Nehemi 4:14 - Yálá laawoo hɛɓɛ (dc)

¹⁴ Ɓɛi lɔpee ka tulu woo mɛ̨n naa, ka ka ŋąąkpɔm gu kwɛlɛ, ka gu Yálái kaa pai tɔɔi gu pulu.»

Yálá laawoo hɛɓɛ

¹⁴ Ɓɛi lɔpee ka tulu woo mɛ̨n naa, ka ka ŋąąkpɔm gu kwɛlɛ, ka gu Yálái kaa pai tɔɔi gu pulu.»

Bible

¹⁴ Ŋá ŋánûai kàa ŋá gɔ́lɔŋ a gɛɛ dílii è kɛ̀ sɛ̂lɛnii. Nya ƃe ŋá ǹûai da dílaa túɛ-ƃelai tòli kwaa tɔ̂nɔ ma ńyɛɛ dîai, “Káfe yào ǹûai ŋí dîa. É lɛ́ɛ kákili ŋá a gɛɛ wála wâla káa Kánuu-namui yêei. A mɛni nyɔ́mɔ kɛ́ nuu kula maa kɛ̂. M̀ɛni ma, kà tɔɔ a gbanaŋɔɔ. Ká kɔ́ kákayɔɔ-ŋai mɛni ma, kánɛyâai da kápɛrɛ-ŋai!”

Nehemi 4:14 ပူးပေါင်းရင်းမြစ်များ

Samia Veerɛi 10:12

'Tɔɔ a ə́ nwąnąi, gu gɛ a kpakololaa gu wɔ lɔi mąą mɛ̨nį ɓa, da gu wɔ Yálái nwɔ taaɠaai mąą mɛ̨nį ɓa. Yai-Laa ə gɛ kani, yɛ bələi niiɓa kaa la!»

Kɔlɔnikɔ Veerɛi 32:7

«'Ka a ka huwalawalaa, ka ká liikpələ! 'Ka hvo ɲɔw, 'ka mąą hvo kpɛlin Asiri tɔɔmun ɲɛ̨i tɔwɔ da bɔ nu kpului tii bɔi, hvó gaai, nui gwa diɛni gu tɔɔ, huwalawala kɛnɛ̨ kaa ɲəi.

Nehemi 1:5

Gɛ́ kɛ mą: «Ee kə! Yələkɔlɔn ɉu Yálá, Yálá kɛnɛ̨ maaɲɔwɔ! Ya ə́ wɔ mįnɛ̨i mąą yɛlɛ kɛ, yɛ́ naahɔn mo nuąi da ə wɛli la kɛ, di ɓo ə́ wɔ tɔ́n nwooi mu, di mɛ̨i.

Zôo 37:22

Kɛɛ pɔ̨nɔ̨ a həɠə ɲələi pələ, yɛ hɛni, yɛ gɛɛ pɔ̨nɔ̨i Yálá kwɛlɛ, yɛ nu mąą ɲɔwi.

Mąątɛ̨nɛ̨ 143:5

Gáá gíliɲąhiɛi gɛ́ vilɛn tɔwɔ tɔwɔ yələɠaa diɛ, gɛ́ pənə gɛ́ ə́ kɛ mɛ̨nįɠaa hu kulɔ gbɔ́wɔ ɓa, gɛ́ ə́ yee kɛ kólóɠaa pənə gwə́i, gɛ́ doo.

Mąątɛ̨nɛ̨ 20:7

Yiihu kɛa, gíli kaa ɉu gɛ́: Yai-Laa a yeetɛɛmąąlaa tɛɛ nwɔ nui ə dɔɔ wulɔ lɔ mą, bɔ, a lɛɛ nwɔ pɛlɛ́ mąąhəɠɛɛi mu yələkɔlɔn ɉu, ə nwoo mu hon, a gulɔi a mo ɉu a mamįiyee.

Mąątɛ̨nɛ̨ 27:1

Davidə nwɔ wələ woo. Yai-Laa ɓə a nwɔ́ kɛɛ pɔ̨nɔ̨, da málomun. Gbɛɛ ɓə ŋą́ pɛli ɲɔwi mą? Yai-Laa ɓə a mą́ą́ kɔ̨nwɔ̨ hį́i. Gbɛɛ ɓə mą́ą́ a kpɛlin ɲɛ̨i ɓa?

Mąątɛ̨nɛ̨ 46:11

Yɛ kɛ diɛ: «'Ka gwɛlihɛnŋaa laa, 'ka gɔlɔn kaa diɛ ɲą́ą́ ɓə gaa a Yálá! Ŋą́ hį́iɠaa ɲąąwooɓo, gɛ́ lɔi ɲąąwooɓo.»

Mąątɛ̨nɛ̨ 65:5

Nui yá dəli, a ə́ liiɓamun, nwun na nɛ̨ɛ̨i, gaa pai kɛi ə́ yəi bɛlɛ́n. Ku wɛi, ku kaa pai pilɛi, ə́ yəi bɛlɛ́n mɛ̨inɛ̨ɛ̨ɠaa hu, Yɛ́ pɛ́lɛ́i mu hɛnŋaa mąąhəɠɛɛɠaai hu.

