Nehemi 2:13 - Yálá laawoo hɛɓɛ (dc)

¹³ Ŋą́ kulɔ kwii hąą, a nɛ̨ŋɛ̨ lɔi hu kpon gɛɛnąą pələ, ŋį́ ɉon a gaalə yá nwun gulɔi pələ da dulun ŋą kpon gɛɛnąą pələ. Ŋą́ Ɉerusalɛmə hįį mąąkpɛ kpɔ a nɛlɛɛ. Buɔi kɛ nąą kəlee, ɛlɛɛ, nwɔ̨n aa kɛ gbonŋąą kələn.

Yálá laawoo hɛɓɛ

¹³ Ŋą́ kulɔ kwii hąą, a nɛ̨ŋɛ̨ lɔi hu kpon gɛɛnąą pələ, ŋį́ ɉon a gaalə yá nwun gulɔi pələ da dulun ŋą kpon gɛɛnąą pələ. Ŋą́ Ɉerusalɛmə hįį mąąkpɛ kpɔ a nɛlɛɛ. Buɔi kɛ nąą kəlee, ɛlɛɛ, nwɔ̨n aa kɛ gbonŋąą kələn.

Bible

¹³ È kɛ̀ niî a kpíni tãi ŋá kùla la daa-leei su ŋá tɛ́ɛ a ziɣãŋ lá pere nyii da kɛ̂ ma Diŋ-tiŋ sui kwára pere vóloi liî pere. Ŋá lì a ǹɔii kwára pere, ŋá tɛ́ɛ ǹyá tôŋ ma nyii da kɛ̂ ma Ǹyao Maa Kalii, ŋá lí ziɣãŋ lá nyii da kɛ̂ ma Dúluŋ ŋá. Tãi ŋá kɛ̀ liî lai, ŋá kɛ̀ daa-lêei ŋɔsiɣãŋ wóloɔɔ-ŋai maa kpɛɛ̂i a ǹɛ́lɛɛ da ziɣãŋ lá sãa kéreŋɔɔ-ŋai.

Nehemi 2:13 ပူးပေါင်းရင်းမြစ်များ

Kɔlɔnikɔ Veerɛi 26:9

Oziasə ə Ɉerusalɛmə taa mąąkpɛ pɛlɛ́ɠaa tɔɔ ɉįi mɛ̨i, ɉįi kpoloon kee kaai gbon gɛɛ nąą, ə da kɛ ɲa-ɓoloon bɔ gbon gɛɛ nąą, ə da kɛ Redan mɛ̨i, ə di huwalawala.

Nehemi 1:3

Diɛ mą́ą́: «Nuąi həɠə nuwɔ laa hu, di haa laa nɔi mɔ̨nɔ̨ kɛnɛ̨ hu, da nwunmɛ̨. Ɉerusalɛmə mąąkpɛɛ hįį puɔ naa taɠaa, ɛlɛɛ, gbonŋąą kələnŋąą.»

Nehemi 12:31

Ŋą́ Ɉuda lɔi ɲąąwooɓo nuą tɛ ɉį́i mɛ̨i, ə lɛɛ, ŋį́ nwələ too nuą kpulu kɛ hveelɛ. Dɔ̨nɔ̨ ə li ɓa-mįi-yee hu pələ, dɔ̨nɔ̨ yɛ li dulun ŋą, gbon gɛɛnąą pələ.

Nehemi 2:12

Yili pulu, kwii hąą, ŋį́ muhəɠə kwa hinąą taɠaa, kɛlaa, mɛ̨nį nwɔ Yálá aa kɛ doo giliŋa ə gə, ŋį́ gɛ Ɉerusalɛmə mąą mɛ̨nį hu, hvo mo nu ta ɓa. Hoo takpɛli hvo kɛ bɔ́, hvo kɛ li yii tii ŋį́ kɛ mɛ̨i.

Nehemi 2:15

Ku moloon dɛ laa a kpinį, gɛ́ ɉįi mąąkpɛ kpɔ a kpinį. Yili pulu, ŋį́ pənə ŋį́ li a ɲee lɔwai kpon gɛɛnąą pələ, ŋį́ yali tii búlú ŋį́ pa bɛlɛ́ laaləi.

Nehemi 2:17

Ya ɓə ŋį́ kɛ diɛ: «Mɛ̨nį ɲąąnwąnąąi gu ɉu, ka káá gaai! Ɉerusalɛmə taa aa pu, gbonŋąą kələn ŋąą, ka gu pənə, ka gu Ɉerusalɛmə mąąkpɛ hįį tɔɔ. Gu hvo kɛa kɛ a nwunmɛ̨ lɔwɔ.»

Nehemi 2:3

Gɛ́ tɔɔmun ma: «Ə́ lamun yɛnɛ̨ɛ̨ Yálá ə kɛ! Lə mɛ̨nį ɓa, ɲį́nąą hva kɛ a ɲiliɛ! Daai ną́nni kámą kaa ɉu, aa lɛɛ a taa kpoloon, nwɔ̨n aa ɉįi kponŋąą kəlee kələn!»

Ɉeremi 5:10

'Ka tɛ daa mąąkpɛ hįį mɛ̨i, 'ka bu. Kɛlaa ka hvo gəlee pu kpɔ tii tɛ̨ɛ̨tɛ̨ɛ̨?. Ka wɔ viɲəɠaai nwonwoɠaa kulɔ mą. Mąąhɔlɔɓo, hvo a Yai-Laa nwɔɔ.