Nehemi 12:43 - Yálá laawoo hɛɓɛ (dc)

⁴³ Di haláá kpɛa kpɛa kulɔ a mąą yələi tii, nu kəlee kwəinɛ̨ɛ̨ mąąhɔlɔɓo, Yálá aa kɛ kwəinɛ̨ɛ̨ kɛnɛ̨ tɛɛ di pɔ. Nɛ̨ąą da lɛapɛlɛɛɠaa diɛ kpɛli, di kwəinɛ̨ɛ̨i kɛ, gwəinɛ̨ɛ̨i tii di kɛi gulɔ Ɉerusalɛmə, bələ ə li kwɛa la.

Yálá laawoo hɛɓɛ

⁴³ Di haláá kpɛa kpɛa kulɔ a mąą yələi tii, nu kəlee kwəinɛ̨ɛ̨ mąąhɔlɔɓo, Yálá aa kɛ kwəinɛ̨ɛ̨ kɛnɛ̨ tɛɛ di pɔ. Nɛ̨ąą da lɛapɛlɛɛɠaa diɛ kpɛli, di kwəinɛ̨ɛ̨i kɛ, gwəinɛ̨ɛ̨i tii di kɛi gulɔ Ɉerusalɛmə, bələ ə li kwɛa la.

Bible

⁴³ Maa ɣêlei tí, ǹûai dí sâla támaa kùla dí lii-nɛ̃ɛ támaa kúla kpɛ́ni fêi Ɣâla a pá dípɔ a lii-nɛ̃ɛ. Ǹɛyâai da ǹîa-pɛlɛɛi kélee díkɛ̀ lii-nɛ̃ɛ kulâi. Dí lii-nɛ̃ɛ kula-wooi è sèri Zerusâlɛŋ kɔlɛ ma taa-ŋai kélee su.

Nehemi 12:43 ပူးပေါင်းရင်းမြစ်များ

Kɔlɔnikɔ Veerɛi 20:13

Ɉuda nuą kəlee di kɛ tɔɔni Yai-Laa lííla, diɛ da di yəi bɛlɛ́n nuą, di nɛ̨ąni da di lonnii.

Kɔlɔnikɔ Veerɛi 20:27

Ɉuda nuą, Ɉerusalɛmə nuą Ɉosafatə ə ɓo di nwun na, di di pulu pənə, diɛ li Ɉerusalɛmə daai a kwəinɛ̨ɛ̨, mąąhɔlɔɓo, Yai-Laa ə kwəinɛ̨ɛ̨ tɛɛ di pɔ, di yowoɠaa mɛ̨i.

Kɔlɔnikɔ Veerɛi 7:10

Ɲąnin mɛ̨ihveelɛnąą nwɔ pow hveelɛ kɔ́w haaɓa yələ, ə ɓo ɲee pɔ nuą diɛ, nu kəlee diɛ li di yəi bɛlɛ́ɠaa laaləi a kwəinɛ̨ɛ̨, di liinɛ̨ɛ̨i kɛ mɛ̨inɛ̨ɛ̨ Yai-Laa ə Davidə ɓa, da non Salomɔn, ə pɛlɛ la nwɔ nu huwui Israɛlə kəlee ɓa.

Ɛsdrasə 3:13

Nu hvo kɛi pɛli nwɔlɔ woo da gwəinɛ̨ɛ̨ woo gulɔ ɉu kɔ́lɔn ɉii, mąąhɔlɔɓo, di húlúún nwoo ə kɛi li kwɛaa la.

Nehemi 12:27

Ɉįį ŋɛ̨i kɛ dinɛn ŋąą Ɉerusalɛmə daa ɓa, ɲələi di pa lúwɔ́ tooi la mą, də li di Levi huwuhu nuą təli di həɠə ɓɛɠaai di kɛ laa, ə gɛ, di pa Ɉerusalɛmə, di ɉɛli pu kwəinɛ̨ɛ̨ hu, a Yálá mąątɛ̨nɛ̨ woo, da wələɠaa, diɛ nwələ too diɛ muhee a gwɛnįn da bɛlɛgwəi da ɓala.

Nehemi 12:42

Ə lɛɛ, Maaseya, Semaya, Eleazarə, Uzi, Yehohanan, Malkiya, Elamə da Ezɛrə. Nwələ too nuą diɛ wələ too da di ɲɛ̨itɔwɔ mun Yizraya.

Zôo 34:29

Kɛlaa, Yálá a wala muhəɠə, gbɛɛ ɓə a pɛli hvaai bɔ? A ɲɛ̨ilai now, gbɛɛ ɓə a pɛli mɛ̨i həɠəi? Ya pa, a ɲɛ̨i pili lɔiɠaa mɛ̨i, da nu kanŋaa.

Mąątɛ̨nɛ̨ 27:6

Yiihu kɛa, ɲɛ̨́i aa tɛɠɛɓo ɲówóɠaa hu, diɛi tii daa mą́ą́tinɛ̨n daa doo gee hui, ŋą́ pɛli ɉɛɠɛɛɓo halááɠaa kulɔi ɲəi bɛlɛ́n; gɛ́ Yai-Laa mąąwiɛ wələ too.

Mąątɛ̨nɛ̨ 28:7

Yai-Laa ɓə gaa a mą́ą́kɔ̨nwɔ̨ hįi, da mą́ą́kpɛ hémé; ŋą́ gílitɔɔ mą, ə mą́ą́kpɔnmąą ɓo, gáá pilii yələi a kwəinɛ̨ɛ̨, gɛ́ ɉɛɠɛɛɓo a wələ.