Mąątɛ̨nɛ̨ 66:3

'Ka kɛ Yálá ɓa: «Ə́ kɛ mɛ̨nįɠaa ɲɛ̨i mąą ɲɔwuɔi! Ə́ hvąŋą kɛnɛ̨ pələ, ə́ yowóɠaa daa di kpɔwɔ kɛ, a ə́ mąątɛ̨nɛ̨ nuą.

Mąątɛ̨nɛ̨ 66:5

'Ka pa, ká Yálá kɛ mɛ̨nįɠaa kaa, a ɲɔw pili nu huwuɠaa kɔ́lɔi a gɛ mɛ̨nįɠaa.

Lɛɛ gbɔwɔ ɓa 14:14

Yai-Laa, a ka mąą kɔ̨nwɔ̨, yili ɓa, nu kəlee ə mɛ̨i haa.»

Lɛɛ gbɔwɔ ɓa 14:25

Nwotoloɠaa kɔ́wɔ ə kanąn diɛ, Ɉooɠaa di hvo kɛi pɛli ɲalai. Eziptə nuą diɛ mą: «'Ka gu gu pulu pənə, gu həɠə Israɛlə lonnii pulu. Mąąhɔlɔɓo, Yai-Laa ɓə dɔɔ di pulu, yɛ di wɔ kɔ́i kɔ́.»

Ikilisiati 12:1

Yɛ́i ŋɛ̨i a nunwunu! Ə́ nwunu yələi tii, 'hvó lɛ̨ą ə́ pɛli Yálá ɓa. Gɛɛ ə́ pɔlɔ yələ hvo kɛ həli mą, gɛɛ hvó pa kɛ diɛ: «Yɛnɛ̨ɛ̨ kun aa hee ɉú!» Ə́ kili lɛɛ ə́ pɛli Yálá hu.

Danîa 11:32

Tɔɔmun gbinį nwɔ hu ɲąŋą kɛnɛ̨ laa mąą mɛ̨nį ɓa, gaa pai kɛi nuą diɛ, ka lənə Yálá nwɔ mįnɛ̨ həɠɛɛ ɓa. Kɛlaa, yiiɠaai da lɛɛ Yálá ɓa a woo tɔ̨nɔ̨ nąmįnąa, da tɔɔ kpaan di túwɔ́ pələ hu.

Zakari 14:3

Nąąlɔwai, Yai-Laa a kɔ́ pɛlɛ nɔiɠaai tii diɛ, gaa pai gɔi tii kɔ́i, yɛ bələi ə wɔlɔ kɛi gɛ la a bɔlɔ.

Lonon mo 14:9

Ka hvo ka kwɛli tee Yai-Laa ɓa, ka hvo ɲɔw nɔi tii hu nuą diɛ, mąąhɔlɔɓo di kaa lɔ gu yəi a nɔ na tɔ̨nɔ̨. Di wɔ haliɠaai daa kulɔ di pulu, guɔ yaan Yai-Laa kaa gu pulu, yili ɓa, ka hvo ɲɔw diɛ.»

Maafîu 10:28

Nui a nu paa, hva pɛli hɛn da kɛi a níi, ka hvo ɲɔw mą. Nui a pɛli nu paai, ə níi pili ɉahanąmą nwɔ̨n ɉu, kaa mun ka ɲɔw mą.

Dutɛrɔnome 1:21

Ka ka ɲɛ̨i hee Yai-Laa ka wɔ Yálái aa nɔi ŋɛ̨i tɛɛ ka pɔ. Ka li ka hiɛ ɉu, yɛ bələi Yai-Laa ka wɔ Yálái ə naakwɛlanmo la kaa. Ka hvo ɲɔw, hɛn da hvo ka yee hu haa.»

Dutɛrɔnome 10:17

Mąąhɔlɔɓo, Yai-Laa ka wɔ Yálái ɓə gaa a yáláɠaa di wɔ Yálá; a tɔɔɓɛlaa di wɔ Tɔɔmun; Yálá yii gɛnɛ̨, vaŋą kɛnɛ̨ mąą ɲɔuwɔ, ɉaŋąą, di hva lɔ gwəi.

Hebreu 13:6

Yili ɓa, gwa pɛli gu mo kpɔ a kilitɔɔmąą laa, guɔ mą: «Ną́mu kaa a dɔ́ɔ́ búlú, vá ɲɔw hɛn nɔpee ta ɓa. Lə kpɔ ɓə nu kan a pɛli gɛi a ɲą́ą́?»

Zasua 1:9

Kɛlaa ŋą́ą́ mą́ą́ pamą la yɛ́-ee! Ə́ liikpələ, ə́ ə́ huwalawala, 'ə́ mąą hvo kpɛlin, 'hvó ɲɔw; mąąhɔlɔɓo Yai-Laa ə́ wɔ Yálá kaa pai kɛi ə́ pɔ ɓɛi lɔpee yá li laa.»

Nwun mąąɓo 3:27

Ə həli kpɔlɔ, ə dulu hvɛɛ, Ɛfraimə nwɔ yee ɓa, Israɛlə nuą di hvilɛn bɔ, di ɲee yɛɛ, ə ɓo di ɲɛ̨i tɔwɔ.