Nehemi 2:19 - Yálá laawoo hɛɓɛ (dc)

¹⁹ Nąąlɔwai, Sanbalatə yai kɛ a Horɔn mun, da Toviya Amɔn mun yii kɛ ɲee mu, da Gɛsɛmə yii Arabə mun, bələ mɛ̨i di mo, di kɛi di woo həɠə ku wɔ, diɛ ku hviiɓo diɛ kɛ diɛ: «Lə ɓə ka káá gɛi? Kaa kɛ kulɔ tɔɔmun nwoo mu?»

Yálá laawoo hɛɓɛ

¹⁹ Nąąlɔwai, Sanbalatə yai kɛ a Horɔn mun, da Toviya Amɔn mun yii kɛ ɲee mu, da Gɛsɛmə yii Arabə mun, bələ mɛ̨i di mo, di kɛi di woo həɠə ku wɔ, diɛ ku hviiɓo diɛ kɛ diɛ: «Lə ɓə ka káá gɛi? Kaa kɛ kulɔ tɔɔmun nwoo mu?»

Bible

¹⁹ Tãi Ɔnɛ-nuui Saŋbala, Amɔŋ-nuui Tobaya da Arebi nuui Gɛsɛŋ ni dí kú mɛni kpɛtɛɛ-ŋai ŋí maa mɛ̂ni mɛ̀ni lai, dí pɛ̀lɛ ɣɛ́lɛ maa kulâi kúkponôi, díkɛ kúwoo nyɔ̂ŋ fè dîyɛɛi, “Lé ƃé ká lâai la ka pɔ̂ri gɛ̂i? Ká káa mɛni kpɛtɛɛ kɛ̂i a gɛɛ ká Zerusâlɛŋ taa-leei ŋɔsiɣãŋ-ŋai tɔ́ɔ pôlu ká tɔ́ɔ ǹɔii kâloŋ ma?”

Nehemi 2:19 ပူးပေါင်းရင်းမြစ်များ

Nehemi 13:28

Ɛliasivə ŋɛ̨i kɛ a ɉaláá laa həli mun gɛnɛ̨, non Yoyada lon ɉulɔnu ta, ə Sanbalatə Horɔn mun lon nɛ̨ɛ̨nu ta həɠə a nɛ̨ą, ŋį́ gbɛ, ə həɠə gwɛ́lɛ.

Nehemi 2:10

Nąąlɔwai Sanbalatə ŋɛ̨i kɛ a Horɔn mun, da Toviya, Amɔn mun, yii kɛ ɲee mu. Di bələi tii mɛ̨n, di kwəi hvo nɛ̨ɛ̨ kpɔ tiikpə, gili kɔ́lɔn di mo, diɛ kɛ nu ta aa pa, yɛ Israɛlə lonnii mąą mɛ̨nį lɛlɛɛ ɲɛ̨i kulɔ.

Nehemi 4:1

Sanbalatə, Toviya, Arabə nuą, Amɔn nuą, da Asdɔdə nuą, bələ mɛ̨n di mo, diɛ Ɉerusalɛmə mąąkpɛ hįį kaa pɛlii, goló yɛ tɛ tɔwɔ, ə lɛɛ nwoloɠaa yɛ kpulu, di lii ə holi kpɔ kɛnɛ̨.

Nehemi 6:6

Ɉɛɓɛ́i tii hu woo ka: «Di kaa moi nɔiɠaa hu, diɛ kɛ: Gasmu, gáá moi yɛ́, yɛ́ ka Ɉuifəɠaa ka káá bɔ ka ka muhəɠə a kɔ́, yili mąą mɛ̨nį ɓə gɛi, gɛ́ ɉįi tɔɔ la, ə gɛ, ə́ pa kɛ a di wɔ tɔɔmun, yɛ pələi di kaa moi la.

Nehemi 6:9

Mąąhɔlɔɓo, di kəlee di kɛi kɛ di ku mąąɲɔw, diɛ kɛ diɛ: «Di kaa pai di yee ɓoi goló ɓa, hva kɛa kɛ.» Yii hu, ɲéé huwalawala.

Zôo 30:1

Yiihu kɛa, ŋą́ą́ kɛ a yɛlɛ kulɔ ɉu hɛn, muhəɠə nįnɛ̨ɠaa yəi, di hvo kpɛli nwɔ́ nu pɔlɔ laa mąąwiɛi. Ya pa, di nąnni di mąą hvo kpɛli kɛ nɛ̨ɛ̨li nwɔ́ taatɛlɛɛɠaa pulu yilɛɠaa lɔwai.

Mąątɛ̨nɛ̨ 123:4

Aa hee ku hu, aa ku hon ku kwąną. Yee laholoon naa kaa lɔ a yɛlɛ kulɔ ɉu Ɲɛitɛ laa ə lɛɛ a tɛɠɛɓo ɉu nuą di wɔɔ!

