Nehemi 6:13 - Yálá laawoo hɛɓɛ (dc)

¹³ Di ɉala lə mɛ̨nį ɓa? Mą́ą́ɲɔw mɛ̨nį ɓə. Ə gɛ, ŋį́ gɛ yɛ bələi ə mo la mą́ą́, ɛlɛɛ, ŋį́ nɛ̨ŋɛ̨n ɉəɠə. Di náá kala nwun ɉɔlɔɓo, ɛlɛɛ, diɛ gáá a Yálá lalanmun.

Yálá laawoo hɛɓɛ

¹³ Di ɉala lə mɛ̨nį ɓa? Mą́ą́ɲɔw mɛ̨nį ɓə. Ə gɛ, ŋį́ gɛ yɛ bələi ə mo la mą́ą́, ɛlɛɛ, ŋį́ nɛ̨ŋɛ̨n ɉəɠə. Di náá kala nwun ɉɔlɔɓo, ɛlɛɛ, diɛ gáá a Yálá lalanmun.

Bible

¹³ Dí véla fè a gɛɛ é gɛ́ ŋá yao, ŋá mɛni nyɔ́mɔɔ kɛ́ Ɣâla ŋɛ́i-tuɛ, ńaa lɛ́lɛɛi é kara.

Nehemi 6:13 ပူးပေါင်းရင်းမြစ်များ

Nehemi 6:12

Ŋą́ gɔlɔn gɛ́ diɛ, Yálá hvəi dɔɔ a mɛ̨nįi tii, mąąhɔlɔɓo, a kɛi mą́ą́ mɛ̨nį lɛɛ tii tɔwɔ yɛ mo, Sanbalatə da Toviya ɓə daa ɉala.

Nehemi 6:6

Ɉɛɓɛ́i tii hu woo ka: «Di kaa moi nɔiɠaa hu, diɛ kɛ: Gasmu, gáá moi yɛ́, yɛ́ ka Ɉuifəɠaa ka káá bɔ ka ka muhəɠə a kɔ́, yili mąą mɛ̨nį ɓə gɛi, gɛ́ ɉįi tɔɔ la, ə gɛ, ə́ pa kɛ a di wɔ tɔɔmun, yɛ pələi di kaa moi la.

Hanwon 22:1

Nu laa lɛlɛɛ tɛ́ɛ hvialbaɓoɔi hɛn gɔw kɛnɛ̨ ɓa. Nu wɛli kɛɛ mɛlaa diɛ hviɛlaɓoɔi ə tɛɛ, wali da hɛni diɛ.

Hanwon 29:5

Nui a ɉeeyɔwɔ mąątɛ̨nɛ̨, gaa hɛlɛn dɛi mɛlan dɔwɔ.

Ikilisiati 7:1

Nu laa lɛlɛɛ tɛɛ viɛlaɓoɔi ə tɛɛ wulɔ mąąkun nɛ̨ɛ̨ ɓa. Nu haa hvóló hviɛlaɓoɔi nu kaa hvóló ɓa.

Azaya 51:7

Kaai tələnmolaa kɔ́lɔn, 'ka ka wəli tɔɔ nwóó ɓa, kaai a nu huwui nwɔ́ tɔ́n kaa ɉui, ka hvo ɲɔwnuą di wɔ yɛlɛ mąą laa ɓa, da kɛi ka lalan, yili hvo ka hviikpɛɛ,

Azaya 57:11

Gbɛɛ ɓə ə́ kɛi ɲɔw mą, yɛ́ mówo kpɔ tii? Yai ə́ lənə la mą́ą́? Yai gíli hvo mą kɛa lɛɛ ə́ ɲąą? Nwɛ́i, ɉu aa kɛa, və́ kwɛi hvaa ə́ pɔ, hvo kɛ tii? Nąąlɔwai, hvó kɛli kɛa mą́ą́wiɛ.

Ɉeremi 1:17

Kɛlaa, ə́ wɛi, 'ə́ hąą yili, 'ə́i muhəgə, mɛ̨nįi lɔpee ŋį́ ə́ tí la mo diɛ. 'Hvó nɛɛ laa di hvo ə́ mąą ɲɔw, di hvó hee ə́ mɛ̨i; ya gɛ tii, ɲą́ą́ ɓə pai ə́ hu pui yɛ́ di ɲɛ̨i ɓa.

Ɉeremi 18:18

Nuą di kɛ laa diɛ kɛ diɛ: «Ka gu gilima həɠə Ɉeremi ɓa, gu hvo pai hvɛɠɛi a gu mąą kwɛli mun, a gu liɛwoo ɓomun, a Yálá kwəi mɛ̨nį hukulɔ mun. Ka gwəli gu mɛlɛtoo a naa kala pələ, gu hvo gu wəli tɔɔ nwoo ɓa.»

