Nehemi 2:18 - Yálá laawoo hɛɓɛ (dc)

¹⁸ Bələi nwɔ́ Yálá yee lɛlɛɛ ə kɛ la mɛ̨́i, ŋį́ ɉukulɔ diɛ, da bələi tɔɔmun ə hvaa la bɔ́. Diɛ kɛa kɛ diɛ: «Ka gu gu muhəɠə, ka gu ɉį́i tɔɔ.» Di kpɔnmą́ą́ goló lɛlɛɛi tii hu.

Yálá laawoo hɛɓɛ

¹⁸ Bələi nwɔ́ Yálá yee lɛlɛɛ ə kɛ la mɛ̨́i, ŋį́ ɉukulɔ diɛ, da bələi tɔɔmun ə hvaa la bɔ́. Diɛ kɛa kɛ diɛ: «Ka gu gu muhəɠə, ka gu ɉį́i tɔɔ.» Di kpɔnmą́ą́ goló lɛlɛɛi tii hu.

Bible

¹⁸ È kɛ̀ tí, ŋá mò dîa berei Ɣâla è kpɔŋ la ḿâ da m̀ɛnii gâloŋ è mòi. Dí ŋ́oo su tòo dîyɛɛi, “Kwaa pɛ́lɛ daai tɔɔ̂i pôlu lonii ma!” Dí díkpîŋ kpɛ̀tɛ díi kɛ́ mɛni ma.

Nehemi 2:18 ပူးပေါင်းရင်းမြစ်များ

Samia Veerɛi 2:7

'Ka ká liikpələ yiihu, ka too a kpakolo laa. Tɛ̨ą li, ka nwun nąmu Saulə aa haa, kɛlaa, mąąnɛ̨ɛ̨ ka kili ə pu ɉu, kaa diɛ, Ɉuda nwɔ pɛlɛ́i aa nwulɔ hiɛ mą́ą́, ə gɛ, ŋą́ kɛ a tɔɔmun.»

Kɔlɔnikɔ Maa-ŋuŋ 11:10

Davidə ŋą kuláa wala-walaɠaai kɛ di tɔɔ bulu a nwala-walaa, yaa da Israɛlə, diɛi gɛ, Davidə yɛ heeɓo laa kɛ Israɛlə mɛ̨i, yɛ bələi Yai-Laa ə mo la.

Kɔlɔnikɔ Maa-ŋuŋ 19:13

'Tɔɔ a ə́ nwąnąi, gu gɛ a kpakololaa gu wɔ lɔi mąą mɛ̨nį ɓa, da gu wɔ Yálái nwɔ taaɠaai mąą mɛ̨nį ɓa. Yai-Laa ə gɛ kani, yɛ bələi niiɓa kaa la!»

Kɔlɔnikɔ Veerɛi 32:5

Ezekiasə ə tɔɔ kpɔ a nwąnąi, ɉį́i mɛ̨i tii kɛ buɔ, ə nąą tɔɔ, ə gɔ́ pɛlɛ́ɠaa tɔɔ, ə da tɔɔ ɉį́i pulu pənə. Ə Milo pɛli Davidə taa. Ə kpala tamąą pɛli da hə́mə́ tamąą.

Ɛsdrasə 6:22

Di pənə di voló mɛ̨ihveelɛ hɛli ŋɛ̨i da bu a lɛɠɛ yii dɛ hɛn və ɉu, di yili pu gee ɓa a kwəinɛ̨ɛ̨. Mąąhɔlɔɓo, Yai-Laa ə di kwəinɛ̨ɛ̨, ə Asiri tɔɔmun ɲɛ̨i lɛlɛɛ hee diɛ, ə di yee kɔ́n gɛ ɉu, Yálá nwɔ pɛ́lɛ́i tɔɔ mɛ̨nį ɓa, yii gaa a Israɛlə nwɔ Yálá.

Nehemi 2:8

Ɛlɛɛ, ə́ dɔ̨nɔ̨ kɛ a Asafə nwɔ, yaai gaa a tɔɔmun nwɔ lɔwɔɠaa ɲąąwooɓomun, ə gɛ, ə pɛli wulu tɛɛi bɔ́, daa mąąkɔ̨nwɔ̨ hįį gbonŋąą kulɔ mɛ̨nį ɓa, da daa mąąkɔ̨nwɔ̨ pɛ́lɛ́i tii Yálá hee pɛlɛ́ kwɛlɛ nwɛi; da bɛlɛi gáá pai lɔi mu nwɛiɠaa.» Tɔɔmun ə ɉɛɓɛ́ɠaa tii tɛɛ bɔ́, mąąhɔlɔɓo, nwɔ́ Yálái yee lɛlɛɛ ə kɛ mɛ̨́i.

Ifisiɛŋ 6:10

Nwóó laa kulɔ woo ka, ká gu Nąmu ŋą huwalawalalaai kɛ a ka mąąkɔ̨nwɔ̨ kwɛli hɛn, yai vaŋą kɛnɛ̨.

Filipə 2:13

Mąąhɔlɔɓo, Yálá ɓə a, niiɓa gɛ lii, da gɛ wɛli too káá, yɛ bələi gaa la gwəi a nɛlɛɛ.

Samuɛlə dɔlɔɔ 23:16

Saulə lon Ɉonatan ə muhəɠə, ə li Horesa daai, ə Davidə hvaŋąlɔ Yálá laa hu;