Mąątɛ̨nɛ̨ 79:4

Nuąi kwa diɛni ku kaa kwəli tɔ̨nɔ̨ hu, di kaa ku ɓɛlɛkpɛɛi kuɔ, yiiɠaa di kaa ku kwɛlɛ, diɛ yɛlɛ kuɔ, diɛ di laa pu ku hu.

Mąątɛ̨nɛ̨ 80:6

Lə mɛ̨nį ɓa yá di kɔ̨nɔ̨n ɲɔwɔ a di ɲɛ̨iyá, yɛ́ di ɲɛ̨iyá kɛ a di kpələyá?

Mąątɛ̨nɛ̨ 80:7

Ku kwɛlɛ nuą diɛ di kwəi kwɛli ku mąą mɛ̨nį hu, ku yowoɠaa diɛ yɛlɛ kulɔi ku hu kpɔ a nelee.

Azaya 36:5

Yɛ́ kɛ diɛ: Woo ɲąą taanɔ̨n gbən, a pɛli liɛwoo da huwalawala tɛɛi nu pɔ kɔ́ hu! Gbɛɛ kpɔ ə́ kilitɔɔi mą, yɛ́ kulɔ nwóó mu?

Ɉeremi 20:8

Ŋą́ kɛi kɛ ŋį́ pələ ɓo, hvo kɛli ŋį́ nu təli mą́ą́, gɛ́ tomą, gɛ́ kɛ mą: «Too mɛ̨i da wea ɓə» Yai-Laa woo mąą mɛ̨nį ɓa, da túwɔ́ lɔ nálan ɉii, diɛ di laa pu ɉú.

Ɉeremi 41:10

Mispa nuą yiiɠaai lɛɛ, Yismaɛlə ə li a diɛ luwɔlaa hu; dɔɔ kwəlii nɛ̨ą, da nuąi kpɔ kɛ nii Mispa; diɛi tii tɔɔmun mąąkpɛ nuą nwun nąmu Nebuzaradan ə di kalihvaɓo Ahikamə lon Gedaliasə ɓa. Netania lon Yismaɛlə ə li a diɛ luwɔlaa hu. Ə pənə yɛ li Amɔn nuą pɔ.

Maafîu 9:24

Jesus ə mo diɛ yɛ diɛ: «'Nu kəlee di kulɔ! Nɛ̨ɛ̨non hvo haa li, gaa yii.» Nuą tii kəlee di yɛlɛ Jesus ɓa.

Markə 5:40

Nuą tii di kɛi yɛlɛ mą. Jesus ə nuą tii kəlee kpɛ bɛlɛ́n, ə lɛɛ lɔ a: nɛ̨ɛ̨non nąn da nee, ə lɛɛ, Jesus nwɔ kalan nɛa haaɓai, diɛ lɔ ɓə lɛɛ bɛlɛ́n ɓɛi nɛ̨ɛ̨non bowa ə kɛ laai.

Lukə 23:2

Di həliɛ, diɛ kɛa lɛɛ tamąą kɛ a nąą, diɛ kɛ mą: «Nui ŋɛ̨i, ku gaa yɛ nɔi nuą kwɛitee, yɛ kɛ diɛ: ‹Ka hvo nįįhɔ̨nwɔ̨ kulɔ Sesarə ɓa.› Ə lɛɛ, yɛ kɛ diɛ: ‹Yaa ɓə gaa a Nwun mąąɓomun Yálá ə naakwɛlanmo, yɛ ɓo nwɔ̨nɔ̨ a tɔɔmun.›»

Ɉaan 19:12

Ə həɠə nąąlɔwai ɓa, Pilatə ə kɛi Jesus kulɔ pələ kwɛli di yəi. Kɛlaa, Ɉuifəɠaa di kɛi kpɔlɔ tómą diɛ kɛ mą: «Akɛ yá tee ɉulɔnui ŋɛ̨i ɓa, Sesarə mɛlan vaa a yɛ́. Mąąhɔlɔɓo, nui lɔpee a gbɔwɔ kɛ a tɔɔmun, Sesarə ɲowo li.»

Gɛlaɠaa 24:5

Kwaa gaa kuɔ ɉulɔnui ŋɛ̨i kaa a lɔi kala ɲɔ̨n gbɔkpɔɔ, Ɉuifəɠaai kpɔ yɛnɛ̨ɛ̨ nąą kəlee a di ɲąą hee di kee ɓa. Nuąi da kɛ diɛ: Nazarɛtə lɛɛ kalan gɛ nuą, di nwun nąmu ta li.

Hebreu 11:36

Daɠaa, diɛ di liikpələ yɛlɛkulɔɉu mu, da hvaɠa, diɛ daɠaa yili a yɔwɔn, diɛ daɠaa too gaho ŋą;