Ɉeremi 20:10

Gáá nu kpulu nwɔ lalan nwoo mɛ̨n ɉii, ɲɔw kaa həɠəi pələ kəlee. Diɛ kɛ diɛ: «'Ká ɉɔn nwolo mą, ka gu ɉɔn doo mą.» Mɛ́laaɠaa kpɔ kwa diɛni ku kɛ yɛnɛ̨ɛ̨ ɓa, di kaa dóói lɔwai mąąhɛŋii, diɛ kɛ diɛ: «Gaa pai kiɛ gbɔwɔ lɛɛi laa di mowo yɛ nu tunun, gu yee a pɛli kɛa mą; guɔ kɛa gu nwąną kulɔ ma.»

Izikiɛ 2:6

«Ə́ wəli tɔɔ hulɔnu lon: Hvo ɲɔw diɛ, ho ɲɔi di hvaa woo ɓa; ə́ kaa hɛa too nuą lɔwai, ɲąąlən ɉu. Ə́ kaa heeni ɲɔ̨n-gaaləɠaa mɛ̨i, ho ɲɔw di hvaa woo ɓa, 'hvó ɲɔw di ɲɛ̨ilai ɓa, mąąhɔlɔɓo kulɔ nwoo mu nu huwu li.

Maafîu 10:28

Nui a nu paa, hva pɛli hɛn da kɛi a níi, ka hvo ɲɔw mą. Nui a pɛli nu paai, ə níi pili ɉahanąmą nwɔ̨n ɉu, kaa mun ka ɲɔw mą.

Maafîu 22:15

Farisiɛ̨ɠaa dɛ li di di nwun dɔɔ a pələi kpɔ da tɛɛ la di Jesus hon vaa woo hu.

Maafîu 26:59

Ɉaláá laa həli nuą nwun nąmįną da tɔ́nvili nąmįną di kɛi lɛɛ mɛ̨nįɠaa kwɛli diɛ bɛlɛ a Jesus laa, ə gɛ, di mąą ɲaba lɔ di baa.

Gɛlaɠaa 6:13

Di liɛ, di lɛɛ hvaa tamąą ɓo a Etiɛnə laa di kɛ mą: Nui ŋɛ̨i ka káá gaai, hvo ta kpəla li woo ɲɔ̨n moɔ ɓa a guɔ Yálá hee pɛlɛ́i laa da Moisə nwɔ tɔ́n laa.

Korɛntə veelɛ 11:12

Ɛlɛɛ, bələi ŋɛ̨i gáá gɛi la, bələ lɔ ɓə nwɔ̨nɔ̨ gáá pai gɛi, əgɛ, nuąi di kpɔwɔ mąątɛ̨nɛ̨ wɛlikaa diɛ, ŋą́ yili giliŋąhiɛ kulɔ di yəi, a diɛi da di kpɔwɔ kaa, yɛ kuɔ.

Timote dɔlɔɔ 5:14

Gáá kani bɔ, galaninŋaai a nu nwunuɠaa di pənə, di hilɛ həɠə, di lon gaa, di di wɔ pɛlɛ́i laahɔnmo, di hvo pa nəi pələ tɛɛ gu yowoɠaa di wɔ laa pu ɉu pɔ.

Timote veelɛ 1:7

Mąąhɔlɔɓo, ɲɔw kili hvəə Yálá ə gu kɔ la, kɛlaa, ə kɛ a: huwalawala kili, a wɛlikɛmąą kili, a yee pɛli gbɔwɔ ɓa kili.

Taitɔ 2:8

ə́ hvaa woo mąąhəɠɛɛ mąąkulɔi hvo mą, əgɛ, gu yowo hvo dɔɔi hɔlɔɓo, hvo woo ɲɔ̨n mo gu laa mɛ̨i, nwumɛ̨ ə yɛɛ a nwun.

Zĩi 4:17

Yili ɓa nui mɛ̨nį lɛlɛɛ kɛ pələ kɔ́lɔn, a wala gɛ, a kɛ ti a nɛ̨ŋɛ̨n ɉəɠə.

M̀ɛni-lɛɛi 21:8

Yii ɓaa ɲɔw nuą, diɛi di hvo kulɔ di woo ɓa, diɛi a tuwɔ pələ ɲɔ̨n gulɔ nuą, a nu paa nuą, a hiɛnɔwai kɛ nuą, a kaahɛn ɉəɠə nuą, a hali kɔ nuą, ɛlɛɛ, da lɛɛ nuą; di wɛi nąą ɓaa nwɔ̨n máɠa hu; yili ɓə a haa veelɛnąą.»