Nehemi 13:17 - Yálá laawoo hɛɓɛ (dc)

¹⁷ Ŋą́ haŋą Ɉuda nɔi kalanɉonŋąą diɛ, gɛ́ diɛ: «Lə mɛ̨nį ɲɔ̨n mə ŋɛ̨i ka káá gɔwɔ tɔɔi ɓɛi, ka túwɔ́ lɔwɔ ɓɛlɛkpɛɛ maa?

Yálá laawoo hɛɓɛ

¹⁷ Ŋą́ haŋą Ɉuda nɔi kalanɉonŋąą diɛ, gɛ́ diɛ: «Lə mɛ̨nį ɲɔ̨n mə ŋɛ̨i ka káá gɔwɔ tɔɔi ɓɛi, ka túwɔ́ lɔwɔ ɓɛlɛkpɛɛ maa?

Bible

¹⁷ Nya ƃe ŋá ńii ŋwàna Zuda-ŋai láa túɛ-ƃelai dîa ńyɛɛ dîai, “Ká káa Vii-tɔɔ-ɣelei maa tĩa karâi. Mɛni nyɔ́mɔɔ ká tí ka gɛ̂i.

Nehemi 13:17 ပူးပေါင်းရင်းမြစ်များ

Nehemi 13:11

Ŋą́ haŋą ɲɛ̨itɔwɔ nuą diɛ, gɛ́ diɛ: «Lə mɛ̨nį ɓa ka ka kili kulɔ Yálá nwɔ pɛ́lɛ́i hu?» Yili pulu, ŋį́ di kəlee di ɲąąkpɔn, ŋį́ nu kəlee hee gɛ koló nwun na.

Nehemi 13:16

Yili pulu, Tirə nuąi kɛ heeni Ɉerusalɛmə daai, di kɛi pa a hɔ̨wɔ̨lee, da lɔwɔ tiɛ̨ huwui lɔpee gəlee diɛ nɔwɔtɔɔ Ɉuda nuą diɛ, a túwɔ́ lɔwɔ yələ.

Nehemi 13:25

Ŋą́ haŋą diɛ, ŋį́ di nɛ̨ŋɛ̨n naa, ŋį́ daɠaa kɛlɛ di lɔwai, ŋį́ di nwun nəɠa kulɔ. Yili pulu, ŋį́ mo diɛ, di di kwɛla a Yálá laa, gɛ́ diɛ: «Ka hvo ka lon nɛ̨ąą tɛɛ da lɔpee pɔ a nɛ̨ą, ka hvo di lon nɛ̨ɛ̨nu ta həɠə a ka lon nɛ̨ą, ə mą kɛ a kaa kpinįi ka wɔɔ.

Nehemi 5:7

Ŋą́ gaa, gɛ́ diɛ, mą nɛɛ ŋį́ haŋą kalanɉonŋąą da ɲɛ̨itɔwɔ nuą diɛ. Yili ɓə gɛ, ŋį́ mo diɛ, gɛ́ diɛ: «Tiɲɛ̨ wiaa ka ŋɛ̨i ka káá ɉeei ka kee nwuɔ̨.» Yili pulu, ŋį́ di kəlee di təli ŋąąkpɔn kɛnɛ̨ ɓa.

Hanwon 28:4

Nuąi da tɔ́n mɛlɛkpɛɛ mą, nwąnąlɔmun mə da mąątɛ̨nɛ̨. Kɛlaa, nuąi da tɔ́n ɉon, da kɔ́ pɛlɛ nwąnąlɔ ɓa.

Azaya 1:10

Sodomə nu kpɛa-kpɛa, ka ka wəli tɔɔ Yai-Laa woo ɓa! Gomorə nuą ka ku wɔ Yálái nwɔ liɛwoo mɛ̨n! Yɛ diɛ:

Ɉeremi 13:18

'Mó dɔɔmun da dɔɔmun nee diɛ, yɛ diɛ: Ká hee pɔlɔ hu nɔi ɓa! Mąąhɔlɔɓo, ka wɔɔ tɔɔɓɔlɔ ɲɛ̨i tɔɔi, aa kulɔ ka nwuɔ̨ aa too!

Ɉeremi 5:5

Yili ɓa, gáá kani ɲɛ̨i heei nu kpɛa kpɛa diɛ, kwa diɛni ku da ɓo. Di wɛi, di Yai-Laa woo kɔ́lɔn. Di di wɔ Yálái nwɔ tɔ́nŋaai kɔ́lɔn.» Di kəlee di kaa lɔ tɔ̨nɔ̨; daa kɛ di nwun gulɔ mu, daa kɛ di yɛli tee.

Izikiɛ 20:13

Kɛlaa, Israɛlə nwɔ pɛlɛ́i mu nuą di kulɔ nwóó mu nɔi pun ɉu. Di hvo nwɔ́ tiɓoɠaai pɔ hiɛ ɓo, nwɔ́ tɔ́nŋaai tii da yɛnɛ̨ɛ̨ kpɛɛ hvo mą tɛɛ di pɔ mɛ̨nį kɛ nuą pɔi, di di yee kulɔ di mu. Di kɛ lɔ nwɔ́ hvįįtɔɔ yələɠaai yali mɛ̨nį hu, gɛ kɛa kɛ diɛ, gáá nwɔ́ liiholii yɛɛi di mɛ̨i nɔi pun ɉu, gɛ́ di paa.

Levetekɔ 19:17

«Yowolaa hvo kɛ ə́ kwəi yɛ hvilɛn na ə́ kaayɔwɔ ta ɓa. Ə́ ɓɛlan gaalon ɉutɔɔ, ə gɛ nɛ̨ŋɛ̨n da wulu hvo pa lɛɛ ə́ nwuɔ̨.

Mise 3:1

Ya ɓə ŋą́ kɛ kaa: 'Ka ka wəli tɔɔ! Ɉakɔbə nwɔ pɛ́lɛ́i ɲąąwooɓo nuą; Israɛlə nwɔ pɛ́lɛ́i mɛ̨i kaa nuą. Kaamun və kɛ mąąnɛ̨ɛ̨ ka tɛ̨ą kɔ́lɔn?

Mise 3:9

Ka ka wə́li tɔɔ mɛ̨nįi ŋɛ̨i ɓa, Ɉakɔbə nwɔ pɛ́lɛ́i ɲąąwooɓo nuą, Israɛlə nwɔ pɛ́lɛ́i ɲɛ̨itɔwɔ nuą, a kaai ŋɛ̨i tɛ̨ą wɛli kpɛɛ kaai, kaa mɛ̨nį haŋąą kəlee kpɛlaan.