Mąątɛ̨nɛ̨ 9:2

Yai-Laa, gáá ə́ hɛɠɛɛɓoi, gwə́i tɔ̨nɔ̨ mɛ̨i, gaa pai ə́ kɛ mɛ̨nį ɲɛ̨i kɛnɛ̨ɛ̨ɠaa kəlee hu kulɔ.

Mąątɛ̨nɛ̨ 92:4

diɛ doo a wələ, bɛlɛgwəi, gwɛnįn, da kɛɛ di ɓo mu.

Azaya 61:3

Nuąi haa aa too diɛ Siɔn daai, ə gɛ: ŋį́ di wɔ mąąwɛli mąąhvalin a mąąwiɛ, ŋį́ di wɔ háá wɔlɔ ɓoɔ mąąhvalin a kwəinɛ̨ɛ̨ wulɔ, kwəinɛ̨ɛ̨ kulɔ həɠə tɛɛ mɛ̨nį ɓa di pɔ, a mɔ̨nɔ̨ mįi həɠə mąąhvalin. Di kaa pai di laa heei a, tələnmo wulu, Nwuluɠaai Yai-Laa ə di hin a ɲɛ̨i ponɔ̨ mɛ̨nį.»

Ɉeremi 31:13

Mąą yələi tii, nɛ̨ɛ̨lɛa kaa pai kɛi mąnąai, di ɓo di nɛɛ hu. Ɉilɛlɛa, da ɉulɔgoloɠaa kpɛli mąn, gáá pai di wɔlɔ woo mąą pənəi a kwəinɛ̨ɛ̨. Ŋą́ di kpɛgbɛn mo, gɛ́ di kwəinɛ̨ɛ̨ mɔ̨nɔ̨ mį́i pulu.

Ɉeremi 33:11

kwəinɛ̨ɛ̨ wələɠaa mɛ̨n ɉii laa, da yɛlɛ wooɠaa, nɛ̨ą həɠə mun nwɔ wələ woo yɛ tɔɔ. Hilɛtai nɛ̨ɛ̨nu nwɔ mąną kaa tin yɛ tɔɔ. Nuąi pai a hɛɠɛɛɓo halááɠaa Mɛ̨nį Kəlee ŋą Hééɓomun Yai-Laa yəi bɛlɛ́n, di wɔ hvɛ́li woo yɛ tɔɔ laa, diɛ kɛ mą: 'Ká Yai-Laa Kɔlaɠa Nwun Ną́mu laa too a wələ, mąąhɔlɔɓo, nwɔ mɛ̨nį lɛlɛɛi, nwɔ wɛlikɛmąąlaa ɲɛ̨n deei hvo mą. «A tɛ̨ą, ŋą́ pənə ŋą́ nɔi ŋɛ̨i tɔɔ, ə pənə ə kɛ yɛ bələi ə kɛ la tɔlɔɔ. Ɲą́ą́ Yai-Laa nwoo li.»

Lonon mo 10:10

Ka wɔ hɛli hvólóɠaa, da ka wɔ ɲąnin nįnɛ̨ nwɔ hɛliɠaa, a wala kɛ tii hɛli mąąwiɛi takpɛliɠaa hu, ɓɛlɔwai ka kɛi haláá hɛn gələn na, kaa nɛ̨ɛ̨yɔwɔ laa haláá kulɔ, ka dúlúɠaai tii hvɛɛ, ə gɛ ka ka nąą kili too la Yai-Laa ka wɔ Yálái ŋą. Ɲą́ą́ Yai-Laa ka wɔ Yálá.»

Maafîu 21:15

Mɛ̨nįɠaa tii Jesus ə gɛ Yálá hee pɛlɛ́ mu da tomąi tii nɛapəlɛɛɠaa di kɛi mo, diɛ kɛ mą: «Mąąwiɛ kaa Davidə Lon ma!» Yili ə nwąną ɉaláá laa həli nuą nwun nąmįną da dɔ́n galamɔ̨ɔ̨ɠaa diɛ.

Maafîu 21:9

Nu kpului tii kɛ bulu pələ da dɔwɔ pələ di kɛi tómą diɛ kɛ mą: «Mąąwiɛ ə kɛ Davidə Lon ɓa. Nui ŋɛ̨i gaa pai Ną́mu laa hu, lúwɔ́ ə kɛ mą. Mąąwiɛ kaa Yálá ɓa yələkɔlɔn ɉu!»

Ɉaan 16:22

Bələ kpɔlɔ ɓə ka káá la yiihu. Kɛlaa, ɓɛlɔwai gu kaa pai pənəi gu gu kee kaa la a nįnɛ̨, ka kwəi a nɛ̨ɛ̨, nu ta hva pɛli gwəinɛ̨ɛ̨i tii kulɔi ka yəi.

Ifisiɛŋ 5:19

'Ká kɛ Yálá mąątɛ̨nɛ̨ wooɠaa ɓoi gee ɓa, 'káá Yálá laa tɛ wələɠaa too, da kalan nwələɠaa, 'ká kɛ wələɠaa tooi káá gu Nąmu laa tɛ la, a ká lii kəlee.

Zĩi 5:13

Ká ta kaa mɔ̨nɔ̨ mį́i? Ə Yálá hvɛli. Gwəinɛ̨ɛ̨i? Ə Yálá mąąwiɛ wələ too.

Samuɛlə dɔlɔɔ 4:5

Pai tii di mo a Yai-Laa nwɔ mįnɛ̨ kəhii ɓɛi gɔ́ ə kɛ laa, Israɛlə nuą di tomą a kwəinɛ̨ɛ̨ a di woo kɛnɛ̨, lɔi yɛ kpɛlin.