Laa ɓa. Di Samuɛlə hee a Israɛlə ɲąąwooɓomun Mispa.